YOLO

營業中

休息中

這間餐廳服務態度非常惡劣，要求斟杯熱水，話啲杯洗晒冇杯！問佢攞隻碗要叫三次！食物水平非常一般～講真未食過真係唔使試！只有一次唔會再有下次～所有食物擺盤猶如茶餐廳！上枱食物唔熱，隻雞全部冇斬開，豬手上碟炒埋一碟，叫套餐餸送甜品見到隔離係芒果雪糕，最後俾我係哋雲呢拿，我問點解佢又話每日唔同，跟住我話啱啱隔離食芒果喎，跟住又答我隨機，根本就係亂咁答，咁樣嘅質素區內客都會俾你趕走晒⋯⋯真心唔想執笠真係要好好諗諗點樣做返好

上次去食，見到餐牌上另一款野食都好吸引，所以今日再去~脆豬皮青瓜沙律青瓜好硬阿😫~串燒（豬，雞各一）好香好好食😋～軟殼蟹鹹蛋黃卡邦尼意粉軟殼蟹炸得好香脆意粉有淡淡鹹蛋味仲要好夠熱，好好食👍🏻～生薑蜜糖烏龍茶正常味道

今日外出搵食發覺左哩間野，見價錢都ok，就入左去試吓叫左個一人餐~泰式沙律、蝦餅兩樣都好食👍🏻~炭燒肉眼牛扒配薯菜（薯條加沙律菜）牛扒都淋，不過有梳打粉味薯條較硬~香橙檸檬烏龍正常味~雲呢拿雪糕好食👍

喺佢剛開嘅時候已經幫襯，佢嘅西餐係好食，飲品水準高，而且價錢合理，服務人員亦熱心。見佢由起初好靜，到開始多人幫襯，心底真心替佢開心。後來，唔知咩原因，餐廳變成泰菜，服務人員超hea 成日傾計，晚餐質素尚算可以，間中都會外賣返屋企。但下午時段呢，堂食，感受到服的人員同食物水準好似爭少少。今午餐廳人唔多，叫咗個海南雞飯加凍白咖啡，海南雞飯發揮算正常，但啲雞無徹底切好！ 我想講個重點係，杯凍白咖啡，簡直離譜，係一杯咖啡水，咁都沖得出比客飲，其實係咩一回事呢？

堂食過3次，其實覺得幾好食同抵食，第一次食嗰時係有個女侍應係幾好人又好禮貌！但其餘2次都要受氣！一次係第二個年輕女侍應；一次係一個高嘅男仔態度好串！以後都要考慮一下仲嚟唔嚟幫襯😤

間舖頭喺角落頭近電梯，唔係太顯眼，亦都個名你唔望真啲個menu 你唔知道佢係泰國菜。與其話啲嘢食係泰國菜，我覺得係叫做泰國fusion菜。兩個人食個晚市大約$250有找 。喺香港夜晚兩個人想坐得舒服少少食個晚餐，呢個價錢叫做好抵食 。裏面啲嘢食嘅款式，我覺得都叫做選擇比較多 。相對於主菜，我覺得小食嘅比較好食嘅。如果人多嘅話可以一齊叫多幾款share。整體嚟講我覺得嘢食水準係可以，服務態度亦都唔錯不過可能要耐心等候一下有時候見到waiter人比較少需要啲時間等待 。

見到新都城廣場新開一間泰國fusion菜作為泰國菜嘅狂迷，梗係即刻去試吓個環境好光猛好舒服，因為新開所以所有嘢睇落都超級乾淨已經好加分今次係lunch time過嚟食叫咗一個青咖喱吉列豬扒飯嚟到真係嘩咗出聲個吉列豬扒仲大過我個頭青咖喱味道都好正，好重椰汁味呢個價錢嚟講真係冇得頂另外叫咗一個海南雞拼豬手飯海南雞夠滑 豬手又滷得夠入味幾十蚊嚟講真係物超所值每個飯餐都會跟一杯熱飲或者凍飲呢間嘢將會成為我另一個飯堂😆

經過睇到個餐牌好吸引，好平，依家竟然仲會有$39一餐飯！二重奏揀左海南雞同無骨豬手，現場見好多人都揀海南雞，佢有骨定無骨我都冇乜所謂，好食就得👍🏻 仲要油飯，醬都比足，份量都足！咖哩揀左吉列豬排，都算大塊，但切條會好啲，我切到皮肉分離，破壞左佢賣相😂 啲肉同平時食既吾同，好淋好易咬。野飲飲左白咖啡同蜂蜜柚子，同平時一樣好味。整體黎講，可以做飯堂👍🏻

20:45 last order，仲要強行上甜品，甜品仲要係雪糕。成枱都係野，點食甜品呢？ 上甜品仲要無餐具。 態度決定一切，一句唔好意思都冇，明明甜品雪糕有兩隻味，都要態度極差話冇得揀，冇得揀都唔緊要說話技巧好啲就得。

呢間食店由西餐轉泰國菜，本身西餐就做得唔好，所以要轉型，以為請咗一個識煮泰菜嘅師傅，點知係亂咁嚟，完全唔用心做餐廳。機會只係比咗一次，中伏，以後都唔會再幫襯，同佢嘅餐廳名一樣you only live once, 應改名「you only dine in once」。馬拉盞炒通菜，喊到飛起，根本就唔係用馬拉盞去炒，用咗一啲類似豆瓣醬嘅東西加一啲喊到死嘅嘢一齊炒，而且係非常非常之油膩，根本係食唔到，我叫侍應比一杯暖水，洗咗啲鹹味及油先至可以食到碟菜😱😱😤。個廚師嘅味覺係咪有問題？最後我睇返食評，之前已經有人話呢個通菜好鹹，呢個餐廳完全都冇睇吓喺OpenRice嘅食評而作出改善，非常唔掂。另外叫咗一個蘑菇忌廉湯，來的是「忌廉忌廉湯」，蘑菇只有5%，忌廉是95%，成碗放在面前是一杯牛奶一樣的白色，我只有將兩碗湯都退了。今晚只有一個燒牛扒是可以的，總括我今晚嗌了三樣食物，只有一樣可以，命中率是33%，非常低。一間餐廳做唔住，轉型之後都冇用心去做，仲可以持續多久呢？😤😤😤

🤑價錢約$100-200🪑坐得幾闊落 星期日去唔洗點等位 店內仲有d芒草擺設 同埋舖滿草的牆 Ⓙ 無骨海南雞飯 $73🐤雞肉好嫩滑 但油飯偏鹹少少 仲送個湯Ⓙ 香辣肉碎煎蛋飯 🍳 $73呢個幾香口 而且辣度適中以上跟餐都有杯野飲 可揀玫瑰伯爵茶/凍柚子蜜 今次試ge茶 仲用上twinings茶包👍🏻另外加錢配左杯泰式奶茶都幾唔錯😋

食物評價:❌本人非常唔推薦豬頸肉炒飯 (蝦醬太多, 攪到成個炒飯好咸)✅無骨海南雞飯、軟豬軟骨飯同埋冬蔭功雞排意粉都推薦試下！但冬蔭功雞排意粉有啲辣, 但帶有啲啲甜。如果本身接受唔到又辣又甜既食客, 個人非常唔推薦環境評價:整個環境都比較舒服和闊落, 加上枱與枱之間有適當距離。本人第一次入去餐廳仲以為係食西餐, 真係畀到一種舒服簡單帶一啲啲情調既感覺 (只係個人感覺)服務評價：整體服務都係Nice

YOLO是泰式fusion菜，餐牌上有4人餐的選項，就不假思索的點了這個套餐。4人餐包含了大頭蝦冬蔭公湯，無骨鳳爪，無骨豬手，大燒烤拼盤，牛排，馬拉盞炒通菜。我們另加一客菠蘿炒飯。燒烤拼盤有咸蛋黃單骨雞翼8件,燒雞肉和豬肉各2串,燒蕃茄,泰國酸辣肉腸,泰式沙律,炸蝦餅及蕃薯條。 除了沙律，燒烤拼盤的燒物及炸物放在一個high tea般的層架上菜，賣相怎為吸引。可惜食物一入口，就大失所望，除了沙律，蕃茄和辣肉腸，所有燒物和炸物又乾又硬。馬拉盞炒通菜超級鹹，還好我們有點炒飯可以配著吃，空口的話，根本吃不下去。大頭蝦冬蔭公湯是裝一個花辦形的容器內。味道尚可，但份量極細，四個人居然分不到一碗湯，湯料除了一隻蝦外都是香茅，飲到成口渣。無骨鳳爪不是很辣，也不夠酸。牛排的肉質乾韌，明顯煎過火了。無骨豬手，皮煙韌且肉軟腍，是整個套餐最好吃的一道菜。忘記了飲品的名字，只記得飲品有大量香茅，又飲到成口香茅渣。YOLO裝潢和擺盤都好看，絕對是IGable，很可惜食物大部分好睇唔好食。

星期日都有lunch set，一行四人叫咗兩個lunch set另外散叫其他嘢食。Lunch set 叫咗青咖喱雞飯同埋牛扒沙律。咖喱雞肉同牛扒都嫩滑👍Set可以加配小食，加咗酸辣鳳爪同埋蝦餅，都好食😋另外散叫咗：馬拉盞炒通菜-炒得好香好爽脆👍小食大拼盤-有咸蛋黃雞翼、雞豬串燒、蝦餅、薯條、辣腸👍柚子沙律-個汁調得好味，如果有埋大蝦會更好芒果糯米飯配椰子雪糕-芒果稍酸整體嚟講性價比高，埋單大約$650。坐得舒服，會再嚟👏

周未同朋友打完波到新都城搵食，見到呢間cafe 環境唔錯，唔使等位，星期六都有下午茶供應。坐抵睇下餐牌，下午茶供應都係粉面飯 剛好打完波肚餓，如果唔係真係唔知食咩，建議餐廳加多D小食餐，甘下次可以輕食下午茶。我地3人各點左冬蔭功豬頸肉意粉、海南雞飯、吉列豬扒配泰式沙律。份量十足冬蔭功豬頸肉意粉: 味道幾特別，配搭幾好呀。不過豬頸肉有D乾。海南雞飯朋友話係正常發揮。都要再講份量唔似下午茶吉列豬扒配泰式沙律應該正名,吉列豬扒配雜菜沙律，朋友本以為有泰式風味，例如係木瓜沙律。 飲埋餐飲凍香茅檸檬梳打，好滿足既一個周未下午!