One & A Half

營業中

休息中

諗住喺yoho睇戲前食啲野先喺商場兜左個圈 本身喺門口睇緊個menu侍應介紹話而家意粉半價 見都幾抵就揀呢間啦🫢入座時侍應有問想坐室內/外 但我地唔想俾蚊咬 所以就揀左室內不過室內就得番一張係角落頭既位有少少似比員工食飯既枱 感覺就爭啲😮‍💨我地兩個人叫左一個set 另加意粉同飲品 埋單$300～同好多餐廳一樣都係手機落單落單後野食10分鐘左右已經送晒黎😂Dinner set包左沙律 生果 茶碗蒸 餐湯主菜揀左日本醬油漬蛋香蔥拖羅腩碎飯記得之前黎食茶碗蒸好似係大個啲啲既今次縮左水有少少失望 而餐湯之前係番茄濃湯 今次係普通麵豉湯 仲要好淡味 都係有啲失望個飯食落就正常 無乜特別 啲豉油偏咸 唔加會好食啲意粉叫左和風醬油漬蛋卡邦尼意大利粉食落口感適中 唔會太淋太硬 味道都可以份量偏少 不過價錢半價左所以呢個份量都可接受既另外叫左杯玫瑰蜜桃蘋果茶 要成$40結果只得個茶包🥲🥲🥲 本身expect會係好靚咁🥲

呢度嘅環境好舒適，氣氛都好好，係一個好適合約會或者聚餐嘅地方。我嘅餐點經驗都好好，其中最令我印象深刻嘅就係佢哋嘅黑松露蛋黃醬親子雞扒配蕎麥麵。個雞扒煮得好嫩，啱啱啱好食嘅蕎麥麵又夠彈牙，加上香濃嘅黑松露蛋黃醬，實在係一個絕配！另外，呢度嘅提拉米蘇炸彈蛋糕同芒果糯米炸彈蛋糕都好好食。個炸彈蛋糕夠鬆軟，再加上啱啱啱好食嘅內餡，味道好正！餐廳員工嘅服務都好好，佢哋好有禮貌，好友善，令我嘅用餐體驗更加愉快。餐廳嘅價錢都好合理，性價比都好高

📍One & A Half (元朗)元朗元龍街9號形點1期2樓2058號舖今日想去YoHo行下 於是OpenRice覓食-是日餐湯足料餐湯🤤-Brunch Bento 羽衣甘藍雜菜沙律,涼菜小碟, 茶碗蒸, 月見燒雞肉棒, 日本味噌燴牛肉, Saku Saku醬油漬蛋飯-Brunch Bento 羽衣甘藍雜菜沙律, 涼菜小碟, 茶碗蒸, 日式炸蟹鉗, 和風芝士漢堡扒, 明太子紫菜飯 有水準嘅便當 有別於一般傳統便當油膩感精緻又美味👍🏾-日式兒童便當餐 日式炸蝦(蕃茄意粉）絕對係營養均衡嘅兒童餐👍🏾-Mocha-Cappuccino-是日甜品 冰凍帶點酸酸甜甜 幾特別食物味道 真心唔錯 但職員有待改善 食物多次出錯Order橙汁變咗蘋果汁 隔離枱嘅餐 又放我哋枱 男侍應放低個餐果刻 我：呢個餐係？應該唔係我哋點㗎喎？但係佢冇理我繼續擺低就行開隔咗幾分鐘先返嚟拎走🙄未食完 問都唔問 就伸手成盤野拎起🙄其實我都係食咗半個鐘頭左右姐👉🏾👈🏾🌟 整體用餐體驗🌟🌟餐廳環境( 4/5):整潔乾淨
🌟餐廳服務 ( 2/5):QR code落單/職員待改進
🌟食物種類 ( 4/5):精緻便當👍🏾🌟食物味

野食正常ok，服務好差，menu啲紙超級舊。我哋選擇咗坐出邊位。女侍應全程黑面，我朋友都話以為我哋爭佢錢。第一次差啲要自己斟水，第二次飲完，都係friend行過去攞水壺自己斟，真心唔好意思要麻煩佢。一人一張紙巾都唔夠，都唔好意思問佢攞，全程自己服務自己，仲要俾10% service charge，真心失望。想叫職員幫手影張pic紀念下，好難搵到人，最後都係放棄咗，商場shopping mall有好多可以選擇嘅餐廳，有時間，不妨惗惗。

有一次一個人係yohomall揾緊晚餐，見到呢間One&A Half 個Dinner set 幾抵食，到左門口服務員又幾好態度同介紹個Menu比我，所以决定入去試下！先講環境有室外室內，佈置得簡潔令人幾舒服😌之後我叫左個set 蒲燒鰻魚醬油漬蛋飯$158前菜有一份沙律菜個沙律汁好開胃蒸蛋材料多，一D都吾孤寒主菜鰻魚好好食！鰻魚肉感厚身，又有魚油香配埋燒汁甜味同紫菜，每一啖都好滿足！😍😍😍總結一個餐包4樣嘢，有前菜沙律，小食蒸蛋，主菜鰻魚飯，加埋生果做甜品份量好足夠，價錢又唔算太貴，環境舒適可以值得一試👍🏻

平時都經常去元朗搵食，今日因為落雨，所以去Yoho行下兼食晚飯。.記得呢間One & A Half之前試過佢地的雪糕都幾香滑，今次來到見仍有位於是就入去試dinner。.餐廳主打西日fusion菜式，裝修走高格調，環境都幾舒服，不過枱面位置略窄，入座時間尚早仍有好多位，但已經安排其他客人搭枱坐埋嚟，雖然枱中間有隔板但覺得仍有點壓迫，感覺唔太好😕食物方面，叫咗1個Dinner Set($128)、1個Dinner Bento Set ($188) 再加一款甜品.兩款Dinner Set都包是日餐湯同飲品，湯係麵豉湯，清清地，正常發揮；飲品有好多選擇，但我地都揀咗唔駛加錢的冰果茶，唔會太甜，ok1.Dinner Bento Set成個set上枱時感覺好豐富，亦好多顏色好吸引😍入面有：羽衣甘藍雜菜沙律、涼菜小碟、茶碗蒸、月見燒雞肉棒、野菜奶油三文魚、明太子紫菜飯、生果及甜品：迷你味噌焦糖蘋果醬新地❇️沙律菜新鮮，但似乎只得平時常見的火箭菜、紫椰菜，唔多覺有羽衣甘藍❇️涼菜小碟係蓮藕片，甜甜地，好好食❇️茶碗蒸份量只得半碗，蛋都滑的但配料就比較少，只得一兩片菇同蟹柳❇️月見燒雞肉棒入面有蛋黃汁流出，入

一個月前約好咗個幾年無見嘅元朗朋友 （因疫情關係）上星期六食晚飯，可惜天有不測之風雲，落狗屎，我哋唯有去 Yoho 搵食。由於我朋友鐘意食日式而我就比較鐘意西式，我哋四圍逛，見到一間 One & A Half 餐廳有日式同西式而且又唔使等位，於是就入去。可能果日落雨關係，雖然見到有露天雅座，但餐廳侍應除咗禮貌地問我哋幾位之外？見我哋望住露天雅座就話落雨安排你哋坐室內座位好嗎？由於我朋友比較喜歡吃日本魚生之類，佢諗都唔諗就點咗個日式油漬拖羅腩飯。我本人唔食生野，所以點咗個焗芝士卡邦尼意粉。我哋兩個都愛飲咖啡，就點咗兩杯熱 cappuccino. 由於我本人好鐘意食芝士，我點嘅芝士卡邦尼意粉啲芝士味好濃，落足重本嘅芝士，唔錯👍。我朋友話油漬拖羅腩啲拖羅好新鮮，有種咬入口即融感覺。唔知係咪我哋點嘅Cappuccino 係熱飲關係，侍應未放低已聞到好香咖啡味，入口一啲都唔酸。由於我朋友鐘意日式，而我比較偏向西式，呢間餐廳可以比到我哋兩個人各取所需，食物質素亦唔錯，果然正。埋單兩位加埋 $350左右，講真夜晚呢個價錢有個咁靚環境同唔錯嘅食物質素，而且坐得舒服又無趕我哋走，真係算抵，可以講話正價比

Happy Friday行完工地，忙裡偷閑到附近Yoho行下，順道搵間餐廳坐下，一入到餐廳，雖然門口幾窄，有位四眼哥哥仔都很貼身問我想坐室內或者室外，不知佢是否嗅到我有煙味，抵讚。坐低叫左個焗海鮮飯，熱到辣手，飯索晒芝士和海鮮汁，下午茶有點驚喜。最後叫左杯意大利coffee, 啡味較濃啱晒我，夠醒神，有種餘香幾特別，最後埋單晤使$100, 抵過坐太興，會再encore, 值得推介👍

餐廳主打日式西餐料理、甜品😋可以選擇室內同戶外位置用膳，餐廳環境舒適今次叫左2個晚餐定食同一個甜品☺️晚餐定食包左以下items是日湯品 | 羽衣甘藍雜菜沙律 | 茶碗蒸 | 生果 | 飲品💮湯品係麵鼓湯，正常發揮💮沙律好fresh，配上千島醬，好開胃💮茶碗蒸好多配料，有香菇、蟹柳、杏鮑菇等，蒸蛋火喉恰到好處，好滑溜💮飲品有生果茶同玄米茶揀，可以加錢升級飲品蒲燒鰻魚醬油漬蛋飯 $158鰻魚厚身又juicy，食既時候唔太食到細骨，鰻魚汁仲好足夠添。飯上面鋪左醬油漬蛋同紫菜碎用黎拌飯，即刻提昇左鮮味，口感都好豐富👍日本醬油漬蛋香蔥拖羅腩碎飯 $168 👑入口滿滿拖羅腩碎，入口即溶，吞拿魚味濃厚又新鮮，將飯上面既醬油漬蛋、紫菜同醬油拌飯，入口好有層次🫶每一啖飯都享受到拖羅腩既油脂烤棉花糖朱古力布朗尼焦糖香蕉牛角酥窩夫 $88呢個甜品睇個名都知道好豐富🤩有齊朱古力布朗尼、焦糖香蕉、烤棉花糖，面頭仲灑左糖粉，加埋都係絕配。窩夫好酥脆，棉花糖好可愛❤️係屎屎型既棉花糖

本來興致勃勃和家人一起到該店享受甜品，店員安排我們都接近Outside的位置就坐，由於天氣凍的緣故向店員要求把連接Outside的大門關上，後來一位戴眼鏡的男士侍應走到附近講咗一句「天氣有幾凍啊，就要閂門。」這是什麼？服務態度客人覺得凍連閂門都仲要俾人係背後講壞話，你講還講都唔好俾人知道啊，仲要係餐廳裏邊樓面唯一一個男性，如果係唔滿意我哋要求閂門其實可以幫我哋轉枱，唔係俾說話我哋聽。宜家要你閂門係唔係好影響？

放假晏就踩完單車，勁肚餓，即刻9 秒9 出yoho 搵野食，間間都要排隊，見到佢唔洗，加上一早已經想試佢既雪糕，就入去坐低左。有戶外同室內，因為夜晚比較大風，所以就揀左坐室內。我揀左晚餐便當，188 per person, 有前菜，沙律，主菜、漬物，飯、甜品同飲品。所以就變成味噌燴牛肉，醬油漬白飯，伴炸忌廉蟹肉薯餅，是日冰果茶，甜品係味噌蘋果醬既牛奶雪糕。味噌燴牛肉，味道有點鹹，不過牛肉炆到好林，一咬即化開，醬油漬白飯好味，有d 咸咸地既蛋黃同醬，撈一碗飯食哂岩岩好，炸忌廉蟹肉薯餅，食得出去出邊嗌貨嘅，味道正常啦！凍果茶有d 酸，同想像中細杯，感覺好hea,唔知乜味。雪糕味道幾好，有d 似食蘋果金寶咁，所以食甜品會較好。

因為看到餐廳有戶外座位，而且環境不俗，時間有點趕，所以決定試一試。來到的時間因為比較早，餐廳沒有人，我和朋友走進餐廳想視察下坐哪裏，突然有個男侍應大聲叫住我們，叫我們停步。語氣比較硬問我們多少人，然後叫我們坐在他指定的位置上。由於我們想坐室外，告訴他後，他也允許我們坐室外。那男的語氣態度比較趕客，未知是否是老闆才敢那樣對客人。食物方面，叫了一個漢堡扒和唐揚炸雞蕎麥麵午餐。漢堡扒口感有點像蒸肉餅，肉質比較實，吃的時候也差點忘了這是漢堡扒。醬汁的味道比較一般，只是賣相比較好。另一個唐楊炸雞蕎麥麵也比較普通，蕎麥麵的湯是淡淡的，一定要配合炸雞食才有點味道，沙律菜比較新鮮，值得一讚。加錢點一杯朱古力和Mocha，比想像中好，而且有拉花，打卡不錯。服務態度有待改善，否則以這樣的食物質素及價錢，客人還可以有更好的選擇。

1. 座位安排完全冇彈性，我地有一位bb，比左2張枱我地揀，一張就對住門口勁大風，一張就走廊轉彎位，問佢可唔可以將另一張二人枱拍埋坐入去，就話set死左唔可以郁，ok唔緊要2. Openrice book枱時寫左甜品要寫生日快樂，入座前都同佢地confirm左，見到佢個便當set有埋甜品就叫左，點知到上甜品既時候冇寫到，我地就同佢地講話request左寫生日快樂，佢地傾完一輪之後走過黎話要單點一個甜品先有得寫，如果係咁既點解唔一早講，到我地叫好哂上甜品先解釋？3. 到埋單既時候，佢地話要出面埋，我行到去，有位女同事叫我等一等個收銀，我就等，個收銀一路就同佢另一位同事train緊啲甜品既宣傳照要點影，我見唔對路，就提一提佢我想埋單，佢答我知道等一陣，咁我就再等，但佢就繼續train個同事，完全冇意欲停低幫我埋單，最後真係忍唔住，要再重申我要埋單佢先肯停

呢間野只可以用一句「可一不可再」😔黎形容，員工冇禮貌，由入坐比份menu我，落order用QR code落又唔講，個客實知喇，去茶記個客坐底都有杯水呀，呢間野d侍應帶左你埋位就理得你。上餐係用「掉」黎形容，d侍應態度仲衰過茶記。完全冇service 可言。如果野食好食的話，都仲可以勉強接受。可惜唔係囉😰未試過既，想去試既。可以參考下其他人既評論。如果話劣評可以係假，好評都可以比錢買。試定唔試，自行決定。P.s: 本身都好少會寫食評，今次真係忍唔住。

今日同男朋友去元朗行街，去左形點I覓食。最後揀左「One & A Half」🤩店員安排左外面位置比我哋👇🏻夜晚好有氣氛！每張枱都放有一隻小燈座，感覺昇華咗呢到用QR Code落單，方便快捷，適合我呢啲唔敢講野既人🤣🤣我哋叫左2個主菜、2杯野飲、1個小食👇🏻1️⃣大蝦油漬蕃茄香草軟芝士意大利粉味道🌟🌟🌟🌟賣相🌟🌟🌟🌟食後感:芝士味唔太濃唔會覺得好油膩，味道幾似肉醬意粉🤣可能因為我中意食肉醬意粉，所以覺得好正，廚師勁細心，啲蝦已經剝左殼，咬走個頭同尾就食得👍🏻👍🏻2️⃣日本味噌慢煮和牛面頰配蒜香薯蓉味道🌟🌟🌟🌟賣相🌟🌟🌟🌟食後感:薯蓉配左蒜之後勁好食😍😍同埋好creamy！！如果有得單點薯蓉一定會叫多份🤩牛面頰唔會好難咬，口感超正，不過味道我未到好中意(但男朋友力讚😂)3️⃣黑松露炸薯條味道🌟🌟🌟🌟賣相🌟🌟🌟🌟食後感:同出面黑松露薯條唔同就係佢哋比左勁大兜黑松露醬可以條條薯條都點好多醬！同埋係幼薯條🍟比起粗薯條好食好多👅4️⃣士多啤梨梳打5️⃣3.6牛乳奶昔味道🌟🌟🌟賣相🌟🌟🌟食後感:士多啤梨梳打味道濃郁，鍾意士多啤梨嘅可以嗌杯試下！3.6牛乳奶昔好重雲呢拿味，啱曬我呢啲中意食甜野嘅人士！整體嚟講，全間餐廳嘅