影片
更多
2023-03-28
418 瀏覽
平時都經常去元朗搵食，今日因為落雨，所以去Yoho行下兼食晚飯。.記得呢間One & A Half之前試過佢地的雪糕都幾香滑，今次來到見仍有位於是就入去試dinner。.餐廳主打西日fusion菜式，裝修走高格調，環境都幾舒服，不過枱面位置略窄，入座時間尚早仍有好多位，但已經安排其他客人搭枱坐埋嚟，雖然枱中間有隔板但覺得仍有點壓迫，感覺唔太好😕食物方面，叫咗1個Dinner Set($128)、1個Dinner Bento Set ($188) 再加一款甜品.兩款Dinner Set都包是日餐湯同飲品，湯係麵豉湯，清清地，正常發揮；飲品有好多選擇，但我地都揀咗唔駛加錢的冰果茶，唔會太甜，ok1.Dinner Bento Set成個set上枱時感覺好豐富，亦好多顏色好吸引😍入面有：羽衣甘藍雜菜沙律、涼菜小碟、茶碗蒸、月見燒雞肉棒、野菜奶油三文魚、明太子紫菜飯、生果及甜品：迷你味噌焦糖蘋果醬新地❇️沙律菜新鮮，但似乎只得平時常見的火箭菜、紫椰菜，唔多覺有羽衣甘藍❇️涼菜小碟係蓮藕片，甜甜地，好好食❇️茶碗蒸份量只得半碗，蛋都滑的但配料就比較少，只得一兩片菇同蟹柳❇️月見燒雞肉棒入面有蛋黃汁流出，入
.
記得呢間One & A Half之前試過佢地的雪糕都幾香滑，今次來到見仍有位於是就入去試dinner。
.
餐廳主打西日fusion菜式，裝修走高格調，環境都幾舒服，不過枱面位置略窄，入座時間尚早仍有好多位，但已經安排其他客人搭枱坐埋嚟，雖然枱中間有隔板但覺得仍有點壓迫，感覺唔太好😕
食物方面，叫咗1個Dinner Set($128)、1個Dinner Bento Set ($188) 再加一款甜品
.
兩款Dinner Set都包是日餐湯同飲品，湯係麵豉湯，清清地，正常發揮；飲品有好多選擇，但我地都揀咗唔駛加錢的冰果茶，唔會太甜，ok
1.Dinner Bento Set
成個set上枱時感覺好豐富，亦好多顏色好吸引😍
入面有：羽衣甘藍雜菜沙律、涼菜小碟、茶碗蒸、月見燒雞肉棒、野菜奶油三文魚、明太子紫菜飯、生果及甜品：迷你味噌焦糖蘋果醬新地
❇️沙律菜新鮮，但似乎只得平時常見的火箭菜、紫椰菜，唔多覺有羽衣甘藍
❇️涼菜小碟係蓮藕片，甜甜地，好好食
❇️茶碗蒸份量只得半碗，蛋都滑的但配料就比較少，只得一兩片菇同蟹柳
❇️月見燒雞肉棒入面有蛋黃汁流出，入面雞肉肉質都幾嫩滑多汁
❇️野菜奶油三文魚，除咗有三文魚粒，亦有幾款不同蔬菜同翠玉瓜，最欣賞個汁，奶油味好香濃但又唔會覺得好膩，好好味，用來送飯亦一流！😋
❇️明太子紫菜飯係另上，白飯上面舖滿紫菜絲，中間放上明太子，明太子辣辣地但又唔會好咸，撈埋紫菜同飯一齊食香口又惹味，飯的份量亦足，唔錯！👍🏻
❇️生果有哈蜜瓜、士多啤梨同藍莓，份量唔多但每款都幾甜
❇️甜品：迷你味噌焦糖蘋果醬新地，呢個set入面揀咗唔加錢的甜品，入面係雲尼拿雪糕，比起一般的較甜，上面舖滿焦糖，中間係味噌蘋果醬，蘋果醬香甜但唔係好食得出味噌味。呢款甜品用個小杯裝住，初時以為好少，但食落份量其實都唔算少
2.Dinner Set
餐湯、茶碗蒸、羽衣甘藍雜菜沙律同生果都係一樣，主菜就揀咗黑松露蛋黃醬親子雞扒配蕎麥麵。雞扒外皮炸得夠脆，肉質亦夠腍同入味，不過只食到蛋黃醬食唔到黑松露
3.糖漬栗子十勝紅豆麻糬（$58）
栗子同紅豆都係我喜愛的甜點，見到枱面上餐牌做緊呢款甜品推介，加上比較少地方有呢款甜品，當然要試一試
最頂層見到有半粒栗子，旁邊有紅豆，兩款都夠甜又夠腍，下面有我至愛的栗子蓉，好香滑。再下面黃色的一片係蛋糕，蛋糕唔太甜，夾埋上面的栗子同紅豆一食齊就剛剛好。另一重點：最底層的麻糬，放滿成個碟底，好煙韌軟糯，好食！👍🏻
總結：整體食物質素唔錯，可以一次過試幾種唔同款式食物，加埋甜品食得好飽！🈵️
張貼
