影片
更多
2023-03-27
146 瀏覽
一個月前約好咗個幾年無見嘅元朗朋友 （因疫情關係）上星期六食晚飯，可惜天有不測之風雲，落狗屎，我哋唯有去 Yoho 搵食。由於我朋友鐘意食日式而我就比較鐘意西式，我哋四圍逛，見到一間 One & A Half 餐廳有日式同西式而且又唔使等位，於是就入去。可能果日落雨關係，雖然見到有露天雅座，但餐廳侍應除咗禮貌地問我哋幾位之外？見我哋望住露天雅座就話落雨安排你哋坐室內座位好嗎？由於我朋友比較喜歡吃日本魚生之類，佢諗都唔諗就點咗個日式油漬拖羅腩飯。我本人唔食生野，所以點咗個焗芝士卡邦尼意粉。我哋兩個都愛飲咖啡，就點咗兩杯熱 cappuccino. 由於我本人好鐘意食芝士，我點嘅芝士卡邦尼意粉啲芝士味好濃，落足重本嘅芝士，唔錯👍。我朋友話油漬拖羅腩啲拖羅好新鮮，有種咬入口即融感覺。唔知係咪我哋點嘅Cappuccino 係熱飲關係，侍應未放低已聞到好香咖啡味，入口一啲都唔酸。由於我朋友鐘意日式，而我比較偏向西式，呢間餐廳可以比到我哋兩個人各取所需，食物質素亦唔錯，果然正。埋單兩位加埋 $350左右，講真夜晚呢個價錢有個咁靚環境同唔錯嘅食物質素，而且坐得舒服又無趕我哋走，真係算抵，可以講話正價比
由於我朋友比較喜歡吃日本魚生之類，佢諗都唔諗就點咗個日式油漬拖羅腩飯。我本人唔食生野，所以點咗個焗芝士卡邦尼意粉。我哋兩個都愛飲咖啡，就點咗兩杯熱 cappuccino. 由於我本人好鐘意食芝士，我點嘅芝士卡邦尼意粉啲芝士味好濃，落足重本嘅芝士，唔錯👍。我朋友話油漬拖羅腩啲拖羅好新鮮，有種咬入口即融感覺。唔知係咪我哋點嘅Cappuccino 係熱飲關係，侍應未放低已聞到好香咖啡味，入口一啲都唔酸。
由於我朋友鐘意日式，而我比較偏向西式，呢間餐廳可以比到我哋兩個人各取所需，食物質素亦唔錯，果然正。埋單兩位加埋 $350左右，講真夜晚呢個價錢有個咁靚環境同唔錯嘅食物質素，而且坐得舒服又無趕我哋走，真係算抵，可以講話正價比高啦。
我哋本來想食埋個甜品，見到人哋叫好吸引，但主菜對我同朋友嚟講份量好充足，可能我哋女仔比較細食，於是今次放棄甜品。不過朋友就話我哋下次約 tea time 再食過呢間餐廳，咁就無咁飽可以食埋佢個甜品😋。
下次同 friends 入元朗我都會再幫襯，仲打算約多兩三個 friends 一齊share 唔同菜式同甜品，咁就就可以一次過試多幾款食物同甜品啦。
因為同個朋友太耐無見，我哋一坐低掛住吹水，吹下吹下食到一大半我朋友突然話無同食物拍照📷😳，我話掛住吹水真係唔記得咗，下次啦，到時影甜品。
張貼