One & A Half

營業中

休息中

餐廳有out door，而家秋天就岩哂加上室內唔算好大，out door反而就無咁焗，但位置比較小，早小小去會有機會坐。食物方面 叫set最抵食 $168 有沙律，湯，飲品，主食，飯，生果，甜品性價比都算高而食物味道比想像早好食，最有驚喜係個飯同埋甜品 但唯一唔好就係店員一入去無講明有最低消費而我地落完order有問店員有無最低消費，佢只係答左句「有」就走左，想問下幾錢都問唔到 因為我地3個女仔 叫2個set都食唔哂，點知食到最後 有個應該經理先行埋黎話要叫多樣野 我地都勁無奈，會覺得如果一早請清楚比較好，唔係要客人開口問

有一次就blogger 介紹先知原來yoho有呢間餐廳😹本身唸住食lunch 點知點點下餐過咗時間搞到變咗食tea👻但店員根本冇提我地要唔快啲點餐搞到成個人有啲嬲咗😾好彩餐廳嘅環境同食都唔錯先落返啖氣😌🔺黑松露蛋黃醬唐揚炸雞沙律🥗$58黑松露味都重嘅,而炸雞其實係炸雞扒🐣雞係嫩嘅同埋冇雪味🙌🏻但問題黎啦!!沙律汁整到啲雞而沙律汁係鹹嘅搞到炸雞有啲鹹😩而沙律就正常啦,沙律汁係日式嘅沙律汁~🔺忌廉煙三文魚意粉 $68呢個意粉加返分😳意粉上面有一至兩塊煙三文魚,而意粉裏面都有煙三文魚同菇🫶🏻真係啖啖都有三文魚😻忌廉汁唔係好濃完全唔會膩🤭🔺芒果糯米炸彈蛋糕🍰$88見到啲相好靚就想叫🤣外面黑色係黑芝麻雪糕,切開裏面有一嚿嚿嘅麻糬😚而入面仲有蛋糕,Cream同芒果🥭整體都係夾嘅同埋好特別,值得一試😉🔺涷朱古力好搞笑係用啤酒杯🍺而朱古力就正常,朱古力味都好夠🤪

🐾Brunch 便當 （$168）💛💛💛💛🖤呢個便當非常多選擇！本身就包左涼菜、茶碗蒸同埋沙律，前菜同主菜我地就揀左忌廉蟹肉薯餅同埋唐揚雞排配松露蛋黃醬，飯就揀左日本醬油漬蛋飯。 整體好都好好食，茶碗蒸蛋非常滑溜；唐揚雞排皮薄肉嫩；個飯同某角飯有些少相似，所以係唔會伏既。🐾手撕牛小排蘑菇燉飯 （$148）💛💛💛💛🖤份量啱啱好，上面嘅手撕牛小排醬汁好濃，撈埋下面香噴噴嘅蘑菇忌廉risotto一齊食非常夾！飯粒少少硬，非常creamy，個人覺得係十分唔錯既risotto。🐾提拉米蘇及咖啡啫喱炸彈蛋糕（$88）💛💛💛💛🖤賣相好靚！外層係好似雪糕咁雪硬左，裡面係有咖啡啫喱嘅tiramisu，仲有咖啡厥餅同朱古力脆脆做伴碟。全部嘢一啖食落去完全唔膩，亦唔會好甜，tiramisu味好出。✨Outdoor 座位好chill✨出餐速度快整體推薦指數：💛💛💛💛🖤

呢日收工又係Yoho搵食，之前試過呢間雪糕好正，今次就來試下dinner set😎.🍱和風芝士煎蛋漢堡扒吉列大蝦配飯 $148🍱日本醬油瀆蛋香蔥拖羅腩碎飯 $168🍹 冰果茶🍹 玄米茶🍮 蜜餞檸檬黑椒焦糖布丁 +$38🍦雲呢拿特濃牛乳雪糕脆筒 +$15.點了兩個dinner set，一個set有齊主食、飯、湯、沙律、水果、 茶碗蒸、飲品超豐富😍仲要成個木盤上好有儀式感🥰未食已經心心眼😍先講下前菜，麵豉湯有好多冬菇非常足料， 羽衣甘藍雜菜沙律份量多，茶碗蒸蛋細滑仲有冬菇係面，食完前菜已經飽左一半😂.到主食！荷包蛋下面係漢堡扒同埋菜，漢堡扒厚肉juicy牛味濃，加埋燒汁甜甜地好味！炸蝦大大條脆卜卜點沙律醬正😋另一款飯上面鋪滿紫菜和拖羅蓉，再加個流心蛋，淡淡拖羅太幸福☺️.再加少少錢點了兩個甜品，軟雪糕跟上次一樣出色，濃香牛乳口味勁綿滑，好好味一定要叫！另一款布丁賣相相當吸引，第一次食加左黑椒幾得意又意外地夾，蛋細滑再加埋焦糖脆脆滿不錯👍🏻.呢餐非常有驚喜！成個dinner set好豐富又有質素，甜品仲相當高質👍🏻呢個價錢性價比好高，元朗人一定要試下😋

元朗yoho mall入面有間日式西餐廳 見到依間的雪糕賣相幾特別 還在做優惠外賣雪糕有買一送一！我跟男朋友二話不說便買了來試試😆👍🏻雪糕有杯裝或筒裝 同樣是$48有兩杯😍我們要了一個椰子味一個阿華田味 同樣是筒裝的🍦份量算幾大個🤭吃完好滿足雪糕質地不是軟滑那種 比較像雪葩🍨我不是太喜歡椰子味幾清甜幾特別 好食啊🥥阿華田味都幾濃🍫比椰子味甜椰子味是黑色的好特別 但要小心會吃到嘴唇變黑色😂脆筒都是黑色的 沒有特別味道 不過非常脆😬因為要外賣才有這個優惠 所以一拿到就要趕快在一旁站著吃🥹🥹味道：🌕🌕🌗🌑🌑環境：🌕🌕🌕🌑🌑服務：🌕🌕🌕🌑🌑價錢：🌕🌕🌕🌑🌑回頭率：🌕🌕🌕🌑🌑📍One & A Half (元朗)元朗元龍街9號形點1期2樓2058號舖

等左9個字先有得食，食完要催先上湯。D員工反應又慢、態度又唔好，上漏野唔好意思都唔講一句，擺係張枱角落頭到掉頭就走，無下次。野食唔係難食，正常質素，但對唔住個價錢，出面求其搵間cafe、餐廳都食到呢個水準。

今日同老公醒起呢間開左好耐都未食過，就黎試佢既dinner。行過Yoho間間都勁多人等位，可能大家有得0+3真係放鬆好多，行到黎見到無人等位，而我地又有bk位，所以即刻入得。睇menu吾算多野食同埋都吾平，所以我叫一個dinner set而老公就叫個包拼薯條。我upgrade左個餐奶做阿華田milkshake，味道一般啦吾算太好飲，但吾太甜既。我個set小食簡左忌廉蟹餅，食落勁似激安買個啲😂味道過得去啦。前菜同沙律我都吾食既，老公有食就話都係一般般無咩特別。蒸蛋都算滑既，而主食既雞扒就脆皮既，但味道我就吾覺得有其他食評講到既咁好食咁誇張羅。可能元朗好食既炸雞扒舖頭太多，呢間其實只係好一般。至於老公食嗰個包就話好硬，以佢咁喜歡食包既人都話無下次。總結就係呢間價錢同味道完全吾成正比，所以星期六既晚餐時段無人等位係有原因既

元朗行山前搵間好嘢食，元朗朋友推介呢間cafe, 午餐時段人頭湧湧, 最後只有吧枱座位。話明Cafe梗係試吓佢嘅咖啡，夠香夠濃，唔錯。再揀選溫泉蛋煙肉意粉，意粉煙靭彈牙，加上紫菜，特別好味。蘑菇意大利飯, 濃濃的蘑菇味，每一粒飯都包圍着醬汁，滋味無窮。

同朋友補祝生日其實Yoho Mall係有好野食雖然少貴，但有驚喜，係好食，不過啲位真係好迫，同埋service真係唔太好個個都食set(最低💰188)既時候，我地發現set唔吸引，轉左散叫黑白芝麻炙燒吞拿魚配和風莎莎醬 💰128¤好多吞拿魚，莎莎醬配料洋蔥配搭好夾，好少少辣辣地味道，正日本味噌慢煮和牛面頰配蒜香薯蓉 💰288¤牛面頰勁淋，就咁用匙羹都分得開，好入味，個薯蓉超正，好香口阿根廷赤蝦油漬番茄香草軟芝士意大利粉 💰158¤個汁好creamy，一啲都唔假，好濃味好掛意粉，蝦有頭但已經體貼咁分開左，食得好方便，意大利粉軟硬岩岩好提拉米蘇炸彈蛋糕 💰88¤好得意，外殼係雲尼拿雪糕，入面係tiramisu，仲有啲咖啡果凍啫喱，味道唔太濃，都唔錯

星期日大約四點幾，有雪糕「買一送一」優惠，我order兩個雪糕，俾咗錢之後跟大隊排隊攞雪糕。到我之前突然停了，女待應走去沖咖啡。我以為佢忙，但等了一輪覺得唔對路，走去問佢要等幾耐，佢叫我等一陣。我堅持想問大約幾耐，佢先話架雪糕機「未得」要等三至4分鐘😨。到三至4分鐘後冇反應，同店長生生再反映，佢完全幫唔到手。再返去雪糕小姐嘅時候，佢已經整緊比下一位客人！火都嚟！本身雪糕係好食，但冇下次了！🤬😤

佢like社交平台buy one get one free 呢個champagne 好吸引用社交平台 buy one get one 試左佢嘅coconut 同阿華田雪糕。椰子味黑色好型，唔係死甜。阿華田相對比較滑啲，小朋友好鍾意。買嘅時候可能真係比較忙，為咗方便小朋友食，要求阿華田雪糕用膠杯裝住，如果可以俾埋蓋，匙羹同紙巾就更加好啦下次會再返嚟試埋其他味道嘅雪糕，同埋佢堂食嘅甜品

收工見到依間有dinner set 只係百幾蚊Yoho 黎講絕對唔貴自己用QR code 落單 好方便落完單見到室外環境好舒服出面吊哂d 星星燈好浪漫feel再涼多少少坐出面都幾正除左dinner set , 每一日都有唔同promotion50%off!!!湯品係麵豉湯但係好多料，有豆腐海帶同菇個set 係成個餐盤甘上，睇到哂成個set 係有甘多野沙律，茶碗蒸，主食 同生果百幾蚊有甘多野係咪好抵呢！沙律個汁酸酸地好開胃茶碗蒸好多菇，同埋食到有蛋香味浦燒鰻魚醬油漬蛋飯鰻魚味道好正～夠濃味面頭仲有d 木魚花配搭飯吸埋d 醬油真係可以清左成碗飯！油漬番茄香草芝士蝦意粉依個超級推介！！！個汁好好食，帶少少蕃茄酸但又濃大蝦好爽口彈牙～～意粉口感係岩岩好同埋好掛汁食到停唔到～～又係成碟意粉清左大滿足連生果都唔hea, , 有藍莓西瓜同火龍果食完飯仲有飯後果～～正！餐飲可點冰果茶同玄米茶，仲有可以加$18 轉咖啡但太夜督唔飲咖啡啦，飲茶消化下唔錯依間店聽聞甜品都唔差阿華田軟雪糕脆筒阿華田味道濃，雪糕口感好滑個筒又夠脆好食！！四川花椒熱情果芒果新地唔好比依個名嚇親，只係面頭有d 花椒粒個位有少少麻麻

嚟到元朗行街，Yoho Mall I發現呢間餐廳，喺一田上層電梯就到，幾就腳。見到個門面覺得幾靚，有D Feel，就入去試吓先！Dinner Set有幾款，由$128到$168都有，再收加一。我同朋友就各嗌一個定食試吓。定食包一個茶碗蒸、一個餐廳（味噌湯）、一個水果碗、一個沙律、一杯飲品（凍水果茶/熱玄米茶，仲有加得加錢飲特飲）、同埋一個主食。第一個係黑松露親子雞扒配蕎麥面($128)。茶碗蒸好好食，好幼滑嘅蛋，加埋好香嘅菇味，一碗會唔夠喉。親子雞扒嗰個位係，佢將啲蛋擺咗入個醬到，係雞蛋碎黑松露沙律醬嚟，同個雞扒都幾夾。蕎麥面就係暖身的，正正常常。朋友就叫咗蒲燒鰻魚醬油漬蛋飯($158)，好香濃嘅鰻魚味。飯煮得幾淋，鐘意淋飯嘅應該都幾鐘意個飯底。最後加咗個甜品: 焦糖香蕉朱古力布朗尼牛角包窩夫 ($88)，好夾好食又唔會太漏😀👍🏻。今次坐室外位都幾有情調，但有啲大風，好在唔熱。下次都想坐下室內位。

假期同小朋友慢活一下，去咗Yoho Mall行吓發現呢間開咗應該冇幾耐，見有個甜品set，個女又鐘意，打電話俾住附近嘅腳友帶埋佢小朋友一齊嚟食過tea，呢個甜品真係比較啱小朋友，因為賣相得意可愛，顏色豐富，吸引到小朋友，最底嗰層係鹹點，大人最愛，上面兩層都係甜品，小朋友就最鍾意啦，每款兩件，大人細路都唔使爭🤣🤣🤣，不過有幾款甜品有d甜(例如個個棉花糖) ，個set包兩杯嘢飲，需要加錢，不過係合理價錢，拉花都好靚，味道好易入口，有返杯咖啡先醒晒，不過地方比較細，所以唔算太chill ，下次想試吓佢個雪糕，見到好多人都排隊買😋😋

今次特登星期六去呢度探店，餐廳星期六午餐有一人套餐可以order ，套餐已經包括有沙律、湯、小食（可以選擇）、茶碗蒸、主食、飯、水果、甜品、飲品。一睇餐牌已經覺得好豐富，第一時間花多眼亂如果有選擇困難症就大件事😆好彩最後都選擇到！主要我講下主餐我哋分別叫咗：和風味噌燴牛肉、唐揚雞排配松露蛋黃醬。另外飯就叫咗日本醬油漬蛋飯、明太子紫菜飯。甜品就叫咗是日甜品（芝士蛋糕）、迷你四川花椒熱情果芒果新地。總括嚟講，個飯和甜品好特別好好味，其他就一般般啦，而店舖內位置比較迫枱與枱之間好近，好似一齊食咁，好彩疫情有隔版感覺好啲😆