Gathering (已結業)

早排帶媽媽去咗呢間位於元朗嘅西餐廳食晚飯， 餐廳嘅位置唔係好起眼，所以都係因為有朋友介紹過話好食先去試下~☺我哋叫咗兩個前菜、兩個主菜同埋一個甜品。 天才方面我哋嗌咗蒜蓉炒雜菌同蕃茄水牛芝士沙律。蒜蓉炒雜菌好惹味，而且雜菌嘅份量足，價錢又唔貴，相當抵食~😋水牛芝士沙律味道清新，蕃茄好新鮮，水牛芝士充滿奶香，而且上面仲放咗火箭菜，三者味道好夾。主菜方面我哋order咗煎魚配大蝦同烤羊架。 魚嘅外皮煎得好香脆，而且肉質結實，大蝦嘅味道亦非常鮮甜。烤羊架用左孜然粉作調味，所以相當惹味，而且肉質軟腍~ 薯蓉加左薄荷調味，味道相當特別。飲品同甜品亦非常出色~飲品方面我地就叫左一杯fruit punch，充滿果香。甜品方面我哋就order 咗焦糖燉蛋，燉蛋香濃軟滑，焦糖皮又唔會整得過硬，相當美味😋。餐廳雖然唔係好大，但座位唔會太逼，坐得幾舒服，而且侍應同老闆服務態度親切，俾人一種好cozy 嘅感覺，食物價錢相宜，所以呢間餐廳的確值得推介哦~ 😎

今天朋友生日，友人訂了位於安興街既gathering，朋友試過幾好，網上評價亦不錯！餐廳地方不算太大，但座位闊落！揀小店原因，服務會比較好，亦不會太多人，啱曬喜歡寧靜嘅朋友！輕煎北海道帶子墨魚汁意大利飯$148大大粒帶子輕輕煎過，帶點焦香，墨汁味濃郁，加上洋蔥、草菇，口感豐富！愛墨汁必點！美國安格斯西冷扒配蒜香薯條$20810安士牛扒，厚切牛排，七成熟，表面燒到外脆，內嫩多汁，肉味重！配上黃芥辣更加美味，薯仔亦是新鮮炸起，讚！辣肉腸薄餅$118餅底脆口，十分足料，芝士落得好重手，愛芝士既朋友必點！最後加埋份甜品🍮tiramisu $58，少許甜酒味，好creamy ！職員換碟，加水好快，希望能夠保持水準！

之前起元朗做左成年野竟然都唔知有間咁好食既西餐哩日又有同事帶我搵食餐湯唔會太濃味 幾清叫左煙肉豬扒意粉（當然佢menu上既名係好聽同優雅好多）豬扒同煙肉既配搭又幾襯2種口感配合得幾好豬扒肉質嫩滑 唔會太老個醬係蕃茄醬 幾開胃亦頗多蔬菜做配菜 意粉都幾彈牙通常我食完d貴貴地既lunch都會左彈右彈不個哩餐係幾高質真係色香味俱全架

今晚放工入到元朗搵食, 聽朋友介紹過Gathering呢間餐廳,今晚就去試下啦!店舖唔算大,但裝修得幾精簡,仲有free Wi-Fi,加晒分!👍🏻👍🏻我地入到餐廳侍應就介紹左二人餐俾我同朋友，$528包哂餐湯，前菜，兩個主食，甜品同飲品。我見價錢都合理所以就試吓啦!係前菜黎之前，侍應送咗個車厘茄欖油餐包俾我地，酸酸地幾開胃!餐湯我哋揀咗南瓜忌廉湯，估唔到個湯有忌廉拉花，非常特別。👍🏻而且南瓜煲得好融，好好飲。而前菜我哋就叫咗油浸呑拿魚同炸廣島蠔。呑拿魚味道唔錯，不過口感就略硬左少少。廣島蠔就好脆，食落有他他野味。至於主菜，我地叫左蟹膏蟹肉意大利飯同吹炸鹹豬手。個意大利飯好creamy,多重口感，豬手好脆好野味，配埋個醬汁一流! 甜品係apple crumble,都整得幾好食!😋😋飲品我地升左一杯雜果賓治同橙汁特飲，2杯味道都調得唔錯。侍應仲好細心咁俾左糖漿for橙汁特飲，話每個人喜好嘅甜度唔同！👍🏻👍🏻我同朋友食完都非常滿意!呢餐可謂係色香味俱全！食到咁飽埋單$600有找！下次入元朗一定再光顧！☺☺

今日搵食去到元朗劇院附近食西餐，佢門面好新又有我最想試嘅豬手，所以就入左去。店舖不太大，但坐得好舒服，而且仲有free wifi同電視，加哂分。入到去坐低店員就介紹左二人餐，我見都幾多野揀就試下。包1人1個湯，南瓜湯好滑身，牛肝菌湯就好香濃。個花花好有心機喔。前菜可揀2款海鮮，揀左呑拿魚同蜆。呑拿魚香脆入味唔腥有咬口。蜆就比想像中大隻好多好厚肉。辣肉腸Pizza好多芝士，餅底好好食，比起一般薄餅高質素好多。主菜係豬手，真係好！大！隻！肉質好嫩，皮超脆香口，會忍唔到口食多左，哈哈。二人餐仲包甜品，今日食左新出嘅蘋果金寶。除左香烤蘋果仲有提子乾同雪糕！最後飲左Earl Grey做餐飲，嘆左滿足嘅一餐！

朋友好有誠意咁預早book左依間西餐廳話點都要帶我去食, 講到咁, 去之前就已經好期待。坐朋友車係附近搵左個位泊就行去間餐廳, 我見附近好似無咩食店, 如果唔係朋友帶我真係未必識黎。入到去見到全場爆滿, 唔怪得朋友要book定啦! 最後我地叫左個pizza, 西冷牛扒, 墨魚汁飯, 2個set 就係咁多。好快就上左沙津同湯, 味道唔錯。之後到的pizza 同西冷都好正, 個pizza同西冷的份量都唔細, 其中我最欣賞個牛扒旁邊的薯條!!好脆好香好薯!!!估佢唔到的好食!之後上埋個墨汁飯, 又係我鐘意果隻軟身少少的飯, 唔錯!最後叫左2杯特式飲品就完。好好食, 環境氣氛好好!!

之前聽朋友講過安興街開左間不錯既西餐，今日去圖書館玩完，近近地就去試下啦！餐廳不大，但坐得都舒適。點左份美國牛復肉牛扒配香草燒新薯$188加$28可轉套餐，可選沙律或湯、飲品。10安士牛肉，份量好足，七成熟，牛肉燒到外脆內嫩，牛肉多汁，肉味重！配黑椒汁，黃芥辣更加突出！脆炸德國鹹豬手$178豬手好大份，夠幾個人食，外皮炸到好脆，入面嫩滑，配上鹹酸菜，沙律底，胃口大增！每日限定甜品~焦糖燉蛋$58呢個性價比好高，好大份，表面蕉香，燉蛋好creamy！廚師亦好有心思係碟上畫花！烤雞沙律🥗新鮮！店員服務熱情，換碟快，餐廳食物份量幾足，人均消費二百多元，算不錯吧！

同朋友去開元朗, 咁岩係GATHERING附近, 之前已經有朋友介紹過呢間餐廳, 今次咁好機會點都要去試下先得！入到去佢地環境相當唔錯, 裝修同擺設配合埋個燈光, 相當有氣氛. 好適合情侶或者幾個朋友FINE DINNER！我自己一向鐘意食豬手, 加上隔離檯咁岩又叫左個豬手, 個賣相靚到不得了, 我二話不說就叫左個豬手餐試試, 我朋友就鐘意食牛, 佢就叫左個西冷扒餐, 一豬一牛, 可以大家SHARE試下嘛!————————-餐湯————————-等左一陣, 餐湯當然先上, 我叫左個雜菜湯, 我朋友就叫左個南瓜湯, 兩個湯係OK, 重點係個麵包甜甜地配埋D牛油夠香, 兩三啖我地就食晒個包了！之完包飲完湯, 主菜就到, 時間剛剛好.！————————脆皮豬手———————首先係個脆皮豬手, 淨睇賣相已經夠晒吸引, 仲要一件件起好晒, 方便SHARE黎食, 個皮真係夠脆, 而D肉又好稔, 我同我朋友對D個豬手都讚不絕口, 有機會一定要再食多次！————————西冷扒————————之後係個西冷扒, 因為我同朋友都唔鐘意食太生, 我地叫左七成熟. 個牛好夠肉香, 又唔會煮到太老, 配埋個芥末醬

今日約咗朋友去元朗嘅「Gathering」食西餐，餐廳位於元朗安興街安泰樓8號地舖，雖然位置有少少偏僻，但係真係值得去試一試，環境舒適，食物好食。裝修簡約，以木製桌椅做主調，好舒服！ 我地就叫咗《煙三文魚藜麥沙律》加兩個主菜開心Share! 主菜加 $28 就有餐湯/Salad 同餐飲，抵啦！《餐包》 口感鬆軟， 沾上牛油就更加好食。 餐湯係《磨菇湯》，賣相好靚，有蘑菇嘅清香，口感香濃嫩滑，加咗個靚靚拉花，特別好味！ 首先係《煙三文魚藜麥沙律》，份量十足，仲有好多塊煙三文魚，又厚又大件，加上藜麥又健康，好啱做頭盤。 主菜有《慢煮美國黑毛豬鞍扒》，外皮燒得香脆，而肉質細緻嫩滑，仲要厚切上枱，正呀！ 黑毛豬充滿濃郁肉味，點上特製醬汁一齊食，十分美味。 《香草白酒鑽石蜆扁意粉》，意粉煮得啱啱好，夠煙韌。 脹卜卜嘅大蜆滲出濃濃白洒香味，蜆肉鮮甜，味道好好。

今日放工入元朗食飯，係元朗廣場附近發現一間新開西餐廳，價錢大眾，而且貪新鮮既關係就一於試下。餐廳裝潢簡潔，門口佈置得非常靚，好有氣氛，入到去座位都幾闊落。職員無耐就為我地遞上餐包，所以我地就邊食邊睇MENU。菜單款式都幾豐富，多重PIZZA, PASTA 都有，主菜方面仲有更多選擇，而且餐廳有個追加形式，只要加多$28 就可以有埋湯同飲品，所以今日我地就決定首先試一試餐廳既主菜。是日餐湯 – 黑松露蘑菇忌廉湯餐湯有非常香既黑松露味道，而且睇得出係由蘑菇慢慢煮成，加上少少忌廉，成個湯好CREAMY。美國安格斯肉眼扒配香草燒新薯 ($228)牛扒叫左5成熟，而且餐廳仲會提供3種醬汁比你選擇，分別係黑椒汁、蘑菇汁、燒汁，而我地就揀左蘑菇汁。牛扒外皮燒得香脆，而且顏色非常靚，份量應該唔只10OZ 。切開後見到成數岩岩好，肉質好淋，配菜既新薯亦調味得好好。孜然羊鞍扒 ($188)羊扒5成熟，都係一樣有3款醬汁比你選擇，亦都十分有份量，賣相吸引。味道方面，羊扒完全沒有膻味，外皮好香，肉質嫩滑，配菜係一個薄荷薯蓉。總括，十分滿意今晚既晚飯，餐廳能夠提供一個好寧靜舒服既環境，食物亦都有水準，如果要再

我身邊都幾多朋友住元朗，自從我開始寫食評同埋拍youtybe佢哋都興高采烈咁向我推介元朗好味或者新嘅餐廳，所以我去親元朗一定有食神!今次呢間gathering又係另一位元朗朋友帶我去嘅😝佢個位置都有少少入，如果唔係我個朋友帶路，我都唔係好識路😅，入到去地方唔算好大但環境都幾靚，氣氛唔錯，都算係Gathering嘅好地方👍我同朋友都好肚餓嘅關係，我哋一見到Menu上面好似好食嘅嘢我哋就點了，最後我哋點左一份慢煮美國黑毛豬鞍扒，一個香草白酒鑽石蜆扁意和一隻脆炸德國咸豬手，希望夠食😂未上菜之前侍應會先上左餐包俾我哋食，餐包暖粒粒暫時頂住肚餓先👍第一份先上嘅係香草白酒鑽石蜆扁意粉 （$128）,未食之前我同朋友都唔知乜嘢叫做鑽石蜆？嚟到我哋就知道啦，佢啲蜆粒粒都係巨蜆，你請每粒都好靚好雪白，一共有10幾粒，仲要佢嘅蜆肉非常大粒飽滿！酒味淡淡的，反而白汁味好香濃，蜆肉入晒味，而扁意粉比較彈牙煙韌，我朋友最鍾意食白酒煮蜆，佢都話呢個白酒煮蜆扁意粉非常之出色！👍👍👍接着佢上的菜是脆炸德國咸豬手($178), 你會比佢嘅份量嚇親，我估唔到佢百幾蚊嘅豬手份量係同岀面徳國餐廳咁大，仲要有好多配菜都好講究，

今日收工近近哋喺附近搵嘢食， 見到呢間餐廳好多人就入去試下。呢間小店都整齊舒適， 裏面仲有電視睇添! 啱曬我呢啲想出街食又要睇電視嘅人。牆上既裝飾都幾別緻， 好有自己家嘅感覺!一小片既餐包暖和鬆軟， 再添少許牛油，非常滋味。紫薯湯呢個湯都幾特別， 唔係成日都有。 紫薯味好香好濃，唔會太甜， 當中配上少量忌廉， 非常香口，一啲都唔漏。煎大蝦茄汁扁意粉蝦夠曬大隻， 煎得香脆， 肉質鮮嫩而且仲有蝦膏。 意粉酸酸甜甜非常入味，夠曬開胃。經典牛肉漢堡漢堡包包皮同平時食嗰種唔同，呢個包非常 軟棉棉， 牛肉熟得嚟仲好juicy， 時間控制得好好， 再配少許蔬菜蕃茄同千島醬， 味道非常夾!加28蚊可以額外多個沙律或湯和飲品，價錢都幾化算。小食都有好幾款鍾意食肉嘅人梗有一款啱心水間唔使食下pizza都係一個唔錯嘅選擇時不時都有啲廚師推介， 如果冇乜心水可以試下廚師推介

今日起元朗附近放工諗住搵個地方hea下，起open rice到搵到呢個西餐廳決定同同事試試佢。 雖然地方有就d唔就腳，但佢餐廳入面整得幾靚，個環境幾舒服適合同朋友傾下計。 叫左個小食炸魷魚圈，美國安格斯肉眼扒配香草燒親薯同孜然羊鞍扒，加28蚊就可以跟餐都幾扺。首先，炸魷魚圈炸出黎好脆口但入面就有小小粉左d。牛扒叫左5成熟煮出黎入面幾靚。食落去口感唔錯但就有小小un左d。 然後羊扒個肉質都靚同埋煮得岩岩好，再配埋薯蓉就岩岩中和翻個味。遺憾既係佢個羊就有小小肥左d。整體黎講gathering既野食都唔錯，下次黎既話想試試佢地既pizza.

無見幾年的舊同學係台灣返黎玩， 佢話要睇下元朗有咩變化， 順道返到以前中學看看。學校無咩大轉變， 但隔近商店就唔同晒。行左成日都見有d 肚餓，就搵左呢間餐廳食野。可能時間仲早，唔使等位餐廳唔算好大，不過位置好寬闊， 坐得幾舒服我地叫兩個套餐，前菜揀左煙三文魚沙津。三文魚都好多我朋友就揀左南瓜忌廉湯，味道濃郁，仲有拉花，都幾有心思仲有個餐包送我地加左個小食， 就係我既至愛-鵝肝-， 鵝肝煎到外脆內軟， 仲有蜜餞青蘋果，味道青新可口，同鵝肝好夾主菜我叫左一份五成熟既牛腹肉牛扒，煎得岩岩好， 肉汁豐富，肉質都好滑。上面仲淋左黑醋，食落無咁油膩。呢個煎帶子墨魚汁意大利飯雖然睇落黑蚊蚊，但其實好好食！帶子煎得剛剛好唔會太熟，個飯就非常香，入面有啲番茄同青瓜減膩。餐飲叫咗個雜果賓治同奶茶。

每次朋友gathering又想食西餐都會諗起依間餐廳，餐廳環境優雅寧靜，店入面嘅裝修好精緻，同朋友gathering就啱哂，食物嘅種類又多，同埋好啱share食。叫咗一個沙律，兩個小食同一個主菜。煙三文魚藜麥沙律，個沙律份量都幾多，有好多塊三文魚，同埋個沙律醬好好味，成個沙律嘅味道都好夾，超推介啤酒脆漿炸日本廣島蠔，每隻蠔都好大隻，炸得夠哂香口👍法式鵝肝伴焦糖，鵝肝好厚，好香！脆炸德國咸豬手，塊皮好脆！青檸雜飲依到嘅待應嘅服務真係超好，好細心，抵讚！