Gathering (已結業)

無見幾年的舊同學係台灣返黎玩， 佢話要睇下元朗有咩變化， 順道返到以前中學看看。學校無咩大轉變， 但隔近商店就唔同晒。行左成日都見有d 肚餓，就搵左呢間餐廳食野。可能時間仲早，唔使等位餐廳唔算好大，不過位置好寬闊， 坐得幾舒服我地叫兩個套餐，前菜揀左煙三文魚沙津。三文魚都好多我朋友就揀左南瓜忌廉湯，味道濃郁，仲有拉花，都幾有心思仲有個餐包送我地加左個小食， 就係我既至愛-鵝肝-， 鵝肝煎到外脆內軟， 仲有蜜餞青蘋果，味道青新可口，同鵝肝好夾主菜我叫左一份五成熟既牛腹肉牛扒，煎得岩岩好， 肉汁豐富，肉質都好滑。上面仲淋左黑醋，食落無咁油膩。呢個煎帶子墨魚汁意大利飯雖然睇落黑蚊蚊，但其實好好食！帶子煎得剛剛好唔會太熟，個飯就非常香，入面有啲番茄同青瓜減膩。餐飲叫咗個雜果賓治同奶茶。