鬼金棒

營業中

休息中

又到上堂的日子，約了好友吃early dinner。最近天氣又轉涼，想吃一些熱騰騰的菜色，所以便選了鬼金棒吃拉麵。5:45PM左右到店，只有我們一枱客人。店內的環境光猛乾淨。被安排坐在bar枱位，背包可以放在座位下的籃子裡。店裡採用self-service形式，scan QR code落單，亦有水機可以自行斟水。我選了辣麻牛骨拉麵，朋友則選了招牌牛骨拉麵。基本版的拉麵只有叉燒，加蛋(味玉)或其他配料需要額外收費。朋友點的招牌牛骨拉麵，她有整碗吃完應該是不錯我選的辣麻牛骨拉麵，紅澄澄的湯底，但沒有想像中辣。辣麻牛骨湯底調味出色、香濃惹味，忍不住喝了一半湯底叉燒正常沒有特別。拉麵偏向生麵質地，還有一點點鹼水味，個人不是太喜歡。總括而言，金鬼棒是方便快捷又味道不錯的拉麵店。我挺喜歡店家採用的自助下單方式，另外亦有自助水機開放給客人使用。落單後，拉麵很快上枱，對於我們這些趕上堂人士來說非常友好。下次想試試沾麵和拌麵

唔知你地有無呢種睇法，姐係有d味道你食完，印象係會好深刻，而「鬼金棒」一定係我心目中拉麵界top3，係呢種味道，令我久唔久又想返啅一下…👇🏻📌人 氣 推 介 - ▪️ 芫 荽 辣 麻 味 噌 拉 麵 - $130▫️ 第一個必食「芫荽辣麻味噌拉麵」，我揀左高麻中辣，我就係貪佢果種麻而不辣既感覺，好多人以為中辣會好辣，對我黎講就岩岩好，絕對唔難入口；加左$15要左粒味玉，大量芫荽令成件事香味更加濃郁，好好食！▪️ 增 量 叉 燒 辣 麻 味 噌 拉 麵 - $140▫️ 我朋友就大食D，揀左「增量叉燒辣麻味噌拉麵」，叉燒double up，肉質腍滑入味，揀左小辣小麻，加$20仲可以加多少少麵底，麵條口感煙韌無比，加左麵底，大食少少既男仔都一樣夠飽，好滿足。

行完街到咗銅鑼灣世貿附近，比呢間餐廳門口超大型狼牙棒吸引咗，原來係鬼金棒，黎自東京嘅過江龍辣麻拉麵店。講得辣麻拉麵店，當然係有辣度及麻度，而且每種都有有五個級別可以揀。雖然我同朋友都唔係好食辣，不過即管試吓。一入去見到裝修配合門口日本神怪主題，掛咗好多惡鬼相關嘅裝飾喺牆身同埋廚房玻璃前面，真係有啲似去咗日本。拉麵都有幾款配菜可以選擇，叉燒、味玉、炒豆芽菜、玉米筍。🍜 增量叉燒x2辣麻味噌拉麵 (💰$135) (無辣,小麻)唔好鬧我，怕辣嘅就揀咗不辣同小麻😂 碗麵一嚟梗係要試下個湯先啦，可以睇到味噌湯上面有一圈圈油花，證明夠晒新鮮。味噌湯夠晒香，亦唔太油。太辣嘅話可能試唔到原本嘅風味。拉麵口感彈牙，亦都吸左啲湯嘅香味，入口感覺一流。增量叉燒真係非常大塊同埋厚切，肥瘦剛好，唔使驚食咗成舊豬油入口。🍜 味玉辣麻味噌拉麵 (💰$105) (無辣,無麻)味玉隻蛋好入味，肉嘅份量比較適合女士或者唔肚餓嘅男士，不過質素一樣咁好。食完碗麵剩返少少湯，證明拉麵份量同湯嘅比例剛剛好。飲埋嗰少少湯，就會見到好靚嘅惡鬼圖案，10分配合餐廳主題。如果可以買返屋企都唔錯🤩。唔同嘅顏色碗係代表唔同辣度，白碗：不辣、

鬼金棒 - 地道日式拉麵店今日介紹一間銅鑼灣嘅拉麵專門店，係嚟自日本東京嘅過江龍店舖，店舖以日本傳統嘅鬼神為主題，單單從門面、裝潢已經別具特色，另外拉麵主打麻同埋辣，仲有芫荽口味嘅拉麵。味玉辣麻味噌拉麵 $105首先叫咗餐廳招牌嘅辣麻味噌，總共有五個級別嘅麻同辣可以選擇，選左小辣, 高麻，湯底非常濃郁，可以充分掛在拉麵麵條上，拉麵麵條係較為粗身，配上溏心蛋、芽菜、粟米筍。芫荽辣麻味噌拉麵$115 另一款就係網上非常人氣嘅芫荽拉麵，份量超級多芫荽佈滿在整個拉麵上，比起招牌嘅辣麻味噌拉麵，多了一份清新嘅草青味。另外加配味玉 +$15。日式煎餃子 $45

行完街想搵個地方快速醫下肚，行經有間拉麵就入去試吓。因為我哋係五點幾嘅時候，未係好旺嘅時間，所以可以影晒成個餐廳嘅位置，其實座位唔算特別多。朋友揀咗味玉味噌拉麵，因為佢唔食得辣就揀咗唔麻唔辣。我就揀咗增量叉燒小辣小麻味噌拉麵。首先我哋都好欣賞佢個麵質，好彈牙好掛湯。其次我好欣賞自己嗰碗嘅湯底，好香口好惹味！跟住就係舊叉燒，肥瘦適中，肉質嘅軟硬度主導剛剛好，唔會太淋又唔會鞋，而且粒糖心蛋真係好靚好香，成件事非常有驚喜！另外太肚餓嘅關係，我哋叫埋一碟餃子，即叫即煎，熱辣辣夠香脆，非常滿足嘅early dinner，飲埋罐汽水，圓滿。

仔女返哂學，就係我同阿妹嘅 free time，我哋齊齊做咗港島人，一個住東，一個住南，所以揀銅鑼灣呢個中間位就最啱！今次就終於試到成日都好想試嘅 #鬼金棒 。一睇到呢個門面，就最易認到！好大支黃牙棒掛喺門口。食拉麵傳統嘅都係坐 bra 枱，好有日本 feel 呀。而門口呢個邊邊位，可以坐到3個人，未有人嗰陣我哋兩個坐，靜靜地吹下水都得！而鬼金棒出名係食麻辣拉麵，係有麻有辣，但唔食得辣又可以叫走辣少麻，或者走麻辣一樣得！可以照顧唔同口味嘅朋友仔。呢碗係 #味玉辣麻味噌拉麵 (走麻走辣)，我係怕辣人士，所以就食味噌湯底。佢舊叉燒超超超超正，女仔食份量剛剛好！而呢碗就係 #炒豆芽辣麻味噌拉麵 (走麻少辣)，阿妹就話少辣都唔算太辣。鍾意食豆芽嘅阿妹都話超級正！味噌個湯底好夠濃呀。食拉麵飲汽水最夾，食到辣辣地真係要飲汽水衝擊一下。總結：可以迎合唔同朋友鍾意食辣同唔食辣嘅口味，最重要係大家食得開心，我同阿妹都唔洗趕頭趕命，慢慢嘆。

鬼金棒拉麵🥳🥳大大碗又濃味❤️❤️❤️🤩增量叉燒辣麻味噌拉麵必叫！辣味十足！❤️❤️❤️麻辣的湯底搭配著豐富的叉燒，加埋味噌的調味，吃起來真是開胃又刺激🥰🥰🥰最鍾意係佢拉麵嘅口感好彈牙，夠硬淨，有咬口👨‍🍳👨‍🍳👨‍🍳🤩辣麻肉碎拌麵揀咗無辣，但係小麻，有微妙麻感，好得意😉😉。肉碎的搭配非常恰到好處，增添了口感和風味。加配上味玉和豆芽菜，正！👍👍👍🤩煎餃🥟一份有六隻，每一隻都煎得金黃酥脆。餡料豐富，口感鮮嫩多汁😋😋😋如果放工想食碗熱辣辣嘅拉麵都可以嚟試吓🥰🥰

麻辣拉麵🎈鬼金棒（旺角）/五味之外 辣與麻 痛覺與觸覺/生活中的小刺激💥為沉悶死氣生活帶嚟丁點兒新味道🥬芫荽辣麻味噌拉麵($115)好耐冇試過麻辣 今次就叫咗小麻小辣唔怕食得辣嘅人都接受到芫荽量多 中和返湯底嘅濃辣味感覺比想像清新 麵條係屬於厚身嘅曲麵鍾意比較腍身嘅朋友仔可能會覺得偏硬如果鍾意有彈性同硬啲 應該就啱啱好叉燒肉肥瘦適中 肉質唔會太嚡🐖增量叉燒x2辣麻味噌拉麵($140)呢碗叉燒嘅份量有啲驚人 係兩大條厚厚叉燒叉燒瘦肉嘅比例佔咗成嚿叉燒三份二嘅位置唔算好肥膩 但軟腍程度未去到好高🤏湯底叫咗中麻高辣 但都比想像中唔麻辣湯底偏濃味 成碗食晒會有啲滯味玉出乎意料驚喜 中間流心狀態出色且入味🥚鍾意清淡嘅人 揀返芫荽湯底會比較適合👅🥟煎餃(6隻）（$45）餃子皮薄 煎得香脆 內餡唔算飽滿 但味道都唔錯😌

銅鑼灣依間日本過江龍「鬼金棒」我一直都幾鍾意，佢哋嘅湯底係真係會食到麻、辣嘅味道，而唔似平日常見辣嘅日本菜式係走一個甜辣或香辣嘅路線，因為餐廳嘅拉麵湯底係採用赤味噌混合卡羅萊納死神辣椒調成嘅唐辛子及和歌山葡萄山椒調成嘅香麻油而烹煮出嚟嘅，所以好鬼正，另外，依間拉麵餐廳亦係比較罕見地無收取加一服務費，但服務唔錯，上菜速度快，而且有提供食水飲用。莞荽辣麻味噌拉麵加配味玉（單點$130），中辣中麻，表面鋪滿芫荽，湯底辣度、麻度3分，配料包括有珍珠筍、豆芽菜，豆芽菜份量多，味玉溏心效果突出，蛋味濃香。辣麻味噌拉麵（單點$95），高辣高麻，表面鋪有京蔥、香蔥、卡羅萊納死神辣椒唐辛子，湯底辣度、麻度5分，拉麵口感軟硬適中，容易掛湯，五花腩肉質肥瘦相間，口感軟腍，食落充滿滷汁味道，配料包括有珍珠筍、豆芽菜。煎餃六隻（單點$45），即叫即煎，外皮口感香脆，內有椰菜、豬肉，肉汁飽滿，配以特調香辣醬汁食用，食落好惹味。

同朋友👷🏻‍♀️一齊喺銅鑼灣，大家都想食碗拉麵🍜🇯🇵，咁我諗咗2秒，就決定同朋友👷🏻‍♀️嚟呢間拉麵店🍜開餐😆我哋叫咗2碗麵，一碗係 $140「增量叉燒 x 2 麻辣味噌拉麵」，加 $15「溏心蛋」同埋 都係 $15「豆芽菜」；另外一碗係 $105「辣麻肉碎拌麵」， 加 $15「溏心蛋」 同埋都係 $15「玉米筍」🤩「增量叉燒x2 麻辣味噌拉麵」：2件日式🇯🇵叉燒勁巨型😆，咁大件依然煮得好腍，叉燒約20%肥80%瘦，夠晒甘香😋；麵嘅 麻同辣嘅 程度可以分開選擇，拉麵揀咗「小辣小麻」拌麵揀咗「中辣中麻」😆，等我哋可以對比吓 辣同麻 嘅程度🤣「辣麻肉碎拌麵」撈咗好多豬肉碎同花生碎，香口惹味😆「玉米筍🌽」同埋「豆芽菜」都爽脆😋，「溏心蛋」夠晒 溏心👍

本人好喜歡食辣野，不過都係局限於小麻小辣🤣，好耐都無嚟食呢到嘅麻辣拉麵啦！我同朋友都揀咗增量叉燒辣麻味噌拉麵，加味玉🥚，再配可樂🥤。佢舊增量叉燒真係太好味！厚身得嚟煮得又夠腍👍🏻。拉麵佢主要係粗麵，可以掛到啲湯汁，我自己叫咗小辣小麻，感覺都唔係太辣，下次可以再試吓挑戰中麻中辣😆，味玉就係煮到啱啱好嘅糖心蛋，加埋罐可樂gur一gur真係絕配！最後見到隔離開咗間新嘅鬼金棒😮，主打牛骨拉麵，下次試下新野先！

間唔中就掛住鄉下嘅味道，就同朋友嚟呢間度食吓佢嘅辣麻味噌拉麵鍾意食辣同埋麻嘅朋友一定唔會錯過啦，拉麵方面可以揀拉麵或者沾麵，而且可以揀唔同嘅配料例如半熟蛋，叉燒，芽菜，芫荽等等。朋友食量比較大，就叫咗增量叉燒X2，真係兩大塊超厚嘅叉燒，食落去肥瘦均勻，勁邪惡，鍾意食辣嘅仲可以揀中辣甚至係大辣添，而我就揀咗味玉拉麵，有一隻大大嘅半熟蛋值得一讚嘅係佢嘅熟度非常之好，食落去啱啱好留心，今次仲嗌咗餃子做小食，望到廚房入邊係即叫即煎啱啱好煎到脆皮，勁好食 每次想食拉麵都會考慮呢度，亦都冇一次令我失望

鬼金棒係一間來自東京嘅過江龍辣麻拉麵店，位於銅鑼灣謝斐道，門口有一支巨型狼牙棒，好有特色。餐廳裝修以日本神怪為主題，有鬼面具同鬼公仔，氣氛好好。鬼金棒嘅特色係可以自己選擇辣度同麻度，由無辣無麻到鬼增辣，有25種組合。味玉辣麻味噌拉麵 (無辣,無麻) 今次我選咗無辣無麻，因為我唔食辣。湯底用咗豬骨、雞殼、魚鮮同蔬菜等熬製，再加入四種味噌調味，味道好香濃，唔會太鹹。拉麵係粗身帶曲，好彈牙，好掛湯。配料有半舊叉燒、芽菜、玉米荀同味玉。叉燒係厚切五花肉，肥瘦分明，肉質鮮嫩，好入味。味玉係流心蛋，蛋白好滑，蛋黃好濃郁，好好味。芽菜同玉米荀都好爽口，增加咗鮮甜同脆度。增量叉燒辣麻味噌拉麵 (小辣,無麻)，呢個同我嘅拉麵唔同嘅係，呢碗有增量叉燒，份量好足。增量叉燒係好厚嘅一大條，有啲似中式嘅東坡肉，燉得好軟滑，肥肉好香，瘦肉好嫩，好好食。呢個湯底係小辣無麻，辣度剛好，唔會辣到流汗，但又有啲刺激。煎餃 (六隻)：煎餃係一大盤，每隻都好大隻，皮薄餡多，煎得金黃香脆，肉汁滿滿，好彈牙。餡料係豬肉同白菜，味道好鮮甜，配上醋同辣椒油，更加開胃。

喺日本都見過依間拉麵，終於可以喺香港試一試鍾意芫荽嘅朋友，一定唔好錯過佢嘅芫荽辣麻味噌拉麵。聽到隔籬枱話好好食。今日叫咗兩個拉麵：炒芽菜辣麻味噌拉麵（走辣）本身以為依間拉麵淨係出名食麻辣，但係點知走辣湯底都係好濃郁，好香。 本身好鍾意食芽菜，加上拉麵 🍜 更多層次 更爽口。特別既係佢既麵，比較粗身同埋爽，掛到湯汁 好好食。 另外 碗麵配一舊豚角煮 全隻溏心蛋 同一條粟米仔。 豚角煮好入味，好淋，唔會攝牙啦。 肥肉同瘦肉層次分明 口感豐富👍🏻 。 最後， 溏心蛋 蛋黃係橙色流心 好有食慾😻 另外，一碗特製麻辣味噌拉麵 。 有兩舊豚角煮🥹 好羨慕。 男朋友話湯底好香 麵質都係粗身爽口 掛到汁 😍 會再嚟食👍🏻👍🏻 本身好想叫埋餃子，不過食完碗麵實在太飽，最後都係冇叫到，下次要試吓舖頭推介嘅餃子👍🏻

心動不如行動今日就去食拉麵，銅鑼灣的鬼金棒店外有點工程吧！差點找不到。朋友喜歡多肉，所以「增量叉燒辣麻味噌拉麵」是他的首選，加了味玉，當然要加辣加麻才吃到鬼的特色。極厚的叉燒扎實的外型，肉質鬆軟富油香，一口肉香和醬香，味玉半熟狀態颜色橙黃，好有蛋香味。粗麵條吸收了湯中的辣與麻，好香口。「芫荽辣麻味噌拉麵」小辣中麻，加了增量豆芽菜一大碗，芫荽是我的最愛由其是放於濃湯中，芫荽獨特的香味散發出來，本身已有的炒豆牙菜令拉麵更爽更有口感，今日口感加倍，一碗清香的炒豆芽菜可以就咁食，又可以加於湯中口感提升，吃拉麵總想來個Cola，爽。