成日話食氣氛，究竟氣氛係點食？氣氛明明係一個uncountable nouns，點樣去釐定食到幾多呢？我就發現當我咁理性去分析時侯，姐係代表我食唔到個氣氛了。所以今次無論如何，都要領教一下「Nissa la Bella」咩叫做法式浪漫VIBE！👇🏻📌S I N A T U R E - 
▪️ Pissaladière - ▫️ 一開頭除左有個法包片比你之外，仲有開胃菜「尼斯洋蔥鯷魚橄欖薄餅」，底部一個mini pizza幾脆口，
面頭放左d焦糖化洋蔥、橄欖、鯷魚，整個入味酸酸甜甜，真係幾醒胃。▪️ Green Peas Salad - ▫️ 跟住既「青豆沙律」將車厘茄、紅蔥頭、薄荷、青豆擺埋一齊，
再係面頭放左隻水煮蛋，蛋香十足，而成件事擺埋一齊係無違和感，
味道清新，值得一試。▪️ Ceviche de la peche du jour - ▫️ 日本魚生食得多，法式魚生我都係第一次試，
呢個「是日檸檬醃魚生」魚肉相當爽彈，煙韌得黎又有咬口，
用檸檬輕輕再吊返個魚鮮味，呢道菜配甜白酒就無得輸。▪️ Tartare de Boeuf -▫️ 主食試埋個「法式牛肉他他配薯條」，他他相當濃香，食落口感軟綿，配上即炸薯條，口感特別豐富配上紅酒真係不得之了！▪️ Profiteroles - ▫️ 最後甜品試埋個「法式泡芙」，泡芙被厚厚既鮮忌廉重重包圍住，
而裡面仲食到雲呢拿雪糕，面頭再灑上朱古力醬，整體相當滿足，
但甜而不膩，超好食！

成日話圍爐取暖，係表面野既黎咖姐，真正既都係想搵個藉口， 約埋班朋友見一見。你知啦，出黎社會做野，就唔能夠好似細個， 話見就見，始終每個人都踏入唔同既人生階段，面對緊好多壓力、困難， 朋友既價值變得更加渺小，所以身邊有好好既朋友，真係要珍惜！👇🏻 📌招 牌 推 介 - ▪️ 老 重 慶 奇 味 雞 煲 - $188 ▫️ 先黎個招牌「老重慶奇味雞煲」，我朋友唔係好食得辣， 就就佢嗌左bb辣，兩條麻甩佬嗌個細煲岩岩好，雞肉肉質相當滑溜， 完全唔乾身，而且料頭十足，大量洋蔥，鮮冬菇、豆卜、芫茜、蒜頭、 每一啖都係相當惹味，食完雞煲鍾意既仲可以打埋邊爐，正！ ▪️ 燒 汁 什 菌 牛 頸 脊 - $148 ▫️ 第二道必食「燒汁什菌牛頸脊」，師傅炒得相當夠鑊氣， 一上枱新鮮滾熱辣，而且牛頸脊肉質鬆軟綿滑，帶少少咬口， 配上青紅椒，油香十足，送飯必備！ ▪️ 椒 鹽 九 肚 魚 - $118 ▫️ 食得小菜點可能唔嗌「椒鹽九肚魚」，即叫即炸， 九肚魚份量夠多，炸到金黃香脆，外層相當鬆脆， 食落裡面近乎入口即化，送酒真係一流。 ▪️ 啫 啫 通 菜 煲 - $98 ▫️ 呢個「啫啫通菜煲」用熱煲上枱，保證熱辣辣，通菜夠新鮮翠綠， 加埋蝦乾，果種香味濃郁，夠哂惹味。

近日發現係中環Soho區有1間歐式餐廳，日頭表面上好似打卡cafe咁， 但一入黑，成個氣氛唔同哂，變得好moody。而且餐廳間中 亦會有jazz live表演，呢d場合最岩d情侶Cheek to cheek咬下耳仔， 傾下密計，就係咁浪漫氣氛這樣微妙，羅曼蒂克對分。👇🏻 📌F O O D - ▪️ Wild Mushroom & Ravioli in Tomato Sauce - $148 ▫️ 第一道先黎個「蕃茄醬野菌意大利餃子」，滿滿既蕃茄醬做底， 面頭既ravioli做到薄身，唔會太厚，煙煙韌韌口感岩岩好； mushroom同時吸 收哂個sauce，同埋面頭既芝士，份外濃香惹味。 ▪️ Creamy Linguine Canbonara w/ Smoked Bacon - $168 ▫️ 應該係我中環食過最高質既「培根卡邦尼扁意粉」，面頭灑上芝士粉， 整體香味更豐富，而意粉軟硬度恰到好處，蛋香十足，夠哂creamy； 而火腿同埋煙肉亦係自家調味，絕對係誠意十足，呢個一定要試！ ▪️ Peri-Peri Chicken Lollipop - $158 ▫️ 最後呢道「葡式辛辣醬棒棒雞」相當有驚喜，棒棒雞用上既雞槌size fit到咀形， 啖啖肉過足口癮，而且件數絕對唔姑寒，兩個人開心share都夠哂； 而雞槌用左唔同香料醃過，再煎香再焗到外層焦脆， 但裡面肉質完全唔乾，超級嫩滑，必食之選！ 📌C O C K T A I L -  ▪️ Peter Pan - $128 ▫️ 佢地既Cocktail實在太高質，唔試到夠真係唔夠喉，第一杯「Peter Pan」 用上Gin做底，加上四季桔、檸檬、蛋白、薑啤溝埋，入口酸酸甜甜， 相當清爽，而且賣相吸引，打卡一流。 ▪️ The Landlord - $138 ▫️ 第二杯「The Landlord」用cinnamon infused過whiskey做base， 所以聞落香味突出，再經火槍燒過apple wood，帶出另一種smoky香氣， 配搭甜味苦艾酒、金巴利酒，酒味層次更加豐厚，好好飲。 ▪️ Day and Night - $128 ▫️ 而最後「Day and Night」用青蘋果蓉配搭Prosecco， 入口有少少似果汁汽酒，極易入口，岩哂一眾女仕們。

食野要講mood，我今日個mood話比我知，我想chill得黎又有d氣氛，
有氣氛得黎有杯酒嗒下，係港島返工第一時間，
畫面一轉就係中環soho區，呢間意大利菜「Sole Mio」
絕對係我今晚number one首選！👇🏻
📌DINNER · SET - $258
▪️ Garlic · Bread -
▪️ Bruschetta - 
▫️ 一個Dinner set勁抵食，一個set包左一個前菜、一個主食、一個甜品，
只係200幾蚊，而家係中環係買少見少，先黎個welcome bread「蒜蓉包」、
「意式烤法包」，每樣2件，即時烤製，夠哂脆口，好食。

▪️ Salmone Affumicato E Avocado - 
▪️ Prosciutto e Melone -
▫️ 前菜分別試左「煙三文魚·牛油果沙律」、「巴馬火腿沙律·蜜瓜」，
牛油果相當新鮮，入口香甜軟腍，煙三文魚肥美爽彈；
後者parma ham肉質柔軟，夠哂甘香，包住蜜瓜一齊食
做到味道細緻，口感balance，好食。
▪️ Margherita -
▫️ 主食方面先試左個「瑪格麗塔薄餅」，pizza新鮮滾熱辣，
餅底做到相當脆口，面頭既芝士軟腍同時做到流心狀態，
連埋蕃茄醬份外惹味。

▪️ Linguine AL PESTO Con Gamberi -
▫️ 另一道「大蝦扁意粉·意大利青醬」又係必食，大蝦爽彈，
配上扁意粉口感做到恰到好處，有咬口之餘唔會太腍太硬，
而青醬令成個味道更高層次。

▪️ Tiramisu - 
▪️ Panna · Cotta - 
▫️ 最後甜品「提拉米蘇」、「意大利奶凍」，Tiramisu入口做到
淡淡咖啡酒香，口感細緻，做到滑順而且甜而不膩；
而panna cotta奶凍軟滑，面頭淋上Raspberry sauce，
旁邊仲有士多啤梨，賣相相當吸引。

📌HAPPY HOUR - 
▪️ Conti d'Arco Prosecco Brut - $228/H.H
▫️ 佢地happy hour做緊cocktail、wine、beer、
classic cocktail都係極抵玩$48有1杯，我就嗌左1枝
「Conti d'Arco Prosecco Brut」，呢個價錢絕對係性價比之選！

古時就有戰神，電競界有統神，星爺就有套食神，咁飲食界呢？
鐵板燒就有間「板神鉄板燒日本料理」，今日小弟就盤住學習既心態，
除左一睹板神既風采，為板神吶喊助威之外，當然要試下佢地新推出既
「激安パッケージ」鐵板燒一人前，一次過食勻十一品，
仲可以額外追加Menu，一款海鮮、飲品、甜品，保證飽住走！👇🏻

📌激安パッケージ一人前 - $388(會員價) / $688(非會員價)
▪️ サ ラ ダ - 
▫️「野菜沙律」用左甘荀沙律汁，配上栗米、車厘茄、甜蕃薯，面頭有D春卷皮，口感豐富，相當開胃。

▪️ お造り三種盛り - 
▫️「刺身三點」一次過食勻火炙吞拿魚、鰤魚、帆立貝，三者都相當，鮮甜無比。
▪️ ロブスター - 
▫️「越南青原隻青龍蝦」師傅將龍蝦頭用黎之後用黎熬湯，
而龍蝦再用蝦膏熬煮既秘製蝦汁炒香，食落蝦肉極之爽彈，份外惹味，正！
▪️ 追 加 海 鮮 - 

▫️「車海老」套餐仲可以追加其他包括海鮮，大蝦食落絕對鮮甜彈牙，肉質夠哂juicy。
▫️「北海道刺身級帆立貝」size夠哂大粒，外層燒到微微焦香，
裡面仍然keep到嫩滑Q彈，真係想食多粒！
▪️ 米 国 牛 薄 烧 - 2枚 
▫️ 「美國薄燒安格斯牛柳」師傅將牛柳煎到5成熟，再包住獨子蒜、蔥，
底部用麵包索走多餘油份，一啖過油香係口腔內爆發，肉質嫩滑到不得了。
▪️ 追 加 肉 類 -
▫️「日本A5和牛厚燒」有成50g咁大舊，都係加98蚊，勁抵食，
同樣底部有麵包索住多餘油份，和牛就咁睇油脂分佈平均，油香十足。
▪️ 配 菜 -  
▫️「蛋炒飯」用左大量蔥花、紅蘿蔔絲、煙肉、洋蔥、蛋炒成，
飯身炒到相當乾身，粒粒分明，而且份量好足，夠哂飽肚。
▫️「炒雜菜」用上椰菜、紅蘿蔔絲、芽菜炒成，相當惹味。
▫️「龍蝦味噌湯」用上較早前既龍蝦頭熬煮，果種鮮甜係令你飯身更加舒服。
▪️ 追 加 甜 品 -
▫️「火焰·士多啤梨」分別有最中餅、士多啤梨兩食，凍既裡面包住吉士醬，
而熱上既士多啤梨係經橙酒煮過，夠哂香甜，多士配上焦糖脆脆，我超鍾意。

▪️ 追 加 飲 品 -
▫️「MA MA DE」用麻油infused左既Gin做base，入口輕輕麻油香， 
繼而有種Fruity香味，加上有陣陣蘋果木既smoky韻味，份外清幽。
▫️「JAPANESE BORSCHT」用上 tabasco、紅石榴Syrup、
橙汁、伯爵茶、蛋黃Shake既mocktail，入口甜不而膩，帶少少辛口，好特別。

小店都有一間懷舊昭和風居酒屋「炭烙」，有齊我最愛既燒物， 包括甲羅燒、串燒，想送酒一樣有味醂魚干、蟹粉多士， 想飽肚d又有關東煮，一系列炸物，講到最偉大既酒精， 一定走唔甩燒酎、威士忌、生啤，任君選擇，即刻狗衝啦！👇 📌招 牌 推 介 - ▪ 火 炙 熔 岩 三文 魚 丼 - $138 ▫ 第一炮必試呢個「火炙熔岩三文魚丼」，三文魚經火炙過， 香味到位，口感肥美油脂豐腴，連埋日本蛋同埋自家醬汁， 成個飯食落口感更加豐富，呢個我超鍾意，
以呢個價錢黎講絕對係性價比之選！▪ 爆 蔥 牛 舌 飯  - $98 ▫ 第二道必試「爆蔥牛舌飯」，牛舌份量絕對唔姑寒， 而且質感完全唔會overcooked，口感唔韌，牛味亦相當濃郁， 連埋面頭大量蔥花、日本蛋，撈埋一齊食，份外惹味。 ▪ 雞 皮 餃 子 - $45 ▫ 小食方面先黎個「雞皮餃子」一客三件，雞皮外層煙韌有咬口， 裡面包住既豬肉軟綿，油香到位，唔會太膩。 ▪ 味 醂 魚 乾 - $48 ▫ 跟住再黎「味醂魚乾」，鹹甜比例適中，送酒必備， 我就同朋友一人一杯「麒麟生啤」同埋「威士忌梳打」，過足口癮。 ▪ 明 太 子 雞 翼 - $45 ▫ 最後呢個「明太子雞翼」即叫即炸，一上枱新鮮滾熱辣， 外脆內嫩，裡面仲保持到juicy，完全唔乾身，加埋明太子，份外惹味好食。

講真食得多鮑參翅肚，間中都想簡簡單單，就算一碗白粥， 我都覺得好滿足。今晚就過黎北角試試呢間，已經營運過百年既 澳門老字號「梁慶記」，亦受米芝蓮推介過，佢地既地道正宗風味， 就係果份價值，果份堅持，並唔係單純可以用錢黎衡量！👇🏻 📌招 牌 推 介 - ▪️ 蛋 蓋 豬 扒 飯 - $59 ▫️ 我朋友嗌左個「蛋蓋豬扒飯」，豬扒外層帶微微香脆， 食落肉質爽口彈牙，完全唔韌，面頭放上一大塊炒滑蛋， 口感相當滑溜，加左4蚊仲有加底，夠哂飽肚；加左24蚊仲可以轉set， 送一杯飲品同埋小食；佢就揀左杯「玫瑰桂圓花茶」同埋「炸雲吞」； 花茶入口清幽解膩，而炸雲吞亦係新鮮即炸，夠哂脆口； 套餐額外再加16蚊嗌左個「滷水豆腐」，吸收哂滿滿滷水汁，份外惹味。 ▪️ 蝦 籽 撈 麵 - $63 ▫️ 另外不得不試呢個地道「蝦籽撈麵」，先講撈麵，食落完全無鹼水， 口感極為爽彈，面頭灑滿大量蝦籽，鹹鮮味豐富，同樣揀左主食係「豬扒」，
加左10蚊雙拼要埋「辣金錢肚」，金錢肚極有咬口，煙韌無比， 最緊要係多蔥，同樣24蚊轉埋套餐，嗌埋碟「腩汁生菜」同埋凍檸茶， 今晚真係完美收貨啦！

眾多日本菜當中，我認為廚師發辦係永遠唔怕遲， 無論一年四季都食得，chef根據時令季節， 以唔同食材打造當晚menu，每一次體驗都有驚喜， 次次食完都會想返尋味，正所謂共你有過過去，三世都有幸。👇🏻 📌沅 - $1,380/位 ▪ 茶 碗 蒸 し -  ▫「小長井蠔·蔥油·茶碗蒸」蠔肉加左d蔥油，食落完全唔乾身， 仲好juicy，而底部蛋香十足，滑不溜口，好食。 ▪ 鮨 十 五 貫 -  ▫「深海池魚」肉質緊實有咬口、略帶油光、夠哂鮮甜。 ▫「左口魚邊」油脂感極重，魚邊位特別爽彈。 ▫「蜜柑鯛」唔需額外調味，入口淡淡既柑橘香味，吊出魚鮮味。 ▫「池魚」厚切上，面頭配搭蔥蓉，份外甘香。 ▫「障泥烏賊」肉質彈牙得黎，帶少少黏口，口感好特別。 ▫「針魚」同樣面頭配搭蔥蓉一齊食，肉質鮮嫩無比。 ▫「鱒魚醬油漬」用醬油漬將鱒魚魚香味帶出，幾有驚喜。 ▫「北海道鮮帆立貝」size比我想像中更肥美厚肉，食落真係鮮甜到不得了。 ▫「中拖羅」油香比赤身更豐腴，甘香香甜，近乎入口即化。 ▫「牡丹蝦」面頭配上蝦籽，連埋一齊食鮮甜爽彈，略帶少少黏性，口感豐富。 ▫「赤身醬油漬」魚味極濃，肉質鮮嫩又結實，味道醇厚。 ▫「火炙銀鱈魚」面頭加左d松露油，一啖過truffle香勁突出， 魚肉經火炙過，肉質變得焦香腍滑，好食。 ▫「火炙大拖羅」面頭加左d竹炭鹽，超級肥美，油脂瞬間係口腔內爆發！ ▫「海鰻」魚味十足，肉質煙煙韌韌，我都係第一次試。 ▫「北海道馬糞海膽」入口濃郁甘甜，一個字講哂，鮮！ ▪ 卷 物 -   ▫「拖羅卷」夾雜住中拖羅，大拖羅經火炙過，加埋赤身、 黃瓜、芽蔥同埋wasabi，一啖過係口感層次相當豐富。 ▪ 玉 子 焼 き -  ▫「玉子燒」質感相當紮實，口感軟綿腍滑，加上調味比例恰當， 味道唔會太甜，蛋味香濃，好好食。 ▪ お 椀 -  ▫「鯛魚魚湯」入口鮮甜之餘，裡面仲有魚春，略帶淡淡鹹香。 ▪ 甜 品 -  ▫「焙茶雪糕」茶味唔會太苦澀，奶香幼滑，我超鍾意。

當hangover既時侯，仲要返工，你就會知道，你琴晚既開心係有代價… 最近「Lounge Hakuba」新推出既十一品二人前套餐， 絕對係日式居酒屋性價比首選，套餐限定每位追加$148 就有90分鐘任飲soda cocktail放題，唔理聽日係咪要返工， 我就係要盡興！👇🏻 📌二 人 前 套 餐 - $650 ▪️ 前 菜 - ▫️「芥辣八爪魚」混合左d wasabi，口感煙煙靭靭之餘 仲有種刺激感，開胃又過足口癮。 ▫️「炙燒北海道帆立貝」面頭同樣經過輕輕炙燒 帶住淡淡既焦香味，爽彈得黎又惹味。 ▫️「炙燒三文魚」面頭經火炙過，滲出魚油，油香十足， 一啖過肉質軟綿有咬口，好食。 ▪️ 串 焼 き - ▫️「溏心蛋豚肉卷」用豚肉包住溏心蛋，一啖過蛋汁係口腔爆發， 同時豚肉亦燒得夠香口，兩者配搭得恰到好處。 ▫️「紫蘇雞腿肉」肉質食落完全唔鞋口，肥美又夠juicy，加埋紫蘇葉香，特別醒神。 ▫️「明太子山藥」咬落口質感好特別，帶少少爽口，而且上面既明太子鹹香突出，正！ ▫️「金菇肥牛卷」用肥牛包住金菇黎燒，金菇咬落保持到大量菇汁， 無被蒸發哂，肥牛亦夠滑溜，幾有驚喜。 ▪️ 逸 品 料 理 - ▫️「唐揚炸豆腐」外皮炸得金黃香脆，就咁望落似足臭豆腐果種脆口， 裡面豆腐做到入口即化，滑不溜口呀！ ▫️「蜜糖柚子雞翼」外層既柚子蜜糖香甜惹味， 加埋雞翼炸到份外香脆，呢個真係食唔停口。 ▪️ 太 卷 -  ▫️「壽喜燒牛肉」味道做到鹹甜適中，調味較得岩岩好， 加埋飯身軟綿，值得一試。 ▫️「牛油果忌廉芝士」面頭擺滿左一舊忌廉，當中夾雜左d牛油果蓉， 連埋飯身一啖過，口感層次豐富，呢個我超鍾意。 ▪️ 主 食 -  ▫️「壽喜燒牛脊肉烏冬」牛脊肉肉質嫩滑，加埋烏冬爽彈有咬口， 同壽喜燒醬不杗謀而合，甜甜地連埋流心溫泉蛋， 成個組合都係毫無違和感。 ▪️ 甜 品 - 
▫️「吉士鯛魚燒」呢個甜品一定唔可以錯過，事關除左主角鯛魚燒 燒得外面鬆脆之餘，配菜仲有日式蕨餅、抹茶雪糕、紅豆、日本啫喱、 士多啤梨，女仕們一定愛上。 📌Cocktail - $138 ▪️ Wachini - ▪️ Morning Dew - ▫️ 佢地Cocktail好有獨特之處，係因為8款都係用上和服元素包裝，
而且好有儀式感，可以擲骰由上天幫你安排邊一杯， 我就擲中左「清葵」、「初露」，前者用Hendrick's Gin做base，
加埋wasabi、青檸汁、青瓜syrup製成，入口清爽爽甜； 而後者用白蘭樹下Gin做base，加埋檸檬汁、紫蘇葉Liqueur、 Tonic製成，酸酸地好易入口。

呢間餐廳「RaRe Restaurant」名字源自稀有的，罕見的…
你諗下淨係個名都high end死人，如果你帶個心儀既女仔
係呢間餐廳食飯，再突然之間送紮真既玫瑰，
再毫無預兆咁表白示埋愛，塵世間仲有咩女係溝唔到？👇🏻
📌Set Dinner for Two - $699 (March Promotion)
▪️ Parma Ham Rocket Salad - 
▫️ 先黎個前菜「巴馬火腿沙律」開開胃先，Parma ham配上新鮮火箭菜，
食落鹹香爽口，加埋車厘茄、橄欖、巴馬臣芝士，整體相當清新。

▪️ Black Truffle Mushroom Soup - 
▫️ 再黎呢個「新鮮黑松露蘑菇忌廉湯」，質感做到非常濃稠，
新鮮Truffle味道相當濃郁突出，混合左d巴馬臣芝士、松露醬、野菌，
成個香味層次豐富到不得了。
▪️ Black Truffle Linguine -
▫️ 主菜方面先試左個「黑松露扁意粉」，意粉食落好有咬口，
底部配搭cream sauce，口感極為creamy，再夾雜左大量巴馬臣芝士，
香得黎唔會太膩，面頭灑上松露片，高質之作！

▪️ M9 AUS Beef Chuck Eye Roll (200g) - 
▫️ 另一道主菜「澳洲M9和牛肩胛肉眼扒」好有驚喜，澳洲既M9肉眼
肉質相當軟腍，邊位既肥膏位油香十足，入口瞬間融化，
口感極到細嫩，而且完全唔覺得有筋，啖啖肉過足口癮！
▪️ Strawberry Mille Feuille -  
▫️ 兩款甜品當中我好鍾意呢個「士多啤梨拿玻崙」，牛油香味突出，
外皮酥脆無比，裡面吉士忌廉做到甜而不膩，層次亦鮮明，正！
▪️ Chocolate Cake - 
▫️ 另一款「朱古力蛋糕」上枱先知原來係凍餅一種，我係超鍾意
呢種比較硬身既口感，裡面既朱古力係軟心果種，真係食到停唔到口。