食之劇場餐廳 (已結業)

WA-Theater Restaurant is omakase restaurant located in Sai Kung, at The Pier Hotel. It is quite far, but it its worth visitting! The atmosphere inside is very relaxing and elegant, just what you need if you want to have a special evening and enjoy omakase. This place is famed by its selection of seafood which you will enjoy so much that will never forget this experience. You will be welcomed with a hot tea, made using Shirakami Sanchi Water. This water is even used in soups there, because of its

Staycation完 順路係到食omakase 😍星（$1380）前菜3點蟹肉芋頭合桃豆腐 蝦 鮑魚 帶子樣樣都好精緻 充滿藝術感！旬之刺身3點竹籤魚赤身、中拖羅岩手縣生蠔新鮮既，都厚切 可以每樣試少少燒物西京銀雪魚非常滑 配埋蛋黃醬食一流～A4 和牛壽喜鍋配白飯牛肉同配料多又厚身，食完呢個就飽飽了湯白子清湯好鮮甜 加入青檸 味道更昇華！甜品蜜瓜加自家製芝麻脆餅配芝麻Tiramisu生果好甜又多汁！tiramisu 又夠晒入味～

今日同女朋友，去咗西貢旅行，夜晚諗緊去邊度食，搵吓OpenRice，搵到附近有一間日本菜，好似幾好食，咁我哋就去睇吓見到個餐牌係廚師發板，所有嘢都係由餐廳安排最新鮮嘅食材，通常我最鍾意食呢啲，因為永遠充滿神秘感一入到去，餐廳老闆同我講，所有嘢食，都係用白神山地之水煮，味道會特別甜，特別鮮味頭盤有豆腐，帶子，蝦，蟹肉，仲有個好得意嘅爆米花，咬落去鹹鹹地、脆脆地跟住有五款刺身，刺身必須要，根據由淡味到濃味開始食，咁先可以食到個層次出嚟跟住就有天婦羅，包括松葉蟹腳天婦羅、南瓜天婦羅、番薯天婦羅，隔離仲有啲竹炭鹽，同埋青檸，點左就更加帶出佢哋嘅鮮味跟住到煮物，壽喜燒牛肉，味道好甜好香到壽司，一次過就有七款，啲壽司已經落咗豉油同Wasabi，味道啱啱好，有時令魚，有拖羅，非常豐富湯就真係有啲驚喜，雲子清湯，又有松茸同豆腐，白子，口感好Creamy, 好滑，食完之後，都感覺皮膚會靚晒最後嘅甜品結尾，有個好好食嘅蛋糕，同埋蜜瓜，正正極力推介大家來這個餐廳

今日假期最適合就係出去玩，同朋友就嚟咗西貢白沙灣跟手食完飯出三星灣，見有時間就梗係嘆返個靚lunch，試左有人極力推介既Wa Theatre！咁呢間日本餐廳就係酒店入面，環境梗係冇得輸啦，出面又有無敵大海景，店員服務都酒店級，每round都主動執碟，絕對好滿意！餐廳用料食材都好講究，店員話所有食物都用佢serve既白神山地水去煮去處理，係軟水嚟飲落好舒服清甜👍🏻我就叫左個A4和牛三文字既lunch set，有前菜，茶碗蒸，湯同甜品，前菜係和牛可樂餅，炸得非常好，入面又香又creamy，高質👍🏻主菜和牛係超級大舊，滿晒4片三文字好大塊好抵食，師傅好似話用左A5牛腰柳，食落完全唔會爆晒油咁，又好軟有和牛質地，配合佢個芝麻醬係極滿足，完全滿足食和牛既期望👍🏻👍🏻👍🏻

是日風和日麗，最啱就係出外遠遊😝呢日就嚟到西貢玩，加埋食好嘢，就嚟左試呢間Wa Theater 嘅Omakase😆Lunch 都係980一位，酒店嚟講幾抵食👍🏻👍🏻頭盤合桃豆腐菊花，旨煮海老，醬油八爪魚，全部都好有心機製作，有驚喜😆Sashimi 高質拖羅冇得輸，最有驚喜係墨魚，鮮味到癲😝燒物銀鱈魚，燒得好香😆熟成池魚蜜柑鯛好有趣，係只用蜜柑喂大條鯛魚，連魚肉都甜甜地有蜜柑味鹽燒鰤魚醬油拖羅金目鯛海膽好鮮甜😝高質👍🏻最後仲有湯同甜品（抽子雪巴），係超級滿足加滿意既一餐！！大家嚟到西貢記得一試😆最好就座吧枱睇住師傅製作

去西貢staycation, 所以諗住歎盡，所以book 左個omakase。首先如果想食海景，真係唔好有太大expectation ，我已經係坐望海位，但個位係好細的，而且有欄杆遮擋，並唔會好似酒店天台位置咁開揚，如果想坐得舒服啲，坐餐廳入面其他位可能更好。相隔左超過兩個月，整體感覺其實唔係好記得，但我記得個蝦同個醬汁唔係好夾，有啲奇怪，立鱗燒就做得好好，一片片魚鱗好似食緊薯片脆脆，而魚肉好厚實，好好食，唔夠喉。另外d sushi 就普通啦，無咩特別。呢個experience 一次就夠，話晒一般情況下係唔會特登入西貢食omakase.

一開始預訂咗依間餐廳已經見到西貢白沙灣好靚嘅海！然後入到去餐廳入邊間餐廳都幾乾淨仲有店員亦都親切有禮。因為我好少食日本嘢之後見面就介紹咗廚師發板。 順便一提呢度嘅水喺日本運過黎嘅水，比一般水更加清甜。先介紹前菜，依到既前菜係加左水果，仲有幾款好有特色味道嘅菜，入邊有蝦同埋幾樣野店員亦都有介紹先後次序去食咁樣就會帶出最佳味道，食高質日本野一定要識食，先會享受到當中既樂趣食完前菜就開始食刺身同埋炸物，呢度嘅刺身一定要分先後次序去食先可以分到嗰種有層次既味道。有好多人唔明廚師發板嘅樂趣，其實店員會同你解釋好多嘢同埋教你點樣有得玩都有得食更加令到顧客可以學到野，滿載而歸我同店員傾咗一陣計知道店員一定係喺日本留過一段長時間因為佢知道好多日本嘅歷史同埋教我好多日本嘅禮儀令到我以後出去食嘢都唔會出醜依度食嘢會學到好多嘢，同埋店員亦都有一份堅持同我講食物要點樣食先有最好嘅味道同埋師傅點樣用一握入魂去整壽司俾你，令到顧客能有最好嘅口感, 呢度嘅壽司食都要分先後次序去食最後就有湯同甜品！而家好多現代人都唔鍾意味精，咁依個湯就好適合你，因為呢個湯係一啲味精都冇落佢係用好多種魚去精煉而成，係冬天飲湯嘅你可以

今日跟朋友入去西貢白沙灣搵食，問佢食咩又話唔知，佢帶咗我去一間隱世餐廳，餐廳喺酒店入邊，原來係食廚師發板，餐牌菜式由餐廳按當日食材安排，不時不食，難怪佢話唔知食咩啦😆餐廳最細緻嘅位係堅持所有煮食用嘅水都係用白神山地之水烹調，讓每一位客人可以食到最原汁原味日本嘅Omakase前菜3食-合桃豆腐上面有菊花茨汁-柿子杯入面有帶子、鮑魚、蝦、芝麻柿-松葉蟹肉超鮮甜😍唔好睇小旁邊既稻穗🌾，脆米就好似一粒粒爆米花🍿️好食好特別旬之刺身深海池魚配柚子汁竟然好夾，赤身拖羅配食用菊花好，軟滑口感一流赤牡丹蝦🦐好肥美鮮甜，肉質好爽口，特上大拖羅油脂更高，喺入口完全溶化，薄切左口魚包住汁燒裙邊又係另一種食法，🦑八爪魚吸管好QQ，紫蘇花絮可以配埋刺身一齊食，第一次食紫蘇花絮，顏色十分好看，味道比紫蘇葉淡，岩手縣米崎蠔🦪配蒜蓉蕃茄汁，估唔到呢個汁令到個蠔味更上一層樓燒物金鯛魚🐟做立鱗燒，用原片魚件不起鱗用熟油淥熟再用爐燒到乾脆，上面配埋海膽粉，魚肉嫩滑，勁好食呀😍炸物🍠番薯天婦羅、南瓜天婦羅、🦀️松葉蟹腳天婦羅，成隻松葉蟹腳做天婦羅原來好好食，外脆既粉漿包住新鮮既蟹腳，真係好出色😋 旁邊以竹炭鹽配天婦羅，職員告知青

食之劇場omakase都市人生活緊張，而且經歷接近兩年時間無得飛。確實要搵個地方放鬆下。西貢有香港後花園之稱。放假去呢到一定會好relax。要黎呢到食一定要提早BOOKING。餐廳地方唔算細，但座位數量唔多。仲有一間包廂添。我地係星期四晚上6點鐘到餐廳，係第一枱客人。 我地被安排坐係窗邊。好彩早到左因為仲可以見到少少日落。好chill既感覺。由於budget有限，我地點左一個set a - omakase $1680/位。另外我地點左set c - 雲 $980/位。咁樣就可以試唔同類型既食物。第一道上係前菜，前菜包括三道菜。經理教我地由松葉蟹肉食起，蟹肉呈蟹柳既狀態。但你絕對食得出蟹味既鮮。之後就到豆腐，豆腐入口勁滑身，而且質感綿密，最後就到芝麻柿，之所以叫做芝麻柿，係因為肉身呈芝麻，但呢個絕對係正常，唔好以為係變壞左。而係柿入面有蝦，燒帶子同鮑魚。柿肉勁爽口，而且入面既海鮮都好好味。接住就係刺身個人覺得兩種刺身真係伯食得出有分別。SET A既刺身魚油比例會高D。特別係拖羅會食得出分別。之後就到金鯛魚，經理特別同我地介紹，主廚無做去魚鱗呢個步驟。而金鯛魚既魚鱗係非常硬。主廚會用生滾油

同朋友去完西貢行山，路經白沙灣，一於試吓呢間omakase☺️星($1,380)前菜蟹肉蓮藕 、合桃豆腐 、 蝦鮑魚帶子我最中意和歌山柿子海鮮杯，入面啖啖都係海鮮，超鮮甜！不得不提伴碟既稻穗，可以食用咖！好似食緊pop corn緊😂刺身竹籤魚、赤身、中拖羅、岩手縣生蠔配蒜蓉番茄醬個人最愛生蠔，超爽口又唔會太腥😋中拖羅都唔錯，夠肥美燒物西京銀雪魚肉質超嫩滑！燒得勁香，配埋酸酸甜甜既醃料食，唔會好膩Ａ５和牛壽喜燒份量好足，牛肉新鮮又夠香 配埋廣島既生雞蛋😋湯白子清湯，用左魚湯底，用埋青檸更加帶出鮮味蜜瓜加自家製芝麻脆餅配胡麻醬Tiramisu甜品全自家製，胡麻醬Tiramisu真係好特別，勁香又唔會死甜👍🏻

約好姊妹去The Pier Staycation。酒店係幾靚但可惜附近好荒蕪，好彩有呢間口啤不錯的日式餐廳係酒店樓下，有驚喜！風景超級靚，對出係遊艇碼頭。撞正風和日麗的日子，渡假感滿滿。餐廳裡面係和式裝修，有三間廂房，如果有4個人下次一定要坐！首先侍應奉上一枝水，唔好以為係普通礦泉水，原來呢枝係水係來自日本的白神山地水，入口軟滑清澈。第一道係茶碗蒸，好香濃的海鮮甜味，好似食到少少鰹魚的鮮味，蛋非常滑，入口即溶。炸物係忌廉可樂餅。其實可樂餅係無可樂㗎🤣可樂餅其實係將薯仔煮軟成泥狀，並將各樣配料混合後，揉成圓餅再沾上麵包糠油炸而成，今次嘅忌廉可樂餅裡面有滿滿的蟹肉，外層炸得好香脆，熱辣辣上碟。饅魚飯同之前係日本食嘅一模一樣，用一個精緻的盒仔裝住熱騰騰的饅魚飯。饅魚份量好多，有兩大塊，饅魚汁同飯嘅比例剛好，唔會太多汁浸到啲飯淋晒。飯粒粒分明，用上日本稻米，有飯香，口感煙韌。甜品：柚子雪葩清甜的柚子微微帶酸，雪葩中有真實柚子皮令整體口感更豐富。

週年紀念老公神神祕祕入西貢話帶我食好西，嚟到白沙灣碼頭原來呢到開咗間酒店，酒店下面有一間Omekase，日式嘅裝修配上岸邊碼頭風景，有一秒以為自己去咗沖繩，淨係呢個感覺已經勁加分我地被安排坐係吧枱嘅位置，可以睇住師傅為我地泡製一道道精緻的美食。我地叫咗午市Omakase，$980/位，非常豐富。前菜三點好精緻。師傅用心解釋，首先食豆腐，配上菊花芡一齊食，入口甜甜豆味非常濃滑。旨子蝦：彈牙蝦肉配上芝士，芝士味唔會太濃蓋過蝦的鮮甜。醃製咗的八爪魚鬚，味道較濃所以較後食，最後食魚仔及核桃。刺身三點剛才食完八爪魚鬚，同一條八爪魚近頭位嘅部份用咗嚟做刺身。超淋！好易入口！平時唔食八爪魚刺身嘅老公都大讚。鮫鰈：中間夾住裙邊，點上酸汁一齊食好特別。超拖羅：十分肥美，入口即溶！完全無筋！燒物壽司六貫柑鯛：愛媛縣特產，漁民特別用蜜柑去餵魚，魚肉入口清香味。北海道帶子：肥美深海池魚：熟成，好香滑梭子魚：好肥，炙燒燒香咗皮，令入口更香醋漬吞拿魚：吞拿魚最肥美嘅部位，用上古老處理刺身嘅方法，用熱水輕輕拖一拖，鞏固表面保持鮮度鰈魚壽司：炙燒，油香味非常濃郁最後仲有甜品，好滿足！

去到酒店都覺得好放鬆！始終佢喺海邊又有個海景，所以個心情都好似去咗旅行咁！入咗餐廳坐低咗，職員就俾咗杯茶我，原來係日本煎茶，佢係用日本既白神山地之水沖既！口感更柔軟！前菜都好別致！有個三文魚，芋頭同合桃！三文魚好新鮮！呢個炸物-餅，有蝦、洋蔥同菇！食落好有口感，同埋啲材料打碎晒，但都好有味道！A4和牛壽喜鍋，牛好香好有牛味！成個鍋都好豐富有好多菜又有啲粉，有菇在半麻白飯真係一流！下次放假都會再黎放鬆一下！

食之劇場 THEATER RESTAURANT ..西貢一向寧靜舒服，白沙灣酒店內一間有質素、環境優美既日本餐廳。趁住Weekend 來走走順便來吃個日料晚餐。揀左呢度既Omakase🥢，一向聽朋友介紹唔錯，海景餐廳面向白沙灣碼頭，環境加倍放鬆，廚師製作用心👨🏻‍🍳 食物精緻有水準，去西貢不妨可以來一試喔。餐廳一絲不苟，所用既飲用水都大有來頭「世界自然遺產：白神山之水💦」，一款礦物質水但入口質感較爽身 & 易入口。Set A 廚師發板 $1,580 /head(主打壽司刺身🍣🥢）✨前菜 3點、✨旬之刺身 5點、✨炸物 (角切魚生飯：帆立貝、海老、吞拿魚、拖羅)✨精選時令壽司 7貫 (昆布醃過既炙燒金木鯛、深海池魚、岩手縣石垣貝 爽身、帆立貝 新鮮肥美、柚子胡椒旗魚 油脂重、青海老沾蝦殼蝦膏醬油 濃香、海膽 清甜）✨湯，甜品Set B 晚市精選天 $1,480 /head(主打日式和式🍣🥢）✨前菜 3點、✨旬之刺身 3點、✨燒物 (朴葉燒熊本A5西冷 配金菇麵豉甜醬 姬松茸 銀杏)✨煮物 (酒煮龍蝦海老 蝦膏煮成麵豉 肉質爽彈）配上愛知縣銀杏、南瓜、栗子✨食事 (安康魚肝)✨湯，甜品 前

很想念日本旅行，往年聖誕節都在旅行中渡過。到西貢吃一頓高質的午餐，再漫步碼頭海旁，曬曬太陽，感受陽光的溫暖，都是一件樂事。坐在窗邊，看着碼頭的海景。一人點一個餐。12 月新菜單。壽司定食 $620 前菜·茶碗蒸精選壽司八件，卷物。最欣賞餐廳自製白昆布海膽，特別清甜，口感好滑，與新鮮食法各有不同。輕燒北極貝，有炙燒香氣，爽口彈牙。味噌湯甜品A5 和牛壽喜鍋$550 前菜·茶碗蒸溫泉蛋A5 和牛壽喜鍋，牛肉點一下溫泉蛋及醬油，再放進口裡，入口即化的和牛，可以來兩碗白飯。味噌湯、漬物甜品，蜜桃味雪芭，大有清香，很幼滑。食物高質，看着美景，價錢位價，還是很值得。