今日我女朋友，話帶我試吓佢屋企附近好食嘅嘢，御名園，一開始我聽個名，有啲老土，以為係間茶餐廳，估唔到原來今晚餐飯咁好食 一去到，我女朋友已經好貼心，叫咗好多嘢食 今日比較推介，有個響螺湯，一打開個蓋好香，材料勁多，同埋有我最鍾意嘅黑蒜，仲有豬肉雞肉，同埋個重點，響螺，飲完即刻覺得好補 跟住仲叫咗個蒜蓉粉絲蒸元貝，好抵食，隻隻都好大粒，配埋蒜蓉粉絲蒸，好惹味 另外一個好嘢，上湯焗澳洲龍蝦伊麵，澳洲龍蝦肉鮮甜又多汁，啲伊麵吸收晒所有上湯精華，大家記住要加伊麵底

之前喺泰國旅行試過食流水蝦放題, 一直心心念念, 終於等到元朗開左首間流水蝦放題, 2.5小時任飲任食每位都只係$268, 有得玩有得食, 即刻同男朋友去試下 每個座位隔離都有流水蝦水缸, 方便夾完即刻燒! 流水蝦隻隻都好生猛, 夾得唔好會即刻彈走, 幾有挑戰性~而且流水蝦肉質彈牙多膏, 絕對唔會霉或者唔新鮮~值得一讚既係, 店員服務態度一流, 一見水缸得返好少蝦, 會馬上入廚房拎啲新鮮蝦出黎補貨! 除左流水蝦之外, 出面仲有好多海鮮、肉類、熟食、雪糕甜品同埋飲品任君選擇。個人最推薦既係扇貝同鮑魚, 非常鮮甜彈牙! 以咦個價錢同素質黎講, 仲要有得玩, 性價比十分高~當日星期六中午時份去, 全場爆滿, 記得去食之前要book定位啦~

一開始喺OpenRice見到依間餐廳好多好評，咁我又好耐冇食台灣嘢咁就特登去試吓。 入到去見到有個職員就好歡迎我哋，感覺都開心啲。雖然呢度係工廠大廈但係入到嚟餐廳嘅裝修都好靚，坐得都好舒服。 咁我一開始嚟到梗係要試吓台灣牛肉麵，呢個係我次次食台灣嘢都一定要食嘅嘢。之後我再點一杯台式飲品，食台灣嘢唔飲台式飲品店點得㗎。一開始碗台灣麵嚟到嘅時候我已經覺得賣相好靚，咁我就試吓啲牛肉啦，用依個價錢食到呢啲牛肉真係完全好抵 我朋友就點咗一過麻辣麵。個麻辣麵我都試咗少少，睇吓啲朋友食唔食到辣。我自己個人就覺得啱啱好，我下次自己都會點一次 我朋友就點咗一杯珍珠奶茶。佢話同台灣食嘅味道好似。 整體我就覺得依間台灣嘢好抵喺觀塘大廈可以食到依啲質素嘅食物同依個價錢真係超值。我都好想試埋其他食物。

自己好鐘意食辣，今次見到有朋友介紹，就親自去試下。經店員介紹，我就點左金湯酸菜魚，之後點左份炒牛肉同口水雞。 點左無幾耐，新鮮既金湯酸菜魚就到左。一睇去颜色都好對味，感覺巳經好正宗。試個時，覺得辣得剛剛好，我感覺係就左香港人的味。一般喜歡食辣既朋友一定要試，個湯都好對味，魚當然無骨，又滑。依個果然係依家既招牌菜。 之後發覺依家店仲有越來越小見到既加多寶，就點左，飲完會無咁熱氣。 口水雞都到左，個口水雞用左特式辣醬，加上飯食非常惹味，自己好鐘意依個，因為肉感非常好。 最後試埋個炒牛肉，店家提供左麵粉去比你溝住食，好有以前係內地食既話味，一個字正宗。依到仲有好多菜，我之後仲會慢慢試埋，好食既辣野好小，係銅鑼灣食到，真係難得遇到

一開始預訂咗依間餐廳已經見到西貢白沙灣好靚嘅海！然後入到去餐廳入邊間餐廳都幾乾淨仲有店員亦都親切有禮。因為我好少食日本嘢之後見面就介紹咗廚師發板。 順便一提呢度嘅水喺日本運過黎嘅水，比一般水更加清甜。 先介紹前菜，依到既前菜係加左水果，仲有幾款好有特色味道嘅菜，入邊有蝦同埋幾樣野店員亦都有介紹先後次序去食咁樣就會帶出最佳味道，食高質日本野一定要識食，先會享受到當中既樂趣 食完前菜就開始食刺身同埋炸物，呢度嘅刺身一定要分先後次序去食先可以分到嗰種有層次既味道。 有好多人唔明廚師發板嘅樂趣，其實店員會同你解釋好多嘢同埋教你點樣有得玩都有得食更加令到顧客可以學到野，滿載而歸 我同店員傾咗一陣計知道店員一定係喺日本留過一段長時間因為佢知道好多日本嘅歷史同埋教我好多日本嘅禮儀令到我以後出去食嘢都唔會出醜 依度食嘢會學到好多嘢，同埋店員亦都有一份堅持同我講食物要點樣食先有最好嘅味道同埋師傅點樣用一握入魂去整壽司俾你，令到顧客能有最好嘅口感, 呢度嘅壽司食都要分先後次序去食 最後就有湯同甜品！ 而家好多現代人都唔鍾意味精，咁依個湯就好適合你，因為呢個湯係一啲味精都冇落佢係用好多種魚去精煉而成，係冬天飲湯嘅你可以暖到身。 最後店員好親切咁同我用日本語講再見都問我依餐食成點，我當然答食得好滿意我諗我有機會都會帶我女朋友嚟因為服務真係非常之好，我希望下一次可以學到更加多野，最後我都用返日本語講再見 如果大家好似我咁無聊，可以入去酒店參觀一下入邊有好靚嘅聖誕樹。最後祝各位聖誕快樂！

近排返工咁忙 梗係買返個蛋糕慰勞下自己💓 給自己一點甜☺ Twinkle Baker Décor喺荃灣海之戀開咗分店，啱哂我平時可以順路買嚟食😚 佢哋嘅蛋糕個個都咁靚咁精緻，真係好難揀呀！
·
🌸櫻花樹下  HKD$388/4.5" 外型賣相超級靚🤩🤩 仲要係成個粉紅色 簡直100分📸 蛋糕上面插住一支支棉花糖及櫻花朱古力🌸 再加上表面有好多白色粉色既珍珠做裝飾，女士們見到一定會超喜歡 包括我😻😻 粉色糖霜皮💖裡面係海綿蛋糕🍰 並且有兩層🍑白桃忌廉慕絲包住，蛋糕鬆軟而忌廉慕絲甜甜酸酸😊 忌廉慕絲入面仲有一粒粒白桃果肉😋 整個蛋糕感覺清新 亦唔會好甜膩👍
·
📍Twinkle Baker Décor
荃灣大河道100號海之戀商場1樓1043號舖

今日同朋友經過元朗，見到有新嘢就入去試下😋 餐廳嘅食物選擇唔多，主打係烤魚同酸菜魚～ 我哋兩個人就叫咗一條烤魚+4款配菜😍 有三種口味：成都麻辣、老壇酸菜、泡椒豆腐 我地簡左成都麻辣烤爐魚（$288） 烤魚採用爐魚，店舖有預先將魚煎香，肉質結實～😍 鍋內本身都有豆卜，芽菜等配料… 我哋就另外加左娃娃菜，牛栢葉，金菇同蓮藕片～ 娃娃菜同金菇吸咗湯底嘅味道，正😍 我哋揀左小辣，唔算好辣，岩岩好😋唔食得辣嘅應該都應付得到～

今日同朋友去咗朗屏日式鐵板燒「譽
鐵板燒」食晚餐，店內裝修簡潔明亮，亦有品同日式擺設，感覺乾淨舒適,相當有格局。


沙律


第一道品嚐既係沙律，員工都好耐心介紹沙律食既次序, 相當專業。 巴馬火腿肉質柔軟、甘甜芳香，味道細緻。再搭配藍莓及車厘茄，口感清新特別開胃。粒粒飽滿，十分鮮甜！


前菜


前菜係松葉蟹肉同蟹膏，賣相好精緻，蟹肉同蟹膏味道好鮮甜，蟹身炸至金黃色，食落香口，完全冇油膩感！螺肉都相當新鮮，味道鮮甜，份量多。


鹽焗鮑魚


鮑魚口感爽彈，食個時亦都可以配上餐廳特製嘅醬汁，但本身鮑魚經過烹調都相當入味，無需任何特別嘅修飾，味道已經好完美！


帆立貝配明太子汁


帆立貝用牛油煎香，再煎至半熟狀態，入口好鮮嫩，口感彈牙！帆立貝表面加左餐廳自家醃的三文魚籽，十分鮮甜！


鯛魚


魚皮及魚鱗煎至脆身，魚肉嫩滑鮮甜！配上明太子醬，有提鮮作用，更加滋味。連埋伴碟，有助解膩。



虎蝦


淨係長度都嚇死人。 廚師會用埋D蝦膏同蝦肉一齊整，
而且肉質鮮甜 同埋D紫椰菜一齊食仲好夾。





面包　


成塊面包好邪惡，因為用左牛油＋糖去整　面包好鬆脆。





鵝肝米通


鵝肝入口即溶，可以配米通一齊入口，無花果口感清新，有助解膩


封門柳


師傅喺面前即席烹調

餐廳根據食客喜好而調節生熟度

我就揀左5成熟，肉嘅四周都煎封咗

入口一咬滿是肉汁，軟嫩肉味濃，充滿牛味

左邊係鹽昆布 右邊係自家即磨芥末，仲有Ｄ甜味，配牛一流。


立魚湯


魚湯呈奶白色，好鮮甜，一睇就知落足心機。



炒飯


最後一道菜係炒飯，好夠味，好滿足。


甜品


最後仲會有雪榚，我就揀左朱古力味雪榚作結，十分完美。

鰻魚炒飯------------------⭐hkd88


本來想試蟹膏蜆肉炒飯，但同朋友share而佢唔食得蟹於是就叫左個鰻魚炒飯~一上餐香氣撲鼻，用鰻魚汁翻炒到每粒飯粒都色澤飽滿，好誘人~~兩個人食分量都岩岩好，完全個鰻魚味勁特出，而且好足料！鰻魚大大舊都真係幾多舊下，舊舊都大粒過我手指公，軟糯厚實，超有口感~
雞軟骨串------------------⭐hkd26 作為串燒小食既雞軟骨比起街外既都算係大粒，仲幾有咬口添~而且燒得恰到好處更加香口，而且吱啲檸檬汁落去仲會有啲清爽啲既感覺~ 大阪燒------------------⭐hkd78 呢個大阪燒真係好吸引啊!!! 🤩超級多木魚片同紫菜!!非常吸引，醬汁亦都係毫不留手啲落左勁多，好滿足啊o(*￣︶￣*)o~切開裡面滿滿既生菜絲同蘿蔔絲令到個大阪燒好厚實，食落好爽脆，啖啖足料，所有醬料生菜蘿蔔絲係我口中一覽無遺，唔會好重粉感，都無咁易覺得膩~ 檸檬柚子雞翼------------------⭐hkd42 係一款相當有驚喜既小食😆一份共有四隻，仲好細心地將雞翼剪開左方便進食，雞翼煎得岩岩好唔會好乾身，而檸檬柚子汁佈滿成只碟!!酸酸甜甜既味道一份開胃，醬汁中仲夾集住一啲柚子皮令到口感清爽得黎有啲有趣😋 檸檬柚子雞翼------------------⭐hkd42 係一款相當有驚喜既小食😆一份共有四隻，仲好細心地將雞翼剪開左方便進食，雞翼煎得岩岩好唔會好乾身，而檸檬柚子汁佈滿成只碟!!酸酸甜甜既味道一份開胃，醬汁中仲夾集住一啲柚子皮令到口感清爽得黎有啲有趣😋

今日要過美孚辦事，但係過到去好肚餓，見仲有小小時間可以食野，就即時物色睇睇有咩餐廳係可以快食。見到附近有間美心香港地。都好耐冇食過美心了，不過一直對美心d野都比較有好感，食物質素幾好，即時係嗌外賣，外賣的質素都不錯，連餐具質量都幾好，成日會留抵匙羹循環用，哈哈！所以今日呢個咁緊急嘅時候見到美心香港地，就毫不猶豫地行咗入去。


入到覺得環境幾復古，都係比較舒適的感覺。我揀咗個海南雞套餐，選擇好體貼，可以選擇冇骨的海南雞，我最鐘意啖啖肉，所以選擇去骨海南雞套餐。就從份量來說都好大份，雞肉肉質煙韌，跟餐配有一款泰式醬汁同薑蓉，蘸薑蓉係經典食法，既去腥味又令肉質更加鮮甜。不過我個人好辣，所以更喜歡蘸泰式醬汁，辣辣地勁開胃，可以食得更快！另外跟餐的湯都好清甜，非常滿足了~食完即時去辦事！