露台餐廳

營業中

休息中

今年食左幾間頂級酒店自助餐最後一間係半島酒店既露台餐廳又係對上一次staycation黎過食早餐既餐廳不過當時個早餐係set上即係同大堂一樣果次女朋友都係咁問點解唔黎呢間自助餐食野咁我眼中就真係得米芝蓮丫嘛就算食自助餐我都寧願上去上面felix食sunday brunch好過不過今次想黎慶祝紀念日就順佢心意黎露台餐廳試下啦露台餐廳係一樓以樓梯計既話要上兩層基本上半島大部份餐廳都係晒呢一層到而家無左staycation酒店好似變番好拘謹咁自助晚餐只有一時段一個價就係六點至十點每位1028星期一至日都係一樣平日黎既賣點大概就係比較少人今次我係一月頭果時book既不過就唔係話要兩個月後先有位只係我想呢個日子黎食開番關人少左成間半島都唔同左好似felix個sunday brunch以前上網唔可能會見到有位而家都可以輕鬆book檯二人檯既話都係以方檯為主餐檯完全係fine dining擺設黎同其他自助餐好唔同之前都講到明要著長褲有埋鮮花蠟燭係幾有格調既同上次黎食早餐坐既位差唔多背後個景都唔係點睇得到講真呢度服務第一次黎既話會覺得佢好好無得頂又拉凳又盛入洗手間仲會有專人開門同開水龍頭但慢慢發覺就會

前菜方面有包，葡撻，蝦多士，火腿等等🥳🍖特別既地方係一種食都有細分好多款，其中葡撻同火腿係非常美味🤤十分推介大家來試下壽司方面非常新鮮美味🐟款式都好多，refill速度都非常快👍🏻每件壽司都好大件非常有口感海鮮方面半島可以講係食過咁多間自助餐質素最好同最新鮮✨色澤非常之吸引同香氣四溢，其中尤其帶子超級大粒有咬口，鮑魚同好味鮮甜多汁，同埋所有海鮮食落都冇沙😙睇得出海鮮係採購至清洗及烹調既處理方法都非常好🥳🥳而甜品方面以朱古力為主打🍫🧁🍨所以大部分都係朱古力，其中朱古力杯非常濃厚朱古力味🤤而瑪麗蓮蛋糕都好鬆軟有囗感但餐廳整體性的價比唔高😅食物選擇比同類型酒店自助晚餐較少，作為五星級貴價酒店自助餐食物方面有好多改善空間

期待已久的半島露台自助餐，服務非常好，當日唔算滿座，唔知係咪我地座既位置問題，冷氣比較弱，覺得有d熱。食物質素高，刺身類款多，補充得快，食物永遠充足，鮑魚，龍蝦甜爽口，燒牛肉😋，甜品唔會過甜，如果有生蠔提供就會再加分，其他種類都尚有進步空間。總括價格反映一齊，一流酒店，一級服務，只要一有空碟放在枱，拿食物回來一定清空枱面。

食物貴精不貴多，補充供應得好快，刺身甜品已經值回票價，地方寬闊，格調優雅請客、朋友仔聚會，慶祝生日、情侶歡聚都好適合．招呼服務一流。超級享受人生。每星期必去一次．價錢都合理·非常滿意，值得推介嘅洒店餐廳·

半島的Verandah聞名已久，亦出名難訂位。可能是早訂位的關係，安排的位置非常好，面向窗邊，正對太空館，景色很棒。服務生多，也很殷勤。食物主要分佈在中島（沙律和冷盤）和四邊L字形枱（凍海鮮、中印式熱葷、英式黑葷和甜品）。位於中島的沙律和冷盤有雜錦沙律菜、已調味的泰式沙律，幾種hummus，火腿等，味道正常。當日提供的刺身有厚切的三文魚，吞拿魚，甜蝦和帆立貝。三文魚新鮮肥美，反之吞拿魚色澤暗淡，缺乏新鮮魚生應有的光澤和滑嫩口感。凍海鮮則有帶子（一般），熟蝦和青口，沒有龍蝦、蟹腳或是生蠔。煙三文魚太瘦欠油潤。唯一的亮點是凍鮑魚，爽彈好吃。熱食有粉絲蒸扇貝（正常），比目魚（看起來很乾），法式燉雞，厚切牛舌（用淡淡的調味煮得軟身而又不失咬口，非常出色），口水雞，印度咖哩和長期沒有廚師駐守的泰式粉麵檔。最出色的的是烤牛肉，火喉恰到好處，粉嫩又多汁。甜品賣相精緻，當中最好吃的是canele，macaron和瑪德蓮蛋糕。Cancele大小適中，難得是烤得外表焦脆煙韌，中間濕潤有彈性；一口吃下，濃濃的焦糖、rum酒和蛋香在口腔裡散發開來，非常好吃。其次是macaron，共有兩種味道，外皮酥脆，中間煙

預約了餐廳慶祝結婚週年紀念，成個場包括食物區唔算大，人少少反而感覺好舒服，柔和燈光成功營做到浪漫，黎得半島根本唔需要擔心舒適感不足，入座後已留意到，全部侍應嘅禮貌同反應都系非常專業，由其一位身形嬌小嘅waitress身手都系非常迅速，令人留下深刻印象，用餐後要讚嘅反而系個pizza，賣相同味道都系一流，而家諗起都流口水，燒牛肉合格，羊排帶有應有嘅羊酥味，黑毛豬就普通，椰汁雞湯覺得酸味太重，另一款南瓜湯就無試，凍海鮮方面個龍蝦肉質鮮甜唔un，無生蠔供應，刺身帶子屬正常水準 ，象拔蚌略嫌un左d，攞左碗生生肉河，賣相好，不過食落始終唔系果種越南感覺，甜品唔需要太辛苦去選，款款都靚又細細舊，全部試哂都無問題，食到尾聲再嘆杯Earl Grey，總括黎講，覺得缺少左d炸物，如果可以有炸蠔或者提供埋燉湯就更理想。

同老公結婚週年簡左半島酒店既露台餐廳慶祝，一踏入餐廳，馬上感受到文華既氣派，而且好有情調，真係非常適合紀念日黎慶祝！而員工都會時時留意食客有咩需要，而馬上提供服務。當日見到有位女士獨自用餐，眼見食物擺設精美忍不住影相時，員工都不厭其煩咁幫佢影完一張又一張。露台餐廳自助餐出名貴精不貴多，但餐後感真係食物款式太少，今次印度主題都不是好岩食，如果依個價錢係為食物而來可能真係有點失望，但環境方面加唔少分，不知不覺坐左三個鐘，好relax。海鮮冷盤做到有水準，記得有位youtuber話自己食唔乾淨既甜蝦會敏感，但食完露台餐廳既完全無事，表示真係好乾淨新鮮，我都好同意。依到既壽司🍣好岩我心，細細一舊仲好好味，忍唔住一件又一件咁放入口！而圖二既帶子都好正，食得出鮮甜，其實簡簡單單加少少鹽或牛油去整，相信會更加出色！甜品方面更勝於咸食，眼花撩亂，圖二既焦糖蛋糕令人回味😋總括然而，覺得都係一個愉快既用餐體驗，但依個價錢真係會特別日子先會選擇，五星級既選擇，真係一試無妨！

位於半島酒店的露台餐廳The Verandah的自助晚餐，價錢不菲！但勝在食物精緻，環境休閒，服務貼心。餐廳環境好靚，全落地玻璃飽覽尖沙咀美景！凍海鮮必食磯煮鮑魚！醬油好入味，鮑魚彈牙鮮甜。另外青口、蝦、龍蝦、海螺、長腳蟹、帶子，全部都係新鮮食材！略嫌龍蝦比較淡味之外，其他全部海鮮都好鮮味!熟燻推介扇貝，香辣惹味！甜品必食金箔朱古力，成塊朱古力都蒲上金箔，非常矜貴！另一必食半島自家製雪糕，士多啤梨味味道自然，牛奶味香濃！總括嚟講滿意今餐飯，食物貴精不貴多。主打精緻食物，環境同服務！如果慶祝節日、生日、周年，不妨一試！

半島酒店嘅自助餐久仰大名呢餐要早個半月先訂到 期待左好耐😆餐廳中間就係食物嘅位置左右兩旁嘅偏廳整齊咁排列左餐枱🍽️餐枱之間空間十足 所以一啲都唔逼夾前菜方面有各式沙律🥗麵包🍞🥖、冷盤香腸火腿我最鐘意蟹肉凍湯一小杯放左絲絲蟹肉🦀加上紅色凍湯有齊酸、甜、辣嘅元素 非常開胃 味道好又意想不到當然唔少得壽司🍣同刺身有三文魚、呑拿魚、甜蝦等等 海鮮方面有大蝦🦐、青口、海螺、帶子而且仲有已調味嘅凍鮑魚 肉質夠腍不過有少少可惜係海鮮選擇唔算多午市自助餐冇蟹同龍蝦食🥺-不可不提係就係熟食😎平日多數自助餐嘅熟食都唔太吸引但係呢度嘅熟食好有水準🤩例如有青酒煮蜆、牛舌、燒牛扒等等 有專人煮/切俾你仲有烤鴨胸配燒烤醬及菠蘿、香煎豬腩肉配薑味蘋果醬同埋各式西餐、中菜、印度菜等等當中非常推薦青酒煮蜆同埋香煎豬腩肉配薑味蘋果醬 非常有水準👍🏻湯品方面有蕃茄湯🍅同人蔘雞湯🐓蕃茄湯非常濃郁 而人蔘雞湯就好清甜甜品絕對係另一個重點😍除左有各式蛋糕之外 仲有自家製雪糕🍨同埋半島酒店好出名嘅朱古力🍫全部都好有質素！ 不過因為全部都比較甜建議拎完一件同親朋好友share 試左味先再拎咁就冇咁易浪費食物又可以全部都試到😝-餐廳職員

半島酒店露台餐廳嘅buffet係我回頭次數最多嘅buffet，每年都會去兩次！Lunch buffet每位$608，價錢足以係其他酒店食dinner buffet，不過依個價錢換來最舒服嘅環境同最優質嘅服務。食物方面，刺身、磯煮鮑魚、燒牛肉質素甚佳，hummus愛好者發現麵包餅乾隔離提供四種味道嘅hummus😍甜品多款式同款款都睇得又食得🍩值得一提嘅係雪糕並唔係H字或M字品牌依啲一般超市貨色，而係Sweet Fashion ICE🍨超級推介比鐘意食甜品嘅女仔或者想炮製浪漫午餐比女朋友嘅男仔！🌟 Follow @gfgm.hk on Instagram for more 🌟

復活節lunch buffet收HKD1028另外需要加一。原來真係食服務，食物冇乜嘢好食😂磯煮鮑魚就像有豉油味的擦子膠，龍蝦冇鮮味，蟹腳OK。甜品全部細細件，冇邊件特別好味。燒牛肉以為OK，但係冇牛味。唯一亮點係壽司比普通自助餐精緻，但如果想食壽司我不如去千兩。埋單千一蚊一個人，應該唔會返轉頭再試。事實上用餐當天入座率只有約六成。值得一題，半島酒店的廁所和尖東一些舊酒店的設計冇分別，水龍頭同廁所好似用咗幾廿年都冇翻新，完全沒有自動式設計。佢嘅收費同配套格格不入。咁有一樣野都要讚嘅。就係全餐飯侍應冇催過埋單。平日食自助餐通常臨走前一個鐘侍應已經抌張單在枱面，呢一間係去到2:30佢都唔會主動叫你埋單直到你叫佢為止。但係由於冇嘢好食，我哋2:30已經舉手埋單，是次用餐感受一般。 咁既質素唔會有回頭客。

凍海鮮有翡翠螺, 青口, 蝦, 煙三文及自助餐少見的帶子和磯燒鮑魚, 每款都很新鮮美味. 壽司及刺身各有四至五款, 最愛是甜蝦, 爽又甜. 熱盆也很精彩, 燒火腿 燒牛肉, 牛舌, 松露意大利雲吞及鴨胸都很美味, 最愛燒牛肉的濃香牛味. 甜品及鮮果區也非常精彩, 有半島自家制朱古力及雪糕, 最愛薑味雪糕, 味道像冰凍的薑汁撞奶, 幼滑帶薑香, 稍微差是朱古力雪糕, 似溶過再雪, 雪糕內有冰, 口感大減服務很好, 食完的碟即收, 濕紙巾亦會補充整體感覺非常好喔

聖誕去食Christmas Buffet! 🎅🏽🎄🥳😋🐚冷盤、🥘熱食及🍰甜品款式選擇非常多，每款試一件都試唔哂🥹 🤩冷盤鮑魚好好味🍅蕃茄忌簾湯味道酸酸甜甜，好開胃😋🍚米形意大利粉貌似Risotto，口感則似通粉，廚師連黑松露磨菇忌廉汁煮熱後，會倒入大芝士中🧀 可以刮埋芝士食，香氣十足，非常滋味😋🇬🇷希臘焗布甸上層係厚厚嘅蜜糖🍯，仲有小片金箔點綴，下層布甸近似燉蛋口感，味道幾特別，但略為過甜，只可以一試手工雪糕有🍫朱古力、🍨雲呢拿同🍓士多啤梨味，個人比較鍾意朱古力味😋4人或以上用Visa Signature 信用咭埋單仲有折扣優惠😉

朝早食完淺水灣露台 夜晚再戰半島露台兩間露台最大分別當然係環境， 前者清幽舒適， 後者高貴不凡。見到食評話選擇唔多，但其實足夠。 頭盤新鮮例如龍蝦、 長腳蟹肉質鮮甜， 有別於一般酒店的質素。 鮑魚帶子都有好幾款。 值得一提佢嘅海蜇 沙律做得唔錯 其實食幾轉頭盤都已經有啲飽主菜亦不乏貴價食材， 發菜花膠花菇蠔豉， 蠔豉大大隻炆得入味 羊架肉質鮮嫩，唯獨牛扒一般， 可能當日件牛失了水準。甜品試了綠茶cream brulee、 合桃撻同埋雪糕， 倒是不錯的選擇。 太飽試唔到其他最後送上生日甜品( 白酒啫喱配士多啤梨）， 同枱的也有份。 縱使員工們很忙亦樂意為你拍照， 很滿足地離開。

位於半島酒店 1/F "The Verandah"露台餐廳，環境舒適、寧靜，服務周到，除了主力以午、晚自助餐外，下午時段也提供多款精緻糕點和三文治選擇🍰🧁🥧☕️下午茶時段☕️我們選擇了輕食👇📌小食👉沙律🥗和曲奇🍪📌什錦迷你三文治🥪分別5款: 青瓜吞拿魚、三文魚、蝦漢堡、朱古力吞拿魚、蛋黃卷📌Flowery🌼☕️甘香芙蓉花、萬壽菊和熱情果味道 🫖☕️📌Camomile Orange Blossom🍊☕️充滿甘菊橙花味道 🤗