家母生日，食午餐慶祝🥳 裝潢呼應餐廳名稱，以圖書館為主題，環境典雅闊落窗外亦睇到維港海景，食物精緻好味，可以輕輕鬆鬆享用美食😋 . 午市套餐$398起，選了4道菜午餐($468)，有小食、餐湯、主菜及甜品，餐前亦有麵包。麵包香軟又暖笠笠❤️ 配有蕃茄味、黑橄欖藍芝士味及羅勒味牛油 . 小食🦐Charcoal Grilled Tiger Prawns 炭燒虎蝦鮮味彈牙，底部有菠蘿，微酸又帶少許辣味 . 🥚Scottish Salmon Gravlax 切粒三文魚上有流心温泉蛋，配搭挺新穎 . 餐湯🥣Hummus & Artichoke Bisque 鷹嘴豆菜薊雞湯質感濃稠，帶淡淡蕃茄味，並加入脆蕃茄乾 . 主菜🐂Charcoal Grilled Uraguay 200 Days Grain Fed Black Angus Beef Ribeye 炭燒肉眼扒選了5成熟，肉質細嫩，牛味香濃，脂肉均勻，齒頰留香；伴碟有甜紅酒汁，跟牛扒非常匹配👍🏽 並有4款醬可選，揀咗Dijon 及Cognac 🥔碟邊焗薯餅十分可口，紅蘿蔔亦夠腍及甜 . 🐟52-Degree White Cod Fish Fillet 白鱈魚肉質滑嫩又唔腥，表皮微脆，配上蕃茄醬汁，頂部有一瓣好酸嘅柚肉，為味覺帶嚟清新果味衝擊 . 甜品有兩款選擇，各點一份。🍵Hojicha Mousse Cake 焙茶蛋糕口感香軟，帶濃郁焙茶味，旁邊有一片脆餅乾，擺盤精緻😍 Raspberry Mille Feuille 紅桑子吉士法式酥皮，紅桑子酸甜，兩層酥皮帶些鬆化 . 店員主要說英文，亦有能以中文溝通嘅店員

工廠區晚市唔多人，好悠閑地跟朋友享受晚餐慶祝Long Weekend🥳 Dinner Set 二人餐 ($368) 有兩個小食、兩個主菜、甜品及兩杯飲品，環境闊落舒適，整體都唔錯👍🏽 🍅蕃茄濃湯有雜菜、薯仔、洋蔥、紅蘿蔔及牛肉粒，味道幾好 🥗慢煮雞胸肉沙律有唔少雞肉粒，亦有幾粒柑肉，清新又健康 🥩16小時慢煮西冷牛扒肉質軟腍，牛味亦夠，肉質唔會太腍或嚡身😋 睇食評話薯條好食，可惜當晚賣哂冇機會試🥲 揀咗意粉，配牛扒燒汁都幾好食 🦀辣蕃茄蟹肉扁意粉蟹肉份量都唔少，湯汁比較多，辣度近似辣椒仔，幾惹味 🍓士多啤梨牛角包窩夫一上枱已經聞到淡淡牛油香氣，窩夫暖暖地表面微脆，仲有一片軟滑芝士蛋糕，士多啤梨香甜又好味😋 飲品點咗🍫凍朱古力咖啡

再次去太古 Banchan and Cook 食晚餐🍽️ 2人份嚐味套餐($560) 有小食、兩款主食、甜品同飲品 🐷燒醬油黑毛豬白切肉配大醬生菜好好味😋 燒醬油黑毛豬肉質香軟，配生菜、紫蘇葉、泡菜、青椒、蒜頭及韓式辣醬，青椒生食味道清新，加上生蒜辣味，更能帶起黑毛豬肉味，正！👍🏽 由於主食已有豬肉，店員推薦有海鮮嘅🦐甘荀汁帶子鮮蝦蛋包飯。鮮蝦彈牙夠鮮味，帶子夠甜，甘荀汁帶蝦湯味道，頗有驚喜🤩 切開蛋包，內有流心軟綿滑蛋，底部炒飯加入翠玉瓜等蔬菜粒，好味又有咬口 🥓巴馬火腿卡邦尼年糕係餐牌上嘅推介菜式，長條年糕煙煙韌韌，好有咬口，拌有濃郁卡邦尼醬汁、鹹香煙肉條及火箭菜。巴馬火腿表面鋪上蔥絲，內裏藏有蛋汁，味道很豐富 甜品🪴紅蘿蔔園Oreo慕絲蛋糕以盤栽為造型，表面有紅蘿蔔糖餅，慕絲蛋糕都挺甜。 伯爵茶鮮奶咖啡表面放了乾檸檬片，帶點點檸檬味，挺特別。另一杯飲品點了泡沫咖啡 餐廳採用自助形式取食物及水。由於所有餐點同時出餐，因此甜品會處於室温一段時間，如果可以飯後才取甜品及飲品會更理想

平日晚市都坐滿7成，食物、環境及服務都很好，令人回味無窮👍🏽 餐前有泡菜、菠菜、芽菜等韓式小食 小食點咗🐥韓式炸雞($208)，有原味、甜辣、芝士、柑橘、洋蔥汁及蜜糖味6款口味可選，揀咗柑橘🍊及甜辣味🌶️ 柑橘味道清新，甜辣只係微辣，內裏雞肉滑溜，外層亦脆，炸粉唔厚，剛剛好😋 見好多人推介🐂韓牛大蔥卷($880)，一於試一試😆 韓牛充滿細緻雪花紋理，睇見已經流口水🤤 店員即席燒熱食物，表面燒至剛熟，內裏呈淺粉紅，牛肉肉質非常細嫩，口感滑而香軟，牛油香氣溢瀉，非常滋味，係令人感到幸福嘅味道！😋 亦可蘸鹽味麻油食用。店員會將3件牛肉卷留在鐵盤，用作泡菜炒飯配料。以先前燒肉時溢出嘅牛油炒飯，味道十分香濃，令人回味無窮🤤 🦪韓國鮑魚釜飯($220) 鮑魚已預先切粒，方便進食，爽口易嚼🥰 有冬菇及西蘭花、紫菜等配菜，近底部有飯焦，口感微脆 🥂飲品分別點咗柚子cider($108)及柚子梳打($48)，清甜又清新

去龍脊郊遊後，再次去新記食晚餐😋 以手機落單，十分鐘左右已上齊全部食物，好有效率⚡️ 之前食過貴妃雞粥好好味，今次試吓🐔金牌貴妃雞 (例牌$77)，估唔到會有雞髀肉🍗😍 好驚喜！墊枱紙簡介指貴妃雞以酒及藥材烹調，不過食落唔覺有酒味同藥材味，而且雞肉新鮮滑嫩，令人一試難忘🤤 🍍菠蘿咕嚕肉 ($83)配白飯及花生眉豆雞腳例湯，菠蘿咕嚕肉炸粉唔厚，外層脆身，酸酸甜甜，送飯一流😋 推介👍🏽 🥖香脆炸兩腸粉 ($26)，油炸鬼微脆，都唔錯 🐂淨柱侯牛腩 ($76) 筋肉切得大嚿，份量各佔一半，骨膠原滿滿😍 菜芯同牛腩好入味，如果再炆耐一陣，牛腩會更軟腍 見到🥚養顏蛋白杏仁茶 ($31) 有「養顏」兩個字，完全無法抗拒🤣 杏仁茶温度暖暖地，好啱飯後解膩

潮流興減碳，連肉食系朋友都開始要「找素」，今次一於試吓印度素食🇮🇳🌱 Pani Puri ($77) 炸圓脆餅，配印度特色薄荷水及甜醬汁，個人比較鍾意甜醬汁，第一次試呢款配搭 Chilli Paneer ($105) 辣奶酪貌似東坡肉，以鐵鏟盛載，好可愛😍 芝士口感近似豆腐乾，以辣豉油烹製，配有甜椒，味道唔算好辣 🥔Achari Aloo Tikka ($90) 印度粘土烤薯仔，貌似烤雞串燒，味道較辣，烤薯好味，配有甜椒及薄荷汁 🫓Masala Kulcha($49) 薯仔薄餅，薄餅中有薯仔蓉，非常好味😋 唔點咖喱單獨直接食都好好味😋 🥘Pindi Chole Masala ($99) 鷹嘴豆咖喱味道較辣，內有一粒粒鷹嘴豆 🥭Mango Lassi 芒果味濃，並有種籽狀香草，有啲咬口又清新 餐廳環境乾淨舒適，環境闊落，適合約朋友相聚

上環 Bar Pacific 於日間係社企Cafe永共嚐，午市Set Lunch 包飲品及免收加一，幾抵食👍🏽 第一次去，點咗店員推介嘅⏰慢煮系列 🐷美國豬柳($88) 口感細嫩，內裏肉質呈淡粉紅色，配上微微酸甜味白酒橙汁更能提升整體肉味，推介！👍🏽😋 伴碟有薯蓉及蔬菜，如果蔬菜烚淋d會更好跟餐嘅白汁蘑菇長通粉亦好好味 🐮紐西蘭牛柳($108) 配紅酒洋蔥汁，肉質嫩滑，好有牛味👍🏽 飲品點咗☕️紅棗桂圓枸杞茶，甜中帶有少少薑味，非常養生，即使攤凍咗都好飲👍🏽 店員特別推介元素咖啡赤($60)，咖啡柔和甘香，似紅茶般清澈柔和，帶點清新感😋 餐廳會回收咖啡渣製成環保咖啡杯，消費三次就可獲得咖啡杯，為地球減廢出一分力♻️💪🏽 並積極響應聯合國永續發展目標，協助年輕咖啡師創業及家庭主婦創造收入來源，並會舉辦環保活動，提升市民環保意識

朋友帶隊去開餐，本身以為係食小菜，去到先知係打邊爐😂 秋冬食🐥黃酒雞煲打邊爐好正，帶少少酒味，雞肉好滑嫩，仲有菜送好健康🥬 肥牛好好食，亦有點鮑魚、豬頸肉、薯仔牛肉粒等等，每款都好食😋

終於試到bookmark多時嘅湯麵🥳 小店只收現金，鋪面面積較細，只坐到4枱，每一輪入座後，廚房會一次過烹製食物。週末晚市排隊40分鐘左右先有位，湯麵及牛肉都好味，如果唔洗排咁耐，會想再去食😋 全店只提供3款濃湯伊麵($105)提供，每款都係配燒牛肉，揀咗🦐海蝦濃湯及🐷胡椒豬骨濃湯。蝦湯質感濃厚，味道香濃，表面鋪上櫻花蝦，好好味！豬骨湯帶胡椒辣味，表面鋪上蔥花，同樣好味😋 薄切燒牛肉係以火槍燒熟，表面燒至約7成熟，底部則約3成熟，逼出牛脂及牛油香味，非常滋味😋

由朝早開始已經好期待晚餐，果然冇令我失望😋 平日晚上7點半已經坐滿，好彩一早訂咗位😎 🥪Truffle Bikini ($74) 松露芝士火腿多士，多士暖而香脆，並充滿松露香氣，好好味！😋 🐥Fried Chicken Wings with Honey Dijon Mustard ($72)，炸雞翼脆香而帶少許辣味，點埋蜜糖芥苿醬更滋味😋 🍝Lime and Chilli Sauce Pasta with Clams and Scallops ($158) 帶子蜆肉意粉採用粗身意粉，索汁一流👍🏽 味道微辣好好味😋 🍕J.Moon Pizza ($148) 表面放有温泉蛋，呼應返菜式名稱嘅月亮🌕 好有心思🤍 Pizza 配有煙肉、蘑菇、梨肉及火箭菜，薄批底亦夠香脆😋 🍸J.Moon ($128) 係招牌雞尾酒，上枱後店員會整月球大波波喺表面，打卡一流🤩 🍹Phoenix ($78) 係不含酒精嘅Mocktail，有檸檬汁、蘋果汁及青瓜味梳打，味道清新，比J.Moon甜一點 餐廳晚上整體氛圍昏暗，每枱都放置月球燈，氣氛輕鬆熱鬧，食物又好味，適合幾個朋友一齊飲返杯輕鬆一下🥂