露台餐廳

營業中

休息中

相隔十幾年，再度光顧露台歺廳，環境光缐充足，地方寛敞，奢華但不拘束，服務態度非常好，每當每次進歺後，很快就把碟收走，值得欣賞。食物方面，種類不多，但食物質素高，最喜出望外是牛柳，肉質軟滑，沒有半點肥膏，但帶有很重的牛味，比起任何五星級酒店，半島牛柳應該是首選。刺身凍海鮮一般，刺身只有甜蝦，三文魚，及吞拿魚，蚌，沒有帶子刺身，不夠新鮮，螺有沙，蝦沒有鮮味鮑魚也是凍盤，醬油蓋了鮑魚的鮮味，但肉質爽口，不過一定要一試，只有半島buffet 有磯煮鮑魚亦只有半島blueberry 無限供應，與別不同甜品性價高，半島雪糕也價得一試

以往的年代，出入半島酒店非富則貴，今時今日都是一樣，褲袋冇咁多錢就真係唔好入去，但是人生總有一個目標，去一趟半島酒店的Buffet達成心願，繼續努力工作揾錢食好西。Buffet枱的食物種類不多，但每樣都非常了得👍，最欣賞海鮮冷盤，龍蝦和鮑魚吃多幾份，全部海蝦已經剝咗殼和挑了腸，非常細心，方便享用，各種熱葷也出色，推介印度咖哩，牛扒/羊扒隔離有即煑龍蝦湯💯，甜品除了有雪糕之外也有雪葩，還有服務員會向每枱人客送上意式手制雪糕Gelato，今餐四小時Buffet非常滿足。

服務: 6星每一區都有人負責，fill 水，執碟永遠唔需要你叫，佢哋係自動波去做！環境: 5星唔使多講啦，點會差得去邊！食物 : 4星Refill 得極快！種類唔多，亦無生蠔！但刺身質素極新鮮美味，帶子鮮味，池魚肥美！冷盤海鮮有龍蝦，蝦，螺，鮑魚等！當晚最出色係鮑魚， 唔韌兼好入味！但龍蝦肉質就有小小霉，麻麻哋！熱盤有湯，扒，意粉，焗龍蝦，焗帶子，咖喱同菜等等！無驚喜！當晚羊扒燒到 well done, 真係有小小失準！反而個湯同意粉比較做得出色好味！最欣賞係佢哋嘅麵包，要叫先有，因為係要 keep住送上檯時仲熱，而牛油係凍嘅！真係要讚一個！！甜品，真係平平無奇！試哂全部都無一款令我有再 encore 衝動！身為香港人，點都要去嚟到試一次，但會唔會再嚟？唔。。。。

環境唔錯，好優雅，坐得好舒服食物擺設都好靚 Pizza一般龍蝦全部已經一開二放晒喺盤上，但係龍蝦味不重，一般般⋯⋯麻麻哋呢個好食啲甜品賣相靚，但味道一般食過便算，叫做黎過、品嘗過

好耐以前曾經喺酒店自助餐嘅狂熱分子，雖然明知食量唔大一定回唔到本都好努力周圍試。但係近幾年實行進食貴精不貴多政策，已經好少再周圍試自助餐。撞岩快生日，見半島有出Staycation Package 包埋佢地好出名嘅露台餐廳雙人自助餐，仲要有早餐同埋The Lobby 出哂名既港女英式Tea set take away。如果唔係疫情嘅話，我估都真係冇咩機會用呢個價錢享受到咁多嘢。人一世物一世，試一次當係成就解鎖。.晚市自助餐 6pm - 10pm，當天全晚爆滿，見到有walk-in 食客被拒於門外。.整體：✅✅服務水平200分。可能大家會覺得，去食自助餐就梗係著眼於食物款式同質素上面，服務或者環境各樣野唔太重要。去之前唔多唔少我都係咁樣諗，但係當我見識到好多人讚賞嘅半島酒店服務水平，佢令我體驗到一個全新高度。酒店服務員就係有呢個能力留意到好微細嘅細節，例如當你拎住隻碟行返埋位，會有人留意到幫你拉座椅；當你四圍望嘅時候，好遠都會有人走埋嚟關心你係咪有咩需要？甚至foodie揸住手機影取餐區上面影下嘢食嘅時候，係某個位置原來會有人都會注意到你，然後好主動咁樣幫你整理餐碟上已經好混亂既食品、好

成日食「吃到飽」、「放題」係時候要昇華一下自己。難得可以出公數食飯，而且數目唔細，基於「小食多餐不如豪一次」嘅原則下，一致通過去半島酒店食自助餐。作為級又歷史悠久嘅酒店，佢嘅Buffet 一直被受追捧。究竟佢係咪真係傳聞中咁高質、咁神級、咁好食呢？🤔等我嚟探討吓。首先係環境方面絕對滿分！非常適合各大KOL 自拍/影相。餐椅好似單人梳化咁舒服，坐住都唔想郁。枱與枱之間有好大空間，傾計唔怕俾人聽到，又唔怕出入會撞到人。服務方面每個area 都有專屬嘅侍應負責，空碟收得快，方便去攞下一輪。勤快又貼心。重點嚟喇！自助餐食物區比想像中細，款式較少，主要係海鮮、甜品為主，肉食相對較少。刺身絕對新鮮，肉質鮮嫰，同高級日本料理店無異。三文魚、吞拿魚、甜蝦、帶子、油甘魚不停無限loop 。海鮮海鮮有熱葷/冷盤。冷盤有開邊藍龍蝦、磯煮鮑魚、原粒大帶子、長腳蟹。藍龍蝦肉質爽口鮮甜彈牙，蝦味濃郁啲。磯煮鮑魚用醬汁煮過，非常入味，口味微甜，肉質有彈性。原粒大帶子比刺身更鮮甜。唯一失敗係長腳蟹，肉質好霉味道偏鹹。熱葷海鮮有粉絲蒜蓉蒸扇貝、中式龍蝦、香芒汁大蝦、香煎魚柳。味道一般，口味偏鹹，龍蝦特別鹹，好明顯大廚唔

聽講星期六日好多日子都已經冇位所以weekday黎食本身唔係大食既人 所以都驚食得唔多野嚟到一開始食冷盤 見到蟹腳係拆左殼真係令人好興奮😂機燒鮑魚都好好食 好入味 冷盤算好多嘢食 其實食完2round 冷盤都飽飽地試咗啲刺身有少少覺得其實唔係太新鮮 不過都唔緊要 因為寧願食龍蝦都唔會食繼續食三文魚🤭熱盤方面選擇其實唔算多 每樣份量都係細細件想試多啲嘅都OK～好快就有人送疏乎厘上嚟 但係我哋個個都認為原味先係最好食唔落芒果汁係最好 芒果汁有種假嘅甜味浪費咗成個疏乎厘..同埋太濕 可惜左😌然後梗係食甜品🤣甜品真係好多選擇 樣樣都好好食服務方面都唔錯 試過有服務員收唔切碟 都黎say sorry整體 環境氣氛都好優雅 想安安靜靜食飯嘅話真係一個唔錯嘅地方 畢竟要一個安靜食自助餐嘅地方都唔多～

黎到半島酒店的露台餐廳每一個人都可以像淑女一樣優雅地吃個自助餐。香港半島酒店露台餐廳，一間於1933年就開始做自助餐的地方，裝修雅致保留了19世紀殖民地色彩。食物款式方面貴精不貴多，冷盤，生果，海鮮，肉類，甜品等等都有，而且擺放得10分優雅。推薦大家一定要食芝士焗帶子同忌廉湯，仲有半島酒店招牌英式鬆餅。係自助餐呢度可以無限食，每一次來都忍唔住食返兩三個先走。露台餐廳 (尖沙咀)尖沙咀梳士巴利道22號香港半島酒店1樓

曾經食過半島的下午茶感到大失所望，比多次機會佢，試埋個好出名既自助晚餐，估唔到又挽回番唔少分數🤗雖然事前都睇過其他youtuber介紹，稱食物種類方面的選擇較少，但我食既時候反而覺得都算多！其實冷盤每樣試少少都已經飽左一半，臨尾食埋甜品，個肚簡直飽到要爆開咁濟💢個人黎講都幾滿意！/🦞海鮮類有磯煮鮑魚、熟帶子、青口、螺、長腳蟹及龍蝦。值得一讚是長腳蟹及蝦肉已去殼，非常體貼！而大部份海鮮都算新鮮，肉質爽，不過鮮甜度較弱，以龍蝦最為鮮明。至於磯煮鮑魚不愧為招牌之一，清洗乾淨，軟腍入味，帶日本醬油的香甜👍🏻我食左三隻lol/🍣刺身及壽司類有三文魚，吞拿魚、油甘魚、帶子、甜蝦和馬刀貝，種類繁多，比一般放題更多選擇😆質素合格。平時自助餐我都唔會食壽司黎佔據肚子的空間，不過佢啲壽司好精緻，所以都試左火炙三文魚壽司、香芒甜蝦壽司和魚蓉壽司。當中香芒甜蝦更為出色，甜甜的芒果與鮮甜蝦肉很夾，食完一件我仲encore左多一件添呀！/🥗西式冷盤西式冷盤除了有沙律，還有法包等，不過肚子空間有限，我只係試左香芒米紙卷、parma ham配蜜瓜、煙三文魚、煙鯖魚、魔鬼蛋配吞拿魚牛油果醬、三文魚肉醬配忌廉芝士及三文魚

800+港幣一位自助餐，另選了148港幣軟飲暢飲，加10%服務費，買單時人均約1150港幣上下。吃的是自助晚餐，18:00-22:00四小時任食總體評價：食物種類很少，沒有生蠔沒有鵝肝，但服務和環境極好，性價比見仁見智推薦：鮑魚、凍龍蝦，且補貨好及時不推薦：燒牛肉沒有肉味，麻麻地。羊排好乾，唔好食。每座會送一道熱食+每人一個舒芙蕾。當天熱食是炒蛤蜊。服務非常好，侍應會時不時地主動詢問是否加飲料及收盤。桌子亦排得分散，私密性高，不像普通自助餐廳桌台擺很密，很舒服～

有次睇YouTube見到介紹半島酒店嘅露台餐廳食自助餐，覺得好吸引，就問下高級飲食buddy試唔試下，佢二話不說就話OK，咁就book咗去試下佢嘅dinner buffet！佢buffet嘅時間相當長，由6點食到10點，食足4個鐘，可以慢慢食。當日我就6點去到餐廳，service一貫半島嘅質素，有個專人好親切咁帶你去個座位度，當晚我就坐咗係buffet位隔3張枱嘅位置，對住個太空館。咁講返食物啦，刺身方面佢係一盤切好晒放喺度，入邊有三文魚、吞拿魚、甜蝦、帶子之類嘅刺身，我就試咗吞拿魚、甜蝦、帶子，正常水平啦！到凍海鮮啦，佢就有熟帶子，開咗邊嘅皇帝蟹，蟹鉗，藍青口，加拿大龍蝦，同埋磯煮鮑魚等等，佢最好食係加拿大龍蝦同埋磯煮鮑魚！雖然個龍蝦有d黐殼，但就勁新鮮，個磯煮鮑魚勁好味，我同我朋友一人食咗8隻！到熟食啦，佢絕不hea你，有蒸扇貝，香草焗龍蝦，話梅骨，香芒大蝦，佢個蒸扇貝同香草焗龍蝦都好好食，我就食咗成4轉！切肉方面就有燒牛肉同埋羊架，燒牛肉好有牛味，羊架都好嫩，好味！甜品方面選擇都有好多，佢除咗有位上嘅疏乎厘之外（個疏乎厘勁好食！好滑！），仲有玫瑰茶拿破崙，榛子朱古力撻，士多啤梨蛋

半島酒店，傳統的豪華無需花巧，無需排山倒海的款式，靠的是精緻。取餐區非常集中，款式唔多。呢度無剪刀，因為龍蝦同蟹已經拆好肉，呢個係半島服務的detail位。海鮮款式唔使好多，新鮮已經勝過一切，龍蝦及蟹肉非常彈牙，俾個like。熱盤不過不失，我會推介個迷你漢堡，件手打牛肉好香好juicy。餐湯有兩款，今日係清牛肉湯同忌廉湯。清牛肉湯堅係清，黃金的顏色，非常好意頭，無渣，清到見到個煲底，唔使好濃味，啖啖香，飲完唔會濟。忌廉湯非常creamy，飲完會好濟。甜品又係我既最愛，今次食多左手工朱古力同馬卡龍，半島餅房出品，質素保證。蛋糕靚就靚啦，不過今次個肚無位放，只有淺嘗。

上個星期和先生到位於尖沙咀半島酒店的露台餐廳食自助餐—————————價錢成人每位ᴴᴷ$878—————————用餐時間6:00pm-9:00pm—————————餐廳環境餐廳設計優雅有格調 色調柔和舒適 樓底夠高 空間感十足 食物集中擺放在一進門口的中央位置 琳琅滿目 目不暇給 餐桌向兩邊延伸 我們被安排在其中一邊的靠窗座位 檯與檯之間相隔足夠的距離 私隱度高 也有足夠社交距離😂 望住過百年歷史的半島酒店房景和遠處的太空館半圓建築進餐 有一種悠言自得的寫意感 —————————食物種類老實講 食物種類比起其他5 星級酒店既自助餐都來得少 不過貴精不貴多 性價比不錯-小提示：如果你係生蠔🦪狂熱份子這裡滿足不了你 如果你是想食很多不同食材的自助餐 這裡也不是最好選擇—————————凍海鮮龍蝦🦞 磯燒鮑魚 帶子 青口 蝦🦐 長腳蟹腳 蟹鉗 螺 最有驚喜一定是鮑魚 第一Size適中 一口一隻 肉質不會太韌但又嚼口 味道甜甜的好入味 😍 👍🏻然後龍蝦肉質一梭梭都算新鮮 🥰 帶子大粒 又食一啖一粒好有滿足感喔☺️ 另外 酒店有個好貼心的服務 就是所有蝦和蟹都已經剝好殼 真是懶人恩物 ❤️ 青口都算

在我看來，這一家平日午市自助餐是超級抵超級抵超級抵。試想想，半島喎，你在大堂hightea要幾多錢？排隊要排多久？午市自助餐包括甜品、cold cut、snacks，又是多少錢？已經不是「性價比高」就可以說出我內心的震撼。差不多看所有人有關這間餐廳的食評或YouTube片，都必定會包括這個磯煮鮑魚，是因為這個鮑魚真的太強勁！湯汁很入味，就是令我想起高級懷石料理的味道。然後有些人覺得這間餐廳食物選擇少。是的，因為很多酒店自助餐都是一堆不用煮不用烹調的急凍海鮮就這樣堆出去，堆到像山一樣。這裏也有海鮮刺身，確實選擇不多，但一入口都知道是高品質。其餘的所有食品，都是經過精心烹調，是「精心」。本人去過幾間半島內的餐廳，個人認為這家自助餐的食物質素味道，從海鮮到熟食到甜品，和其他半島餐廳供應的品質差不多。例子有ravioli，可能有人不喜歡外皮較實，但這是正宗意大利的口感，真的不是某些餐廳像水餃的所謂ravioli。以自助餐價錢是值回票價，又試想想，其他幾間一個set幾錢？我絕對深信五星酒店食飯，其實是吃大廚的實力。所以從這一點，露台餐廳比起其他酒店自助餐，優勝太多。到最後，半島酒店的服務及員工態

第一次去半島酒店露台餐廳食Lunch Buffet，因為聽講經常都好Full，比較難訂位，所以預早一個月已經Book位。提早咗15分鐘到，順便在門口影下相。餐廳不算大，Buffet枱就在左右兩邊的中間，所以取食物十分方便。☝️ 左邊是西冷扒右邊是火腿，西冷扒唔錯幾好味這個Buffet食得最多就是鮑魚，這款鮑魚不是熱的，是冷盤，味道ok，不過始終覺得熱會好食啲。冷盤海鮮完全是比零分，蝦和帶子是已經去了殼，翡翠螺不算大粒，海鮮完全沒有鮮味，未試過食Buffet海鮮冷盆只食了一轉。熱盆扇貝不太大粒，而且太熟及不太有鮮味，都是零分。鍾意食咖哩的就啱晒，咖哩非常好味，不過忘記影相甜品唔錯，種類都算多，甜品控就啱晒這個Buffet完全返唔到本，有點失望，真係食佢個名。每次食Buffet都勁飽，但今次飽肚度只是剛剛好，只有試一次咁多。