雪山冰廳

營業中

休息中

每逢做完運動必去的飯堂，一黎收得夜，二黎食品質素唔差，茶餐廳算中上啦。與好友點了以下套餐：1. 清蒸鯧魚 & 清蒸黃花魚：逢蒸魚必等15-20分鐘，蒸魚配薑蔥豉油絕配，可惜鯧魚剩餘1條，另1條改為黃花魚，肉質新鮮，蒸的時間恰到好處，肉質口感滑嫩，都幾大條，白飯撈汁超好食，可能時間夜，白飯就有d硬 & 唔夠熱。2. 加錢轉盅湯：蟲草花瘦肉燉雞腳，足料之餘夠大盅，呀姐都問我地係咪屋企冇湯飲，哈哈!!3. 土魷煎肉餅飯：即叫即製要等15分鐘，肉餅煎到又乾又硬，幾條菜又凍冰冰，肉餅要蒸先好食，所以都冇拍照。服務姐姐態度親切有禮，上餐速度快，有時等都唔會等得耐，仲會埋黎吹下兩咀，讚讚讚!!!

今晚剛好去長沙灣搵朋友 正好大家肚餓🤪就係朋友家附近找了一間冰室輕鬆食😆我地就揀左呢間外表企理的 雪山冰廳📍-食物方面以港式、越式、小炒選擇，都算幾多我就揀左最經典的常餐🔎雪山沙嗲牛肉通粉配火腿炒蛋+酥皮牛角窩夫🧇經典食物 正常發揮 唔會出錯✅-朋友點左綜合牛湯河，幾有驚喜😋好足料，同埋每款牛的材料有少少🥩湯底夠濃郁，以冰室泥講唔錯😁-朋友再加點了安南鮮蝦米紙卷🥢只有2條，少貴，但同樣好足料紮實❗️有大大隻蝦🦐估唔到越式食物幾有驚喜-甜品我地點左榛子醬西多士 好食🍯好夠甜 比傳統花生醬生甜 不過好好食記住趁熱食呀!🔥飲品我地就點了凍檸茶同凍檸水🍋正常發輝-以冰室泥講坐得幾舒服 選擇幾多✔️不過相對港式麵食唔多 如果再多少少選擇更好‼️

本身呢間嘢食啲嘢唔算太差，記得第一次去食，因為係星期六嘅關係多人啲侍應唔係好理客人，諗住係佢哋太忙，到到琴日再去食，已經係平日仲要過咗lunch time係下午茶時間入到去客人並唔多，但係全程冇人招呼，坐低咗因為未有下午茶餐牌於是叫侍應拎，點知兩個侍應掛住自己傾偈，完全聽唔到我嗌佢，咁啱有第三個侍應經過係見到我，不過當聽到我問佢拎下午茶餐牌，佢就話派緊等一陣啦，啲語氣超級唔願意做，都等咗5分鐘有個阿叔終於將下午茶餐牌派到過嚟，我見佢想插入個餐牌架道，因為我想睇所以即時叫佢俾我就可以了，但係我唔知道原來呢個阿叔係有強迫症唔理客人係咪需要佢都夾硬一定要放落去個架到，仲要啤我，呢間餐廳基本10個裏邊有九個都係唔願做嘅，永遠唔會再去，不知所謂

今晚收工出長沙灣搵嘢食，經過🗻雪山冰廳！見到餐廳啱啱裝修完，變得高檔咗，而且空間闊落咗，座位多咗，仲坐得舒服咗我們例牌嗌二人餐，有蒸魚，一款小菜和兩盅燉湯！🔮麥東花旗參燉赤肉湯先嚟兩盅湯潤吓喉先。湯嘅味道甘甘地，好夠熱，好想再添飲🔮清蒸盲鰽蒸魚最考師父功夫，蒸到啱啱離骨，又唔過火。肉質嫩滑幼細，證明條魚非常新鮮！我哋見差唔多每枱都有條魚，認真受歡迎！🔮胡椒豬肚雞煲拎上嚟仲滋滋聲用個鐵板盛住，減低冷卻速度。所以食到最尾都仲有些少微暖！雞件有煎香過，所以聞落好惹味呢！🔮茶走紅豆冰我覺得紅豆配茶走，同配椰汁係截然不同嘅口味，而且我覺得比起配椰汁更好飲呀！呢杯特飲跟餐加$15，值得的！埋單$193兩個人，喺區內都算好抵食啦😋

✨ 始祖椒鹽豬扒飯(炒底)🧂🐖🍚 $70用原始嘅做法，炒飯底可以令到椒鹽豬扒嘅味道更加提升。炒飯底齋食就會食到淡淡的蛋香味，亦都食到椒鹽豬扒嘅紅椒紫洋蔥配料嘅味道，個炒底食落仲有微微嘅辣味。而椒鹽豬扒味道夠咸香，夾埋個飯黎食就恰當好處，份量都幾大份架。✨招牌海南雞飯🐥$70餐廳表示每日限定100份。海南雞無得自選部位都係隨機安排，我呢碟係雞上髀😆海南雞食落肉質鮮嫩，而個油飯亦都有香料味。✨榛子醬西多士🌰 $32個人認為唔落糖漿都夠甜，西多士熱辣辣上枱，內裡夾左榛子醬。食到榛子醬嘅味道不過嫌佢唔夠多醬😆多D醬會更好~當飯後甜品都唔錯架！跟餐配熱飲或者例湯+$6，凍飲+$9，樽仔奶茶或咖啡+$15，汽水/特飲+$15✨凍檸茶 +$9凍檸茶少甜少冰，屬正常操作。✨港式茶走紅豆冰 +9紅豆🫘夠淋身，茶底夠濃，而且唔會太甜，好飲！餐廳環境闊落，有卡座及圓枱。餐廳職員係你坐低無耐就會熱情地推介餐牌有咩好食🤤菜式亦都有多款選擇:有晚市2人套餐，散點小食，湯粉麵，亦有快餐。實有一樣野岩你地😙😙😙✨總結人均消費💸：$95/1人味道：🌕🌕🌕🌕🌑份量：🌕🌕🌕🌕🌑服務：🌕🌕🌕🌕🌑 質素：🌕🌕🌕🌕🌑🍴 雪山冰廳

冰室有兩間分店 長沙灣分店座位寬敞多卡位 坐得舒服～下午茶時間有唔少傳統港式下午茶餐點☕️仲有各種港式炒粉麵 選擇頗多！𓂃𓂃𓂃𓂃𓂃𓂃𓂃𓂃𓂃𓂃𓂃𓂃🍗 避風塘生炸脾 配紅豆冰（$44+辣味薯皇$8）🍞 榛子醬西多士 配熱咖啡 （$38）以上兩個係下午茶餐，即叫即整，特別滋味！個人較鍾意生炸雞髀，因為生炸冇炸粉，所以食落啖啖肉😋避風塘風味突出，外脆内多肉汁，十分惹味！薯角都炸得非常脆，辣度唔高！而西多士內層配搭左nutella醬，比起一般西多士多咗一個層次✨🍔 經典芝蛋牛肉漢堡包 ($35)漢堡包有烘過，荷包蛋熟度係流心狀態，切開後蛋汁滲入漢堡扒，而漢堡層係新鮮牛肉👍🏻口感不錯！🍝 傳統乾炒牛肉河粉 （$65）炒河同牛肉份量多，唔會太油太鹹！𓂃𓂃𓂃𓂃𓂃𓂃𓂃𓂃𓂃𓂃𓂃𓂃✎ 環境: 8/10 ✎ 服務: 7.5/10 ✎ 會想再食：7.5/10𓂃𓂃𓂃𓂃𓂃𓂃𓂃𓂃𓂃𓂃𓂃𓂃

雪山冰廳Cafe1956眨吓眼已經五六十年咁耐歷史，最近長沙灣店翻新咗，除咗坐得更舒服空間感更大，連餐牌都換咗新設計，分類更清晰始祖椒鹽豬扒飯 $70餐牌又特登寫住炒底，其實這個是基本🤭 但佢的確炒得好乾身唔會油淋淋，豬扒份量好多，半肥瘦Juicy厚身，椒鹽夠味但整體食落唔會太鹹，果然係招牌👍🏻常餐 - 經典芝蛋牛肉漢堡配迷你肉醬意粉 $60漢堡包好soft，底面都有芝麻好香，煎蛋有流心，食落好juicy但唔會過濕。意粉勁多肉醬，每條沾滿但食到最底仲有好多，番茄味香甜肉碎濕潤樽仔咖啡/奶茶 跟餐價 $9 / $15傳統冰廳嘅港式奶茶咖啡冇得彈，香滑濃郁榛子醬西多士 $32一大片牛油熱溶滲入西多每一寸，榛子醬未至於流心，但足料香甜，當然唔少得西多金黃脆脆邊超正🥰

其實對於食物質素冇乜特別大意見，正正常常一間茶餐廳。但在今日嘅用餐體驗，就對於服務態度十分之不滿。第一，小朋友食完嘢稍為離開座位，我哋已經即刻介入管理好自己嘅小朋友唔好周圍走，要坐返好，但幾位侍應姐姐即刻好緊張咁話，「小朋友唔好跑呀，我哋要做生意㗎！」（態度亦帶一點鄙視，個人覺得）第二，埋單檢查賬單時，我哋對於飲品加錢有一點疑問，希望侍應姐姐作一點解釋，但得到嘅回應係「你自己睇，我哋唔需要解釋！」。今時今日咁嘅服務態度，真係希望你長做長有！

今日同朋友嚟到長沙灣，佢帶我嚟呢間冰廳食下午茶入內裝潢以簡約木系風配花磚地板連埋藤吊燈有種舒服而溫馨的感覺睇過餐牌先，下午茶好多都好吸引🤩快餐仲有湯粉麵真係好多款式～避風塘生炸雞脾配紅豆冰 $44雞脾好大隻～賣相相當吸引外皮炸得酥脆香口，內裡肉質細膩柔軟又多汁配埋避風塘風味的香料真係不得了～好好味紅豆冰嘅紅豆大大粒夠香甜，下午茶必點🤩榛子醬西多士 $38西多炸得金黃酥軟，配上鮮牛油真是邪惡美食而切開有滿滿的榛子醬，食落香甜而細膩～經典芝蛋牛肉漢堡包 $39 加$9升級特飲鹹檸七包面烘得微脆而鬆軟，芝士流心蛋加埋肉味濃郁的漢堡，食落鮮美多汁好滋味～鹹檸七夠冰凍，飲落酸酸甜甜啱哂咁熱嘅天氣友人推薦的 始祖椒鹽豬扒飯 (炒底）$70賣相已經好似好好味～豬扒外表微焦，肉質鮮美而口感飽滿加埋香口的炸蒜、香蔥、洋蔥、椒絲及粒粒分明的炒飯，真係惹味之選整體食物質素真心不錯，性價比好高環境舒服，服務友善，值得再來～

📍 雪山冰廳🌍長沙灣青山道413號東景大廈地下4-5號舖 Shop 4-5, G/F, Tone King Building, 413 Castle Peak Road, Cheung Sha Wan📝整體評分：８／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝以前去開深水埗，第一次去新店，淡雅風格，環境更舒服～滋潤燉湯二人套餐＄１７８見張張枱都有盅湯，好耐無飲過湯，都想滋潤滋潤下~猴頭菇雞腳瘦肉燉出精華，清而不寡，沒半點油，少有！⤫ 海南雞 ⤫ 雞味濃郁且肉質嫩滑，雞皮爽滑但唔夠薄，配薑蓉及辣椒醬提升整體的風味。⤫ 蜜汁野菌薯角牛仔骨煲 ⤫ 牛仔骨牛味濃厚且唔會過韌；野菌爆香，帶出氣味；薯仔經高溫水炸到外脆內軟，十份香口；蜜汁黑椒調味，既甜美又微辣，不過略甜。⤫ 樽仔奶茶 ⤫ ＄15奶味較重嘅奶茶

雪山冰廳 📍長沙灣青山道413號東景大廈地下4-5號舖老字號茶餐廳🍴店內最近重新裝修裝修非常光猛～座位闊落😎更設有卡座我地來左食晚餐🍲菜式選擇眾多有小炒、煲仔菜、常餐、更有越式河粉人均$100食到飽飽🤭🫶🏻🩷。胡志明市綜合牛河粉 🍲 $62用上牛骨炮製湯底😋湯底入口清甜本身跟熟牛肉、生牛肉、牛丸、扎肉好喜歡佢地牛丸夠哂彈牙😆熟牛肉係牛坑腩🤭🤭肉質紮實有口感我仲加$10 加配豬頸肉～即炸超有油香。安南鮮蝦米紙卷 跟餐優惠+$22口感層次豐富～米紙包裹住大蝦、金不換、甘筍、米線等材料～配上越式酸辣醬汁好開胃又清新🌿。始祖椒鹽豬扒飯（炒飯底 ）$70椒鹽豬扒炸到好酥香～更帶有蒜香味配埋粒粒分明炒飯底～豬扒油香更出必食🩷👍🏻。凍奶茶 $9 茶底濃香～好夠茶味又夠幼滑。樽仔咖啡 $15 咖啡調味好好～入口順滑

今日同女朋友黎到長沙灣經過見到呢間老字號茶餐廳就緊係入去試下！餐牌有好多選擇，全部都好吸引燉湯湯底醇厚，美味可口，每一口都充滿了濃郁的肉香。每一口喝下去，都能感受到廚師對烹飪的熱愛和對味道的追求椒鹽豬扒(炒飯底)豬扒烹調得恰到好處，外皮酥脆，內裡則保持了嫩滑的口感。這種對比感讓人印象深刻。而配上的炒飯更是絕妙，每一粒飯都油潤而不膩，帶著椒鹽的香氣，使得整個盤子散發出令人垂涎的味道咖哩吉列豬扒蛋包飯這道菜的咖哩味道濃郁，吉列豬扒鮮嫩可口，與咖哩的香氣完美融合。蛋包飯則是另一個亮點，飯粒綿密，蛋香和飯香相融，與咖哩豬扒形成了絕佳的配搭。梅菜蒸肉餅肉餅鮮美多汁，與梅菜的酸甜味道形成了極佳的對比。梅菜的酸甜味道激活了口腔的每一個味蕾，使得肉餅的鮮美更加突出。這道菜的味道細膩而豐富，讓人回味無窮

-//位於長沙灣·新裝修·老字號舊式茶餐廳🥳另外深水埗分店更屹立超過67年歷史了😳餐廳選擇多，例如有叻沙、素食、南洋咖哩 酸菜魚、沙薑雞、海南雞、人氣避風塘雞髀📍芝士焗波士頓龍蝦海鮮飯＄128冇諗到茶餐廳都有龍蝦海鮮飯😳材料好豐富除咗有龍蝦🦞青口、魷魚、蟹柳、西蘭花等好足料，雖然龍蝦唔算好多肉，但有鮮甜味賣相都唔錯👍🏻 飯份量好大碟，一個人食唔哂特別大讚好多汁可以撈埋飯一齊食🥳 好滿足📍招牌海南雞飯 $70*溫馨提示🔔 海南雞飯每日只會提供100份*雞肉份量大約8-10舊，肉質好嫩，滑嘟嘟要配傳統醬汁一齊食，就係夾甜豉油再撈飯另外仲有個辣醬🌶️ 而油飯好香 食到飽一飽📍避風塘炸雞髀 $35炸雞髀需時20分鐘，外皮顏色炸到香酥金黃真係炸到好香口，雞皮好脆，啖啖肉好好食灑上大量避風塘香蒜酥🧄 食落真係超級惹味微辣嘅風味，不過可以接受😝愛重口味可試牌餐

長沙灣有好多好嘢食，碰巧經過呢間老字號餐廳係，見佢餐牌有好多食物選擇，價錢親民環境又整潔，一於同朋友入去食💕始祖椒鹽豬扒飯（炒底）$70豬扒有五至六塊份量好足，豬扒表面香脆內裡嫩滑，用椒鹽醃過特別香口惹味，炒飯粒粒分明食落有口感，鑊氣十足又夠香口，值徥推介。💕榛子醬西多士 （下午茶餐 $38）金黃色嘅西多士，麵包外脆內，內層填滿甜香嘅榛子醬，真係邪惡又好食！💕避風塘生炸髀配紅豆冰（下午茶餐 $44）加配🥗栗米什果沙律 ＋$8即叫即炸，大概要等15分鐘，黎到真係心心眼，大大隻炸髀，炸至金黃色，外層脆卜卜，入口啖啖肉，沙律份量都好多，加埋杯紅豆冰，真係大滿足啊💕Tea拼盤：包括雞翼、辣味薯角、🥗什果沙律、🧇酥皮牛角窩夫（一人$44）呢個下午茶一人拼盤好足料，每一樣食材嘅份量都好多，尤其係什果沙律，真係大大份好慷慨，超級抵食，最欣賞係雞翼，醃得好入味，食好到連骨都吮得一乾二淨

裝修完非常時尚，座位坐得更舒適干炒牛河是一道茶餐廳的經典菜，它的特點是炒勻牛河和肉類、蔬菜等食材，使牛河吸收其他食材的香氣和味道，這間餐廳炒得非常有鑊氣，平均，沒有痴住一舊舊，如果你喜愛干炒牛河絕對是一個值得一試的餐廳，價錢合理。什麼時候都可以食全日早餐非常適合香港人全日早餐中的炸魚柳、炒蛋、香草腸仔和牛角包，一個豐盛的早餐組合- 炸魚柳：它的外皮經過炸制後變得酥脆，裡面的魚肉鮮嫩多汁。炸魚柳的口感和味道都非常好- 炒蛋：正常發揮- 香草腸仔：幾好食- 牛角包：它的外皮酥脆，裡面柔軟