呢間米線位於土瓜環崇潔街嘅小巷～ 主打唔同湯底嘅米線～ 用電話掃qrcode落單 可以揀辣度同要求多蔥等等 非常客製化！ ——————————————— 🍜招牌酸辣湯米線 （$31） +豬軟骨/秘製腩肉/滷水大腸（+@$10） 酸辣湯原本有炸醬、酸菜、韭菜、芽菜、香蔥 可以係app要求走原定配料 湯底可揀辣度 今次揀左小辣 酸辣味道頗濃郁 所以食落都好開胃😋 豬軟骨同大腸都好入味 腩肉係薄切 冇乜肥肉 食落清爽！ 三款配料都同酸辣湯好夾！ 🍜豬骨鮮濃湯紅薯粉（$29） +螺旋藻/冬菇皇/肥牛 （$9/9/10） 螺旋藻份量十足 軟硬度適中有口感 紅薯粉份量都好多～ 冬菇皇大粒而入味！ 🧄蒜香醬油雞翼（$27） 雞翼係冷盤 蒜香味真係非常重 十分惹味 而且拆左做單骨 食落好方便！ 🥢孜然涼皮條（$27） 孜然味啱啱好 涼皮條係硬而帶點煙韌 係口感幾特別嘅小食！ 🥛杯裝豆漿（$9）/雀巢檸檬茶（$8） ——————————————— ☺︎ 環境: 7/10 ☺︎ 服務: 8/10 ☺︎ 會想再食：8.5/10 ——————————————— 店家資訊 ✎ 店名: 貴緣小鍋米線 ✎ 地址: 紅磡崇潔街20號地舖 ✎ 其他分店：北角 ———————————————

冰室有兩間分店 長沙灣分店座位寬敞多卡位 坐得舒服～ 下午茶時間有唔少傳統港式下午茶餐點☕️ 仲有各種港式炒粉麵 選擇頗多！ 𓂃𓂃𓂃𓂃𓂃𓂃𓂃𓂃𓂃𓂃𓂃𓂃 🍗 避風塘生炸脾 配紅豆冰（$44+辣味薯皇$8） 🍞 榛子醬西多士 配熱咖啡 （$38） 以上兩個係下午茶餐，即叫即整，特別滋味！個人較鍾意生炸雞髀，因為生炸冇炸粉，所以食落啖啖肉😋避風塘風味突出，外脆内多肉汁，十分惹味！薯角都炸得非常脆，辣度唔高！而西多士內層配搭左nutella醬，比起一般西多士多咗一個層次✨ 🍔 經典芝蛋牛肉漢堡包 ($35) 漢堡包有烘過，荷包蛋熟度係流心狀態，切開後蛋汁滲入漢堡扒，而漢堡層係新鮮牛肉👍🏻口感不錯！ 🍝 傳統乾炒牛肉河粉 （$65） 炒河同牛肉份量多，唔會太油太鹹！ 𓂃𓂃𓂃𓂃𓂃𓂃𓂃𓂃𓂃𓂃𓂃𓂃 ✎ 環境: 8/10 ✎ 服務: 7.5/10 ✎ 會想再食：7.5/10 𓂃𓂃𓂃𓂃𓂃𓂃𓂃𓂃𓂃𓂃𓂃𓂃

呢間811 位於銅鑼灣蘭芳道 係bakehouse附近 位置方便～ 座位算多 而且寬敞～ 除咗酸菜魚 亦有多款小菜同串燒 ——————————————— 🌶必食冷鍋酸菜魚 ($258) 酸菜魚用左菊花瓣裝飾，賣相唔錯，而且份量算多，魚肉嫩滑入味。分別試過BB辣同小辣嘅湯底，BB辣嘅湯底真係唔算太辣，怕辣嘅都可以試下～比較驚訝係配料有好多金菇同酸菜，好似食極都仲有😂反而寬粉覺得可以再多啲😆 🌶辣子雞（$128@半份） 🌶乾煸肥腸 （$138） 兩款都佈滿超級多辣椒！辣子雞每一粒都好細，所以會好入味，雞骨偏多少少🤏肥腸真係炒得非常乾身，食落好脆口！

位於荃灣嘅一本。串里主打日本菜 大部分嘅刺身、壽司都有 選擇算多 另外都有串燒、拉麵! 裝修係日式風格 餐具有花心思！🌊 ——————————————— 🍤 珍寶赤蝦刺身（$12@1） 🦪 時令生蠔（$15@1） 🌊 木板海膽（$88@1） 以上幾款生食都好新鮮，珍寶赤蝦十分大隻，厚實有彈性！生蠔冇乜海水味，口感清爽！海膽色澤唔錯，偏軟身，味道甘甜～ 🍣 特長燒鰻魚壽司（$30@1） 鰻魚真係長過手掌🖐️蒲燒醬汁味道唔會太甜，食落有滿足感🥰 🍢串燒 鹽燒牛舌心（$38） 燒煙肉荔枝卷 （$26） 牛舌心夠厚身，燒得剛好，所以好有咬口，會想再食👍🏻 煙肉燒完會較乾身，同荔枝反而冇咁夾，可能配豚肉會更好🤔 🥪 鵝肝多士（$58） 多士有兩小件，賣相唔錯，入口即融，多士有小小腍左🥲，建議到咗就快啲食先！ 🍜 特級肥牛拉麵（$72） 拉麵相對其他食物不過不失，份量不少！ ——————————————— ☺︎ 環境: 7.5/10 ☺︎ 服務: 8/10 ☺︎ 會想再食：8/10 ———————————————

香港仔嘅十三少地方非常寬敞 而且有唔少卡位 坐落好闊落～ 一嚟到會有一小碗酥黃豆💛 非常脆口🤤 試左三款菜式 味道都係偏重！ 適合重口味嘅大家😆 ——————————————— 🐟十三少酸菜魚 一見到嚇親 因為真係勁大個碗 酸菜份量好多 所以湯底好夠酸👍🏻 小辣比想像中冇咁辣 爐魚厚肉夠入味！ 配料有唔少萵荀 非常爽脆🤤 🌶️椒麻皮蛋 同一般皮蛋唔同 外表係金黃色 非常靚✨ 質感似偏硬小小嘅啫喱 椒麻味好夠 所以都幾開胃！ 🦀十三少蒜香蟹飯 以上雖然係細size 但非常大份 有叫酸菜魚應該夠3/4人食！ 兩隻蟹有滿滿蟹膏！🦀🦀 舖上海量蒜粒 所以蒜味極重呀！ 🪷紅棗雪耳糖水 飯後店員送上凍糖水 味道清甜😋 作為飯後糖水感覺清新唔膩～ ——————————————— ☺︎ 環境: 8.5/10 ☺︎ 服務: 8/10 ☺︎ 會想再食：8/10 ——————————————— 店家資訊 ✎ 店名: 十三少 ✎ 其他分店：元朗、樂富、香港仔、九龍城、西環、紅磡 ———————————————

店舖主打串燒同紙包雞、紙包魚🐟 食完雞/魚後仲可以打邊爐！ 再食串燒！一次滿足三個願望呢～ 舖頭入面座位唔算多 但都唔會有壓迫感 而且裝修非常本地化！🫡 ——————————————— 🌶麻辣紙包爐魚 ($268) 紙包魚用錫紙包住，店員會等佢帳起時再剪開，爐火亦會一直開住，所以魚肉會越煮越入味，爐魚非常大條，係炸過後再煮，兩面都係金黃色✨肉質嫩滑，麻辣味十足。配料有雲耳、蓮藕、豆卜、豆芽等等，豆芽係當中最入味～ 🥥椰汁流心球（$48）💘 呢款炸物非要有驚喜！啱啱炸好時，外層香脆金黃，包裹住一層炸過嘅西米，入面係流心而濃郁嘅椰汁西米露，鹹鹹甜甜非常惹味！ 🥠黄金炸豆腐（$28） 份量不少，味道剛好唔會太鹹，略嫌唔夠香脆～ 🍢串燒 汁燒盡魚咀（$28） 燒韭菜（$13） 鹽燒牛舌（$38） 爆膏豬大腸（$18） 台灣墨魚腸（$18） 雞軟骨串（$16） 魷魚鬚串（$19） 七款串燒嘅孜然味/燒汁味都非常入味，當中比較驚喜嘅係墨魚咀同豬大腸，墨魚嘴一咬就爆汁，有咬口又煙韌；大腸都燒得頗為酥脆而入味；墨魚腸肉汁多！ ——————————————— ☺︎ 環境: 7.5/10 ☺︎ 服務: 8/10 ☺︎ 會想再食：8/10 ———————————————

之前食過幾次酸菜魚都好唔錯～ 今次再試埋新推出嘅砂鍋螺螄粉！ 好適合鍾意食酸嘅人😉 ——————————————— 🐟酸菜魚 ($268) 午市嘅酸菜魚份量其實都唔少 配菜有幾多萵筍、豆卜、菇類！ 薯粉係粗款 非常煙韌！ 魚肉都嫩滑吸湯🥰 🍲砂鍋螺螄粉（$48） +炸蛋/大腸/腩肉（+$12/8/8） 本身配料已經有好多！ 有木耳、鹹菜脯、酸豆角、酸荀、炸枝竹同花生！ 有好多酸嘅元素 所以成碗粉都偏酸的 適合鍾意食酸嘅人😝 麵用左柳州特有米粉 比起一般米線幼身爽口～ 而炸蛋外層炸得好脆 浸落湯會好索汁～ 🌶️惹味雞軟骨 （+$38） 🌶️麻辣雞翼尖（+$32） 雞軟骨同雞翼尖嘅麻辣味都好香口 麻同辣味啱啱好😆 🍹鮮芒椰果玉露（+$18） 芒果味唔算好重 飲落頗清爽🥭 椰果有好多 飲完都未食完呢🤣🤣 ——————————————— ☺︎ 環境: 7.5/10 ☺︎ 服務: 8/10 ☺︎ 會想再食：8.5/10 ———————————————

呢間熟食中心位於佐敦 今次試左四款常見嘅小炒～ 全部份量都好多 同價錢絕對成正比！ 環境方面 寬敞乾淨👍🏻 多人去都夠位！ 𓂃𓂃𓂃𓂃𓂃𓂃𓂃𓂃𓂃𓂃𓂃𓂃 🍍菠蘿拔絲咕嚕肉（$98） 每一嚿肉都好大塊 肉嘅份量遠比菠蘿、洋蔥同青椒多！ 掛汁得嚟唔會太膩🍍🫑🧅 🐟椒鹽九肚魚（$108） 啱啱炸好嘅九肚魚外脆內軟！ 椒鹽味唔會太鹹～ 夾啲炸蒜一齊食會更正！ 🥔黑椒薯仔牛柳粒 （$128） 牛柳份量勁多 蜜糖味頗重 個人就比較鍾意薯仔😆 應該係烚過再炸 所以做到明顯嘅外脆內軟！ 🐚招牌豉椒炒大蜆（$138） 每一隻大蜆都沾滿汁 冇沙 而且全開😉 如果豉椒味再重啲會更好～ 𓂃𓂃𓂃𓂃𓂃𓂃𓂃𓂃𓂃𓂃𓂃𓂃 ✎ 環境: 6.5/10 ✎ 服務: 7/10 ✎ 會想再食：7/10 𓂃𓂃𓂃𓂃𓂃𓂃𓂃𓂃𓂃𓂃𓂃𓂃 店家資訊 ✎ 店名: 新肥泉海鮮大排檔 (佐敦) ✎ 地址: 佐敦寶靈街17號官涌市政大廈2樓熟食中心 𓂃𓂃𓂃𓂃𓂃𓂃𓂃𓂃𓂃𓂃𓂃𓂃

餐廳有兩間分店 今次去嘅係位於太子 店舖座位寬敞 裝修偏古典風 主打星馬菜 各種招牌雞飯😉 一個套餐 有湯有飯有主菜～ 晚餐精選仲可以以平價加小食😆 𓂃𓂃𓂃𓂃𓂃𓂃𓂃𓂃𓂃𓂃𓂃𓂃 🐥獅城芽菜走地雞飯（晚餐精選） 配輕怡新加坡白胡椒排骨茶 （$95） 👉🏻加配 Susan 雞翼（三隻）（$28） 👉🏻飲品轉冰凍椰青 （$28） 唔加配小食的話 套餐份量一人啱啱好！ 走地雞肉質嫩滑 而且夠入味🤭 凍食配油飯好夾 唔會好油膩 三色醬味道亦唔會過鹹 白胡椒肉骨茶有兩嚿排骨 唔乾柴👍🏻 有胡椒嘅少許辣味 後勁亦有少許中藥味～ Susan雞翼有三隻全翼～ 係即叫即炸 所以真係熱騰騰♨️ 都幾邪惡㗎！ 至於椰青就正常發揮😆 如果成個套餐加小食連飲品都12分飽㗎 🫘拿手三寶飯 （$93） （海南雞，豬手，滷蛋） 海南雞同走地雞一樣都嫩滑 不過個人比較鍾意走地雞😆 豬手係滷水 夠入味 煮得夠腍 但仍然保持到彈性 滷蛋嘅滷水味都好入味！ 至於跟餐係冬瓜湯 味道清清地 仲有幾嚿雞腎！ 🌶麻辣玻璃魷魚通菜（$50） 魷魚同通菜份量都唔少 食少辣都可以食到！ 如果再辣啲會更好😆 𓂃𓂃𓂃𓂃𓂃𓂃𓂃𓂃𓂃𓂃𓂃𓂃 ✎ 環境: 8/10 ✎ 服務: 7/10 ✎ 會想再食：7/10 𓂃𓂃𓂃𓂃𓂃𓂃𓂃𓂃𓂃𓂃𓂃𓂃 店家資訊 ✎ 店名: 蘇山雞飯 (太子) ✎ 地址: 太子彌敦道759-761號藍馬之城地下2-3號舖 ✎ 其他分店：長沙灣 𓂃𓂃𓂃𓂃𓂃𓂃𓂃𓂃𓂃𓂃𓂃𓂃

酸菜魚嚟講 麻辣風雲係香港都頗有名🙌🏻 相信好多人都有食過！ 確實店舖環境 食物味度都唔差 想打卡嘅仲有gimmick炸饅頭😆 ——————————————— 🌶 酸菜魚 ($268) 💘推薦 之前有食過午市嘅酸菜魚 發現午市同常規酸菜魚嘅薯粉唔一樣！ 常規款嘅係粗款 非常煙韌！ 同酸菜魚湯非常之夾😝 魚肉嫩滑 配菜有萵筍👍🏻、豆卜、菇類 都唔少㗎～ 🍞 炸饅頭 （$58) 💘推薦 啱啱炸好嘅饅頭點煉奶 真係好難唔好食呢🤤 而且用識噴煙嘅船裝住 真係好打卡able🤭 🦴糖醋排骨（$68） 小菜價錢嚟講 份量其實唔少！ 味道酸酸甜甜 偏酸多小小～ 🧊涼拌雞絲粉皮 （$68） 胡麻醬頗甜 同雞絲粉皮好夾 粉皮唔會太腍 食落口感唔錯 另外有青瓜絲中和下醬料嘅油膩感🥒 🍡黑糖脆炸糍粑 （$58）💘推薦 外脆內軟糯🥰 啱唒鍾意煙韌口感嘅朋友！ 黑糖醬汁甜度都👌🏻 🥥 冰涼椰汁冰（$38） 碎冰好多 加上椰汁透心涼 啱需要解辣嘅朋友🔥💨🤣 ——————————————— ☺︎ 環境: 7.5/10 ☺︎ 服務: 8/10 ☺︎ 會想再食：8.5/10 ——————————————— 店家資訊 ✎ 店名: 麻辣風雲 ✎ 地址: 銅鑼灣駱克道491-499號京都廣場5樓 ✎ 其他分店：荃灣、旺角 ———————————————