#港女覓食到元朗 以前呢間台式飲品店開係元朗12蚊店對面，依加已經發展到有幾間分店了😍 元朗千色匯今次有新嘅台飲店啊！ 仲要係商場入面，夏天就唔怕熱住等啦😙 ✨芝士開心果鮮奶(M) $48 好Creamy+好濃郁嘅開心果鮮奶🤤入口細滑，會令人一口接一口不停飲，大推👍🏻 ✨芒果大滿足(L) $38 跟厚厚芝士奶蓋！飲落啖啖新鮮芒果肉！飲落無好假嘅芒果味道，飲到茶底清新，夏天熱辣辣飲返杯就好Fresh好解渴😍 飲品本身預設左係微糖少冰架~ ✨總結 味道：🌕🌕🌕🌕🌑 份量：🌕🌕🌕🌑🌑 服務：🌕🌕🌕🌕🌑 質素：🌕🌕🌕🌕🌑 🍴 夏茶 (元朗) 📍元朗教育路1號元朗千色匯地下47號舖 ::::::::୨୧::::::::୨୧::::::::୨୧:::::::::୨୧::::::::: #hkfoodie#eat#gathering #food #foodphotography #foodblogger #foodstagram #instafood #hkfood #foodpics #photooftheday #foodie #foodlover#foodholiceatdiary#夏茶#元朗#元朗台飲

#港女覓食到旺角 呢間餐廳好近旺角地鐵站E1出口，一行出係上樓就係架啦😊餐廳闊落，而且點餐後上菜速度都好快，好少出現漏單情況呢。 ✨ 經典三重新鮮刺身江洋盛宴 $258 有77款食物比你點😋 有幾款我覺得一定要點黎食嘅🤩 御泰之味冷鮑魚:泰式辣汁夠惹味，鮑魚爽口彈牙 竹笙瑤柱蟹肉羹:好似碗仔翅咁，清清地入面幾足料架 蒜蓉燒生蠔:熱辣辣上枱，蠔肉爽甜 刺生拼盤:新鮮無雪味，仲要厚切添~ 西京比目魚:魚油很香，魚肉嫩滑。 芝麻雞翼、鹽燒牛舌、鹽燒雞軟骨、鹽燒雞翼呢D小食都唔可以錯過🤤 依加仲有期間限定嘅馬來西亞榴槤食添！鍾意食榴槤嘅你一定唔可以錯過😍 佢有烤榴槤食落嘅感覺就好似榴槤糕嘅感覺。亦都有無烤嘅榴槤，食落去勁香甜，榴槤肉質細滑。食多幾舊就回本了😙 飲品仲有最近新出嘅無糖檸檬茶比你揀~啤酒汽水檸檬茶飲品應有盡有，實有一款啱你心水😆餐廳亦都有清酒供應。 甜品就以雪糕為主，有Häagen-Dazs雪糕、雀巢甜筒、仲有幾款雪條比你揀😌 ✨總結 味道：🌕🌕🌕🌕🌑 份量：🌕🌕🌕🌑🌑 服務：🌕🌕🌕🌕🌑 質素：🌕🌕🌕🌕🌑 🍴御滿屋日本料理 (旺角) 📍旺角彌敦道655號胡社生行1樓 ::::::::୨୧::::::::୨୧::::::::୨୧:::::::::୨୧::::::::: #hkfoodie#eat#gathering #food #foodphotography #foodblogger #foodstagram #instafood #hkfood #foodpics #photooftheday #foodie #foodlover#foodholiceatdiary #foodielife#旺角放題

K-11 商場行過見到呢間台灣菜~ 心思思就同朋友去食啦😄 餐廳有個2人set，其實計落同單點差不多，不過勝在多左個前菜+甜品+飲品啦😂 前菜揀左台灣腸+墨魚台灣腸，腸仔夾埋蒜片食好味道。 之後再點左芋泥肉鬆蛋餅，芋泥比個醬味蓋過了，入面仲夾左生菜，可以減去油膩感。 然後點左個麻吉臭臭鍋(中辣)，個湯底好正！ 我同朋友都覺得應該要配粉絲/麵去索曬D汁。 跟餐無包麵啊🙈如果要加麵就只有刀削麵可以加(+$38)，另外我地都貪臭臭鍋入面每樣配料都有D (肥牛大腸鴨血丸類菜)，可以過下口癮。 仲有個甜品係芒果麻糬+豆乳雪糕~食落都Ok 飲品點左蜜桃沙芝士奶蓋&草莓沙芝士奶蓋，好飲，奶蓋咸咸地好正。 一個set滿足幾個願望，食到勁飽！

呢間餐廳坐位舒服，而且服務都唔錯架~ 餐廳位置The One 21樓，可以飽覽維港夜景，一路食一路睇靚風景真係會賞心悅目架！ 今次黎食係因為想食牛扒😆 餐廳今次無做Set Dinner，所以全部散點為主🙈以前有做Set dinner幾好，唔洗用腦諗，直接跟Set dinner食~ 散點嘅話~ 我地揀左生牛肉他他 120g 食落完全唔似食緊生牛肉😂香草味較重，配旁邊麵包脆片食~ 蟹餅: 有蟹肉嘅蟹餅，都幾好食~旁邊有酸菜俾你提提神😂 Wooloomooloo Cajun Spices Rib Eye (340g) 5成熟，烤得岩岩好。Cajun 呢個醃料食落少少辣味，而牛味香濃。 餐飲點左2杯Cocktails Love Cupid & Earl Grey Gin Fizz ，甜甜地易入口啊😋 最後食埋甜品Tiramisu，幼滑忌廉，但咖啡味唔夠濃啊🙈

#港女覓食到銅鑼灣 呢間餐廳環境好chill，超級打卡able~而且有分室內和戶外座位。 餐廳餐牌野食都多種類，好地道，包括廚師及侍應都是地道泰國人。 ✨ 椰汁雞湯 $75 濃郁嘅椰奶味，飲落幼滑，酸辣適中好開胃。 入面有草菇秀珍菇蕃茄&雞肉，材料好豐富。 ✨ 木瓜絲蝦沙律 $94 夠辣夠惹味，蝦米好咬口，咸香味配木瓜絲。 仲有啲大蝦已經剝咗殼，食落方便咗~ ✨ 皇宮大蝦蛋網炒金邊粉 $138 外層係蛋網包住裏面嘅金邊粉，金邊粉爽口彈牙。 茄汁味濃，而大蝦肉質彈牙。伴碟有辣椒粉花生碎和青檸。 ✨飛天通菜 $95 夠熱，同樣微辣，入面有甜麵豉嘅味道。 ✨鮮芒果汁 $60 無冰架，少少凍，真係100%芒果榨出嘅芒果汁🍹 ✨椰青 $58 清甜夠凍 如果想飲酒嘅話，餐廳夜晚有cocktail供應😊 ✨總結 人均消費💸：$280/1人(餐廳需收加一服務費) 味道：🌕🌕🌕🌕🌑 份量：🌕🌕🌕🌕🌑 服務：🌕🌕🌕🌑🌑 質素：🌕🌕🌕🌕🌑 🍴 泰簡單 (銅鑼灣) 📍 銅鑼灣謝斐道517號總統戲院頂樓 ::::::::୨୧::::::::୨୧::::::::୨୧:::::::::୨୧::::::::: #hkfoodie#eat#gathering #food #foodphotography #foodblogger #foodstagram #instafood #hkfood #foodpics #photooftheday #foodie #foodlover#foodholiceatdiary #foodielife #銅鑼灣小泰國 #chill #地道泰式 #打卡一流

#港女覓食到上環 呢間餐廳環境好靚，好闊落~ 裝修以藍白色為格調，望落好奢華，用黎慶祝或聚會都唔錯架😍 以下呢個Menu絕對夠飽，而且份量十足！ 同埋享用呢個Menu絕對係視覺、嗅覺、味覺嘅享受😋 因為每道菜上枱都熱辣辣，擺盤好精緻好靚，同埋香氣十足啊🤤 ✨ Emperor Tasting Menu $680/1人 芝麻蝦多士+陳醋蜂蜜排骨 +脆皮素春卷 炸過嘅蝦多士脆口不會太油膩 陳醋蜂蜜排骨酸甜開胃，而且粉漿不會太厚。 可以配合甜酸醬及喼汁~ 湖區海鮮羮海鮮🦐🍄‍🟫🥬🥕 足料海鮮羹入面有蝦仁粒、帶子粒、豆腐粒配搭住有咬口嘅蘑菇片，菜心片甘筍片，口感更豐富。 蒜蓉粉絲蒸扇貝🐚 大大隻蒸扇貝出爐啦😍 火候預得啱啱好，扇貝嫩滑，鮮甜可口。 棒棒吉列蝦掛包🍤 香軟嘅掛包包住吉列蝦餅，入面個醬汁係秘製他他醬，個醬食落微微辣度，好惹味！ 然後到正餐3選2，我地揀左乾燒薑汁鱈魚& 脆皮燒牛肋骨配上英式煙肉粟米粒炒蛋飯~ 鱈魚嫩滑魚油味香，而脆皮燒牛肋骨市面上比較少見，係薄薄地一層粉係面頭，內裡係牛肋骨，牛肋骨味道濃，可以配合泰式辣醬一齊食。 炒蛋飯夠鑊氣，熱辣辣。 食到最尾點少得甜品~ 甜品就係芝士蛋糕及朱古力Mousse 芝士蛋糕味道較清香有檸檬味，而餅底脆口食落有驚喜🤤芝士蛋糕軟綿綿，甜而不膩！ 朱古力Mousse味道濃而且有酒香。 相比之下，芝士蛋糕較為出色😋 The Spice Girl $125 幾特別嘅一杯cocktail，辣辣的，飲落幾過癮~ The One with the Strawberry $125 微甜的士多啤梨味Cocktail~ 餐廳職員服務好好，眼力都一流，會時刻留意你碟上有冇需要再更換及會否需要再加水。 ✨總結 味道：🌕🌕🌕🌕🌑 份量：🌕🌕🌕🌕🌑 服務：🌕🌕🌕🌕🌑 質素：🌕🌕🌕🌕🌑 🍴 1908bc British Chinese (上環) 📍上環文咸東街22-26號柏廷坊5樓 ::::::::୨୧::::::::୨୧::::::::୨୧:::::::::୨୧::::::::: #hkfoodie#eat#gathering #food #foodphotography #foodblogger #foodstagram #instafood #hkfood #foodpics #photooftheday #foodie #foodlover#foodholiceatdiary #foodielife #1908bc #上環美食 #上環 #sheungwan #britishchinesefood #中菜 #chinesefood

#港女覓食到油麻地 呢間食麻辣火鍋嘅餐廳，裝修勁中國風。 而餐廳枱面都算大，嗌勁多嘢食都唔使驚冇位放😆 ✨經典鴛鴦湯底 招牌牛油紅鍋(小辣) 小辣都會越煮越濃味，入面有勁多花椒同辣椒。 食落唔會話好油膩🤩香辣味一流。 唔辣嘅就係高湯，食落都夠味道。 入面有粟米、紅棗、紅蘿蔔、金菇&芫荽。 ✨四菌子 幾乎枱枱都有點呢一個菌子食😙 呢四款菇菌最常見嘅已經係竹笙，其他菇都比較少見🫣食落菇菌鮮甜。 白色係竹笙，米色係繡球菌，黑色係黑皮雞樅菌，黃色係金耳。 d菇菌唔好煮太耐，佢地會洽到淋身左😂食落口感就無咁好啦。 金耳&繡球菌本身係口感軟身，食落有膠質。 黑皮雞樅菌食落有咬口~ 竹笙索咗火鍋湯底嘅汁係最好食，我就鍾意放喺麻辣個邊🤣 爽口的竹笙跟麻辣湯底，辣得好過癮。 其他打邊爐配料就有花雕件，午餐肉、鮮腐竹及皇帝菜啦😄都算係幾大碟啦！ ✨百香果檸檬茶 飲落酸酸甜甜好開胃解辣一流👍🏻 餐廳有另收醬料費(每位$36)及茶水(每位$10)。 另外醬料區亦都有車厘茄、青瓜、西柚及橙用作餐前小食。 ✨總結 人均消費💸：$400/1人(餐廳需收加一服務費) 味道：🌕🌕🌕🌕🌑 份量：🌕🌕🌕🌑🌑 服務：🌕🌕🌕🌑🌑 質素：🌕🌕🌕🌕🌑 🍴 九龍坎麻辣火鍋 (新光商業大廈) (油麻地) 📍油麻地彌敦道469號新光商業大廈3樓 ::::::::୨୧::::::::୨୧::::::::୨୧:::::::::୨୧::::::::: #foodlover#foodholiceatdiary #foodielife#油麻地火鍋#油麻地川菜#九龍坎麻辣火鍋

#港女覓食到尖沙咀 今次晚餐就揀左去瑰麗酒店地下嘅Blu House用餐🤤 之前食過Bayfare Social西班牙菜。 ✨Octopus Salad $268 屬於冷盤，八爪魚🐙份量都多，香草味同橄欖油混合在一起。 ✨Guanciale Pizza $110 切成4小件的Pizza，熱辣辣上枱。香軟的Pizza餅皮上面有脆口的豬頸肉，另外亦都有洋蔥和蘑菇在面頭。 ✨Rigatoni Alla Carbonara $238 芝士味香濃嘅長通粉，醬汁creamy可以令長通粉掛汁，另外通粉麵上有義式風乾豬面頰肉，食落咸香，配合長通粉一齊食可以令味道再提升。 食完主食，點可以唔叫甜品呢~ ✨Tiramisu $118 香滑咖啡味濃的Tiramisu，會令人一口接一口地食🤤 ✨ Assorted Mini Pastries 4 pc $158 可以出玻璃櫃自己點小蛋糕🧁出面都有超過20款可供選擇。 細細件放係玻璃櫃睇落好靚，每一件都想試😍 最後揀咗👇🏻 PISTACHIO GANNOLI:開心果味道香濃，值得一試 ORANGE MILK-CHOCOLATE ECLAR:橙香味朱古力唔會太甜，食落好香滑。Eclar的皮連GANNOLI的煙韌。 STRAWBERRY CREAM CAKE: 個人覺得比較普通，Cream較多 LEMON TART:酸甜適中嘅檸檬撻留到最後先食，會精神為之一振。 ✨總結 人均消費💸：$490/1人(餐廳需收加一服務費) 味道：🌕🌕🌕🌕🌑 份量：🌕🌕🌕🌑🌑 服務：🌕🌕🌕🌑🌑 質素：🌕🌕🌕🌕🌑 🍴 BluHouse (尖沙咀) 📍尖沙咀梳士巴利道18號香港瑰麗酒店地舖 ::::::::୨୧::::::::୨୧::::::::୨୧:::::::::୨୧::::::::: #hkfoodie#eat#gathering #food #foodphotography #foodblogger #foodstagram #instafood #hkfood #foodpics #photooftheday #foodie #foodlover#foodholiceatdiary #foodielife

#港女覓食到荃灣
係寶石大廈附近有間食牛扒嘅餐廳🍴餐廳枱數不算太多，但係勝在冷氣充足，唔會覺得鐵板牛扒越燒越熱。

✨ 鵝肝配厚切美國平鐵牛扒（12安士） $198
鵝肝味香，牛扒食落嫩滑。
食之前可以加上自選牛油&玫瑰海鹽。

✨ 三文魚配美國牛柳（8安士） $198
三文魚嫩滑，配厚厚的牛柳，呢個牛柳食落牛味比牛扒濃。而牛柳係鐵板上烘着，熟嘅程度由自己控制。
同樣食之前可以加上自選牛油&玫瑰海鹽。

✨+58可以配
* 酥皮湯: 酥皮薄脆，入面係蘑菇忌廉湯。
* 雜菜沙律/薯條/意粉(3選1) 揀左薯條🍟薯條係波浪形薯條熱辣辣炸上枱。另外仲揀左茄汁意粉，淡淡嘅茄汁甜味。
* 特大杯裝飲品（冷熱同價) 我地揀左雜果賓治，上枱勁大杯，成700ml咁多🤣


✨總結
人均消費💸：$280/1人(餐廳需收加一服務費)
味道：🌕🌕🌕🌕🌑
份量：🌕🌕🌕🌕🌑
服務：🌕🌕🌕🌑🌑
質素：🌕🌕🌕🌕🌑


🍴DAY22 STEAK (荃灣)
📍荃灣聯仁街28號康睦庭園2座地下3號舖

::::::::୨୧::::::::୨୧::::::::୨୧:::::::::୨୧:::::::::

#港女覓食到荃灣 位於荃灣嘅港式邊爐店，入面座位闊落，裝修呈宮廷風格主題。 ✨玲瓏浮凸•花膠雞湯鍋(半隻) $328 職員會首先先將花膠放入雞湯底，叫我哋煮滾後可以先飲湯，然後再加入雞件。雞湯濃味唔會死咸，飲落仲有花膠嘅膠質添。雞件熟左再食肉質爽口彈牙。 同埋半隻雞都幾大份。 ✨ 大滾友牛肉拼盤 (細) $428 鍾意食牛嘅人點可以唔點併盤呢？ 呢個併盤入面分別有頂級安排斯牛小排、本地手切牛頸脊、澳洲和牛金錢展、美國頂級雪花肥牛、牛黃喉、牛肉粒及牛舌花。 牛小排，牛頸脊，金錢展，肥牛，牛肉粒食落牛味重，牛肉薄切成一片片，油花分布適中。 而爽口嘅類別就有牛黃喉&牛舌花。 ✨ 伊比利亞橡果豬 $228 可以媲美着豬中嘅和牛級別🤩肥瘦適中。 ✨ 手打蟹子鮮蝦丸(四粒) $72 咬到蟹子嘅粒粒，蝦丸嘅蝦味濃郁。 食落爽口又彈牙。 ✨ 大滾友雜菜拼盤 $118 入面都幾多蔬菜，有生菜、娃娃菜、金菇、蕃茄、蓮藕片等等。 ✨黑松露午餐肉 $88 新鮮熱辣炸好嘅午餐肉，可以即食。 黑松露味突出😙😙仲有少少豬肉絲咬到！ ✨竹蔗茅根一渣 $78 竹蔗茅根清熱解渴一流，飲落清甜。 ✨火焰焦糖豆腐花 職員會係豆腐花上加上黃糖再點火，視覺效果一流，豆腐花嫩滑豆味濃。 餐廳有另收醬料費(每位$26)及有小食青瓜咬下。 佢地個醬料架係九宮格款架🤩 ✨總結 人均消費💸：$760/1人(餐廳需收加一服務費) 味道：🌕🌕🌕🌕🌑 份量：🌕🌕🌕🌕🌑 服務：🌕🌕🌕🌑🌑 質素：🌕🌕🌕🌕🌑 🍴 大滾友火鍋(荃灣) @bigboilsclub.yl.tw 📍荃灣青山道125-133號紅棉大廈 ::::::::୨୧::::::::୨୧::::::::୨୧:::::::::୨୧::::::::: #hkfoodie#eat#gathering #food #foodphotography #foodblogger #foodstagram #instafood #hkfood #foodpics #photooftheday #foodie #foodlover#foodholiceatdiary #foodielife #大滾友 #荃灣 #荃灣美食 #火鍋 #生啤 #打邊爐 #手切牛肉 #花膠雞湯鍋 #卜卜蜆 #火鍋