難得有朋友提出食PIZZA Hut，都有幾年冇食，於是點個2人餐及散叫其他小食： 1. 超級至尊 (厚批 & 普通批) ：熱辣辣係最好食，4個人唔多每人分到1-2件都好滿足，比以前冇咁膩。 2. 金牌葡汁雞皇焗飯：汁唔多，撈埋唔係所有飯都有汁，雞皇肉質滑嫩，葡汁味香濃。 3. 焗白汁煙肉薯蓉：普通冇特別，口感好似陣風咁，食左都唔覺。 4. 餐湯 - 磨菇忌廉湯 & 龍蝦湯：夠味唔會溝水，幾好。 5. 芝士忌廉焗菠菜：菠菜幾多汁都夠撈，唔錯!! 6. 威尼斯甜奶油迷你批：一定要沾煉奶先好食，如果唔係就好寡。 7. 大蝦珍珠帶子焗飯：相比葡汁雞皇飯更惹味好食。 8. 豬仔骨配薯菜：豬仔骨好鬆軟好食，薯角又夠脆。 服務員有禮親切，有耐性解答友人查詢，感覺良好。

唔係間間都好食，平日7點去到已經收左，難得見有開，而且人流又唔少感覺上唔差，點了以下食物： 1. 砂鍋雲吞雞煲配白飯、熱好立克：一打開個煲，湯少之如再焗多陣變乾燒都似，1/4 隻雞色度白到好似湯渣咁，肉質榎歰歰唔好食，唯獨隻脾就好少少，雲吞好食，菜已變黃，豆腐都幾大舊好食。 2. 雞絲燉翅配蠔皇花菇肉絲豆腐、白飯、普洱茶：雞絲燉翅以餐廳水準黎講係唔錯，花菇都算大隻，整體賣相及味道是合格，仲可以一試魚翅撈飯，夠滋味。 出餐速度都快，服務員態度有禮，如果食物質素提算返會更好。

近10年銅鑼灣已經少左好多粥舖，呢間都開左好耐，見價錢冇連鎖咁費就入去試，無論係堂食/外賣人流幾多，入座後點了豬紅粥配豉油皇炒麵：豬紅幾大舊，粥底幾綿，炒麵夠熱夠香，而且個醬油落得幾足，色水幾好，未食已經好香好惹味，加埋麻醬更正。 服務態度親切有禮，主動埋黎落單，不過八遲通壞左其實可以大張紙貼門口通知食客或者落單時跟客人講，咁就唔使見一個講一次，食左咁耐聽到佢講左10幾次以上，而且客人埋單先知冇八遲通付款，又要浪漫時間拎現金，除左咁大致上都冇咩問題!!!

貪係深水埗食小菜，唔使等位又好食，不過今次好趕冇飲到燉湯，燉湯絕對係限量，推薦大家飲，點了以下食物： 1. 招牌海南雞飯：肉質嫩滑，夠味唔重味，油飯份量一大碗，食上黎啖啖肉唔使吐骨。 2. 檳城叻沙摻摻 配日本櫻花蝦炒蛋 & 牛油黑糖多士：餐牌有解釋摻摻 = 油麵+米粉雙併，個人喜愛配米粉較好，因為可以更索湯，材料唔算豐富，2隻蝦加幾塊魚片+類似玉子的物體，口感都唔錯，匙羹會附有醬料附上，會更惹味。櫻花蝦炒蛋似奄例，滑滑嫩嫩好好食，黑糖多士加牛油都好正，好過一般白面包。 場內服務唔錯，態度有禮親切，菜式即叫即制速度快，下次都想試下西多士。

早餐食牛奶冰室要睇彩數，9點前通常即時入座，一到9點就好多人，都幾鐘意佢個炒蛋，經手機apps 點了以下食物： 黑松露滑蛋三文治：落單時會問要2塊/3塊多士，最終揀左3塊多士。上枱時好濃黑松露味，一大舊有3層全烘底 + 熱辣辣炒蛋，夾住一齊食一啖啖咬落去，口感都好正，仲飽過食麵，其他口味多士冇咩興趣，只鐘情黑松露蛋。 餐飲：凍杏霜(走甜、小冰) 飲起來暖最地幾好，同埋走甜都幾好飲。 服務員上餐速度快，有禮貌，但都好快跟返足，讚讚讚!!!

附近有粥舖幾好，又冇連鎖店咁貴，入座後點了以下食物： 1. 皮蛋瘦肉粥配豉油皇炒麵：瘦肉條量多，肉質滑嫩，皮蛋冇特別，炒麵亦夠熱夠香，加麻醬最正。 2. 菜乾豬骨粥配炒米粉：第一次叫好好食，菜乾豬骨夾，啜豬骨雪雪聲，炒米粉通常唔落醬都好食。 3. 炸兩：夠熱又夠脆，外軟內脆，繼續維持這個水平，比其他連鎖店還要好。 服務態度親切有禮，主動埋黎落單，所以經常幫襯，就算單多都好少出現漏單，炸兩多數即叫即做，讚讚讚!!!

咁岩喱幾日凍左，除左打邊爐，大排檔都係個好選擇，今次係網上拎定飛，夾好時間過去都好快有枱，點了以下食物： 1. 粟米魚肚羹：以4人計每人都可以飲到兩碗，粟米搞碎左，所以湯味幾香濃，魚肚就一粒粒。 2. 金湯酸菜魚：個湯唔似酸菜魚，只係魚湯米線湯，又唔夠酸，魚片份量可接受，整體一般。 3. XO醬炒花枝片：有韭黃、青椒絲一齊炒，花枝片量多，好惹味。 4. 豉汁蒸排骨陳村粉：正宗陳村粉，絕不是採用腸粉，豉汁蒸排骨冇乜特別，如果醬汁多少少會更好。 5. 椒盬豆腐：即炸大大粒，炸出黎唔散，份量幾多，放落口熱辣辣好正。 6. 馬拉盞炒通菜：最佳配搭，夠鑊氣 & 惹味。 7. (必試)甜品：芒果一口脆、榴槤忘反奶露、榴槤焦糖燉蛋。 姐姐態度親切有禮，又提我地記得食甜品，讚讚讚!!

平日中午少左遊客嘅赤柱，卻多左份寧靜幾舒服，坐在門口位，對著個大海都幾Chill，餐廳分為兩邊，分為西餐/泰餐，今次選擇食西餐午餐，性價比西餐較泰餐為好，點了以下食物： 1. 前菜- 沙津/ 南瓜湯：沙津份量幾好多，而且又新鮮及配上洋蔥，開胃之選。南瓜湯味道濃郁，幾好飲。 2. 卡邦尼意粉：以3個人享用，每人可食到2-3轉，份量都唔少，配料有蝦及煙肉，意粉冇煮得太爛有口感，醬汁幾杰唔會成兜水。 3. 辣腸芝士薄餅 (薄批)：個人黎講好鐘意個口感，批底鬆脆，材料上配搭幾岩味，芝士味唔會被搶走。 4. 肉眼扒配薯條沙津菜(5成熟)：熟度剛剛好又唔會有血水流出，容易切開肉質幾腍，都幾大執塊3個人都食唔曬，薯條即炸好脆口，沙津菜以配菜黎講份量唔少。 扒類用餐份量特別大份，點了一塊扒單人食唔曬，要多人去先好。服務整體上是親切的，只是未享用完畢已經想收走餐碟，反而空碟又唔收走，感到奇怪。

之前有KOL曾介紹餐廳放題部份，可惜只適用於部分日子，今次跟朋友初嘗散叫部份，點了各一份盛合壽司、沙津及茶碗蒸： 1. 蟹肉蟹膏沙津：上枱嗰下呆左，通常圖片只供參考，但是這份蟹膏超級多，鋪滿一大遍，翩開蟹膏蟹肉都係好多，反而生菜只是兩大塊，Amazing~ ，食左兩啖好正，成個口都係蟹，鐘意食蟹建議朝聖下。 2. 茶碗蒸：有蝦有菇香滑幾好食。 3. 特選手握壽司盛盒 / 特上手握壽司盛盒：有部份是相同，海膽軍艦及刺身部份鮮甜好食，份量多可惜未能食完整份。 服務整體很好，禮貌親切主動加茶，有機會會常來。

一段時間冇黎，食物品質有改善，食得幾滿足。 晚餐時間唔使等位，就諗到食喱間，用Apps 點了以下食物： 1. 8隻原味雞翼：香口好食，今次仲有啲脆口，肉質嫩滑。 2. 香焗白汁菠菜：冇燶烘得幾靚，白汁又夠多。 3. 香焗肉醬多利亞：鐘意個白汁+肉醬撈飯，太愛食了。 4. 海鮮薄餅：焗到脆卜卜，表面唔會焗到汁乾曬，濕濕地幾好食。 5. 香蒜辣汁野菌西蘭花：辣汁唔夠多，淡左少少，菜類清淡一些可以接受。 6. 黑松露野菌忌廉意粉：食咁多次最保持到質素，夠creamy個人都好鐘意食。 服務幾好，見到多返幾個侍應，上菜都快!!!