醉江南

營業中

休息中

爸爸見有人介紹了一間位於太子的京滬菜，頗受歡迎，星期五的晚上就特意來試一試。位於地鐵站隔離位置十分容易找到，餐廳面積一眼就看完，但餐廳基本上都是爆滿的，幸好不用等很久就可以入座了。餐廳的裝潢、木檯、木凳程家庭式，而食物選擇也不少，牆上也貼了不少推介菜式。每逢食上海菜我們必點上海小籠包(5隻)($35)，不過表現令人失望。小籠包的皮過厚，裡面都肉餡是juicy的但太肥膩，只是吃了一件都感覺飽膩，頗有進步空間。左邊的韮王鱔糊($128)大大的一碟，韮王和鱔糊的比例很份量都幾多，味道不錯，可是愈食愈肥膩，特別是食物開始冷卻時菜式裡面所添加的油份亦同時冷卻變成硬塊，而韮王也吸收了大量油份，整碟菜式調味及食油加的太重手。右邊的鎮江肴肉($62)正常發揮，肉碎和啫喱的比例做得分明，沾著不敗的鎮江醋是最好不過的拍檔，帶出這碟冷盤的肉味。家鄉燻魚($72)的味道過甜，底部亦有不少的醬汁浸著，過於依賴調味。作為一道素食，素鵝($45)的豆味是十分重要的，但是這裡除了沒有豆味之外，素鵝的質地鬆散不結實，質素不行。砂窩雲吞雞(半隻)($188)的價錢都是跟份量相對應的，大大的一煲足夠幾個人分享。湯底清甜得來

女友小熊話想食上海菜，首選太子滬小館，但滬小館食過幾次，想發掘吓其他好味上海菜，上網係太子掘到哩間醉江南，於是去掘吓睇吓掘到D咩出嚟.一推門，店舖環境不大，全院坐滿不過三十人，如果多過四個人嚟幫襯相信比較麻煩要等等位，枱櫈有點歷史，間店舖都有D歷史，牆身掛上一幅愛新覺羅題字就知，當然我唔知係咪真跡啦，只知道牆身鏡面都好污糟吓....環境一般但餸菜好味先最重要嘛.板上寫上18蚊沖油酥餅，應該係蔥油酥餅嘛，點再一客，另加酸辣湯，小籠包，餃子，豬扒擔擔麵走辣，蔥油海哲皮.優點:1, 我要求小籠包夠熱夠辣咀，咬開爆汁，皮無穿，餡料足, Size 唔會太細粒偷工減料，醉江南嘅小籠包達標.2, 擔擔麵湯底濃郁雖然花生味唔強但都食得出，麵身少少彈牙口感較冧，滿意.3, 最正蔥油海哲皮，爽脆又入味份量足，推介!缺點:1, 雖說食物最重要，但環境真係一般般囉.... 感覺店舖細細污污糟糟.....2, 擔擔麵嘅烤豬扒好奇怪，第一咬入口外脆內軟，但好快凍就變硬，豬扒份量少薄依依.3, 餃子好似唔係煎，係放落個炸爐油炸，口感肥膩.4, 沖油酥餅真係沖油，超強油益味!5, 酸辣湯味道唔得平均，辣味過重.6,

花園街附近，近太子地鐵站。店舖面積細細間。店舖於玻璃上貼出很多美味的食物主要係上海菜式：中午12點至5:30有午市客飯套餐。但要留意星期六及日 假期需要加一服務費的。價錢雖然好平🤔但希望用心去製作😩酥炸豬扒菜飯：豬扒太多粉漿😅無味

是晚來到太子千揀萬揀一間上海店我地一男一女跟旁邊檯同步入座亦是一男一女大家同步點菜同樣有點上海排骨炒年糕，價值$70傳菜同步兩碟拎出黎先放一碟到隔離檯目測7至8件排骨而我哋放低那碟只有4件，仲要其中2件係骨原來同一時間嗌同一樣嘅嘢會有咁既分薄上碟都唔會去平均分配你食到多份量既就你好彩因為食得唔開心經驗 從此唔會再黎呢間上海店令我多年無寫食評既都要出山真心好嬲！但我唔會當面嘈做西客基本一碟食物出左廚房個位每個店鋪所有人應要留意上菜有無問題而唔係要去個客嘈/乞番黎先有的

街坊小店！終於搵到一間好食嘅擔擔面！湯底好香花生醬味！超級濃郁，少少微辣，我唔食得辣嘅，呢隻少少辣我接受到！覺得好好呀！上邊有少少肉碎，面身唔會好林有口感，夾埋一齊食好正！真係想成碗湯飲晒佢⋯午餐包一個餐湯，今日係蕃茄蛋花湯！有蕃茄有蛋花，清清地酸酸地好開胃～份量都好足，就咁食碗麵都好飽！午餐都係$45起包例湯，好抵食呀！仲有獅子頭、上海粗炒、口水雞～都好似好正，下次要試吓先！青椒牛柳絲都好多人叫，炒出嚟好香～

好想食上海菜，但唔想幫襯連鎖店😅所以去咗呢間做街坊生意嘅上海菜小店🤓餐廳地方細，係好舊式嘅小店😂食物質素不過不失，勝在抵食👍🏻1. 小籠包 ($35/5隻)小籠包皮唔算好薄，但充滿肉汁🤤點埋醋中和返肉汁嘅油膩😋正😎2. 豬扒擔擔麵 ($58）擔擔麵幾出色，麵質彈牙，湯底好濃花生醬味😋微辣幾開胃呢👍🏻豬扒炸到幾鬆脆，豬肉唔會鞋口😁3. 京式水餃 ($50/8隻)勁大隻，根本係鍋貼個隻餃😅同期望嘅好唔同🙈皮太厚，涵唔多又無乜肉汁，超飽呢🫢有啲後悔叫左呢個水餃，唔太好味🥲寧願叫豆沙鍋餅🤤

CP值高上海菜小店叫咗一個午市套餐:  排骨擔擔麵 連贈送例湯 (或可選熱飲或凍飲)一塊炸脆漿豬扒, 擔擔麵湯底算係好濃, 麵質OK承惠55蚊 免加一品質勝過其他連鎖上海菜館。份量飽到食唔哂, 食唔落對面蘭苑饎舘嘅開心果糊地方細細, 只可坐20幾客人上海藉姨姨職員態度十分親切醉江南 , 太子西洋菜北街157A號地舖位置近旺角警署後面。午市套餐款式繁多,  最平40幾蚊都有, 實有一款合您口味我見好多人叫客飯套餐真心有下次。

得一粒肉丸？就算午市都唔係得一粒細過拳頭嘅肉丸呀嘛？去茶餐廳食個肉餅飯冇咁嬲啦全部都係菜我去食素冇咁覺得唔抵食問返阿老闆娘換黎一句係咁，多謝晒味道都冇特別，屋企自己整到嘅味道唔會再黎食性價比？大家可以諗一諗

憶煙雨，醉江南睽違十載，想起杭州的煙雨，今香港的溼濕，竟有點相近，憶起當時往杭州的情景，想起在當地的一頓飯，已是一圈。店員說勿再暴露自己的年齡，的而且確，很久沒來，興之所致，蒙朋友信任，又再重遊。醉江南之所以醉，是由醉豬手及醉雞為始，一開始散發了濃厚的家鄉味道。兩夫妻開的小店，朋友介紹認識，實在一吃為醉。所以一聚舊，店員都報以微笑，因為所吃所點的是盡量跟當年吃的相近。先點清炒河蝦，店員說我懂吃，是奉盛也好，讚美也好，清河蝦不易炒，要用少許的龍井茶葉炒，要用少少茶葉的香濃滲進去。今炒的火喉出色，炒的油稍多，爭了點，始終人老了，炒出來乾身控制不易。點得這類菜是考大廚功力，愈容易處理餸菜，其實愈巧手。酸辣湯是十分出色的菜式，始終如一。這道菜大廚沒有失手勢，有點鎮江醋在底，辣度調到跟酸度一樣，誰都沒有搶到誰的風頭，且豆粉獻打得剛好，再以肉絲等混伴足料，十分之好吃，不減當年，熱騰騰的，吃不停了。回鍋肉炒得不夠乾身，辣度稍欠，做得比之前容飯差。色香味不夠。反而煎餃就十分不錯，外脆，朋友說餃的兩角可以更脆，煎得極軟，內裡有肉汁溢出來，極出色。烤麩做得不錯，爽軟微涼，醬汁不會過濃，亦甚醒胃。再來擔擔麵

🇭🇰醉江南·豬扒擔擔麵配粟米甘筍湯$55佢呢個豬扒擔擔麵超大個 勁足料🤤佢個湯底花生醬味好濃 而且超掛湯 擔擔麵麵質都好好 之後佢塊豬扒口感唔錯 唔會太柴 炸得幾靚🐷之後佢跟個個粟米甘筍湯就有啲搞笑啦 佢飲落係好似蛋花湯咁嘅 超得意 但係都幾舒服😌😌·上海小籠包$35 l 炸銀絲卷$15 (煉奶+$2)之後雖然佢呢度啲小籠包排得勁不羈 但係佢個皮都幾薄 好晶瑩剔透 而且入面幾多汁🤤🤤之後佢個炸銀絲卷我自己都好推介 佢係真係熱辣辣新鮮炸起 出面超脆 入面又真係有一絲絲咁 好鬆軟 點埋煉奶好好食😍😍·#rbyeat#rby中菜#rby太子·📍太子西洋菜北街157A號地舖

不會再光顧 味道超濃 完全冇服務 還要收服務費算係超級差的上海菜館冇服務 冇食物水準叫咗個糖醋魚，小籠包 ，楊州炒飯和醉雞糖醋魚得個醋字，應該落咗好多醋小籠包差過Aeon 超三特價$10 盒的小籠包楊州炒飯鹹醉雞沒有醉意總而言之超級超級

之前都食過幾次外賣，都係好麻麻地不過佢近我屋企才幫襯，上海粗炒完全冇味我覺得自己炒好食過佢，小籠包厚皮完全唔似小籠包，之後又試過一次食水餃麵，見到個麵個人呆咗，係四隻鍋貼放入個麵上面，然後我再問侍應你確實呢個係水餃麵嗎？佢話係佢哋係用煎餃，大佬呀有冇咁出色呀水餃同鍋貼都係兩個名啦，根本就係水餃賣曬就放四隻鍋貼落去，真係離譜，麻煩你改返名叫鍋貼麵唔好叫水餃麵喇，今次食麻婆豆腐飯，全部都係豆腐，肉碎好難先搵到，味道簡直笑咗甜嘅同埋怪怪的味道，有炸菜同冬菇碎，大佬呀唔知咩叫麻婆豆腐上網都查到喇，麻煩叫你廚師上網學下先出嚟做廚師啦，我覺得呢間店好古怪，又唔正宗，表面餐廳門口好似好正宗，行過真係會被騙，我真係原諒唔到自己所以我唔會再畀機會自己去幫襯呢間垃圾店，希望你唔好再呃人自己係上海菜啦

初嚐上海春卷！店家係咁問試唔試呢個，因為平時要預訂先有得食咁岩今日有客人訂，低我哋又食唔得多所以比我哋份量由5條變2條。原來上海春卷係入面有汁嘅！主要係蘿蔔、津白、冬菇做餡，外皮炸脆但又保持濕潤！酸辣湯因為隔離枱話想試，做咗個mini版係一個飯碗咁細，送錯左比我，我話多謝啦。點知最後話收$33蚊？下？佢正常一大碗$64，你送錯比我試又收返我錢？又唔同我講$30再加10%？我話唔合理，佢話咁係佢哋送錯咗，但我都冇話唔要喎係咪要免費請我試喎？咁最後我比咗一半mini size $15, 冇酸味嘅，超滾，本身幫你落咗豆辦醬同麻油，淡咗少少。不過我就唔會再想試喇鎮江肴肉 街坊推介，試咗不過不失，正常發揮小籠包多汁可惜皮略嫌厚咗啲，🥲又係食過好嘢就返唔到轉頭呀⋯⋯炸銀絲卷 炸得唔均勻但銀絲仲一條條嘅，要媡奶話要加$2 第一次見。。算啦今次就咁食！呢餐星期六日晚市+10%成餐$200不過小家咗啲，下次唔好送完又收人錢，我都食咗你開60蚊叫我找數丫咁？

飯腳想食上海麵，唯有在附近找一間，搜尋了開飯網，決定到醉江南一趟。今日假期，所有套餐改為單點並要加一，有食客因而離開。二人點了齋菜雲吞麵，炸排骨麵，小籠包及豆漿。上菜速度慢，但食物都是熱辣辣，甚至乎辣咀。炸排麵及云吞麵湯底不一，一清一濁。湯底味道普通，麵底都是普通，豬扒炸漿不太厚，末有太大肉味。反而云吞比一般麵店的大，餡料多。而小籠包皮較厚，湯汁不多，未有瀑汁情況。豆漿雖然係甜，但不是超甜。唔錯。整體末有驚喜，要加一的話，性價比低。

想去的餐廳滿坐，所以改了在附近的醉江南吃，第一次光顧，到了才知小店地方淺窄，而且我即日訂枱也給我留坐，雖然小店裝修一般，但給我的印象很不錯。友人遲大到，我們等了朋友一小時，白坐這麼久店家也沒有罵我們，更介紹各種小菜，服務一流！最喜歡店家介紹的肉碎炒龍鬚菜，菜很嫰又很爽脆，店家說這小菜要看時令的，其他餐廳也不常見，必試之選！回鍋肉炒年糕也是店家介紹，分量十足，好味又抵食。小籠包味道也很好，如薄皮一點更好，純粹個人喜好。點了酸辣湯雲吞，雲吞是店家自家製，大大粒，酸辣湯味道很不錯，各種材料比例和酸辣比例都做得出色。豬扒擔擔麵，豬扒是炸的另上，不論豬扒或麵都好吃！蒸銀絲卷，正常水準。甜品是豆沙鍋餅，也是水準之作。平價小店，性價比高，滿滿的人情味，希望小店可以一直保持水準。