醉江南

營業中

休息中

今天我和老公去太子買花，順便食埋晚餐回家，行到西洋菜北街，見到一店門外多人等位，原來是一家上海菜，名叫醉江南，好耐都冇食上海菜了，今晚就選這店用餐吧！店內地方不大，但都整潔。上海排骨粗炒：夠穫氣，排骨和粗麵有口感但不硬，味道惹味，加些豆板辣醬更好味！正宗的上海炒法！上海湯粗麵：最正宗的上海湯麵的湯底，鮮味十足，粗麵軟硬適中，加入白菜、椰菜、肉絲，這是最正宗的上海湯粗麵，食後令人回味無窮！ 上湯小籠包：皮是比最薄那種厚少少，饀料是用新鮮豬肉，所以多汁有鮮味，醋裏加了薑蓉，點些來食提升味道，好味！香煎餃子：味道像鍋貼，煎得好香脆，餡料中的鮮肉飽滿，有口感又鮮甜，十分美味！花雕醉雞：一上枱已聞到花雕酒的香味，雞肉嫩滑又入味，真的色香味俱全！豆沙鍋餅；即叫即煎的，上檯還是熱騰騰，香脆的外層包住甜甜的豆沙，美味可口！豆漿：豆香不太甜，健康的飲品。

禮拜日同阿媽喺花墟睇花，行下行下行到很累，就在附近搵嘢食，見到有一間上海嘅嘢食，就入咗去試下。食上海嘢當然唔少得小籠包啦！啲小籠包啲皮好薄而且多汁，D肉仲好鲜甜㖭！最初叫了一籠，因為太好食，所以我地後來又加多了一籠。原本諗住叫蝦仁炒蛋，因為很耐沒食過，但侍應介紹我們食清炒河蝦仁，就即管試下啦！第1次食這道菜，啲蝦超爽，配埋啲醋，簡直係完美嘅配搭，一定要再來食多次。另外仲叫了清炒豆苗，啲豆苗都好幼嫩。因為得我同阿媽2個人，仲有很多菜式郁想食，但又怕食唔晒，下次一定约埋多D朋友來試埋其他菜。

走進這間上海菜館,裝修平凡卻讓人有種親民感,點餐時聽到耳熟能詳的上海話,好奇問一下,原來這裏的老闆娘一家都是上海人!當我每次嘗地道菜的時候如果知道食店是當地人打理的,我總會更歡喜更期待,味道定更正宗,真的不可不信呢!• 點完餐等待上菜時,無意中看到牆上一幅字畫(迦邏),是清朝皇室,愛新覺羅後人所提的!• 餐牌有不小上海經典菜式!• 是晚主角: 松子黃魚,又一經典上海菜之一!頭張尾巴翹可謂松子魚做法一大特色!酸甜度適中,魚肉外脆内嫩,色澤金黃!• 清炒草頭,雖然叫草頭但一點草青味都沒有,草頭上海人即苜蓿菜,十分地道一定要試!• 上海小籠包!經典菜之一,這裏做的小籠包,包皮不厚,仍保留到湯汁,一咬開湯汁立刻流出,沾上醋食更過癮!• 乾煸四季豆,炒得很野味!• 涼伴小食:麻辣拍青瓜跟皮蛋,麻辣只屬微辣偏向大眾口味,皮蛋起花用料靚!

同媽媽行完街搵野食時，媽媽睇中呢間，話裝修好似d老字號咁，應該好好食我地叫左3樣，後來有點後悔叫太多，因為都幾大碟麻辣口水雞， 呢個係冷盤來的。雞肉唔肥，無咩肥膏。唔係好辣，只係微辣程度，但都幾惹味的。鱔糊麵，從未食過嘅我，以為鱔糊麵就係咁樣一碟：有鱔有芽菜，點知原來麵係分開上嘅配埋一碗陽春麵， 個麵賣相好吸引！鱔幾爽滑，而且芽菜同佢都入晒味陽春麵係簡單，所以唔會搶走鱔汁嘅味道，麵質稔滑。松子黃魚其實已經食到飽飽地時，呢碟就來啦！！ 仲冒晒煙添！ 諗住配飯食應該好正，但我同媽媽又食唔落飯，就咁食啦！ 又OK喎！ 我地食晒成條。 佢炸得好香脆，連魚頭都食得推介！ 呢間價錢唔貴，老闆娘好友善，食物好好味！推介附上餐牌：

<平靚正既太子上海(滬) 菜>平時太子酒吧街飲野就多 但食野仲要有上海野真係少😁 今次同朋友飲杯野前就諗住醫下肚就見到呢間門面細但都幾企理既醉江南 😃睇個menu d食物唔錯 價錢唔貴 於是就入去試下 👍🏻🍴豬扒擔擔麵 52 蚊🐷🍜豬扒同 擔擔麵分開上 擔擔麵好香花生味 湯底香濃 麵身係比較軟滑爽滑嗰類 入面帶有葱花🌿 炸菜 豬肉碎等等調味 🐷 都幾入味 豬扒肥瘦適中 炸至金黃色 夠香脆夠味 豬肉帶點煙靭 口感唔錯 😁🐷🍴鎮江肴肉 58 蚊🐷肴肉就係雪凍左醃過既豬肉 豬肉入味粉紅色口感煙靭 出面嗰層豬皮因為雪凍左所以好彈牙 🐷 點埋黑醋調味係一個好好既上海小食 😁🍴酸辣湯水餃 5 隻 62 蚊🍛酸辣湯大大碗 入面材料豐富 有辣椒 🌶木耳菇絲 麵根 落足料 而且切成幼絲唔馬虎 夠哂口感 整個湯夠香濃 唔洗落調味料佢既酸辣度都夠😁再加上面既水餃夠厚皮🐷入面既豬肉碎都夠入味 好味 😁🍴奶油津白 56 蚊🌿奶油味好香濃而且密度好高 都幾飽下 津白幾新鮮切成絲更索奶油汁🥛 出面帶d火腿碎調下味都唔錯🐷🍴上湯小籠包 5 隻 35 蚊🐲🍞小籠包以籠上 熱辣辣 剛剛蒸起 出面既包皮

這晚朋友約了在太子飲酒，收工之後就直接去太子覓食，這晚不想吃西餐，就找到了這間上海菜館。一入到去剛好有位，有點肚餓於是一下子點了幾道菜。一般去上海菜館都是點豆苗、黃芽白、四季豆等，這次我們點了餐廳介紹的是清炒草頭，聽講是季節的菜，特意從上海運來的。草頭吃起來似是豆苗卻又更爽脆，沒有草青味。小籠包是每次食上海菜必點的，五隻的小籠包令人驚喜，皮薄而肉嫩，湯汁豐富。三色拼盤我們選了鎮江肴肉、拍青瓜和素鵝，肴肉晶瑩剔透、青瓜十分爽脆。蔥油拌麵也是極力推介的，麵質彈牙，蔥油卻不會太油膩，香口美味。酸辣湯材料十足，只是略為酸了一點。豆漿的黃豆味十分香濃，甜度適中。

其實我都算係一名幾鍾意食中菜既人，媽媽飯當然唔使多講係我一生至愛，但我最愛既中菜就係上海菜。而且DNA不能呃人，我家姐都同我好同一味，所以每當佢發現到好食既，一定會介紹我去，今日就有呢間醉江南了。好多野都好想食丫回鍋肉上海菜回鍋肉最好食既點係個汁加個菜。菜清甜爽脆，配埋個汁飯都可以食十碗。蝦仁炒蛋見唔見到個隻大得過份既蝦蛋都唔會煎得太老仲有少少蛋液醉豬手酒味濃啱晒我豬皮彈牙唔好太硬太難咬食上海菜唔叫豆沙窩餅會俾雷劈架！前得香脆，豆沙綿密，唔會過甜，不枉我飽到嘔都一定要食埋你先肯走丫！

我都幾鍾意食上海野，所以就同朋友一齊去太子開咗好多年嘅上海菜食下飯，裡面香港人同內地人都有，主要原因係附近有返大陸嘅直通巴士，所以都有唔少內地人嚟呢度食下野，懷緬下上海風味食品。上海小籠包＄33.5隻小籠包不過不失， size適中，不算太多汁不過勝在調味不錯。清炒草頭＄68 呢個菜比較有特色，平時好少有得食，就算係大型連鎖店上海菜都冇得食，口感比起一般豆苗更加爽口，油香十足，味道清新又香，難怪咁多人返轉頭食！齊菜肉絲豆腐羹＄54肉絲豆腐羹嘅份量都幾大，最正係因為佢啲豆腐一早已經切到好細粒，好方便食用，而且口味都非常之滑。京式水餃八隻＄40水餃有八隻，裏面有肉有菜，個外皮都幾滑，有鹹香但係同時清清地，加上旁邊有啲菜就更加清新！京蔥爆牛肉＄72啲牛肉非常新鮮，同京蔥非常配搭得好，所以香味十足，大贊有鑊氣。熱豆漿＄10 凍豆漿＄8飲得出係即磨，明顯熱嘅豆漿比較新鮮，因為價錢都貴兩蚊！

中國菜之中，除了川菜，最熟悉的恐怕就是上海菜，媽媽跟外公也是標準的上海菜迷，小時候的記憶中滿滿都是上海菜的味道，但近幾年，每逢到上海菜館必定會失望而回，似乎童年回憶中美味的上海菜回憶再也尋不回朋友是上海人，某次閒聊中提到太子有間不錯的上海菜館，可惜一直沒時間前往，心心念念，終於得空一嘗究竟餐廳店面不大，牆上貼滿上海菜的照片，餐桌與餐椅也是紅實木，很有舊上海老店的情懷餐牌選擇什多，而且款式齊全，最難得的是價錢十分親民上湯小籠包（$33）小籠包皮超薄，而且真的勁爆汁！（我食的時候手機放在餐桌上，一咬下去汁完全失控地噴到手機上，幸好擦乾後手機平安，各位小心😂）韮王炒鱔糊（$98）外面的上海菜館的炒鱔糊，很多時候黃鱔已經軟掉，一點都不爽口。這裡的黃鱔十分爽口彈牙，而且醬汁調味得宜，咸甜度適中，配上新鮮的韮王，真的可以配三碗飯。涼拌雞絲粉皮（$58）雞絲已準先調味，咬落不乾不柴，粉皮爽口，麻醬香味四溢，濃稠度適中，食落十分過癮豆沙窩餅（$33）呢個豆沙窩餅完全同記憶中既一模一樣，窩餅外層脆口，內裡既皮煙煙un un,而中間既豆沙餡直頭多到爆哂出黎，上桌時豆沙窩餅仲熱到噴哂煙，但幾熱都好，都真係忍

12月慢慢開始凍，有人著短袖衫，有人帶冷帽著羽絨。好快到聖誕節，每日忙忙碌碌，是但搵間餐廳醫飽個肚。食得太多西餐，偶然想食中餐。想食回鍋肉，小龍包，$198二人餐好吸引。每個菜飯加$2。前菜海哲好大碟，有雞絲，無味精。好大碗得粉絲豆卜湯，好多粉絲，豆卜。材料豐富。好夠飽。滿足回鍋肉配飯一流，唔辣，炒得好香。有獲氣。菜飯兩大碗差點忘記仲有小籠包，5隻，有湯汁，新鮮熱辣辣。每個菜都大大碟，二人餐三個人食比較好。店員服務好有禮貌。

今晚星期六，我和honey想在太子找間易揾位，又有特色的餐廳仔食個快飯。結果揾到啲間。我先到，入到餐廳，只有6-7張，好彩仲有一張細枱，不用等位。坐落發覺隔離枱既阿叔，高聲與同枱人說話，成間餐廳被迫聽佢做演講好痛苦。我邊等honey，想邊食住一籠小籠包。等左20分鐘後，上枱。一籠五隻，這餐廳的小籠包，絕對唔係我喜歡皮薄，肉味香濃多汁的那類小籠包。這裡的包皮厚，汁少，肉鞋見到另外兩枱食客都叫左煎餃，每次落完order, 職員就喺餐廳既bar枱後煎餃，成間餐廳煙霧彌漫，仲一陣油煙，件衫吸曬啲味食客局住做吸油煙機。。。見honey仲未到，我再叫多個小食，因餐牌小食種類不多，我唯有也叫一碟煎餃。上到來，真驚嚇，好似燒焦左既五瓣花咁樣。食落去，完全冇肉味，又乾。honey到左後，我叫左碗雪菜肉絲麵，麵身算滑。味道清淡。算可以。魚香茄子,完全沒有魚香味，事實上只能說是肉絲炒茄子。鎮江骨是唯一我覺得可以收貨的菜式。醋糖漿，甜和酸味都合當，排骨炸得鬆脆。呢餐飯，吸左好多油，食物整體味道又不太好，都算。最令人不滿意的事，埋單果陣，我發現單上面手寫字鬼畫符咁，根本睇唔到啲係咩字。上面有個價錢，我不知道是邊

香港好多人都會選擇出街食飯，因為收得工黎又趕唔切去買餸，買得切黎又唔想煮，就算鍾意煮又唔想洗，倒不如簡單食埋飯先返屋企。至於五六日，公眾假期或者係大時大節，大家又會想去chill下，又會出街搵食，所以好多地方一到食飯時間都會出現人龍。唔book定位9成都要排隊慢慢等，唔記得book位又唔想慢慢等既，最好就避開d peak hour，好似我咁，今日係父親節，我就同爸爸6點鐘食飯慶祝，避開人潮✌🏼慶祝父親節，當然揀番爸爸鍾意食既中菜啦，但係好多酒樓中菜館都會推出d孝順父親餐黎鋸你一筆，所以我就搵左間小店同爸爸慶祝。雖然係小店，但係爸爸都好滿意呢間小店係食上海菜既，位置係係西洋菜北街，旺角警署後面，距離太子地鐵站1-2分鐘路程，非常方便。佢入面既裝修簡單，環境一般。Menu呢度係d舊式既上海菜館，所以傳統野都有得食。醉雞（半隻）$144呢個醉雞浸得好入味，花雕酒好香濃，而且雞肉嫩滑三式拼盤（素鵝，烤夫，鎮江肴肉）$68雖然賣相望落就唔係好吸引，但係味道都唔錯架。先講素鵝，個皮煎得好香脆，口感味道都好好。至於個烤夫呢，其實佢都係素食食品黎既，口感鬆軟有彈性。而個肴肉都有d入口即溶既感覺上湯小籠

今日假日去太子附近逛街購物，中午經過醉江南，好似曾經有人提過這間店，就入去試吓反正想食炸豬扒。等咗一陣，端上來係公整一套麵餐，有一點意想不到！先講賣相，豬扒炸得比較乾身顏色金黃，碗麵配搭兩棵小白菜，感覺好整齊而合理，賣相畀合格1分。至於香味，真失望係冇嘅畀0分。味道方面，先講個湯有豉油味不濃，麵質幼軟，炸豬扒外皮粗糙肉乾淡口，畀盡2分。另加服務一般，可能見我一位好明顯誠意欠奉，冇額外分加。總評：未算深入了解，下次隨緣吧！10分為滿分，今次係哩道畀盡3分。

放假訓成日，又到星期一。原本打算食碗粥清清地，但諗落又怕唔夠飽，而且係旺角食粥其實都幾貴，一碗$3X閒閒地，Lunch黎講唔多化算。左諗右諗，就行左去太子果面，搵到呢間叫做「醉江南」嘅上海菜館。呢度位置方便，係正太子地鐵站出口，好容易就可以去到。「醉江南」嘅門面非常普通，而且地方好細，不過入面環境都好企理，而且侍應姐姐好好人，一有客入黎都會好快手招呼開位。呢度有齊各式各樣嘅上海菜，飯麵水餃乜都有，而且價錢非常抵，仲每款都會送例湯。餐牌分開三個價錢，我簡左最平嘅「京式水餃麵」($35)，而今日例湯係「番茄蛋花湯」，成個餐好都抵食。「番茄蛋花湯」好快送到，一睇就知係足料靚湯，明顯係花時間煲出黎，絕非一般味精湯可比。湯非常之熱，而且好入味，每一啖都食到番茄同蛋花，講上海話嘅姐姐見我飲得津津有味，仲主動問我駛唔駛要多碗，十分之Nice！飲完靚湯，到「京式水餃麵」上場，有四隻大大粒水餃，同埋好多白菜仔，而麵嘅份量都唔細，食完夠晒飽。美中不足嘅係，呢幾隻水餃雖然大大粒，但味道上比較一般，唔係唔好食，只係無咩特別。之不過係咁平價錢，有靚湯、食得飽、味道唔差我覺得已經超值！，我下次再試埋其他野，再同大

晚上在太子花墟附近辦完了事情，便打算回家再吃點簡單的。向著港鐵站走，忽然發現右邊有一家上海小店，名字很上海的，還覺得有點詩意~醉江南。店子門面看來是老店! 這樣子的老店在香港已不多了，不禁走近看看。望進店內，面積不大，大概6、7張桌子吧! 最大的一張也只可坐6-7人。但都差不多坐滿了，也就引起了我的興趣。看看餐牌，這裡有我在別的上海店沒見過的上海年糕煮法 - 上海湯年糕和酸辣湯年糕。見同桌的女仕正吃著一碗酸辣湯雲吞，看來似乎津津有味。所以我便點了一碗酸辣湯年糕。端來時熱騰騰，還冒著煙啊！所以拍出來的照片好像有層霧氣了！它還很大碗啊！年糕很有糕米味，口感很煙韌！好吃！ 酸辣湯的材料很夠，最棒的是酸度和辣度都配得剛好，誰也蓋不了誰的！很好味！這小店的位置並不在大街，門面還一點也不顯眼，但它的客人是絡繹不絕的。一定會再到這小店再嘗它其他的菜式。