越一越南牛肉粉專門店 (已結業)

唔係講笑，呢間位於粉嵿的越一的PHO真係好正，個牛肉湯底令我想飲哂佢，價錢仲要都幾平!真心推介俾所有朋友仔！d梳化位又靚又坐得舒服樣樣野食都好吸引，又抵食綜合牛肉湯粉(生牛肉，牛丸，牛腩), 一個實而不華的名字，卻是一碗非凡的美食！pho最緊要係個湯底同牛肉，佢質素唔單止好，仲要夠份量，牛肉又新鮮，冇得彈！呢個香茅浸大蜆必點，超級超級鮮甜好味，我成煲湯飲哂，香草控大大大愛！蜆的鮮甜配上n咁多種東南亞香料，果種味道完美到唔識形容，你睇下d香料幾足料就知，每一啖湯我一定聞過先飲，太香了，好正！然後是烤牛肉撈濛，落左勁多濛粉汁，酸酸地勁開胃，食到勁飽牛肉新鮮，睇下d顏色就知！係咪好想食呢？燒虎蝦勁香口，蝦殼燒到透哂，想連殼食，不過虎蝦殼都唔簡單，幾厚，3隻有d唔夠喉，勁想加單原來有鮮果汁叫，同家人一人一杯，再兩溝，甘筍燈汁，冇得輸！真係食得盡興，估唔到粉嶺都有好野食

呢間越南菜其實都開咗一段日子，門面幾光鮮，一直都想試下。閒日七點嚟到，都算多人。全日免加一，價錢合理。薏米水　$22除咗有大量薏米，仲落咗糖冬瓜同薑一齊煲，消暑得嚟唔會寒涼，好味又健康燒大蝦柚子沙律　$78燒大蝦香口惹味卜卜脆，配搭酸辣越式沙律汁同柚子肉，清新開胃咖哩牛腩配法包　$118新鮮滾熱辣，上台嗰陣仲熱到起緊泡泡咖哩汁香濃得嚟又唔會太辣，啱曬唔係好食得辣嘅我哋！牛腩好夠腍好正，份量仲幾多個「法包」似蒜蓉多士多啲，外脆內軟，唔洗點咖哩已經好好食。越式炒金邊粉　$88有豬頸肉、大蝦、芽菜、花生碎、雞蛋、蔥、金邊粉等材料，口感豐富、好有鑊氣而且食落唔會覺得好油，再擠多幾滴青檸汁吊味，爽曬！啲甜品好吸引，但我哋實在太飽喇，下次一定會試

星期六日行過都見到呢一間越南店大排長龍。我成日都話粉嶺係美食沙漠，所以今次難得有越南美食入注粉嶺，同老公決定平日晚上避開最多的人潮去食一餐。😚我同老公坐咗二人卡位，我最怕好迫的坐位，今次呢個坐位好闊落坐得好舒服。好啱兩個人晚上靜靜地傾吓計。店員推介我哋飲薏米水，我哋一於試一試😍來到見到好大杯，而且唔係好甜！ 薏米可以美白去水腫，好岩女士們飲。後來聽呢間嘅員工得知，佢哋嘅薏米水係用薑嚟煲的。$22蚊大大杯就係好抵！ 跟住我哋嗌左虾頭膏炒飯，好大碟好足料，入邊啲蝦好彈牙，而且鹹香味好正，食得好開胃。而且唔會真係好咸。$88大大碟好抵食！我同老公兩個人都食唔晒。跟住要左碟馬拉盞炒通菜，正常發揮，肉碎好多。不過價錢就比其他越南菜餐廳平少少，$58一碟大大碟另外我哋仲有叫軟殼蟹芒果米卷和越式春卷，兩者之中我老公就鍾意越式春卷，內暖外脆，有夠足料，外邊再加生菜，用來夾住春卷食，即刻冇咁油膩，同埋冇咁罪惡感！ 兩者也十分之夾，感覺好freshhhhhhhOverall ，呢間越南菜餐廳性價比超高！黎粉嶺，不妨來食下！

難得放假出咗去食個下午茶，🌪橫風橫雨⛈都係附近搵個地方靜下坐下，聽說呢間越南🇻🇳餐廳都係幾多好評，試一試佢先🤡.🍜綜合牛肉湯粉。一碗河粉份量適量，生熟牛肉🐮同牛丸質素都不錯，配料同香葉都係充足，略嫌湯底唔夠味道，清淡咗少少，唔係太夠層次，係同大型連鎖店嘅略遜一籌，但勝在價錢💲超值，性價比高↗️.🥢下午茶餐包一杯餐飲☕️🍹，亦可追加多款香口小吃，總有一款啱你心意，襯尚未爆滿，吃多幾次先🤡

今日同朋友喺粉嶺食飯，見到呢間越一嘅牛肉湯粉好似幾吸引，lunch set 又唔貴，一於試一試。我地一人點咗一個lunch set，再加咗兩個小食。火車頭湯粉個湯幾好味，又唔會太鹹，河粉好滑，而且幾足料，有生牛肉，牛腩片，牛丸，牛柏葉，非常豐富。海南雞飯雞肉好滑，連皮食更加香滑，份量也大方。燒豬頸肉唔會太乾，點泰式醬食好惹味。酸辣鳳爪無骨鳳爪酸酸辣辣非常開胃。椰子三色冰甜度濃度都剛剛好，口感豐富，清爽冰涼。薏米水微甜，薏米份量夠，健康養生之選。整體來說食物不錯，價錢合理，環境簡單舒適，下次想食越南野又多個好選擇。

身為粉嶺人，越菜選擇唔多（泰國菜好多🙈）。見到粉嶺中心呢個鋪位開越菜，好開心要試！🥗 燒大蝦柚子沙律 🥗柚子大粒漲卜卜好有口感而且完全冇苦澀味，柚子外主要就係原粒腰果、紅洋蔥同兩隻大蝦🦐🦐。少少辣嘅汁配埋花生碎，香口又開胃。🦑燒魷魚筒🦑熱辣辣嘅原條醬燒魷魚❤️ 唔係普通燒汁燒，因為有少少辛辣，非常惹味😋。魷魚質感唔會話太韌，口感爽彈，而我最鍾意魷魚鬚帶點焦香，要同爸爸爭食🤣🍍大蝦菠蘿炒飯🍍連菠蘿上嘅炒飯，成功先呃like影相🤳🏻。加入大量紅蝦仔，非常鮮味！欣賞佢菠蘿唔會切到太細粒，保持口感，咬中甜甜嘅菠蘿果時，有種幸福感（菠蘿控好浮誇🤣）。仲有魷魚圈增加口感！烤焗嘅大蝦非常香噴噴，如果去埋殼先上碟更好（媽媽比較懶🙈）。炒飯炒得夠乾食，就算有菠蘿都冇影響到👍🏻🍊橙汁 & 冬薏米水🍊橙汁係全鮮榨橙汁，好驚喜😍 冬薏米水好足料，1/3杯冬薏米，食都食飽🤣

呢間開左唔算好耐嘅越南食店──越一越南牛肉粉專門店，之前有聽過佢地嘅分店，今日就第一次去食。叫左火車頭湯金邊粉，海南雞飯，加配小食就叫左扎肉蒸粉包，燒豬頸肉。野飲就叫左鹹檸七同越式滴漏咖啡。鋪頭闊落，坐得舒服。火車頭湯金邊粉用料唔錯，牛腩片帶筋但唔難咬，生牛肉浸完湯都唔韌，而且唔騷，牛丸幾彈牙，湯底唔算重味，金邊粉份量正常，唔會黏埋一齊。海南雞飯，雞好香滑，份量都OK，而油飯就略嫌唔夠油，但都有少少油香。扎肉蒸粉包幾特別，皮有D似腸粉皮，餡有豬肉碎，木耳，甘筍等等，食落口感有D似粉果，可以一試！燒豬頸肉肉質肥瘦分佈均勻，燒嘅火候啱啱好，整得幾好。越式滴漏咖啡用煉奶，咖啡夠香滑。鹹檸七就正正常常。

難得粉嶺中心附近有一間越南菜，今晚就特意去試一下。揸車人士非常方便，可以直接泊入粉嶺中心入面。餐廳門面非常開陽，燈光非常耀眼，遠處已經見到招牌。餐廳裝修格局以綠色為主，感覺清新舒適。店員安排我們兩人坐卡位窗口位置，並奉上兩杯水，服務體貼。餐牌食物圖文並茂，多款選擇。隨即點了呢度嘅招牌菜綜合牛肉湯河粉，牛魔王可以一次過食到牛丸、牛筋、生牛肉等，最欣賞就係牛肉湯底非常非常非常濃郁，好好飲！難怪河粉非常入味，嚟到一定必試！另外朋友就叫了香草辣肉碎煎蛋飯，他說小小辣好滋味。當然要叫一份馬拉盞炒椰菜苗清一清腸胃，椰菜粒粒好爽口，馬拉盞味道好惹味！西瓜汁味道好鮮甜。最後點了西米燉蛋和曲奇雪糕，為呢一餐美味而豐盛嘅越南菜畫上句號。總括而言，這一間越南菜性價比高，值得再encore。

粉嶺一日遊，中午的午餐揀了在粉嶺中心食，一出火車站行過第二個商場就到了，餐廳在地下，唔熟路其實都幾難搵㗎，好彩今日同一位地膽來，轉個彎就到。午餐set大約五十蚊左右，有一杯餐飲送，可以加錢轉特飲。自己揀左要海南雞飯，無特別問所以跟左白飯，無油飯咁香，但白飯健康啲呀，海南雞夠滑，已去骨，皮下脂肪亦不多，點埋醬汁勁正，個人較貪心加重口味，點齊薑蒜豉油好味呀。朋友個香辣肉碎煎蛋飯幾靚仔，隻蛋黃超正，最鍾意蛋汁撈飯，肉碎香口微辣，又係好好撈飯。飲品轉左三色冰同鹹檸疏打，冰涼透心，夏天飲超勁舒服。

食越南粉，點可以唔試下生牛肉湯粉，今次叫咗個生牛肉金邊粉，個碗size 係一般size，不過食食下就知金邊粉份量好多，2個女仔share食都夠，哈哈，睇嚟呢個有下次，因為碗生牛粉價錢經濟，份量多多，好啱大食既我。另外配有芽菜、香草，隨個人鍾意落唔，我就鍾意落晒入湯調下味。生牛肉同平時出面食既牛肉唔同，肉比較厚D，牛肉味濃D，好正。另外叫咗杯薏米水，大大杯，本身都冇冰但又夠冰凍，超多既薏米，相信淨食薏米都可以飽肚，最讚就係呢杯薏米水唔太甜，推介！

粉中啲食肆都開得嘅靚，其中呢間越一我自己都幾鐘意。尤其是呢排好熱好焗真係想食啲清新啲嘅嘢，越南菜啱晒呀！特飲就唔少得啦，熱到咁樣！！青檸疏打，三色冰，薏米水，正呀涼透心！老友去到邊度都係食海南雞，而佢話，粉嶺嘅海南雞，呢間水準排第二高！咁都幾高㗎喇，佢好少會讚嘢好食㗎。生熟牛肉檬粉，呢度嘅招牌菜啦，份量好大，唔錯！牛肉份量都多嘅，夾埋啲生洋葱，生芽菜，爽口！湯頭幾好，見到都覺得唔油膩，甜甜地，調味對胃唔口渴，可以飲清碗！香茅豬扒撈檬又係必食，塊豬扒大到要Share比啲男同事先食得晒！乾花生蒜粒夠多，我覺得酸蘿蔔絲就少咗啲，欠咗少少酸勁。呢度嘅魚露都係偏淡嘅，咁食就健康啲，但係好鐘意酸嘅我就覺得如果再重口味啲就更加好。豬扒真係好厚切㗎！煎得唔錯，香茅味就弱少少，不過最近食過咁多地方嘅香茅豬扒，都係香茅味弱，唔知係咪香港香茅貴？今日5個同事一齊食，就叫多咗個避風塘Style軟殼蟹試下。嘩～好大碟，係好大碟！我都未見過咁大隻軟殼蟹！！我諗呢度起碼都有兩三隻，好多肉，唔係出面得個殼得啲炸粉嘅質素，超正！啲避風塘用來撈落啲撈檬度好正，辣辣地咁！整體嚟講，抵食嘅，晚飯時間講真間間都差唔多錢㗎喇，咁

約朋友食野，因為大家都住粉嶺，所以近近地約咗食火車站附近嘅呢間越南野。點知服務態度真係好差，野食又麻麻，仲要有烏蠅... 食到一肚氣，無下次！星期六晚飯時間好多人，等位起碼等咗半個幾鐘，想食最好早少少落去排隊。叫咗個火車頭湯河，二人份量，好大碗，味道還可。但可惜d河粉太淋，味道一般。另外叫咗個蝦多士同炒菜，價錢偏貴，唔係得別好食。男侍應兇神惡煞咁，第一次見態度咁差嘅侍應。叫咗三次先記得拎水俾我地，仲要成晚隻大烏蠅飛嚟飛去。埋單平均每人約$100，唔抵食。

粉嶺站一帶的商場食店，一向種類不多，相信越一越的進駐為附近街坊帶來喜訊，如果想食泰國菜會去粉嶺聯和墟，現在終於可以多一個選擇了，想食越南菜，可以去粉嶺中心。美食當前，再加上繽紛色彩的裝修，為沉悶的粉嶺增添新氣象，心情都會好，胃口都特別好。<海南雞飯 $62>邊看餐牌，邊聽到很多客人外賣海南雞半隻，看來這家海南雞口碑不錯，今次一食，下次加餸，除了去買燒味，都可以考慮過來買半隻海南雞。冇骨海南雞飯雞肉嫩滑，油飯是乾爽那種，味道都好好食。不過個人還是比較喜歡那種偏濕的海南雞油飯，亦越來越少地方食到了，努力尋找中，希望可以遇上。<鹽燒烏頭 $98>平時食烏頭多數是在潮州打冷店食，第一次在越南餐廳食烏頭，更是鹽燒烏頭，厚厚的鹽舖滿魚身，鹽都焗到硬了，但魚肉卻仍保留魚肉的嫩滑，沒有魚腥味，而這條烏頭更有少許黃油。如果不怕辣，魚肉可以配附上的醬汁， 有點似泰式生蝦刺身的醬汁味道。

原本求其去大快活食，但個friend話食厭左。就佢主意，帶我去呢度食越南粉。位置同價錢都算係街坊生意，店內光猛而且有唔同座位組合，座位都幾闊落。火車頭湯粉（金邊粉）- 生牛肉、牛腩片，牛柏葉、牛丸；份量好多，唔會每樣得一塊半塊，Menu話二人份量，但我地分到四碗出嚟。啲料都幾新鮮，尤其是生牛肉，用熱湯浸熟，good！串燒豬、牛、雞 - 全部上枱熱辣辣，好香BBQ味，配埋個沙嗲醬都幾惹味，$38有三串，抵！馬拉盞炒椰菜苗 - 呢度嘅馬拉盞要讚，椰菜苗唔係間間餐廳有得食。椰菜苗本身冇咩味，但呢個馬拉盞剛剛好配合到椰菜，都幾爽脆惹味～價錢公道，環境同服務幾好，近港鐵站，回頭指數：🌟🌟🌟🌟

⚾咖哩牛腩配法包 $118都有好多夠牛腩🐮有啲好淋但有啲就比較韌🤔個咖哩汁就小小辣，咖哩味幾香，同埋幾香椰汁味😛😛法包焗得好脆，但如果係蒜蓉包會更好🤤🤤🤤.⚾️海南雞飯 $62啲雞好滑，食落都冇乜雪藏味😛但個飯冇乜雞油味，同埋好乾🤨🤨.⚾️香茅豬扒撈檬 $56撈檬係其中一個我好鐘意既越南菜🤤(其實主要都係食個汁既味lol)夏天食又唔會好熱💙💙麵唔會煮得太淋，撈埋啲菜同個汁好正😍豬扒都煎得幾香既🤓好似有啲甜味🤔🤤但就唔夠淋🐽🐽.⚾️ 火車頭湯粉 $118火車頭係二人份量黎既，入面有生牛肉牛腩片牛丸牛柏葉🐮🐮牛腩有啲小韌🤨不過都幾有牛味😛牛丸幾juicy同埋牛味幾濃👍🏻肥牛片就普通，牛栢葉都冇乜味🧐🧐入面仲有啲洋蔥幾甜，湯底就不過不失，都唔會話超級油😬.⚾️小食拼盤 $138對選擇困難症又多人一齊食黎講，拼盤就冇死啦😆入面有蔗蝦粉包春卷牛油雞翼各3件😛最好食係春卷🤤又夠脆，調味啱啱好，加埋個汁酸酸甜甜好正👍🏻粉卷都好夠味，不過要趁熱食會好食啲🤡牛油雞翼都幾香蒜頭同牛油味，但個外皮層粉偏厚，同埋偏油🤔蔗蝦就...普通 🤡🤡.⚾️青檸梳打 $26正常發揮😂😂幾香青檸味😛如果再甜少少會更好😬.💣串燒 $3