越一越南牛肉粉專門店 (已結業)

粉嶺火車站大部份餐廳都是快餐。外賣餐。反而粉嶺中心多一些特別餐廳。係粉嶺要食越南菜比較難。見到有新餐廳一定要食下啦。今晚不是太肚餓所以點左一個胡椒大蝦粉絲煲！內部裝修都好有越南特式。美觀光揚。坐位亦好有空間感。胡椒大蝦粉絲煲上桌後。仕應已警告好熱（個煲)。成個煲面都係大蝦.一開蓋香氣撲鼻。我專登夾大蝦放上另一個碟上。方便本人撈好粉絲配料。一勞出來底部.底部勁多配料。大蝦🍤極之鮮美。入口爽甜。蝦味濃郁。口感肥厚。粉絲緊記要撈混所有配料及汁液。叫入口滑而清脆。混合汁液食極之有口感之餘蝦味亦被粉絲吸收。仲有胡椒的麻辣味。令到成個煲更添上更高層次味覺。回味無窮。水準之作.一定要再來食多次

粉嶺除左聯和墟，好似話火車站附近都有Ｄ好野食，所以今日就試下一間叫「越一越南牛肉粉專門店」先！黎到等左陣就有位啦，午市套餐選擇比較少，不過都揀到既！我Ｄ朋友要左個「火車頭湯粉」，其實係牛肉、牛腩、牛丸同牛柏葉湯粉，可以揀檬粉或者河粉，嗜牛既人必食！仲有，佢地將Ｄ芽菜同香料分開上，你可視乎喜歡與否放入去，而且又唔會怕芽菜太淋唔好食，好細心既安排！我就貴精不貴多既，就叫個「薄燒牛肉撈檬」，睇落好普通，但食落就知點解佢同火車頭一樣價錢啦！真係好正，每塊牛肉又薄又有炭燒味，入口就知極品！然後再叫個「香茅豬扒湯河」，碗麵好大，我朋友食唔晒HAHA，豬扒好淋易入口，我最鍾意係每塊都有少少肥豬肉！淨係食麵有Ｄ寡，於是叫Ｄ小食！紙菜卷係必食，皮薄餡足，好新鮮好口感！再叫多個蝦餅，細塊左少少，不過都好好味，一試無妨！最後要介紹野飲，青檸梳打同奶茶都係水準之作，好大杯好解渴！

呢日放工同小朋友去粉嶺中心附近行街， 然後小朋友去咗xx樂園度玩咗一陣， 之後喺附近搵下有咩食， 然後搵到附近有間越南餐廳， 望落裝修都幾光猛新淨， 睇完餐牌都覺得啱食 ， 價錢可以接受， 就入去試下。串燒( 豬,牛,雞)38蚊可以食到3串串燒， 都幾抵， 三款肉都用醃料醃過之後才燒， 好入味， 沙爹汁調味都幾香濃。肉鬆生菜包肉鬆加咗酸豆角，金不換和其他香料去炒， 味道方面幾豐富， 包生菜嚟食味道啱啱好， 有樣嘢要 讚，呢度啲生菜係可以免費添加。蝦頭膏炒飯炒飯加咗蝦頭膏 ，櫻花蝦，大蝦炒， 食落個味道有櫻花蝦和蝦頭膏嘅鹹香味， 炒飯嘅功夫都做得唔錯， 炒飯都係粒粒分明。軟殼蟹香芒紙米卷師傅幾有心機嚟做呢個紙米卷， 個賣相都砌得幾靚， 菜到夠新鮮全部都爽口， 軟殼蟹炸得幾脆， 點個酸汁一齊食幾開胃。芝士蛋糕+ 自家製燉蛋芝士蛋糕和自家製燉蛋味道和質感方面做得都幾好， 唔算太甜， 唔會令到人食到好漏。

呢期我絕對係廿四孝女友，因為我又嚟左粉嶺接佢收工啦。晚餐就決定食越南粉啦！入到舖頭，入面果位朝氣勃勃嘅經理（佢套衫唔同啲，我估佢係店舖話事人）吸引左，因為由帶位，斟水到落單一腳踢之餘，仲要全程都好有禮貌好好笑容。我不嬲都覺得服務都係令你餐飯好唔好食嘅因素之一。所以喺講食物前，我真係好想讚揚下佢先。讚完人就要講下啲食物先。我就嗌個綜合牛牛金邊粉，有生牛肉，牛腩同牛丸。首先我又要再讚一讚個經理，佢好主動咁周圍幫人斟水，見到我配粉嘅湯係偏少，我食到一半佢主動問我洗唔洗幫我加湯，好似好乾咁，真係體貼到一個點。而個湯係牛骨湯，好清甜，冇味精👍🏼牛肉好腍，牛丸彈牙，牛腩好香牛味👍🏼男朋友就嗌左個豬扒撈蒙，豬扒好厚身，又腍可戈都唔會乾👍🏼另外我地仲嗌左份串燒，豬牛雞各一串，個沙嗲汁唔辣，係甜甜地嘅花生味。炸蝦餅就唔係好多厚粉果隻，感覺唔會好熱氣，而且蝦餅都彈牙。食到飽飽，都係一百蚊位，抵呀😆

突然想食越南河粉，去左粉嶺中心地下一間越南餐廳，地方四正企理，牆色以Tiffiany blue為主色，非常清新時尚！越南嘅竹帽做掛飾，餐廳又有越南風景相，喺邊度嚟就唔知，有機會我都想再去多轉越南，暫時越南足跡只峴港。 越南的春捲分成兩種，一種是生春卷（即紙米卷），一種是炸春卷，兩種都有點！點了青木瓜大蝦米紙卷, 塞滿扎肉條、甘筍絲、米粉、青瓜絲、白蘿蔔絲及生菜，口感頗清爽，米紙唔會太韌，沾點魚露提提味，唔錯。 生菜包著越式炸春卷, 外皮夠脆！好味！河粉好似好少，其實只喺碗大，錯覺而已，粉嘅份量絕對唔少。湯底幾香， 湯色透徹，而豬扒炸得甘香鬆化，香茅味滲出，切成小件就方便食用。 牛肉優質，入口軟滑牛味濃，河粉幼滑，無味精湯底，吃得愜意。 每人配給一份芽菜、九層塔及青檸。按自己喜好加落湯河！目測店員都喺啲後生仔女，服務都算幾勤快！難得仲有自家製的甜品揀！不過，太飽了無試，下次吧！

呢排自己比較鍾意食越南嘢，所以今日喺粉嶺火車站附近搵下有冇好食嘅越南餐廳呢度裝修光猛，環境幾舒服餐牌選擇算係多，而且價錢唔貴，仲要好難得係唔使收加一食物種類多，我哋問下店員有咩推介，佢哋都唔怕麻煩簡單介紹咗啲菜式畀我哋甜品仲有分自家制同埋日本制嘅蛋糕酸辣鳳爪呢個係無骨鳳爪，食落啖啖肉味道唔算特別酸，不過就偏辣少少，幾開胃芒果軟殼蟹紙米卷越式食物入面我最鍾意食紙米卷，呢個米卷嘅份量十足，包住咗大大隻軟殼蟹，配搭蔬菜同有芒果嘅果味，非常好食越式炒金邊粉呢個金邊粉炒得幾香，麵條有口感入面有肉、芽菜、花生等等，而且份量算多，幾抵食香辣肉碎生菜包呢個生菜包我好鍾意，因為佢係酸酸辣辣嘅口味，肉碎煮完之後依然juicy，加埋帶酸酸地嘅豆角同埋金不換嘅味道，十分開胃最開心係佢嘅生菜係任添，用菜包住肉碎嚟食，中和番肉嘅油膩感芝士蛋糕--朱古力呢度強調係日本制，雖然係小小一件，但係味道好香濃，的確同普通嘅蛋糕有分別叫左野食就只係加$16就可以食日本制蛋糕，算係幾抵西米燉蛋店長強調係自家制，所以我地就叫左一個試下一上枱見到用好可愛嘅加菲杯裝住，即刻顏值大增食落燉蛋算香滑，底層係滿滿西米，幾好味呢度地點算方便

喺粉嶺終於有一間食越南嘢嘅地方! 對上一次去越南旅行後，就對越南嘅粉麵念念不忘！店內設計時尚，牆上面仲有一個越南女郎壁畫！椰汁三色冰(HKD26)~ 三色冰嘅椰汁夠香濃，裏面嗰三樣嘢，係綠豆、紅豆同埋一條條綠色既燕菜條 ，本身呢三樣嘢如果做得唔好，就會好淋bet bet，但呢度做到三樣嘢都保留返佢應有嘅口感，配搭埋一齊絕對係彰顯到佢最大嘅美味！牛油雞翼(HKD46) ~ 見到佢嘅牛油雞翼 ，淨係睇樣都知道極度香脆，加埋上面嘅蒜片做調配，真係又邪惡又忍唔到口！ 絕對配得上「外脆內軟」呢四個字！酸辣蝦頭膏扎肉湯檬粉(HKD68) ~ 其實食湯麵，湯底都佔一個非常重要嘅元素，而呢個湯係酸辣湯底嚟嘅！ 非常好食！！！！ 首先酸辣已經係好開胃，佢令人係越食越想食！愈食愈辣！夠曬刺激！ 扎肉都係越南嘅名物 ！當然都會令我失望啦！而蝦都係彈牙嘅！證明都係用新鮮嘅用料！香茅豬扒湯檬粉(HKD56) ~ 呢個湯底係用咗牛肉湯底，而我嗰個餸係豬扒， 豬扒香茅味唔會太濃， 反而剛剛好刺激到我嘅味蕾！ 一個麵滿足哂有牛同埋豬，絕對有協同效應！令到佢非常出色！最重要嘅一環，就係佢冇收加一！ 即時覺得送咗個九折比

其實有時過開北區, 真係唔知道有咩地方好食！好 在，有個住喺粉嶺嘅朋友， 介紹粉嶺中心有幾間新開嘅餐廳。見到呢一間裝修新鮮、型格嘅越南菜。我同朋友諗就冇諗過，即刻入去搵位食飯啦！撞正晚餐時段，人流特別多！ 不過都係等咗陣就有位喇！我哋叫咗個越式炒金邊粉,金邊粉幼滑,花生碎淋喺面,有咬口！酸甜汁令 人胃口大開呀！ 份量非常大兩個人都食唔曬！另外最特別嘅係有抹茶芝士蛋糕 同黑朱古力芝士蛋糕,個人比較喜歡抹茶芝士蛋糕。 因為抹茶嘅口感 非常濃烈，配搭輕輕嘅芝士味道，完全唔覺得滯呀！ 不過,最可惜芝士蛋糕冇影相...

今日來到粉嶺火車站就試試到附近的粉嶺中心找美食，到了地下就選了這間街坊食店，吃個越南河洗！先點了一人一個粉，我想吃清一些所以點了雞絲扎肉，轉了金邊粉想湯底更加入味。雞絲也多，扎肉有三塊，都大塊，味道不錯，粉的份量很多，連男生也夠吃。另外點了生熟牛肉金邊份，牛肉的肉質不錯，很淋，都鮮牛肉味，是質素不錯的牛肉。牛肉味進入湯底中，再被粉吸收，味道好濃郁。最後點了鹽燒烏頭，是很大條的一整條魚，很多肉，肉質也可以，配料很多，味道和魚很配合，一點也不鯹，很好吃😋很抵吃

自從轉工後外出用午膳既日子實在寥寥可數 大概是因為無左親愛既鄰居相伴 無左同食個種樂趣 加上轉到新界地區 可以選擇的實在少之有少 天氣又開始熱 連外出既動力都幾乎沒有 不過最近有同事離職了 於是提出一起外出用膳 唔想食飯既前提下 選了呢間越一牛肉粉專門店 大概是先天位置不太有利 所以即使午飯時間 用餐人數都不算多 不用等位之餘仲有大把位比你簡=P一直都喜歡吃越南粉類 今次是好時間望望餐牌 選擇都不算少 午市仲有套餐可選 價錢不過不失喇 n_cc點了生牛肉牛腩片湯河 份量十足賣相不錯 芽菜辣椒青檸等會另上  牛肉片牛腩片都不算少 仲有蘿蔔 食落無渣清甜算不錯牛腩質感軟腍 雖然入口唔算特別細滑 不過唔鞋口 牛肉片有咬口牛肉味香濃 湯底鮮甜富有牛骨味 味道濃郁跟同事share燒豬頸肉 質感爽口有嚼勁 味道帶點炭燒氣息 其實整體感覺不錯 不過如有更好選擇的話會試其他=P

今晚放工約左朋友仔入粉嶺食飯，朋友帶左我去食越南菜，我即刻諗起食牛肉河粉。放工時間去到都幾多人食，餐牌都幾多選擇，我地小菜一開始叫左份酸辣鳳爪，黎到份量都適中，每件都幾大件，好爽脆，而且酸辣道都係接受到果種，味道岩岩好，好開胃！另外食餐越南菜我地會叫牛油雞翼，雞翼有4隻，每隻都好大隻！好多肉，啖啖都係肉！味道好香好香！主食得就叫左份生牛肉拼牛腩片湯 金邊粉，料都好多，我將配料倒入湯再撈一撈，好香，然後佢洋蔥都好大片，牛腩都好大件！湯頭都幾易入口！粉面既種類可以選擇河粉，金邊粉同檬粉。

好耐無行過嚟粉嶺中心呢邊 以前呢個位係間上海野 而家變左食越南野 出面睇間野都幾新淨 應該開左無幾耐 一於嚟試下啦 望下menu先食物種類都好多 我每樣都叫左 首先嚟個小食 串燒係3串 本身以為淨係得一款肉 原來可以mix 豬牛雞每樣叫左一串 有個沙嗲醬另外上 鍾意濃味嘅人可以點多d 跟著試左個軟殻蟹芒果米紙卷 原來佢唔係用平時食開個d芒果 係硬d爽d個款 金邊粉有埋豬頸肉 都好大碟 2個人食好飽不過佢上菜次序係嚟左金邊粉先 一開始已經食飽左 如果小食嚟先會好d仲有點左杯三色冰 最鍾意食入面d材料呢間暫時係粉嶺唯一一間越南野 心血來潮想食就過嚟呢邊啦 下次嚟我想試下佢d河粉

粉嶺中心進行大翻身，新開嘅一間越南餐廳，吸引左我哋去食晚飯。薄荷綠色主題裝修好靚，有卡位坐得好舒服。去食越南野點可以唔叫"生牛肉湯河粉"，睇個湯底既色已經知道一定好味，牛肉湯味道香濃，白蘿蔔入味無渣，飲埋d 湯都唔覺口乾。海南雞飯無骨，雞肉嫩滑，啖啖肉好正！而且三種醬汁各有特色，配油飯一流呢。叫有碟馬拉盞炒通菜，上菜時嚇一嚇，好大碟！流心芝士蝦多士脆口鬆化。兩個人食咗二百幾蚊，晚餐價錢真係比同區性價比高！值得再去！

果日同朋友係粉嶺中心睇完戲覺得好餓就隨意搵左間餐廳因為果到附近都冇好多選擇, 就見到呢間試業中就去試下, 因為成日都好怕試業係伏, 好彩都冇伏呀!6點入到去都好早, 所以都冇咩人,  環境都大, 都好乾淨.. 我估計都係做街坊生意多我同朋友一人叫左一碗金邊粉, 都算係唔錯!個價錢就$50幾一碗, 都算係正常價豬扒金邊粉生牛肉金邊粉果d配菜係另上既, 因為我係超討厭芽菜我覺得以係屋苑既野食黎講, 呢間都算係唔錯, 我諗住附近都可以落街食下但應該唔會山長水遠黎呢到, 同埋呢到係無咩服務可言, 但都可以接受~

今日同朋友黎左粉嶺食野，我地人數比較多有5個人，首先覺得店員安排座位方面可以有點改善，因為其實我地係可以坐到入4人卡位的，但店員冇問過我地就比左排我地後面的4人入座，不過呢樣都算係小問題。最後我地被安排坐左係店入面角落位置，但果個位有蚊蟲(應該係烏蠅)，係我地同食物之間飛，衛生程度失欠佳。另外店員態度唔友善，可能我地人數比較多，點食物方面比較多，就露出好唔耐煩既反應，我見到佢對其他食客的態度也不是好好，不過女店員態度是ok的。食物方面亦有點失望，點了一份蝦頭膏炒飯完全食唔出蝦頭膏味，只係用左櫻花蝦炒，不推介。呢間可一不可再