一家老小第一次來海之戀，老人家就鍾意飲茶，海天排晒隊，就到彩薈軒飲，估唔到同一時段，一間茶樓等位一間茶樓會無人飲… 叫左個午市套餐，再加左個鹹水角同一蚊燒賣，見個餐唔係好多野，估唔到黎到又多野食，仲食唔晒添。 一蚊一籠燒賣，唔好預計佢會好味啦，有燒賣外觀嘅行貨，偏鹹，無豬肉口感。 叉燒包醬汁偏甜，包立口。 鹹水角得好少餡，但至少即炸出黎係熱嘅。 蘿蔔糕無乜蘿蔔絲，亦無乜臘味。 春卷幾好，夠脆。 燒腩仔併叉燒又幾好食，入味嫩口。 福建炒飯幾香口，多汁又係粒粒米，好食。 人均消費一百蚊位，ok啦，話晒有海景睇。

間中口痕都會買下麥樂雞餐食 平時一般都係要bbq醬 但店員永遠好順手比甜酸醬你 唔明點解…可能甜酸醬受歡迎啲？ 呢排有十八件雞加四款醬 咪試下啲新醬囉 今期係蜜糖芥末、煙燻芝士、新加坡咖哩、大蒜醬（?） cajun中文名係咩？ 薯條同蘋果批都熱 但麥樂雞就凍嘅 仲諗住咁多人買會係啱啱炸起添… 幾隻醬都好味嘅 各有各特式無話邊隻特別好 不過驚喜唔大 試過便算 唔試都無損失 奇怪係四款醬個盒大細同質地都唔同 真係由唔同地方嘅麥當勞進口？

蝦堡又回歸了 用app買仲平五蚊添 就叫個菠蘿蝦堡食下 再加埋個菠蘿吉士批 今期用上角落生物包裝 外觀幾得意嘅 先食蝦堡 雖然等左好耐先有得拎 但個蝦堡已經係微溫 蝦餅吸晒菠蘿嘅汁 搞到好淋又好爛 口感認真差 加上唔知本身塊蝦餅係粉多定咩 唔彈牙淋pat pat 好似未熟咁樣 我自己就唔會再食多次啦 吉士批幾香甜 菠蘿醬同吉士醬各沾一半 呢個拎上手仲熱 外層又脆 係好食喎 不過都係蘋果批好食啲… 後尾又加左杯朱古力新地 朱古力醬夠多 咁平無投訴啦

食完午餐周圍行 買下電話卡同雜貨 深水埗啲野係平啲 條街好多野睇但無奈真係好熱 咁就入西九商場hea下先 行左咁耐有啲攰 搵間好坐又可以坐得耐嘅餐廳 就黎左pizza hut 下午茶餐四十蚊起 有份小食有杯野飲 真係幾平喎 叫左迷你至尊薄餅薄批底 味道正常批底夠脆 新鮮焗出黎味道都唔會太差嘅 仲叫左朱古力窩夫 呢個有驚喜喎 賣相唔差先啦 價錢仲平喎甜品舖 份量十足有成塊窩夫 窩夫厚身有牛油香又夠脆 上面仲有朱古力雪糕同布朗尼 好食 檸茶正常味 汽水可以免費refill一次 想食少少野坐下傾下偈 呢度個下午茶啱晒 仲有好涼嘅冷氣添

一直在開飯搵榆越都無濕地店 原來叫viesta express 唔知幾時開業呢 附近幾間食店都多人食 但呢間越南野就相對少人 可能係個位最偏僻啦 我地三個人黎叫左三份撈檬午餐 天氣熱食撈檬特別正 尤其係個醬汁做得好個啲 呢度個汁唔錯 鹹鮮味又唔過酸 雞翼大大隻有四隻 豬扒略微乾身但重香茅味都幾好 雞扒煎得皮脆肉嫩 可惜未影相就開始食 午餐送餐廳茶 要左一凍一熱咖啡 同一杯美祿恐龍 幾好飲又夠大杯 美祿恐龍唔算特飲 唔使額外加錢 抵左 杯熱啡又係未影得切相… 男人食野總係特別心急唔比人影相 哈哈…

睇完戲去附近搵地方hea 最好就係飲茶啦 可以坐下傾下偈又有啖水飲下 黎左呢間海洋超級漁港 呢個店名一聽就覺得有啲歷史 以前真係好鍾意叫xx漁港 睇下餐牌 點心同茶錢都唔貴喎 仲有唔少特價點心添 即刻劃下食咩先 孖寶蜜汁叉燒湯瀬+一款點心$46 碗叉瀬都幾好 仲好大碗添 點心併左蟲草花什菌餃 個皮煙韌餡料多 仲勁重芫荽味添 春蛋燒賣$28 似乎係呢度名物 好多人點 大大粒蝦膠彈牙 香芋糯米卷$28 芋頭皮包著綠豆蓉糯米飯 都好食但我鍾意傳統糯米卷多啲 鮑汁鳳爪$28 朋友話鳳爪明明就小點 多鮑汁兩個字就賣貴啲 哈哈好食就得啦 鳳爪很入味 花生又炆得淋晒 正喎 壺茶都幾好 夠濃又夠滾 鐵觀音很清香 呢度都應該開業多年了 疫情下仲支持得住算係咁 加油吧～

有新野咪黎試下囉 滿心期待呢個超勁辣黃醬雞肉卷餐… 結果係失望嘅 個醬完全唔辣 係一啲都唔辣 咁個廣告就咪寫到勁辣啦 雞卷入面啲菜又梅又爛 舊雞勁細又無味 醬唔多皮好厚 完全唔掂 落咁多錢廣告好心就做好食啲啦 呢卷野一定無下次 蘑菇飯就同平時嘅一樣啦 而家無得叫多汁 食兩啖已經無晒汁 好慘呀… 野飲叫左百事走冰 但拎到上黎有冰 唯有叫佢換個杯 雖然百般不願意 但最後都有換番杯 同埋呢個舖唔知點解好臭 一陣廁所味 理論上kfc個舖位唔近海之戀個廁所喎

同一個好耐無見嘅舊同事飲下茶，近近地去左呢間富臨，上到去全部都係阿婆阿伯/阿叔阿嬸，人均年齡50+，哈哈，舊同事笑言話佢呢個係老人區，後生仔好少陪老人家飲茶啦。 富臨下午茶好多特價點心，質素一般都唔期待，純粹諗住黎吹下水，又有啖茶飲下，好過去咖啡店啫。 煎讓茄子大大件，鯪魚肉都幾彈牙。 生煎包唔知點解係籠上，蒸熟嘅？個底有煎過，包皮厚又無乜餡。 燒賣大大粒，雖然唔係手切口感差啲，但呢個價收貨啦。 炒米粉都係無咩料，至少炒得乾身唔太油。 水晶包唔掂，個豆沙酸酸地似壞左，蓮蓉就炒燶左一陣怪味，唔好食。 幾十蚊飲下茶食點心，好平。

漫無目的出咗嚟沙田行下，幾個商場兜嚟兜去有啲無聊，見冇咩做不如食個tea先返去啦，附近冇乜啱心水嘅餐廳，行咗一陣入咗cafeholic。 假期下午茶都唔使等位可以直入，不過都無晒靠牆枱，坐左路中心嘅一張方枱，本身個位幾濶無乜問題，不過可能呢張枱正正係餐廳嘅正中央，所以身後keep住有三位伙計以上企係度，等人叫或者上菜方便啲掛，係咁企喺你身後竊竊私語細聲講大聲笑，其實真係唔係幾舒服，anyways，入左黎坐就落單啦。 講菜名落單伙計會重複講number，ok嘅，set左係餐就梗係講number方便，伙計問係咪十同十二，仲有無野要…是但啦。 凍好茶兩杯，一杯少冰，真係好均真喎，少冰嗰杯個volume都真係少啲 ，不過啲冰係咪真係有少到呢，我又覺得差唔多。 伙計大叫一聲十二號餐到就放低份食物，賣相幾好睇，當年呢間cafeholic嘅品牌都紅過一時，稱為港女打卡店，咁份野食都幾呃like嘅。蛋，醬汁，煙三文魚等都十分行貨，個樣呃得下人，味道合格，價錢唔貴都無乜其他要求了。 另一份黎嘅時候伙計又係叫一聲十號餐到，睇黎呢個係傳統黎喎，咁似啲有客到feel，哈哈哈哈。記憶中呢份係雞肉肉醬意粉，汁唔夠多，雞肉係免治雞肉？意粉太淋，醬汁單調，好處係夠大碟，作為一份下午茶很飽了。 坐下ok啦，cafe稱唔上，茶餐廳嘅港女版？

放左三個月先發現原來無寫過小曼谷，佢都係元朗開左好耐，但行過都唔多人食，其實又平又好食喎，五十蚊午餐差唔多啦，即炒又有個位你坐，都無乜其他要求。 未落單店員已經送上例湯，清清地嘅冬瓜湯，我覺得幾好飲，至少無味精先。 叫左呢個泰式肉片炒米粉，幾好呀，炒得香，無乜油，肉片多，仲有紅蘿蔔同芥蘭，有菜有肉正啦，米粉唔過淋，真係幾好食呀。 凍檸水叫左少冰走甜，兩樣都做啱無投訴，成日去茶仔走甜都係走唔到，換過杯又黑口黑面咁，呢度兩樣都做啱真係幾感動～ 炒野加埋凍飲，仲有埋例湯都係五十蚊，抵食啦。