譚仔三哥米線

營業中

休息中

去到譚三哥，心情即刻開朗晒，食完都仲想再去添！上次去有得食螺酸湯豬皮螺片米線，湯底酸辣鮮香，海螺切得薄薄地又唔會過筋，完全係跟住牙齒走。配上嘅豬皮入口即溶，再來一啖帶 crunch 既酸筍粒粒，入口即刻爆晒鮮。配料同湯底完美撞喺一齊，正到彈！再講講個椒麻涼拌魚爽肚，我以為自己食少辣落巴都會流汗，但咁爽口嘅涼拌，青瓜嘅清甜同秘製麻醬巧妙融合，舒適既辣，辣得啱啱好，食咗一啖又一啖！飲品部門，鳳梨藍蝶花香特飲畀個靚名已經夠吸引，飲落去嗰種鮮甜細緻嘅鳳梨味，再加上碟豆花汁嘅特別藍調，靚到唔捨得飲埋，口感得嚟仲有果肉咀嚼，解辣得嚟仲解渴，抵飲到飛起！我話咩，譚三哥呢度嘅食物變化多端，一次過滿足到幾種口味需求😋，無論係想得到鮮、想食辣、定係想清新一下，都啱曬！真係食樂滿分，間間都算得上係食得嘅好去處！下次去，我一定要再嚟個螺蛳汤再配埋椒麻雞塊，等我食過先講啦！🥣🌿🍍

今次嚟到譚仔三哥食晚餐, 我哋今次兩人食，只嗌了一碗過橋米線加底， 另加小食豬耳， 我哋兩人都有選擇困難症，所以直接嚟一個過橋米線十多樣餸，不用選， 啱曬我哋， 全部清曬都已經好滿足好夠飽了 😄

✨豬肉米線配砂砂湯底三小辣❤️可能太耐冇食辣，已經食唔返中辣😭😭呢個三小辣唔會好辣，剛剛好，同時間又可以enjoy到個湯底嗰陣味(>^ω^<)豬肉每舊都唔肥，好開心 冇脂肪😭❤️米線朱得唔會好硬太淋。

黃埔呢間譚仔都保持到水準，米線可以要求生啲更加有咬口，不過除咗食物味道之外，我覺得環境同服務都好緊要，每次去呢間三哥都係只可以專心食同埋食，因為冇得玩電話，點解？唔係譚仔阿姐唔俾我用電話，而係一入左呢間譚仔不論你係坐咩位置，個電話都係no network,就算有network 都係收得好差！呢個唔知點解，去隔離d餐廳都冇事，唯獨譚仔出現呢個問題！另外就係呢間譚仔姐姐比較惡，好容易就著制同客鬧，當日唔知阿姐係咪心情唔好，見到收銀姐姐分別同兩個客嘈交！

見到譚仔同三哥都分別Crossover超神經械劫案下電影搞新花臣，仲話係軒公主理，見佢長久食開遮遮既創意早餐，我就一於去試下呢個神經「線」突襲到底係正野定伏食。① 烤原條鰻魚麻辣湯米線 $78湯底我揀左小辣多麻，第一次試多麻，巧有Feel！鰻魚雖然浸過湯，但肉質口感無變，依然肥美，而且食起上黎仲覺得麻！我無加其他配料，本身除左芽菜，腐皮，仲有兩舊豆卜，邊飲湯邊覺得麻，正！.② 青花椒香茅雪碧 跟米線餐飲其實食到個口麻痺左，飲呢個特飲果陣開頭無咩感覺，慢慢先感覺到甜甜地，有少少鹹，少少麻同埋有淡淡既香茅味，幾好飲吖。價錢係有啲貴，不過烤鰻魚同麻辣米線呢個配搭又真係幾新鮮！好獨特！

呢間分店一下就完全冇人，一下就排晒長龍，可能始終係因為近紅館嘅關係啦。今日其實入邊都爆滿，但係唔使排隊，所以經過就入去試左一碗木瓜脆肉鯇湯米線。湯底清甜，加埋木瓜真係幾好食，不過冇辣就始終差咗少少，好彩朋友叫咗碗麻辣湯底嘅，咁我要咗佢三匙羹湯底，加埋就啱啱好。呢度啲脆肉鯇真係脆卜卜，勁好食，米線又煮得剛剛好，唔會過淋！所以每次嚟都係必點脆肉鯇，睇到今次我同朋友都有點就知啦！另外呢間分店無論幾忙，d姐姐態度都好好👍

早前Sam Gor比人貼大字報”還我鴨血”！🤣依家找數啦，餐牌仲有Tyson Yoshi ，淨係望住餐牌都飽。🤩水煮湯老油條鴨血米線要5小辣起計.....朋友叫左3小辣，佢話老油條浸落湯到令到成碗麵好油，我飲左一啖湯已經辣到🥵小妹我唔太食得辣，就叫左麻辣10小辣。嗯.....唔知點解成碗麵好咸。。大概可能係啲血鴨用鹽水浸住？ 但真係咸到係咁飲水。另外叫左鴛鴦哈密瓜爆珠梳打，有啲似韓國哈密瓜雪條，好味！😆

終於去試左譚三哥新出炆米線😍🌶香辣回鍋肉蝦仁炆米線🥢用炆煮方式令米線吸收哂醬汁 米線好入味 好似乾窩麵咁一上枱就已經聞到香氣十足🤤回鍋肉就用左腩肉 口感上無傳統既五花腩咁油膩再加埋爽口既蝦仁同勁索汁既紹菜 真係越食越辣另外仲可以加配指定食材 可以自選辣度🌶🌶🌶麻辣醬銀耳鹿茸菇口感爽脆而家好掛汁既銀耳+鹿茸菇沾滿左麻辣汁 仲有粒粒肉碎的炸醬係面口感好豐富 食到停唔到😆😆😆 露絲瑪莉蘋果梳打飲到微微薄荷味道 甜甜酸酸既青檸蘋果梳打仲有小小蘋果蓉添 解辣一流👍🏻

想試三哥個新米線好耐, 今日終於有機會試下, 有啲驚喜咼！螺酸湯米線配海螺片&豬皮 $43睇賣相講真唔係好吸引, 有啲好稀嘅感覺, 所以都無乜期望. 首先試下個湯底, 又幾好咼! 我會形容為係酸辣加麻辣嘅混合體, 好開胃, 好適合我呢啲嫌酸辣太酸同麻辣太麻嘅人, 我又幾中意. 餸方面有豬皮同螺片, 豬皮爽口, 有4-5塊, 幾襯個湯. 螺片就麻麻地, 煮嘅時間唔夠, 太韌了. 不過我幾欣賞碗米線嘅配料: 酸辣荀, 木耳絲, 辣椒粒, 同湯底好夾!👍🏻小食方面我都試左: 椒麻涼拌魚爽肚 $23哩個認真麻麻, 爽肚係好爽嘅, 不過個汁極咸, 原本以為係麻辣豬耳之類但點知比個死感蓋過其他味道, 食一舊要飲一啖水, 搞唔掂😂

譚仔三哥推出了3款新品喜歡酸辣的朋友有福了因為他們推出了一款酸辣米線酸酸辣辣，刺激味蕾又醒胃加上椒香麻辣的爽彈魚爽肚除了味蕾享受，還爽脆口感大爆發再配上一杯充滿熱帶風情的鳳梨藍蝶花特飲酸酸甜甜，消暑又開胃為這個夏天的尾巴劃上一個完滿的記號💮螺酸湯豬皮螺片米線這碗酸辣惹味的米線除了主角，螺片、豬皮和螺酸湯底外還加入了酸荀、豆角、木耳絲、辣椒粒和蔥花作點綴除了色彩豐富，還為味蕾帶來了不同的享受然後我們先說說螺片海螺片口感軟綿讓人有一種咬了一口，就想繼續用力嚼的衝動而且螺片也帶有一種海鮮微甜的味道豬皮方面，不得不讚一讚豬皮充分吸收了酸辣湯底但同時豬皮麻辣汁味道十足，沒有被搶過去和這個湯底配搭，更像是相輔相成的存在口感既爽又軟💮椒麻涼拌魚爽肚這款小食除了魚爽肚外，還有爽脆青瓜作鋪墊兩者充分吸收了三哥秘製椒麻汁的味道，香麻惹味魚爽肚口感爽脆，每咬一口都感受到嘴裡的“嗦嗦”聲音青瓜清新爽口，這小食一個字來形容「爽！」💮鳳梨藍蝶花香特飲這一杯梳打特飲的顏色好美以鳳梨和青檸調配，充滿熱帶風情🏖同時又有一點夕陽西下的漸變色彩像極了夕陽下的海灘而味道酸酸甜甜，底下滿是果蓉碟豆花製造出漸變效果，是一杯帶有夢

作為三哥迷既我梗係要試下最新既螺酸湯米線✨螺酸湯豬皮螺片米線✨海螺切片唔會好韌 勁鍾意食😍仲有麻辣汁煮既豬皮 好爽口湯底有醃製過既酸筍夠爽脆 仲有酸辣豆角呢個湯底酸香鮮甜好特別 小辣真係愈食愈過癮🌶椒麻涼拌魚爽肚 魚爽肚轉左做涼拌小食 實在太好喇😍我覺得涼拌好食過放湯配上三哥秘製椒麻汁同手拍青瓜好夾 🍍鳳梨藍蝶花香特飲另外仲有新既特飲 係用鳳梨同青檸調配再加入碟豆花汁 係我最鍾意既紫色 勁靚而鳳梨茸仲有粒粒果肉 加重口感

27/6/2021 黃埔三哥譚仔米線今次見有新menu,就決定試一試🔥 當然圖片只供參考…想不到圖片與實物差距真的過份了🥺 魚爽肚果然爽口，而豆卜就似急凍貨…不過$42既價錢，仲想點喎🥲▫️糊麻湯魚爽肚米線 10小辣（芥末魚籽鱈魚滑豆卜）**另可自選湯底朋友繼續選擇平時吃開的，果然保守派🤪▫️麻辣米線 5小辣 （配料：魚肉片，牛丸，炸醬）$52小食：重慶口水雞（必點🔥

由落單到攞到碗麵要等一個鐘。食碗麵姐。落單阿姐做唔掂就提示下客人要等一個鐘啦下話。搞到全部人嬲嬲豬。見到門口有人等緊就唔好食啦。食物質素就咪又係咁。譚仔一間。冇特別。

外賣超級超級超級慢，門企住25-30人，我屋k人腳唔好，就坐入去，點知唔俾人入去坐，要全部人企門口等，密度仲高過係入邊坐住食，廚房好似唔夠人手，唔見得有好多遠程訂單，係門口從6點05分，等到現在6點34分，都未有！等到人懷疑人生。不人性化，速度太慢，下次不會再來。我明白疫情原因導致的情況，但外賣等咁耐，餓都餓到暈啦！之前几日係其他店都無咁慢，如果接待不可以保證及時，竟然要成半個鐘，唔該收銀提醒一下啦！我點知你背後几多訂單，萬一100份呢？不人性化。

本人係黃埔花園居民，經常幫襯呢間三哥，但近呢幾個月開始等外賣時時間愈來愈耐，非繁忙時間至少半個鐘，繁忙時間試過等一個小時，煮碗米線都可以整咁耐，離晒大譜，遲D元氣隔離間譚仔開咗呢間三哥聽收皮啦