譚仔三哥米線

營業中

休息中

通常諗唔到食what，我就會去食公司樓下嘅呢間譚仔三哥雲南米線！貪佢就腳同埋價錢嚟講都幾抵！(因為附近啲餐廳閒閒哋都要五十蚊樓上，呢到叫單餸三十五蚊有交易！今日有啲唔舒服，所以想食返清淡啲，就叫咗清湯！單餸嘅墨魚丸係有六粒架！雙餸好似得四粒！我覺得譚仔三哥嘅特別好味，同其他嗰啲麵店嗰啲比係有啲唔同，好似彈牙啲！唔知有冇人都係咁覺得呢？呢間分店整體環境都唔錯，啲阿姐服務態度都幾好，Lunch hour會比較多人，如果同朋友去食可能要等一陣位，一個人去食就多數唔使等即刻可以入！

我相信好多人同我一樣都好鍾意食譚仔三哥米線，係佢嘅粉絲哈哈！無論晚餐定午餐都會有機會選擇食譚仔的。今日起身想食啲清淡嘅嘢，所以就揀咗食米線。平時都會點麻辣食嘅，但今日就想食清湯。叫咗墨丸走韭菜，清淡之選

今次到譚仔唔係食米線係食小食～ 見到新出咗辛蒜燒茄子，茄子燒得剛剛好唔乾多汁，蒜香十足又夠辣好惹味😆 點埋解辣蘋果酸，飲三啖真係立即解辣！解釋唔到嘅神奇口味😂 一個燒茄子加一杯嘢飲，20幾蚊啱哂做茶點😋

話説幾個月前，我到黃埔的譚仔三哥吃米線。當我吃到尾時，看見餐廳門外有幾個人在圍觀，還有人拿出手機拍照。含著貢丸和米線的我，心想: 有甚麼好拍呢?兩三職員出外了解後，回來時便趕緊把玻璃門關上。含著符竹和芽菜時，我心想:難道是剛在紅磡打劫珠寶店的賊人要上前拜訪!?門外人群散去後，我終於看到了。從餐廳職員竊竊私語下，我也聽到了。原來店外有隻老鼠！！經理知道後通知了其他職員，也叮囑冷靜。食客門都不察覺到這場生化危機逼在媚切！ 但我知道，也很怕，可是我也不敢輕舉亡動， 只好假裝冷靜，夾起米線。到底會否有食客驚叫而發生人踩人？在我猜事情的發展時，經理拿起了紅色的掃把和產，獨自打開了玻璃門外出了！！我很緊張，也冒汗了，是因為米線的辣還是經理的舉動？我不清楚！看經理用產先封鎖牠退路再把牠趕出街外，用掃把拍打了幾下再壓制了牠！其他職員在店內一邊確保食客的生命財產安全，一邊看經理征戰沙場。就在這時候，經理打了一個眼色，跟另一位職員溝通後便拿了一桶滾水，這不速之客亦告一段落了。譚仔到而家我都仲有食， 我鍾意食重慶酸辣 或者麻辣十小辣加貢丸。 亦非常欣賞黃埔分店經理當時對老鼠嘅處理手法。你問香港地有幾多人會選

中午身痕想食米線，咁最好最快選擇都係譚仔，一落街就係🤣不過我都覺得呢間譚仔真係好勁，幾時黎都幾乎坐滿哂人。不過又好彩未去到要排隊。同男友食就可以叫一碗再叫小食，因為真係偏大碗。今日揀左腩肉、墨魚🦑丸同竹笙，酸辣湯，再加左個豬耳同皮蛋做小食。一豬耳有分中口味同重口味🤣其實即係中辣同大辣。我地揀左中辣，唔了好多油都唔係話好辣既，但啲豬耳好韌、唔夠爽。男友話咁係代表佢唔夠新鮮😅皮蛋就還好啦，但係個蛋白位都係食過有更彈的。酸辣湯幾香，有唔少酸菜，竹笙同腩肉都夠爽夠香，墨魚丸就麻麻。食過幾間譚仔黎講，黃埔呢間叫做中等的，係正常水準，有啲個湯底更好。

最近發現，公司附近竟然有一間譚仔，於是決定午飯的時間就立刻沖去譚仔了。譚仔永遠都是排長龍，店內也是很是很多人的，今天想來一個獨自午飯的時光，於是快速地都譚仔覓食了。很喜歡來到譚仔吃東西，就算一個人也不用擔心，當你有了位置後，就算行開了去拿食物，只要放下一些屬於你的而又不貴重的東西，別人是不會霸佔你的位置的，這是我的經驗。另外又很喜歡店內的職員爽快，記憶力十分好，就算幾多餸丶幾辣丶什麼麵也可以記得一清二楚。今天叫了一碗墨魚丸、竹笙、火腿三餸麵，不一會，我已經可以享受我的午餐了。很滿意今次這三個餸；火腿不太鹹，蜜丸彈牙有墨魚香味，而枝竹浸透了湯底及各材料的味道更加美味可口，湯底更是一絕，忍不住喝多幾啖，心想這個價錢，能夠做出這個質素真的超班了，教我如何不愛上譚仔呢！

糧尾首選譚仔三哥重口味既我對譚仔三哥簡直係有種心癮，時不時就會去食。黃埔依間係我成日會去，唔洗點排隊，新裝修完坐位空間亦算寬敞。最喜歡三哥酸辣，比普通酸辣味較濃，同麻辣一樣可選辣度。建議食唔到辣既朋友唔好揀辣度，揀左會較辣。每碗米線內附少量韮菜，芽菜同腐竹，不喜愛食配菜既朋友可以係落單果陣提前同侍應講走配菜喔。每次都係叫豆卜，魚片頭，三哥酸辣少米線$39 (唔做大嘥鬼，少米線仲減$1)。豆卜吸左酸辣湯既精華真的好好吃，不過要小心熱。朋友揀左麻辣小辣米線配韮菜同豆卜，一樣係少米線($38)。值得一讚係韮菜幾新鮮，食起上黎「唔老」又無渣。另一樣必叫既就係尖椒皮蛋 ($21)，好惹味!!

如你不是太挑食或第一次來的話，可以叫過橋米線，樣樣食材都有，共有17種餸，貴價啲嘅竹笙、 墨丸都有，炸醬、酸菜另上，米缐足2人每人一中碗的份量。而且價錢都好抵。再配上小食：雲耳重慶口水汁（中口味）微辣爽脆，$12咋。尖椒皮蛋，順帶講個小故事：當早期初光顧時，已很想吃佢，但見個紅油紅礑礑，應該很辣便放棄了。點知有一次剛巧有兩母子搭枱，那6-7歳的男孩大口大口的吃尖椒皮蛋，且面不改容，我才開始試吃。原來佢得個樣似辣，其實是很香的蒜油味，同皮蛋一起吃很夾，自此便每次必吃。不過你要有心理準備當天好大口氣哦。

我喜歡三哥的清湯, 不要問我原因, 喜歡就是喜歡, 哈哈!每次光顧都只會是腩肉豆卜米線清湯($37, 少米線減$1), 偶然會加上1份土匪雞翼($22).人不多的時候, 米線2-3分鐘就能上來.我通常會先喝幾口湯, 慰藉一下, 那個味道, 在別家是吃不同的.腩肉切成能「看透」的小薄片, 軟軟的.配上豆卜, 吸收了湯的味道, 就一個字－爽!然後一碟3只的土匪雞翼, 外脆內軟, 雞翼咬開的時候仍然有肉汁流出, 配上外皮的孜然粉, 實在非常惹味!!每一次吃完都會很滿足!

今晚食飯晏左，又唔想話食得太多，就諗住食個酸辣米線，唔太多之餘又開胃！所以就走咗去食三哥，呢間野我第一次食，個座位都幾舒服，三哥來講都算出濶落㗎啦，可能係新裝修嘅關係，我同阿囡兩個女食，囡囡點左(麥演)米線，我就點左過橋米線。打算將啲餸share一齊食。我個米線啲餸都幾豐富，我叫左重慶麻辣，10小辣，我自己覺得個頭怪怪地，一陣煮窿野嘅味！唔知係咪重慶都係咁，因為我第一次食重慶。阿囡個麥演正常，我哋兩個都加左凍飲！可以加嘢飲都算係咁，講真，食麻辣，都一定飲嘅。散叫都要比！今晚最勁嘅體驗係，啲阿姐講廣東話都好正，全部廣東話冇譚仔話😂😂😂

因工作關係，常要落區唔同區份同法團開會加班，所以一星期有5,6日都係外出用餐。今日加班地係黃埔，同同事先開餐後出發簽文件，因大廈近黃埔新邨，所以黃埔站出，但身邊位kong girl同事話唔想食飯會太飽濟，唔想太貴，提出食米線，於是就來了呢殊。小的平時都係愛吃米線之人，一星期都平均食一至兩次米線。但三哥好少食，之前都只食過2次，都係朋友想食而做陪食書僮而已。都有半年時間無食過了，點左個bb辣米線，配一堆餸，加杯凍奶茶做晚餐。米線湯底太淡，實無關辣度問題而影響湯底濃度，而係佐料配菜很少，無咩九菜、肉碎、葱粒等作調劑，從而影響到湯頭味淡，湯只有湯包，卻味淡如水。點既餸全部味好清淡，似係就咁白烚，似事前無醃製過或調味，肉淡味的，似浸了在水好一段時間而收縮帶點un，頗難咀嚼開來。冬菇還好，味道不過不失，再來係豆卜，又係白烚，無咩味。其實碗米線無咩油、無咩味，幾適合女仕們惠顧作減肥之用。不過在於無想要on diet而要求付費有合適食物水平要求既食客而言，就不合格了。一碗米線既湯底絕對係靈魂之所在，且配料少得可以，加錢加餸加配料都不足以中和番個湯既base濃郁度，餸又係無味，有欠用心，實在需要改善。

平時成日食開一餸/兩餸米線，好多人都叫我試過橋米線，所以有一日就同屋企人去咗試~ (一個人一定食唔哂，雖然平時好大食~）黃埔呢間分店都算大，分咗兩個area，其中一邊多客先開~ 因為daddy中意蕃茄湯，所以加$3轉咗個湯底，第一次食真係嚇親，個碗好大，好多米線，仲有魚蛋，墨丸，牛肉，豬肉，雞肉，豆卜。。。。。。！！！以$50幾蚊黎講真係好抵食：又足料又好味！(兩個人share都好飽！)小食方面，極力推薦土匪雞翼，好中意佢醃得好好，好入味！！

Went to this popular noodles place.I am a big fan of food with tomato sauce or soup base.So I ordered the below noodles with tomato soup base. Normally, people will order spicy soup bases. The tomato soup base only have it after 14:00 daily.The soup had a rich tomatoes flour which I really like. There a quote a lot of noodles. Definitely an awesome place for “car noodles fans.Overall: rate 4/5

譚仔三哥米線之所以世界no.1 係因為真材實料如果要比宜段譚仔三哥米線一個期限----------會係一輩子！！！要講三哥入面我最鍾意食的係酸辣湯底加腩肉豆卜 ，最最最重要的是三哥的土匪雞翼，味道一流 令人流連忘返 垂涏三尺三哥的裝橫有一種摩登時尚的設計與生活，飲食，藝術結合。。。。。可惜10/11係我的譚仔革命日，再也冇機會食譚仔這次裏也算是我對譚仔三哥米線的遺言⋯⋯譚仔三哥萬歲！

曾經有人講過人一世物一世最重要開心得徹底，而我最愛嘅就係食譚仔三哥，每次我食譚仔三哥嘅時候都會回味無窮，與其要我唔再食譚仔三哥不如叫我去死，因為譚仔三哥嘅味道不單只係平民美食，更係老字號。上一次食譚仔三哥嘅時候係我同同學放學嘅時候去食，當我地做完assignment 感到筋皮力盡嘅時候，我地行過譚仔三哥嘅門口同大家樂嘅門口中間，我地果斷選擇三哥因爲佢地嘅香味四溢，令我地按捺不住內心嘅小激動，行入鋪內坐底即刻叫左個炸醬腩肉小辣加蒜泥白肉，認真冇得輸，份量充足口味一流而且價錢合理。更重要嘅係我同同學之間一齊食譚仔三哥嘅回憶，令我沒齒難忘。