花斑茶社 (和富道) (已結業)

自從飲過一次黑糖珍珠烏龍奶茶後就返唔到轉頭了🧋基本上每一個星期都會飲返一至二杯😌而除咗奶茶外，果茶都係好正🥤自己其中一杯鐘意飲係白桃烏龍🍑真係會飲到果肉同埋茶味好夠😙

本身經網上外賣平台落單，過左5-10分鐘就話整好左，我地滿心歡喜去拎，點知去到仲要等半個鐘先有。眼見得3-4個客係到等緊，又唔見佢出好多單，隔離個客都嘈話等左半個鐘，完全唔明點解要等咁耐。向店員催單果陣仲要比佢鬧返轉頭，話會整亂啲單。但明明叫同一杯野飲，單號碼比我地後既已經有得拎，懷疑一開始啲單已經亂左。好不容易等左半個鐘等到杯野飲，點知仲要比錯左，又要等佢再整過。仲要杯野個邊啤唔死，漏到成手都係。等杯野飲都成半個鐘，好心做唔切就唔好接單啦，無咩必要都唔會再幫襯。

離開呢頭食嘢順便就買杯珍珠奶茶飲呢間嘢喺附近都算係維雅家手調飲品呢個商場其實都幾死城feel得日本城一間食芒果冰嘅泰國舖頭其餘都冇乜嘢食囉好似仲有個759其實行入嚟想去個廁所又唔小心買咗杯珍珠奶茶咁正常花斑茶社嘅味道冇乜特別行過都可以嚟飲下

之前已經飲過花斑茶社既飲品，一向好鍾意佢哋既白桃烏龍。今次見佢新出左兩款夏日消暑之選，就買咗嚟試一試，估唔到兩款味道都唔錯～🍹白葡萄綠茶 $28白葡萄味道相當突出，帶有淡淡茶香，叫左少甜，甜度真係剛剛好，入口清甜，配上富口感既桃膠，相當消暑，真係好岩夏天飲。🍹甘蔗四季春 $26甘蔗味道清甜，估唔到同四季春既味道咁夾，真係幾有驚喜，完全係清新之選～兩杯飲品都係加$5就可以有桃膠，桃膠除左高纖低卡，含膠原蛋白之外，重點係加埋落去之後有野可以咬下🤣而且只係加$5都幾抵～

花斑茶舍係一間位於北角台式嘅飲品店，炎炎夏日當然適合買一杯手搖的消署下啦，黑糖厚奶珍珠鮮奶係手搖店嘅主打，不過我覺得有少少甜咗啲～😆😆今次見到除咗手搖之外仲有買糖水，仲有好多人order，你是膽粗粗就試吓啦！估唔到真係好味， 糖水入面有芋圓、紅豆、珍珠，仲有好多涼粉，茶底可以簡薰花茶或黃金茶，黃金茶會比較偏向似奶茶🥤，所以我就揀咗圖中嘅薰花茶～ 份量中等、價錢相宜，可以揀凍同熱，值得一試！！🍴😋

一向鐘意飲花斑茶社嘅茶飲！因為佢地用左台中茶園直送茶葉，對茶味有要求嘅人一定鐘意！次次去開北角見客都都會去位於北角和富店，喺新裝修過嘅和富中心地下嘅店，喺正路口都好易揾。餐牌主打茶各式茶飲；有水果茶、鮮奶茶、原茶，當然唔少得黑糖珍珠系列嘅鮮奶、抹茶等。 新出左summer消暑之選，梗係要立即試下！🍹甘蔗四季春 $26: 味道帶點香甜嘅甘蔗味，配搭淡淡回甘既四季春，兩樣口味都好突出，好夾好好味！啱哂口淡淡又悶熱嘅時候飲！🍇白葡萄綠茶 🍇配桃膠 $5 ： 市面好少見嘅白葡萄味綠茶，葡萄汁清甜可口，綠茶又夠消者，一試立即愛上！配埋桃膠一齊飲，口感更豐富！推介！！花玟茶社地址📍 ： 北角和富道21-53號和富地下G15C號舖

可謂是數一數二的芋圓專門店。因為每一次食都覺得有驚喜😍今日嘗試新品。黃金底-醇香烏龍奶茶少甜 $38.00奶茶味茶底極濃厚，入面啲配料亦都非常足料好味道，就算獨立不過任何東西吃亦非常出色。每粒芋圓都煙靭可口，粉粒條配可謂是黃金比例。薰花底-清爽薰花綠茶 $38.00茶底清清的，雖然配料都是差不多但還是別有一番風味，如果本身唔飲得奶的話是一個不錯的選擇。因為光顧的人都不小，所以可以預早小小去落order。

。在尖沙咀行一陣商場，很想找一些特別的消暑飲品，所以來到 iSquare 旁邊的樂道花斑茶社。 原來這間台式飲品店，已開業一段時間，尖沙咀的總店葡萄柚子冰茶（四季春）茶底是四季春，有葡萄的香，有柚子的酸，三種味道不會混淆不清，反而配合得恰到好處。白桃烏龍散發出白桃的清甜味道，非常解渴透心涼。

🔺 花豹芋圓-黃金底(醇香烏龍奶茶) $38｜🌟：3.6/5 糖水睇落細細碗，但搵個匙羹一筆就超多料😍 有仙草、紅豆、珍珠、芋圓。 茶底無我想像中咁濃味，反而味道偏甜😅 好適合螞蟻食🐜 狸貓就覺得如果少糖/微糖會啱味啲～ 個人覺得佢個珍珠都幾好咬，但仙草就唔知點解味道、口感都似涼粉🤣 佢呢款糖水另外有 薰花底(清爽薰花綠茶)，都係一樣價錢💰.整體黎講，花斑茶社可能都係飲返佢個招牌黑糖珍珠厚鮮奶🧋佢個芋圓想對無咁出色，可以一試不過我下次未必嗌佢😂

叫左奶茶已經有叫少甜，但都好甜，完全飲唔出有奶味同茶味，淨係覺得飲緊糖水，好失望。珍珠好硬，成杯野都好麻麻，完全唔值3x$…個封口設計好差，一篤d奶就會咇晒出黎。雖然話係黃店所以先特登支持下，點知係收Alipay& wechatpay , 其實要收消費券都可以淨係接受八達通同埋tap&go,咁樣真係黃店？…最後d態度好差，好有禮貌問一句薰花係咪有加花茶，但金毛長髪店員勁黑口黑面咁答野，轉個頭又同同事細聲講大聲笑，真心擔心會唔會問一句野就加料….可一不可再….貼錢買難受

呢間💛茶飲店花斑茶社係元朗、屯門、新蒲崗、北角、西環、荃灣、荔枝角、尖沙咀都有分店，之前都試過佢嘅芋圓同茶飲都幾唔錯🤤今次再去北角分店encore外賣返屋企慢慢嘆～花豹芋圓（黃金底－醇香烏龍奶茶、微糖）主打五大配料、茶底不缺😎😎，茶底可以揀綠茶或者烏龍奶茶，仲可以揀正常／微糖。配料好豐富，份量都好多，有珍珠、寒天、紅豆、芋圓、仙草，仲有芋頭，所以其實有成6款先啱🤣🤣珍珠同寒天好有咬口，芋圓同蕃薯圓夠煙靭，仙草滑嫩，紅豆同芋頭都夠粉，加埋一齊食層次好豐富，加埋個茶底，凍食啱晒夏天。鳳梨冰茶（無糖少冰）佢嘅水果冰茶都幾出色，呢個鳳梨冰茶叫咗無糖突出好香醇嘅茶味，茶底我揀咗綠茶，入面仲會食到唔少鳳梨粒🍍食得出係新鮮鳳梨唔係罐頭甜到漏個種，所以整體好清新好fresh。人均消費：$60推介指數（10分為滿分）：8.5分

有著數！我呢個師奶仔梗係唔放過，同大家分享！捉緊優惠的尾巴~ 用Lingduck app落單自取，特定飲品有50% off優惠，其他飲品都有8折！優惠去到2021年6月30號咋~.🔸桂花烏龍 ($28-> $14)🔸桂花烏龍奶茶($31-> $16)🔸荔枝綠茶($31-> $16)仲可另加 蜂蜜珍珠/寒天(+$4) ；紅豆/仙草 (+$5).✨味道平均 71分。已經嗌左少糖，但都覺得偏甜，下次會試下微糖。桂花烏龍真係飲到細細粒既桂花，烏龍茶底ok.珍珠幾煙韌，不過口感唔夠均勻，有幾粒偏硬。寒天似爽爽地又有啲彈牙既啫喱。.💈北角和富道21-53號和富地下G15C號舖💈荃灣大河道100號海之戀商場地下G24號舖💈屯門良德街8號珀御地下G03號舖💈元朗鳳琴街22號金龍樓地下20B號舖💈尖沙咀樂道32-34號地舖💈荔枝角長順街15號D2 Place二期1樓💈新蒲崗崇齡街1-3號威信樓地下F舖💈西環堅尼地城士美菲路45-51號Smithfield Walk地下5B號舖

話說 Super Junior 出道15周年，但係因為忙內圭賢遲半年先入隊，所以佢依家先係15周年，追本命當然要追哂成團，所以去支持應援！感謝fans（嗚謝清單喺下面）為圭賢搞應援活動，個透明杯套好靚，個Griptok都好得意，現場個裝飾一睇就知係Phantom，當然唔少得佢啲大頭照。天氣再熱都阻擋唔到去支持嘅心，但我必須要飲一杯凍嘢！花斑茶社喺商場入面，有少少難搵。茶店所有茶葉都係由台中茶園直送，有紅茶、綠茶、烏龍同四季春。鳳梨冰茶 $26店員貼心問要紅茶定綠茶，我就揀咗紅茶兼走甜。始終有鳳梨所以都有微微微微嘅甜味，仲有少少鳳梨肉，又飲到茶味，都幾balance。現場見到好多人買黑糖珍奶，記低下次試先。特別嗚謝：@im.kyuhyun.elf @kris_in_blue @kyunite.hk @sopi_kyu.elf @sj.love.1106.s @kyu_cheeringkit 

🌟葡萄柚冰茶 $26味道酸酸甜甜少少澀, 有少少果肉, 個茶底係四季春茶, 成杯既感覺都好Fresh好解渴, 最岩夏天飲 , 呢款小編強推!✨🌟烏龍鮮奶茶 $28烏龍茶茶底香醇, 唔會澀 , 都幾甘香, 茶味同奶味都好出, 調得都幾好👍🏻🌟名間四季春+芝士奶蓋 $28四季春第一啖飲落去, 小編覺得甜左少少少, 不過第二啖開始就唔覺😂味道都幾Fresh, 另外個奶蓋係好飲既, 有少少顆粒感, 但奶蓋偏薄,如果再厚少少就Very Good,😬 Btw 小編飲完一杯唔夠,仲想再飲多杯🤤🤤❗北角分店晚上8點後第二杯半價❗優惠唔知做到幾時😂

🧋黑糖珍珠烏龍奶茶($28)茶味好香，珍珠都煮得啱啱好，好彈牙。嗌咗微糖，加埋黑糖珍珠嘅甜味，啱啱好。除咗茶飲，仲有甜品芋圓食，五大配料，茶底不缺。今次未有機會食，但已經bookmarked要再去幫襯。