老鳳冰室

營業中

休息中

又有個好友升職，於是一於要去食餐豐富嘅，咁就可以比大家談心❤️於是一於揀左呢間餐廳食飯，就咁望落去成間餐廳嘅環境裝修都好適合，非常之舒適可以俾我哋傾吓計都幾唔錯😊真係好喜歡星洲炒米必叫之選，口感好好，吃起來有肉汁，非常惹味，回味無窮😋

今次都係因為去開附近工作，先有機會試到呢間餐廳之前特登搵過香港邊度既西多士好食，聽講呢間評分都幾高下，所以就叫左西多士，仲有黑松露芝士火腿奄列，飲品方面就叫左凍檸茶同凍奶茶嘩！！啲花生醬喺入面滿瀉出黎，個多士炸得好香脆，而且花生醬係用左粗粒版，食落口感非常正。好肚餓既時候有呢種衝擊，實在太興奮黑松露芝士奄列都好好食，芝士醬香濃，火腿份量好多，黑松可味亦都好香，所有野既配搭令到呢個下午茶非常邪惡另外仲想講既係佢既凍奶茶好飲，茶味好香，亦唔會蓋過奶味，非常滿意

韓式炸雞芝士保齡球 $78炸雞做得好香口但一d都唔油雞肉亦好滑目測都有成半隻雞咁多有雞比，雞翼，雞胸咁而個韓式炸雞醬都味道剛好唔會太酸或太辣不過佢酸味係比較出少少既個保齡球即係個包入面滿哂芝士汁比左少少呀仔食都話好好食另外比左杯芝士汁可以再用黎點包或雞翼呢度份量我覺得都算幾多下我地2個人個人食都岩岩好如果個餐可以配埋飲品就perfect喇見到餐廳入面裝修得好精緻不過今日冇時間入去堂食下次有機會會堂食相信味道會更好

本來想食呢間餐廳隔離果間小菜，不過果邊人龍長到太誇張，所以轉左試呢間，又幾有驚喜喎！一入去就見到好多懷舊裝飾：有大酒樓既結婚背景、明星相、玩食字既燈箱…都幾吸引，可以影多幾張相食物方面價錢合理，一個晚餐蜜椒薯仔牛柳粒飯先係60左右！所以叫左黎試下個汁有黑椒香味，唔係係平時家用果種黑椒汁既味道不過個汁超級甜，仲甜過我杯雪糕好立克…但勝在薯仔外脆內軟（應該係有炸過），而且肉粒數量都唔少，所以整體除左個汁太甜之外，都算係唔錯。另外叫左個韓式炸雞保齡球，呢個好好食！上碟時見每件炸雞只係表面沾到少少既甜辣韓式醬，都覺得應該無咩味，點知一食就覺得辣度算係偏辣，已經好夠味，而且炸雞入面有肉汁，好食！炸雞隔離個焗包都烘到表面似多士，入面係芝士汁，熱果陣食仲有少少拉絲，值得一試

餐廳裝修好有老香港嘅感覺 非常有特色😮 今日就嚟咗呢度食早餐 同同事一人嗌咗一碗湯粉 另外同事見到有個加錢加配多士或者雞尾包🥯 所以如果就咁一碗湯粉唔夠飽嘅話 都仲有更加多嘅選擇㗎自家回鍋肉湯上海幼麵自家製回鍋肉唔算太辣 而且係三層肉嚟嘅 肥膏瘦肉肥瘦分明 每片有一定嘅厚度 而且瘦肉方面唔係太韌似豬扒嘅部分 比起外間嘅回鍋肉係罐頭回鍋肉 呢個自家製回鍋肉真係好特別🐷 叉燒煎蛋湯上海幼麵呢碟賣相就弱啲喇 但係鍾意清清地唔會太鹹嘅話呢一碗就比較啱你 叉燒係半肥瘦嘅 都有大概五嚿 面頭嘅煎蛋就係反蛋嚟嘅🍳 上海幼麵唔係好煙韌嗰種 但係就係好老香港會食到嗰種幼麵質感 麵粉味好香🍜紅腸炒蛋多士啲碟只係加$7 有兩片紅腸 紅腸兩邊都煎得脆口 炒蛋唔算太熟半生熟狀態 所以都幾滑🥚 多士烘得好脆 再配埋牛油🧈 真係可以食一塊外脆內軟嘅多士熱奶茶多奶奶茶雖然嗌咗多奶 可惜上枱嘅時候唔算太多奶 苦澀味都比較重 可能係個茶膽好勁☕️熱檸水熱檸水就正常發揮啦 冇乜嘢好介紹🍋整體來講呢間早餐都算係同區幾抵食 而且餐廳產品特別 裝修又有特色🙈 所以如果咁啱離開葵芳又想搵嘢食嘅 呢間都係一個唔錯嘅選擇啊😺

🚦老鳳冰室（葵芳）超玩味懷舊風，食物款式多又平👍葵芳除咗葵廣同新都會廣場，仲有其他好地方食飯🍚之前見老鳳冰室評論咁ok就去咗過去😋🍛安格斯牛腩咖喱蛋包飯🍛$608/10【港式咖哩】咖哩係港式咖哩嘅味道🤣唔係日式咖哩嘅甜，唔係泰式咖喱嘅椰香，唔係印度咖哩嘅香料🥸而係都簡單嘅咖喱粉原本嗰種香料都原始嘅味道咁🤔而牛腩味道都唔錯，肉質就一般啦😋仲有見到入邊有好多唔同嘅配料😛肉又多配料又多，好足料😚蛋唔算滑，因為佢用油都相對較少🛢佢成個蛋包飲份量真係好大😳男人都食唔哂🍗沙律餐🍗$50（芥末薯仔沙律+吞拿魚粟米火腿扭扭粉沙律+生炸雞髀）8/10【越熱氣我就越愛】生炸雞脾超大舊🤩仲要上咗勁多炸粉，勁脆勁邪惡😈而沙律就勁多醬😂多到見到醬見唔到材料😳夠哂味🙌但個人認為少醬啲會好食啲話係沙律餐，但都係邪惡嘅🤣夠哂飽🍳日式泡菜鰻魚蛋包大碗飯🍳$687/10【日式crossover韓式】主要嘅調味係泡菜同生薑👘成個組合好搞笑，但又OK 夾🤣我用佢哋嚟撈飯，因為鰻魚汁味道好淡所以鰻魚都有少少腥味、同雪藏味😣蛋味唔重，不過份量多好多👍份量同樣好多，女仔好有可能食唔晒🥴整體8/101️⃣CP值中高！因為食物質素唔錯，份

假期四點幾來這食店，阿仔叫了什扒飯，加$8要白飯。先來牛油多士，半邊及厚厚的。羅宋湯就冇乜料，十分稀，喝兩口就卻步了。但個什扒一來，還加了白飯，真的很大的份量。對面枱的食客誇張地說足足夠給他們三人食😅⋯⋯最終這只是一個十二歲的少年食晒。什扒餐有兩隻雞翼、火腿、腸仔、一大塊豬扒及一大塊雞扒，還伴著波浪薯條及瓜菜。我就叫了口水雞飯，雞份量適中，雞的下面還有青瓜條。雞都算肥美，肉質幾滑。我不慎俾口水雞的辣椒嗆親狂咳，一個女侍應很好的，主動給我一杯冰水及餐紙，真的十分好服務👍🏻。我們還叫了生炸雞髀芝士焗飯，份量認真大，個芝士汁焗飯也香。雞髀炸得剛剛好，又大隻又肉滑。另有一個原因，我家專登搭車來光顧，因為這店每天都會派飯予有需要的長者。而家生意難做，但仍造福人群，真的要支持下。下次試吓花雕雞先，也想試吓保齡球(麵包）。

這間在舊式商場裏面的懷舊風冰室，裏面有不少古玩擺設，還把冰室每個角落佈置成舊時環境，例如門口的粵劇花牌、舊式茶樓牌、舊式鐵閘和郵箱、舊式戲影院、都幾搞鬼。食物款式都多，我本來想吃常餐，看到每款湯麵都有配搭不同的小食，例如炒蛋、多士、合桃蛋糕、奶油豬等等。可以看出餐單設計上都有花心思。🍽️ 芝士牛肉濃茄湯通粉跟牛乳炒蛋肉醬焗薯泥蕃茄湯底非常濃郁，裏面有粒粒蕃茄和洋蔥，面頭有半溶芝士，而牛肉都軟腍，份量都好多。而小食牛乳炒蛋，蛋好滑嫩，好大球薯容，而醬料肉醬，有紅蘿蔔同洋蔥粒。因為咁啱湯粉和搭配的小食都係蕃茄醬，如果可以自由選擇配搭的小食就更好。

一個人的午餐, 俾呢間懷舊風冰室吸引左, 好多打卡位, 龍鳳大禮堂, 大花牌, 古老火車, 郵箱,  特別係梅姐同哥哥張相......簡直目不暇給=.= 講番食物 其實今次係第2次幫襯 上次果個鐵板酸菜牛柳絲炒麵 已經很不得了.  大大份 牛肉夠淋, 麵又卜卜脆, 仲有D酸菜響上面 十分開胃. 今次個午餐係泰式紅咖哩牛仔肉飯, 睇落好少份量, 其實成個碗都係滿滿既牛肉,  真係食吾晒, 味道亦都吾錯, 又係食到飽飽甘返歸. 

「返工都要食好西」系列之lunch 齊齊叫鷄⋯⋯脾老鳳唔係第一次黎，一直想試下佢隻生炸鷄脾但冇機會，今次心血來潮就決定黎「叫鷄… 脾」啦生炸鷄脾咖喱蛋包飯，聽個名都知幾邪惡啦。一上菜，隻脾炸到靚到冇朋友，帶dd 焦，切落去啲聲好聽到不得之了，一聽就知脆。入面啲肉好juicy, 外脆內軟。咖喱夠香濃、微辣唔甜。蛋濕滑唔乾身。成碟飯真係無得彈，大胃貓我成碟清唒、一粒飯都冇剩。正！熱茶走，我次次都叫，呢度啲水準keep 得好好，香濃滑帶少少回甘，真係無得頂！甜蜜蜜提示：呢個餐既餐飲（熱凍同樣）係另計

今日晏晝同同事去老鳳食飯，第一次認識老鳳係喺深水埗，果次（幾年前）食完已經覺得好印象深刻。無論係內部裝修（十分有昔日香港情懷），或者係食物選擇或質素，都令人想一再光臨。葵芳哩間我都嚟過好幾次，內部裝修及擺設好特別同好用心，好友舊日香港嘅感覺，牆上邊仲掛住一隻大金鳳同一架大火車，亦寫有會令人會心微笑嘅金句。每次入到餐廳，都好似去咗另一個時空一樣，會令人不禁周圍望，去欣賞佢嘅獨特設計。至於食物，老鳳每次嘅質素都好高好穩定，試過好多款唔同嘅小食（例如：黑松露滑蛋多士、蜜焦雞翼、肉醬焗薯泥等）同主食（芝士牛肉濃茄湯通、韓式炸雞芝士保齡球等），大部份都好好食，用料份量十足，絕對係一間好有誠意，食物質素對得住價錢嘅高汁茶餐廳！而今日，我就叫咗咖哩滑蛋豬頸肉飯，佢嘅咖哩汁真係好出色，咖哩味好香好濃同帶有淡淡嘅香辣味同甜味，送飯真係一流、好開胃！滑蛋炒得好靚同真係滑嘅，蛋味好香，炒嘅時間控制得啱啱好，唔會太水汪汪或太硬。豬頸肉都好食，肉質彈牙而唔硬，肉味好香，掂呀！好滿足的一個午餐，好好咁為下晝嘅工作叉足電。但我覺得環境可能要留意一吓，餐廳內間唔中會有陣陣坑渠味，特別係近洗碗嗰一邊⋯⋯

叫左兩個主食 一杯飲品成個餐廳嘅裝潢都好復古 懷舊 有舊香港味道打卡一流 唔打卡都不失為一個靚地方 幻想下80-90年代香港嘅樣主食叫左個安格斯保齡球幾好味 好濃好野味 咖哩味好濃 芝士份量好多 熱愛芝士人士會中意 仲配左個芝士醬 拎黎點麵包份量好夠 基本上呢一個主食兩個女仔大部分都飽左加上唔係好健康就係啦 注重健康人士未必岩食仲叫左個豬頸肉芝士撈麵芝士醬多得好緊要 完全唔會有麵多過醬嘅問題D麵質都唔會過淋野飲叫左杯飛仔華田上面勁多cream 好濃華田 濃濃舊香港茶記味

好耐之前食過呢間餐廳 嗰陣佢啱啱開業 講真個體驗真係麻麻地 店員態度差 豬手嘅薯蓉又油😵‍💫 真係抵我俾劣評佢㗎但事隔超過兩年 唔知呢間餐廳有冇進步呢😮 上次係食晚餐 今次係食早餐 當然冇油膩嘅薯蓉咁heavy啦 餐牌有兩頁 一面主要係湯麵類 可以只係點一碗湯麵再加野飲 又可以再另加紅腸同炒蛋 都係加6蚊姐 咁flexible就啱晒唔同食量嘅人 可食多食少👍🏻我今次就嗌咗BBQ雞扒包 由於店員講咗句啲汁係辣辣地 而我今日又唔想食辣野 所以就嗌咗雞扒包走醬 上碟嘅賣相都唔錯 雞扒幾厚同埋炸得幾香脆 炸粉唔算太厚 可以接受 咬落口都仲有肉汁🐥 包都烘得幾脆 不過個包都幾乾 可能唔好走醬會好啲😂 因為全部野都係脆口 但呢個包嘅質素都值得下次再嚟幫襯餐飲我嗌咗熱咖啡多奶 所以都冇話好苦 好彩有杯野飲飲吓 所以先冇咁乾爭爭😂

已經係第二次去～今次星期六去 比較多人 要等下位 佢位置係一個細商場裡面 餐廳唔算大 但就好多好香港以前懷舊嘅特色一入到餐廳望吓周圍環境 都覺得好有feel 裝飾好懷舊好特別，好有創意!!! 最欣賞佢既冰鎮咖啡同奶茶 都好好飲個冰鎮咖啡難得有cream係上面仲要有一塊好特色嘅啤牌裝飾都可以食！佢個蝦多士今次都有試！值得一試個芝士撈麵都好出色！好夠濃芝士味！不過佢既座位有d迫，坐得唔太舒服但野食同環境都好值得去下🐾

湊左女番學就同老公食早餐✨老鳳冰室✨懷舊風裝修，梅艷芳同袁詠儀吸引左我目光。入到去係好似去左七八十年代的時候，打咭影相真係唔錯。不過對於後生就未必識了。可惜早餐唔係太吸引我。🌈凍檸茶，凍奶茶🌈沙嗲牛肉麵麵質較硬，牛肉好鞋，只係沙嗲醬拎到分🌈紅腸炒蛋多士炒蛋有點老，紅腸唔夠香口，多士普普通通🌈香酥雞扒麵麵質同樣係硬，雞扒一上枱已經係凍，好似放左好耐咁🌈炒蛋配迷你菠蘿包菠蘿包好食，細細個岩岩好，炒蛋有點老