百樂潮州酒家 (時代廣場)

營業中

休息中

星期一放假，瞓到自然醒，就揸車去時代廣場飲茶。揀咗百樂潮州酒家，位於食通天十樓，環境舒適，午市都坐得非常滿。今日主要係想食點心，於是就叫咗叉燒腸粉，牛肉球，燒賣，鳳爪。雪影焗叉燒包同炸春卷。叉燒包最先上枱，微熱，表皮香甜，餡料不算太多，但叉燒汁的調味不錯，好吃。跟住係燒賣，大大粒，裡面有整隻蝦，而豬肉是手琢的，咬口勝過碎肉機。鳯瓜啲汁比較淡，亦比一般店舖更加淋，一啜已經啜到啲肉出嚟，但濃味少少就更好啦。牛肉球反而好吃，有馬蹄粒又有果皮香，一口咬落去又多肉汁，超好食。叉燒腸嘅皮比一般嘅腸粉皮更加有米香，送多兩條菜心，加啲甜豉油，已經好好食。等得最耐嘅係春卷，因為係即炸，上枱時仲熱辣辣，裏面有蝦仁芋頭絲同少少豬肉，呢個係全日最好食嘅點心。六個點心兩個人剛剛好，食飽飽繼續行街街。

👏🏻第一次去呢一間百樂潮州酒家飲茶，估唔到點心都幾多選擇，而且仲有啲好耐冇見嘅懷舊點心添😍今日終於一試，果然冇令🥳.▫️ 【 潮州炒飯】呢款潮州炒飯🌟我哋嗌左細份量！但其實份量都已經足夠兩個人食，飯粒粒分明，非常之有鑊氣，而且仲有大量蝦仁，爽口美味，而且炒飯炒得好乾身，味道又唔會偏鹹，食落去真係好惹味，正😛❤️😍..▫️ 【 咸菜福果炆豬肚】本身非常鍾意食鹹菜豬肚，呢一款鹹菜豬肚真係冇令我失望🌟鹹菜湯飲落好舒服，唔會話勁重胡椒味，而且仲有大量嘅白果，味道令人更加溫和，豬肚亦好軟腍，出色😍😍😍😍..▫️ 【 蠔油鮮竹卷】一籠三件嘅蠔油鮮竹卷！大件夾抵食，腐皮非常之有豆香味，食落去啖啖肉，有豬肉、蘿蔔粒、蝦仁添，真係鮮味十足，名副其實鮮竹卷🥳😍..▫️ 【 木魚釀炸茄子】一碟三件嘅木魚炸茄子，茄子係厚切❤️配埋魚肉，在再經香炸，非常之邪惡，但同時都好好味😋配上自家製醬汁及木魚，味道更加昇華..▫️ 【 沙嗲金錢肚】沙嗲汁香濃，帶點花生碎，金錢肚炆得非常之淋😍😍 10分出色，必定是encore之選.▫️ 【 潮式韭菜棵】皮質煙韌，又晶瑩剔透，配上韭菜餡料，香濃無比😍餡料亦都有蝦仁，口感有層次，正😮

前幾星期較多工作應酬，與外國同事交流，吃了不少西式晚餐。過了這忙碌的時間，特別和媽媽找間茶樓吃點心。百樂潮州酒家位於銅鑼灣時代廣場，地鐵站出發不用三分鐘便到，地點方便就腳。疫情關係，餐廳也安排了屏風，而且枱與枱之間也有足夠距離，入座時也有量度體溫，令客人吃得安心。我們一行二人共點了幾道小菜，一起互相分享。前菜是開胃的酸菜，吃起來爽口，令人食慾大增。 香煎蘿蔔糕(⭐⭐⭐⭐💢)蘿蔔糕表面煎得香脆，起來十分香口，而且有一絲絲的蘿蔔，口感不錯。 薑汁雞仔包 (⭐⭐⭐⭐💢)雞仔包是中點，用料十足，裏面有大大隻鮮蝦，新鮮而且肉質結，實絕不欺場。 菜苗鳳城水餃 (⭐⭐⭐⭐💢)水餃是廚點，一份有六隻，皮薄餡靚，有大大隻鮮蝦，兩個人分享剛剛好。柱侯牛筋金錢肚(⭐⭐⭐⭐💢)金錢肚煮得十分淋身，而且入味，但不會覺得十分油膩，吃起來頗有嚼口。鴛鴦水晶包(⭐⭐⭐⭐💢)水晶包少見的茶樓點心，分別是蓮蓉和紅豆餡料。蓮蓉吃起來不太甜，紅豆也吃得出陣陣的陳皮味，配上煙煙靭靭的外皮，實在令人停不了口。清心丸綠豆爽 (⭐⭐⭐⭐💢)甜品是潮州特色的清心丸綠豆爽，吃起來不太甜，而且綠豆消暑一流，為這天的午餐劃上完美句號。總括而

百樂潮州海鮮酒家今天一早到銅鑼灣搵嘢食，想試吓潮州點心，這酒家12點已經人頭湧湧，幸好我們不用排隊。第一重點是吃了入味花生及喝了鐵觀音，好飲好飲！潮州蒸粉果去到潮州酒家一定要試他的粉果，這家也不例外，味道爽口惹味，外皮煙韌晶瑩，值得一試。另外，別忘記加辣椒醬！雜菌XO醬炒腸粉這道炒腸粉的重點是加了野菌，原來好夾，菇🍄菌爽脆加上腸粉的嫩滑，一起吃真好吃。金珠鹹水角本來炸物就係「冇得輸」，加上真的很脆，餡料也甘甜美味，正！雪影叉燒焗餐包包很鬆軟，包底也特別脆口，叉燒肉質鬆軟，醬汁濃郁，真係誠意之作。👍🏻只是吃了二百多元，又可以免費泊車，是很好的假日之選😍

放假去左銅鑼灣飲茶，享受下悠閒嘅下午，聽人推薦去咗時代廣場嘅百樂潮州。先嚟嘅係蘿蔔糕 ，睇得出佢好足料，咬落口感結實，而且煎到啱啱好，少少香口又唔會燶。然後叫咗杏汁燉白肺湯，豬肺湯自己整嘅話太麻煩，最適合就喺街外食。飲落去非常清甜，淡淡嘅杏汁味，甜得 唔會太搶，而且有大大塊肺片。飲茶當然要食燒賣，燒賣豬肉味濃，仲有原隻蝦同大大粒冬菇，絕對係誠意之作。之後嚟嘅係椒鹽九肚魚，炸到金黃色，魚肉軟熟滑嫩又唔會太多骨。最後叫咗糯米卷，本身擔心兩個人食會唔會太多，不過分量適中，兩三啖食得曬一個，而且皮好甜。最令我留下印象嘅係呢度嘅裝修好靚，有啲舞廳嘅感覺，非常懷舊復古，坐得好舒適。

My families and I went to a chinese restaurant called "Pak Loh Chiu Chow Restaurant"(百樂潮州酒家) located in Shop 1002, 10/F, Times Square,1 Matheson Street, Causeway Bay(銅鑼灣勿地臣街1號時代廣場10樓1002號舖).The restaurant is decorated with vintahe wall paper and art decor style wih modern touch."Steamed pork rib"蒸排骨HKD$48..The taro dices underneath soaked up all the essences of the fresh pork rib."Shrimp dumplings"百樂蝦餃皇HKD$58..Plump shrimp is wrapped inside the chewy translucent dumpling paste."Steamed Beef trip

上個禮拜趁住朝早冇堂，lunch嚟到銅鑼灣呢邊飲茶，食完野先返學～見到時代廣場10樓呢間酒樓好多點心都幾吸引，就想來試吓～紫薯煎堆仔$38一碟有三舊好大舊嘅煎堆仔，啱啱出爐，熱辣辣～外皮煙煙韌韌，加埋香脆嘅芝麻，內餡係熱辣辣嘅紫薯，幾香甜幾好味😋蟹籽燒賣$58一籠有四隻大大粒燒賣，入邊有好大舊蝦肉，仲有啲蟹籽，口感好豐富～福果芋泥$68一碗芋泥配四粒福果，芋泥幾香甜，而且幾滑，我同朋友都係芋泥控，好鍾意全口芋泥嘅感覺～潮式煎韭菜粿$48第一次食呢隻韭菜粿，覺得好好味😋外皮幾韌，內涵係豐富嘅韭菜，鹹鹹地，煎得幾香，調味幾正！雪影叉燒包$38外皮係甜甜地，內裏嘅叉燒幾入味，我哋都幾鍾意食～

以往飲茶都以粵式為主，今次忽然好想轉換口味食潮洲點心；於是上網尋找銅鑼灣附近，正好有間百樂潮州酒家在時代廣場樓上不需我們四周頻撲。食肆裝潢雅典富時代感，給人感覺係新颖與傳統融合一體。椒鹽九肚魚一向怕食九肚魚係驚佢多骨和腥味，所以很少吃。今次以椒鹽油炸烹調，完全沒有以上的問題出現和油膩感;食完一件再一件很快就被我們KO哂！潮州蒸粉果大大隻傳統潮式點心，用料十足有肉碎、花生、菜脯、蝦米、冬茹和元茜等；口感非常豐富。最重要是外層嘅粉皮不會太厚和太黏是我最欣賞的。鮮蝦瑤柱菜苗餃菜苗幼嫩咬落冇渣，鮮蝦彈牙爽口；熱辣辣出籠十分滋味。潮式煎九菜棵外皮煎得香口，內裹九菜份量足；配上些肉碎非常惹味。清心丸綠豆爽最後以清熱降火既綠豆爽甜品做完結。

朋友鍾意飲茶食點心，收工就約佢到時代廣場百樂潮州酒家飲茶，酒家裝修高貴優雅，雖然佢哋唔係平，但食物水準高，坐得舒適，啱哂傾計閒聊，貴少少都值😅侍應姐姐十分有禮貌招待我哋，坐低就立即開茶，我哋點咗幾款點心食😊雜菌XO醬炒腸粉腸粉用雜菌、韮黃同XO醬炒，十分惹味，估唔到用簡簡單單嘅材料，都炒到咁好食😋蟹籽鮮蝦燒賣每次飲茶都點🤭,燒賣大大粒，粒粒原隻蝦仁爽口彈牙👍，冇得輸😂蜜汁叉燒包叉燒包size 細細個，叉燒粒手切，醬汁適中，唔太多😋福果芋泥係酒家招牌甜品，見其他枱嘅食客都有點，梗係要試下😅,用芋頭打成蓉，加適量嘅糖造成芋泥，清甜好食，質感綿密有芋香，甜度剛剛好,甜品控嘅我，食到停唔到口🤩

好久沒和閨蜜飲茶聊天了， 所以想選擇一間比較高質素的酒家飲茶，就選了位於時代廣場的百樂潮州酒家。先講一下環境， 裝修高貴有氣派， 樓底高，空間感十足， 實在是和朋友談天吃點心的好地方， 不會像一般的酒樓那麼嘈雜！坐低之後服務員便奉上熱茶和醃蘿蔔做前菜， 這醃蘿蔔實在有驚喜，爽脆而不會太咸，很開胃！我們點了以下點心~普寧蘿蔔絲灌漿實在做得好好食， 裏面熱騰騰的，外面的粉漿酥脆而且很薄，一絲絲的蘿蔔絲清甜不油膩 ，點上甜豉油同食實在絕配， 不過吃的時候真的要小心燙囗！~ 蠔仔泡粥的蠔仔鮮甜而不腥， 裏面的方魚也脆口，湯底正宗，像在潮州吃過的一樣味道！~韭菜粿的皮比較特別，是用糯米粉做的，軟軟糯糯的， 包裹著入面滿滿的韭菜， 口感豐富！~蝦腸入面加入香脆的油炸鬼，和彈牙的大蝦，咬落一脆一爽口感層次豐富，正！~ 吃潮州點心一定要點潮州粉果吧，水晶皮薄而不爛，餡料豐富美味，必點之選！飽餐後服務員還細心地捧上潮州功夫茶以解油膩，靚茶即是靚茶，喝後有回甘的享受！總括來說， 這是一餐高質素的點心午餐， 加上寧靜的環境，值得再來！

我在銅鑼灣辦理好事情，就揾個地方午膳，來到時代廣場「百樂潮州酒家」，雖然時間已經接近兩點鐘，但都幾乎座無虛席，幸好剛有一張細枱給我。先泡一壼香氣芳郁的杭州菊花，淺嘗一口，清香回甘，立感消暑解熱。菜苗鳳城水餃~芫荽飄香與冶味冬菜蓉配合鮮美的湯底；翠綠又腍甜菜心，令我大開胃口。滿滿一碗，六隻大大份量的鳳城水餃，材料有鮮甜爽脆的大蝦肉，脆脆木耳與少量豬肉碎 ...非常美味可口，每吃一口水餃都感到很幸福與滿足感！我來到潮洲酒家，一定不可錯過是品嘗甜品，大熱天時，清心丸綠豆爽最合我心意，清晰透明的清心丸，好吃又好看，綠豆爽清甜可口又滋潤，吃過暑氣全消。

香港近日疫情好轉，是時候約朋友出來聚舊，今午來到銅鑼灣時代廣場一間頗負盛名的「百樂潮州酒家」飲茶，此店地方不算大，但裝修相當華麗，絕對是飲茶聚舊的好地方，慶幸預早訂位，12點經已坐無虛設。我們點了數款點心和一碟潮州炒飯XO醬雜菌炒腸粉 - 平時在酒樓吃XO醬炒腸粉都覺得好食，今次加入雜菌，更加錦上添花。時菜牛肉球 - 牛肉新鮮，無味精，鮮甜可口。柱候牛筋金錢肚 - 牛筋和金錢肚炆得軟腍入味，相當有水準的點心。潮州炒飯 - 用蝦肉、豬肉粒和蔥花，看似簡單，但每粒飯都炒得乾身不油膩，再將炒飯放入網狀形的蛋皮內，賣相美觀，上枱時將蛋皮揭起，香噴噴的炒飯呈現眼前，令人垂涎欲滴，師傅的廚藝，頗有一手。

通常飲茶都係去普通茶樓貪佢平靚正，今日去左times square 的百樂，當然唔會話平，但真心冇想像中的貴，同埋食物係高質！有幾樣必食/ 不外如是的dish 分享一下，必食1. 芋泥首先戴定Helmet姐不是愛食甜的女生，呢個芋泥對於expect 甜品一定要好甜的人黎講會覺得佢唔夠甜，但姐覺得剛好！起碼冇甜到cover 左個芋頭味。口感唔係好滑但我鐘意，大家都知好滑個啲係加左好多豬油...必食2: 韮菜餅一口的size, 唔會漏汁出嚟之外又可以有個皮chewy 的口感。韮菜餡的調味亦唔係馬虎的，有香蒜同小小豬油味不過不失- 糖醋麵（呢個係佢十大必食之一）略嫌唔夠脆口，同太厚，加完糖同醋之後好似普通撈麵咁。

疫情以來都好少去飲茶，難得而家穩定左啲，最好就係同朋友一齊去食一盅兩件啦。酒樓唔算好大，但係都坐得幾舒服，座位之間有適當距離，環境乾淨衛生。去酒樓梗係要食流心奶黃包啦，熱辣辣上枱 ，一撕開啲奶黃就湧出嚟，包身軟熟，奶黃又香又滑， 食多一個都唔覺漏。黎到呢間潮式酒樓，當然要試下潮式點心啦，先黎一個潮式韭菜粿。 一夾上手，好飽滿喎，一定好足料啦。果然，韭菜塞滿個粿子，啖啖都有韭菜，好滿足。再嚟就係潮式糖醋伊麵。糖同醋分開上，可以因自己喜愛，加落個麵餅度。個伊麵好脆，乾身唔會油淋淋，加埋糖同醋，酸酸甜甜，非常開胃。 雖然菜單係寫小份，但其實都唔細㗎，成個碟咁大嘅麵餅，食哂都好飽了。再叫多一個小菜，和味香橙排骨。啖啖肉嘅排骨好jucy, 襯埋開胃嘅香橙汁，夏天食特別滋味。最後要個潮式甜品:褔果芋泥。芋泥唔係度度有得食㗎， 啖啖芋泥好滑，啱哂我地呢啲芋泥控。另外，都要讚一讚呢度嘅服務，執枱，加水都好快手。

今天放假，一早已約好和媽咪去百樂潮州酒家嘆茶，她說朋友去過，讚口不絕呢！我們大約一時四十分左右到達，店員親切有禮地帶我們入座。坐下後，媽咪已指定要叫椒鹽九肚魚、潮式煎韮菜粿，及甜品要蛋白杏仁茶。我就叫了百樂蝦餃皇，和香茜义燒腸。酒家位於時代廣場十樓，地點方便我們叫了菊普，果然水滾茶靚椒鹽九肚魚外脆內軟，非常甘香，原來九肚魚已經去骨，最方便到長者進食，可見廚師很細心潮式煎韮菜粿果然很有驚喜，入口已傳來韮菜香，外皮煙銀，很有口感韮菜粿內裡原來還有冬菇及鮮蝦，怪不得美味非常，眼見枱枱都叫了一碟，確是必食之選百樂蝦餃皇漲卜卜size 頗大，外皮晶凝通透，鮮蝦味十足咬開後，原來是原隻鮮蝦，可見廚師選材嚴謹，絕不馬虎香茜义燒腸粉也很不錯，皮靚餡多，加埋兩棵菜遠，吃得健康蛋白杏仁茶食到我和媽咪嘴舐舐，杏仁茶香細滑，加埋蛋白，確是女性滋補養生的最佳選擇已出了父親節套餐，一定會再來光顧