今晚偶然來到譽宴(星海薈)食晚飯，見到其裝修得美輪美奐，格調高尚華麗。尤其是哪條水晶吊燈花卉佈置的一條長樓梯更引人注目，若在此舉行婚禮喜宴更添愉悅氣氛； 排場十足 是其他酒樓很少有的。加上她位於銅鑼灣，交通便利；相比在酒店舉行婚禮價錢當然相宜得多啦！服務員禮貌地先來一 盤熱水可讓食客將餐具消毒頗為衛生。 花旗參竹絲雞海螺燉花膠湯   $98(位) 燉湯非常鮮甜美味，用料十足。 響螺花膠滋補、烏雞甜、花旗參夠正氣，飲完夠潤喉好舒服。 古法沙薑雞   $118 堂食超抵👍。 雞件經過特殊處理食時香口，沾上帶有辛香的沙薑蓉；增添味道層次和感覺有特殊風味。 晚市孖寶C    $338 脆皮燒腩仔肥瘦均勻，外皮金黃鬆脆；肉味濃郁鹹香。清蒸龍躉斑約一斤重，烹調時間剛好；肉質鮮嫩。 金銀蒜蒸元貝   $48(隻) 這道菜易做很簡單，所以平時在家都會整的。但出街食就別有一番滋味，因多蒜多油魔鬼好多。👻 蒜蓉白菜仔   $118

觀塘的add some thai是我第二次幫襯！當然係舖頭入邊嘅美食令我食過返尋味啦！ 今次我地點左6樣野食!第一道前菜，我點咗西班牙風乾火腿伴肉碎生菜包，嚟到嘅時候幾乎俾佢嚇親！份量十足，火腿亦都好多！性價比好高💛 而生菜亦都係非常清爽新鮮！ 跟住有香煎豬頸肉墨魚餅，份量10分足夠之餘仲要熱辣辣，另到我地明明上次食過都要再encore😎 其次亦點左香燒豬腩仔拼黃咖哩，不過呢個有少少失色，可能係燒得太耐太乾身嘅緣故。 不過我同事叫嘅軟殼蟹金邊粉就非常出色，2大隻十分香脆，配上青檸汁簡直一流!下次決定左再encore！鍾意食軟殼蟹嘅人一定唔可以錯過！ 最後仲有一杯芒果益力多沙冰，芒果味非常香濃，咁樣食法真係有10個胃都唔得！ 今次嘅晚餐得兩個人，但係兩個人都抱住一個大肚腩離開餐廳！非常滿足🍄😍 我一定會再嚟同埋諗好埋下次食咩添喇！

位於大角咀的吉勝吉列串揚專門店是我第二次幫襯！當然係舖頭入邊嘅美食令我食過返尋味啦！ 第一道前菜，我點咗蟹籽沙律，當沙律嚟到嘅時候幾乎俾佢嚇親！圖文不符！因為比餐牌上的圖片大好多！性價比好高💛 而青瓜亦都係非常清爽新鮮！ 小食方面有脆炸雞軟骨粒，份量都10分足夠😎 其次亦點左特上刺身拼盤五品，當中包括三文魚,油甘魚,八爪魚,赤海蝦同帆立貝。每種海鮮各有各特色，有鮮味之餘不會太油膩。我同事亦叫咗我最鍾意食嘅左口魚邊壽司同埋加州卷🍣下次再嚟會再encore！鍾意食左口魚邊嘅人可以一試！ 想講吓嘅係佢嘅串揚🍢有和牛肋肉, 紫蘇雞肉, 豚肉蘆筍卷, 三文魚, 煙燻豚肉, 秋葵同埋日本茄子🍢我會話好似去咗大阪食串燒咁😛 和牛肋肉有入口即溶嘅感覺，仲有覺得豚肉蘆筍卷好特別，因為佢配左一個梅醬喺上面！出乎意料之外咁夾！❤️ 最後點左一個火炙黑豚肉叉燒拉麵，想搵一個主食所以試下！比起出邊拉麵店的份量大，價錢較平！ 拉麵中真材實料，大量粟米粒同洋蔥，配上四塊黑豚肉同阿一隻超好食嘅流心蛋😫 真係有10個胃都唔得！ 今次嘅晚餐得兩個人，但係兩個人都抱住一個大肚腩離開餐廳！非常滿足🍄😍 經過大角咀一定會再嚟！

銅鑼灣世貿自大裝修後，引進很多新食肆；各國美食皆有選擇。今晚來了一間名氣頗勁的新派泰國菜餐廳。環境裝潢簡潔而帶有些雅趣，坐位寬敞舒適；還有個無敵遊艇會海景添！ 阿閑泰酸辣柚子沙律   $88 大大件柚子啖啖肉，非常多汁十分開胃；加入花生和少許酸辣，令味道沒那麼單調。 香芒紅菜頭米紙卷   $68 這個米纸卷係健康選擇，雖然味道清淡；但顏色用盡心思，非常漂亮。 虎蝦海鮮意大利麵    $128 食材豐富採用大隻虎蝦，厚肉兼彈牙。青口雖然一般，但八爪魚鬆大條有嚼口。意粉夠爽口配合冬陰功醬汁令整個菜式味道提升不少，非常惹味。 椰汁香芒黑糯米飯   $78 賣相很靚當然第一時間要打卞啦！芒果清甜，黑糯米口感軟糯；暖暖的棷汁香味四溢，焦糖脆片帶來懷舊感覺和甜思思。總括這個甜點味道層次豐富，正！👍 香茅班蘭茶  $42 陣陣香茅幽香的班蘭茶可減輕餸菜的濃味和其他食肆少見到有供應，所以值得推介。

位於佐敦有一間食日本料理餐廳是我疫情前喜愛去幫襯的。食肆內有多欵新鮮刺身和海膽供應，又有法國卽開生蠔(Gillardeau)；包羅萬有，價錢很合理而且交通甚為方面。 蟹籽沙律(小)   $60 這個沙律採用青瓜絲做底，上面加上蟹柳絲和蟹籽；就算混合沙律醬亦感覺清新開胃。 岩鹽燒油甘鲛   $98 魚鮫被岩鹽燒過令魚肉和魚油脂融合，入口甘香肉質嫩滑👍。 油甘魚兩件+三文魚兩件+ 甘蝦兩件+赤身兩件    $228 四欵刺身皆很肥美，肉質鮮甜；尤其是油甘魚和三文魚油脂豐富。 網燒牛扒   $138 牛扒要求五成熟，廚師控制火喉準確；切開時肉質呈粉紅，咬落非常juicy 。 牛肉壽喜燒火煱   $98 牛肉份量比預期多，淥一淥便可進食；入口卽溶，感覺吃和牛一樣。👍 生忌廉吉士銅鑼燒餅    $45 足足有成吋厚的吉士以燒餅夾著，上面放上士多啤梨；賣相高貴。食時發現內裹有少許紅豆蓉，與燒餅非常配合；最重要係整個材料都不會太甜。

辛苦減肥就係為左食好野！ 下午係旺角行街，朋友話有間打邊爐好正，所以去試下！ 明記·潮鍋 餐廳啲海鮮十分新鮮！ 不過係午餐，所以就冇叫到套餐，只係散叫！ 湯底方面點左胡椒豬骨湯，湯底不會太辣，味道適中。湯底真材實料，飲了幾碗也沒有像飲了味精湯一樣，感到口渴，而是覺得滋潤。重點推介本地手切牛肉，估不到本地的牛肉雪花分佈可以那麼平均，跟和牛可以相提並論，肉質鮮嫩，煮出來不會覺得太粗糙，亦相當有牛味。其次我十分欣賞店中的獅頭鵝鮮肥鵝腸，鵝腸是原條出的，店員細心放上剪刀，客人可以根據自己的需求剪出適當的長度。鵝腸亦十分之新鮮，值得推介。可惜之處是我個人不喜歡鵝腸內的肥膏清得不夠。其次點了潮洲雜丸拼盤，當中包括包心貢丸、那哥魚丸、馬鮫丸和牛肉丸。一次過可以品嚐幾種丸的味道。由於是手打的，口感十分彈牙，咬開中間亦會看到肉汁在其中，不俗。 除此之外也有點萵筍和蜂巢豆腐。萵筍的份量比想像中大，喜歡吃萵筍的朋友可以一試。但提醒喜歡口感較爽的人，留意烹調的時間，有一次忘記了看火，萵筍差不多在鍋中溶掉。

近來天氣真好，有温暖的陽光照耀著；微風送來絲毫都沒有寒意，正適合行山舒展一下。於是與女友約定今午行玉桂山，自疫情後巳有幾年冇上過去；順道考驗下彼此實力如何？原來大家皆寶刀末老的😉。其實鴨脷洲玉桂山無論上落山都有D難度，所以我們決定只行到上山頂而不會落去下面堤壩。 站在山頂對住一望無際的大海和藍藍的天空，間中有數艘風帆襯托著即時感覺人類嘅渺小。時間過得很快我們下山時天色漸黑，女友提議順便在鴨脷洲蟹點食晚飯；因她有「南區街坊飯堂」雅號。餐牌內食物款式很多，無論中式、西式或泰國菜包羅萬有，而質素亦唔錯。 古法羊腩煲跟生菜一碟 $368 羊腩煲是以中式古法來烹調，非常惹味。 用料十足，大大件羊腩炆得很淋又入味，還有冬菇、冬筍、馬蹄、支竹等等。整過程皆有gas爐滾住，所有食材熱騰騰最適合港人胃口；隨後加入生菜，令其索滿羊腩汁更滋味。 蒜蓉粉絲蒸蟶子皇 (四隻) $168 註明係皇當然D蟶子大大隻啦！ 蒸時放少許蒜蓉來蒸，肉質鮮甜爽口；非常有口感。食時配上金銀蒜和粉絲一齊吃，簡值絕配👍。 豉椒涼瓜斑頭腩煲 $128 斑頭腩首先畧為油泡，然後加入凉瓜來炆；最重要㕑師用了大量羗、蒜和洋蔥所以炆完非常惹味好食。 芒果糯米飯 $78 糯米飯有紫糯米和香糯米同時出場，口感香糯。芒果有半個份量，香甜美味；再伴以椰汁來食感覺滿足。 椰青 $45

約了久別重逢的朋友在九龍K11行街，大家都有收獲真開心。行到累當然要找地方食飯繼續分享彼此的過去。朋友推薦去Grill Room, 因餐廳就在隔離堪富利道，食物質素唔錯。食肆環境裝修優雅乾淨，室內燈光柔和；服務員有禮地招待我們坐下，感覺舒服。旣然友人是常客，當然由她發辦啦！🤪 Mushrooms 忌廉牛油蒜香雜菌     $58 採用新鮮雜菌為主加入鮮忌廉牛油，讓其味道更豐富。而香蒜亦增加了菜式的層次感，配以自家製多士；是唔錯的組合。 紅酒自家製燒烤汁伴羊膝架   Lamb Shank   $268 羊膝這部分一向都很少食到，估唔到係整隻上碟。 羊膝煮得很淋，輕鬆一切就肉骨分離；肉質非常嫩口和入味。 慢煮鮑魚配日式醬油意大利飯 Abalone Risotto   $228 味道像奶油來煮，米心有點硬但口感煙韌等正 特顯出意大利飯的特質。加上鮑魚可提升其高貴的氣派。 Chocolate Fondant 78%朱古力心太軟  $88 蛋糕外面焗得香脆，切開時熱騰騰的朱古力流心像熔岩般湧出來；伴以冰淇淋一起吃，冷熱中和食時非常滋味。

每次到馬鞍山商場購物，途經西樹泡芙聞到都好香， 望見櫥窗內一件件色彩繽紛的泡芙真係勁吸引；忍唔住流曬口水😋🤤。而本人偏愛好水果泡芙，貪其有水果之鮮甜；就算混合埋乳酪忌廉亦不會太甜，再夾上外脆內軟的的puff難怪不得是人氣之選。👍今天忍不住停下來選購一些和家人分享。 芒果乳酪泡芙 🥭  $32 新鮮香滑的芒果肉， 吃起來啖啖滿足； 在配上滑而不膩的乳酪忌廉，口感極佳。 士多啤梨乳酪泡芙 🍓   $31 士多啤梨是我最喜愛的水果， 當然少不了選擇了它「。香脆puff夾雜住大大粒新鮮紅潤的士多啤梨和乳酪， 甜甜酸酸顯得格外清新。

今天與剛從外國回來的朋友相約到北角吃飯，在錦屏街後街逛了逛，最後被Villa Villa的餐牌和裝修吸引，決定在此吃晚餐。 入了餐廳後，看了看餐牌，所有食物對於我來說都是非常吸引， 朋友建議選擇季節限定二人套餐。 餐湯和前菜是黑松露蘑菇忌廉湯加鵝肝多士。喜歡黑松露的朋友千萬不要錯過！ 餐湯有很香的黑松露味， 加上蘑菇打成細粒，非常有口感！ 配搭上自家製的墨香草多士，鵝肝煎得非常恰當， 配上多士不會感到太肥膩！ 主菜我們點了北海道帆立貝配低溫慢煮美國頂級肉眼，由於牛扒是即場慢煮，所以需時， 但絕對一等！ 帶子熟到剛好， 有點入口即溶的感覺！牛扒煮到熟中帶點紅， 非常幼嫩多汁。 我們還點了蒜香辣椒橄欖油巴馬火腿扁意粉，。這個意粉未到的時候，已經聞到濃濃的蒜香味。 看到意粉上有幼細的蒜粒， 多片鹹到適中的巴馬火腿配上彈牙的意粉， 我會說是色香味俱全！ 最後甜品是軟心朱古力馬卡龍。 有四款不同的口味， 中間夾又一片朱古力。平時吃的馬卡龍通常偏甜，但我覺得Villa Villa的甜度適中。