趁住禮拜日放假，約咗好耐冇見嘅朋友嚟到尖沙咀海港城食dinner~朋友好鍾意台灣菜，我哋揀咗呢間台灣餐廳～之前我哋喺中環區嘅分店食過，覺得好好味😋今次嚟尖沙咀呢間分店試吓～ 芋泥牛乳$55 有好濃郁嘅芋泥，飲落唔會覺得好甜～芋泥味好香，仲有新鮮牛乳，飲落覺得好滑，我同朋友都好鍾意 蒜香三色台腸$68 佢有三隻唔同味道嘅台灣腸，有紅色，黑色，食落覺得好香，啖啖肉～我哋食唔停 招牌牛肉麵$118 我哋好鍾意佢嘅刀削麵，係自家手工製作，食落覺得嘅煙煙韌韌，牛肉仲有好多筋，幾有咬口 原條鰻魚起司玉米蛋餅$188 職員會燒熱蛋餅🥞佢嘅表面有一層好濃郁嘅芝士，有一大條鰻魚，好香好Juicy~熱辣辣咁食仲有芝士流心嘅效果～ 髒髒鹹蛋黃芋泥蛋餅$88 我同朋友都好鍾意芋泥❤️表面係一層好靚嘅紫薯粉，入面有好香好濃郁嘅芋泥蛋餅🥞食落覺得好香好好味😋 黑白配冰火湯圓刨冰$108 一大碗棉花冰，一半係黑色，一半係白色～黑色係芝麻味，白色係牛奶味，仲有芝麻湯圓，流心芝麻湯圓熱辣辣，幾正～棉花冰係軟綿綿嘅口感，我哋都好鍾意

尋日約咗朋友嚟到尖沙咀H Centre呢間日式廚師發板餐廳食dinner～餐廳裝修都好靚，環境好舒服～依家仲做緊特價，我哋揀咗13貫壽司套餐🍣連埋折扣一個人只需要$500幾，幾抵食！ 沙律菜 大碗沙律菜作為前菜，用咗黑醋汁，酸酸甜甜，有生菜🥬蕃茄仔等等～幾開胃 茶碗蒸 熱辣辣嘅蒸蛋～入面有蟹肉同蘑菇，好嫩滑嘅雞蛋🥚食落覺得好有層次感 梳子魚 芝麻喺刺身上面，好香口嘅感覺 牡丹蝦 中間有好濃郁好豐富嘅蝦膏，食落好濃味 赤貝 中間配有柚子，酸酸甜甜嘅柚子令到赤背嘅口感昇華 中拖羅 好大件拖羅～食落油脂分布平均，入口即溶嘅感覺真係好正 北海道馬糞海膽 來自北海道嘅馬糞海膽，食落唔會覺得太腥，唔錯 左口魚邊 師傅炙燒俾我哋，油份比較重，食落幾香 醬油漬 有好濃郁嘅蒜味🧄幾特別嘅味道 蔥拖羅 拖羅入面仲有芝麻同埋蔥，好香嘅芝麻味，配埋香蔥好夾

前幾日同啊媽嚟到銅鑼灣呢邊食個dinner，我哋揀咗時代廣場呢間西餐廳，佢嘅裝修好靚好舒服～幾適合同屋企人朋友或者情侶嚟試吓～ 廚師精選沙律 佢係一道好精緻嘅前菜，蟹子蝦肉配青豆醬～幾鍾意佢嘅蟹子蝦肉，蝦肉色食落好彈牙，青豆醬幾特別嘅感覺 酥皮龍蝦湯 表面嘅酥皮好香脆，湯熱辣辣，香濃好好味😋 仲有濃郁嘅龍蝦味～酥皮配埋湯一齊飲，成個組合好正 香草牛油焗龍蝦尾意大利飯 一大碟有一大條龍蝦尾🦞龍蝦肉食落覺得好新鮮好爽口～意大利飯好creamy~配埋佢嘅醬汁好正 慢煮東星魚柳配藍青口海鮮汁 東星魚柳好香，食落唔會覺得腥，藍青口海鮮汁好有鮮味 朱古力心太軟 流心嘅心太軟～中間嘅朱古力醬好香甜，朱古力🍫味好濃郁，熱辣辣嘅感覺～外層朱古力蛋糕🍰幾濕潤幾好味😋配埋佢嘅雲呢嗱雪糕🍦一流 提拉米蘇 好香甜嘅提拉米蘇～有香濃嘅咖啡味☕️仲有軟滑嘅忌廉

好耐冇食omakase,趁住尋日早收工,約咗朋友嚟到中環呢邊食dinner,揀咗呢間omakase餐廳試吓~佢有唔同款式嘅食物，包括前菜，刺身🍣甜品等等～ 前菜 好精緻嘅前菜，入面係由柚子同小龍蝦整成嘅菜式～酸酸甜甜,口感幾滑嫩,職員仲會用燈照食物,發出嘅光好靚好特別~亦都稱為海洋之眼~ 油畫五道菜 係餐廳職員自己畫嘅油畫,係海景，碧藍嘅湖水，配埋廣闊嘅天空，入面有5道唔同嘅菜式，包括味淋魚乾，魷魚刺身🦑炸芋同埋啫喱～擺碟都好靚好值得打卡 酥皮蒸蛋 面頭嗰層係酥皮幾香脆～入面係香滑嘅蒸蛋仲有蝦肉等等～蛋好滑，蝦肉配料都好新鮮 炸魚 深海魚配蘿蔔粒食，下面用咗魚肉同明太子來做嘅，點沙律醬食，最後食蓮芋，比較清爽～香脆嘅深海魚同魚肉，幾鍾意佢嘅夾心明太子，配埋沙律醬一流 三文魚籽海膽飯🍣 中間係北海道嘅馬糞海膽，有師傅調教過嘅三文魚子同埋壽司飯，食嘅時候用木羹全部撈暈嚟一齊食，好新鮮嘅馬糞海膽，幾滑口～好大粒三文魚子，食落好Juicy，好多魚子汁流出來，好正嘅感覺～撈埋一齊食好好味😋 甜品擺碟 來自北海道嘅蜜瓜果凍，幾滑幾甜～跟住係來自愛媛縣嘅蜜柑，同樣好香甜，食落唔會覺得酸，靜岡縣嘅蜜瓜都好正～自家製嘅抹茶奶凍用咗來自京都嘅宇治抹茶整成～有好香濃嘅抹茶味🍵食完飲啖茶清一清，最後食自家製嘅小倉紅豆糯米糍🫘煙煙韌韌嘅糯米糍，好鍾意佢嘅口感

上個禮拜放咗工約朋友一齊嚟到灣仔呢邊游水,我哋游水之前嚟食個dinner~我哋揀咗呢間高質嘅樓上西餐廳，佢嘅環境好舒服😌好適合同屋企人，朋友，情侶嚟聚餐～ Grilled Iberico Pork Rib Fingers with Hot and Sour Sauce ($108) 一碟切成一塊塊嘅豬肋骨肉，半肥瘦嘅豬肋骨，佢用咗自家製嘅Barbecue sauce，幾香甜幾好味😋豬肋骨肉食落煙煙韌韌幾有咬口 The Victuals Oysters ($88) 佢係北海道直送嘅生蠔🦪表面係冷榨蔥油，下面係omakase常見嘅鮑魚乾汁識 ，食落覺得好新鮮好Juicy,一咬啲肉汁就出晒嚟~我哋自己唧佢嘅冷榨蔥油，可以調校自己適合嘅份量同味道，成個配搭都好正 The Victual’s Pulled Pork Roll ($158) 一碟切成三件嘅豬肉卷🫔有寶雲酥喺面，綠色脆脆，好香～蛋捲包住手撕豬肉，佢嘅豬肉好香口，醃製得幾好味😋入面仲有醃節瓜，有啲泰式fusion嘅感覺，仲有橘子醬，酸酸甜甜嘅感覺好好味😋 餐廳嘅職員好好人，會介紹每道菜式，等我哋知道佢嘅烹調方式，品嚐佢嘅美味～

上個禮拜趁着阿媽放假就同佢嚟到尖沙咀呢邊行街食個dinner~阿媽好鍾意食日本菜,我哋就揀咗呢間專食omakase嘅日本餐廳試吓～一個set每人大概一千幾蚊，有好豐富嘅壽司🍣同刺身等等嘅嘢食～ 前菜 酒煮黑梅貝，有螺肉，師傅同我哋講黑雲醋啫喱最後食，好大舊螺肉，幾有咬口，配埋酸酸甜甜嘅黑雲醋同埋QQ彈彈嘅啫喱幾正 糖蕃茄沙律 一大碗沙律菜🥗入邊有啲蕃茄仔，食落覺得酸酸甜甜，沙律菜幾健康，配埋佢嘅沙律汁唔錯 北海道仙鳳子 一大隻生蠔🦪配埋檸檬汁，酸酸地，幾好味😋生蠔好新鮮好多肉汁，一食啲肉汁就流晒出嚟，好Juicy嘅感覺 石梅貝金龍鯛 食石梅貝先，因為佢嘅口感清淡啲，跟住食金龍鯛，因為佢嘅油脂分布比較多，由清淡食到濃郁，有層次遞進嘅感覺 右口魚卷海膽 好爽口嘅右口魚，配埋新鮮海膽，食得好滋味～內外口感都好豐富 燒拖羅 用紫菜夾住食，口感好正～好大件拖羅，用火炙燒啲肉汁出晒嚟，又唔會覺得好油膩，好好味😋 蟹肉茶碗蒸蛋 一杯茶碗蒸蛋，好滑嘅蒸蛋，入面有新鮮嘅蟹肉，食落好香甜仲有柚子皮，幾特別嘅感覺 北海道青玉蜜瓜 水果有北海道出產嘅青肉蜜瓜，好新鮮嘅蜜瓜，食落有好多蜜瓜汁，好香甜 豆腐雪糕 好軟滑嘅豆腐雪糕🍦有淡淡嘅豆腐味，幾清新嘅感覺

趁住尋晚早收工約咗阿媽嚟到銅鑼灣呢邊食嗰dinner~我哋揀咗呢間日本餐廳,佢主打蟹肉盛宴,每個人連埋加一大概九百幾蚊,有好豐富嘅嘢食! 蟹肉柚子沙律 前菜係蟹肉沙律🥗一大碗有新鮮嘅沙律菜，入面有蟹肉同柚子，酸酸甜甜幾好味😋 前菜兩點 有螺肉，牛磅漬～凍凍地又鹹鹹地嘅螺肉，食落幾香，牛磅漬食落幾有咬口 刺身四點 有四款唔同嘅刺身，包括赤貝，三文魚🍣赤魚，深海池魚，全部刺身都好新鮮，食落啖啖肉，好有口感 蟹肉 有蟹肉，蟹膏，蟹籽啫喱，蟹腳配水雲醋～好大個蟹殼入面有好多蟹肉，食落覺得好新鮮，職員教撈勻啲蟹子蟹膏一齊食，好正👍🏻再配埋水雲醋酸酸甜甜，好加分 松葉蟹腳雜錦天婦羅 一大碟炸得好香嘅天婦羅🍤配埋佢嘅醬汁，外脆內軟，入面係熱辣辣嘅松葉蟹腳，食落覺得好正，仲有南瓜🎃幾香甜

前幾日趁住放假，約咗好耐冇見嘅朋友嚟到銅鑼灣呢邊行街食嘢，好耐冇食放題，之前試過呢間日式放題餐廳覺得幾正，今次想再嚟試吓～ 刺身類 好新鮮嘅刺身，有三文魚🍣北寄貝，希靈魚🐟幾鍾意三文魚食落好多肉幾亂畫北寄貝幾有咬口幾正 生蠔 一般有好多生蠔🦪生蠔肉好新鮮好多肉汁，一咬啲肉汁就出晒嚟～好Juicy嘅感覺 壽司類 有好多唔同類型嘅壽司🍣火炙壽司好香，口感好嫩滑，仲有花之戀等等，都好正～刺身元貝包住海膽都好好味😋 天婦羅 外皮脆卜卜，炸得好香嘅天婦羅🍤內餡熱辣辣，食落覺得好香口 甜品 有好多唔同類型嘅甜品🍮好似朱古力蛋糕🍰奶凍等等～蛋糕好軟滑，食落幾香甜仲有唔同種類嘅雪條選擇，都幾正👍🏻

前兩日經過中環街市見到呢間蛋糕店🍰感覺幾吸引～之前試過佢嘅泰國餐廳，覺得幾好味😋今次試吓佢嘅蛋糕～ 榴槤蛋糕$98 榴槤嘅樣整得好精緻，適合打卡～食落有好香嘅榴槤味，甜甜地，幾正 椰青蛋糕$78 椰青嘅樣，有個蓋係白朱古力🍫幾脆幾甜～食落有淡淡嘅椰青味，仲有鬆軟嘅蛋糕🍰成個配搭好夾 斑蘭蛋糕$68 青綠色嘅斑斕蛋糕🍰有竹葉包住，又係好靚嘅外表，食落有香甜嘅斑斕味，軟滑嘅慕絲蛋糕內餡，我哋食得好滋味～ 香蕉煎餅$76 泰國嘅香蕉煎餅好出名～呢個香蕉煎餅嘅蛋糕好得意，有舊香蕉仔係面，蛋糕食落有濃郁嘅香蕉味🍌好好味😋

適逢假日約咗朋友行街，順便來到銅鑼灣呢邊食個dinner,我哋揀咗呢間日式居酒屋試吓 雞軟骨兩串$68 幾有咬口嘅雞軟骨，好香 日本青椒仔兩串$64 有啲燒烤粉喺上面，青椒食落唔會覺得辣，唔錯 自家製豆腐厚揚兩串$64 好大塊椒鹽豆腐，外皮好香脆，入面係軟淋淋嘅豆腐，食落覺得好香 藥膳茶泡飯明太子$68 一大碗湯飯，表面有明太子，食落有藥材嘅味道，感覺幾養生，食落都幾好味😋好飽肚 時令活魚$458 一大盤刺身，配咗佢特製嘅醬汁，有柚子汁同豉油，刺身魚食落好新鮮，有一隻刺身魚表面經過火炙，食落好香同埋脆脆地 Peach Liquor $69 餐廳職員推介嘅自家製水果酒，好香嘅白桃味，有一大塊冰係中間，凍凍地飲落又唔會有好濃郁嘅燒酒味，都幾好飲 餐廳職員嘅服務態度好好👍🏻會詳細咁介紹每一道餸，而且幾Friendly