番茄師兄

營業中

休息中

作為蕃茄控的我已經食過番茄師兄好多次🤤🤤每次大概都有10人排隊，不過快就有得入座！我今次叫嘅係滑一滑🌟蕃茄湯底濃郁，我鍾意個番茄湯底比較杰身，仲有少量嘅蕃茄肉，掛湯能力一流！牛肉乃騸牿牛，牛味突出嫩滑，份量正常，配上超滑嘅滑蛋，好快就食完一碗，超滿足⭐️⭐️⭐️ 麵類有幾款唔同嘅選擇，例如米線，通粉，拉麵，烏冬，我每次都鍾情拉麵🤪🤪🤪拉麵唔會過淋好好食🤩跟餐飲品點了檸檬雪梨露，檸檬嘅酸嘅帶出咗雪梨嘅甜味，味道酸甜解渴，飲完非常潤喉滋潤🍋🍐

由於女友太多嘅關係，攪到前列腺有啲問題，就即刻諗到去呢間叫個騸牯牛肉麵$54補一補。呢度啲蕃茄湯貨真價實，絕不會係茄醬茄膏扮蕃茄湯，湯底有啲厚身，有啲料到，甜甜地，好容易飲哂。騸牯牛即係痷咗嘅牛，雖然唔多老嚟，但肉質真係滑啲，真係辛苦哂牛牛哥。日式拉麵都煮得唔錯，黏黏靭靭，恰到好處。場內有多個「良知」嘅大字，用心良苦。牆上仲貼埋其他餐廳嘅食物圖，互相幫助，夠哂大方。各位若真係操勞過度，就嚟攝取多啲蕃茄紅素啦，對身體好有益㗎。

我係番茄控，去左番茄師兄食好多次，勁好食。一至五下午茶去食會送飲品，幾抵食嫁。成日去食都幾多人嫁。落單係自己寫紙，裏面做野d姐姐都幾nice😆😆我最鍾意食黑魚番茄烏冬，烏冬係要加錢，但我每次都會加錢叫！黑魚係冇骨嫁，每次食都好方便，啖啖肉，唔怕咬到骨。個湯底好重番茄味，而且食得出湯底應該有落牛肉去煲，好濃味，每次我都會飲曬啲湯唔會浪費。之前食過一貝子，就係有帶子，又食過豬扒，每一個都幾好食。但係豬扒一時好食，有時去食會比較干肉，好睇運氣😆

位於深水埗基隆街嘅番茄師兄,可能位置方便,經常好多人排隊.呢間係專做蕃茄湯,雖然價錢都唔平,但做得非常出色,真係值得試下.今次就買回公司享用.我係蕃茄控,當然要揀佢嘅番茄湯底.滑ㄧ滑蕃茄濃湯拉麵:牛肉大大件,份量都唔少,新鮮牛肉嫩滑,牛味也好濃,咬落彈牙又唔會韌.炒蛋又嫩又滑又好多.仲有蛋汁,好好食.拉麵煮得啱啱好,非常爽口.番茄湯底係酸酸甜甜的,還有蕃茄蓉,番茄味好濃郁.唔係一pat pat,沒加味精,真材實料.配料仲有好多選擇.是一間值得推介的餐廳.

番茄師兄係一間主打牛骨番茄湯底的餐廳，再讓客人配上不同種類的配料和麵底。今日（星期四）於下午茶時段到達，不用等待就能入座。入座後選了配料「豚豚圓圓」即是香煎豬腩肉和香煎豬頸肉，搭上烏冬為麵底，價值$59，加了$6配飲品豆漿。「豚豚圓圓」牛骨番茄湯烏冬，牛骨番茄湯香甜帶上少少酸味，而且湯底濃郁，更易掛湯到麵條上，配料豬腩肉和豬頸肉肉質爽口，微微煎過後亦更添油香。豆漿用上玻璃樽裝載，豆味香，甜度也適中。總結1️⃣湯底香濃美味：自家熬製湯底濃郁香甜，令人感覺到湯底的足料，一啖接一啖，回味無窮。2️⃣配料味美量足： 配料經過挑選和處理，不會馬虎，而且數量也不算少。3️⃣餐廳價錢合理：以$64品嘗到一碗以自家湯頭的麵食再搭上飲品，下午茶時段甚至免費配飲品，CP值算是不錯。總括來說餐廳自家製湯底的確出色，番茄控更是必去一試，配料亦不差，兩者相輔相成，加上CP值不錯，的確係一個用餐的好選擇。

食過一次蕃茄師兄嘅火鍋團購之後一路念念不忘呀！成日都好想食佢嘅超濃超濃嘅茄湯💛💛💛💛果然嚟到堂食一樣咁正，住深水埗嘅街坊真有福，又平又抵食仲要正到暈！個茄湯厚度有令人諗起去日本食拉麵嘅feel，配烏冬係一流！簡單食個素啲嘅野菜都一樣好有咬口好夠味（留意唔係素食嚟架個湯係肉湯嚟），本身輕口味啲嘅我啱曬數。重口味嘅可以食牛肉牛腩甚至加芝士，慢慢溶落個湯到，更加creamy，食得好滿足樽檸檬都好特別，配蕃茄好夾呀

豬頸肉🐷本身煎到好香，再加埋肥瘦適中嘅🐖豬腩肉，烏冬亦都煙韌🦷彈牙，配合埋呢個番茄🍅湯底真係無適，湯底本身食得出係用新鮮蕃茄打爛而成，所以湯底狀態🫠偏杰，而且好濃番茄味，亦都唔係好覺有味精，終於明白點解咁多人鍾意食😋呢間小店，因為呢個湯底真係一試難忘，同埋飲到停唔到口。牛肉🥩本身亦都唔會韌，食得出係新鮮牛肉，我最欣賞佢嗰個炒滑蛋🍳，就算浸咗落湯底，佢嘅狀態都係啱啱好唔會Overcook。而兩款飲品都正常發揮，但係個包裝都幾特別，用咗玻璃樽🫙包裝好似整成一樽牛奶咁，幾有心思。

已經食過番茄師兄好多次，唔特別鍾意嘅蕃茄，但係就鍾意呢度嘅蕃茄湯底。同其他米線舖嘅蕃茄湯比較，嗰啲好似一味得個酸，但係呢度嘅蕃茄湯濃郁啲！今次叫咗個豚豚圓圓，本身以為豬腩肉同豬頸肉係會煎一煎，香口啲，但係原來係冇嘅，偏淋，唔算特別出色🙈

#confidante_foodblog深水埗覓食豚豚圓圓蕃茄濃湯麵 $59味道：🌟🌟🌟🌟回頭：🌟🌟🌟未食拉麵之前，我就試咗佢個湯底先，飲落去好似食緊成箱上蕃茄咁樣😍。佢個蕃茄湯底係偏甜，如果鍾意番茄偏甜嘅朋友仔就一定好鍾意呢一個湯底。我個人就比較鍾意偏酸嘅，不過都唔影響我對佢嘅鍾意程度～麵條方面，我就揀咗日式拉麵。啲麵條好彈牙，煮得啱啱好，加埋個湯底真係完美配搭🫀。小編之前一直都唔係幾鍾意食豬頸肉，但係呢一個係完全可以。就咁睇就知道，呢一個拉麵係有幾吸引！🍅犇犇有禮蕃茄濃湯 $79+樽仔豆漿 (跟餐)$10味道：🌟🌟🌟🌟回頭：🌟🌟🌟🌟我哥哥一邊食一邊係咁喺度讚啲牛好好食，好難得完全冇挑剔過！因為佢都屬於一個好嘴刁嘅人👄，冇諗過會連個湯底都飲晒。最勁嘅係就算飲晒成個湯底，完全都唔會覺得咸！可想言之，呢個湯底真係真材實料❤️‍🔥。相反，樽仔豆漿嘅味道就冇話好驚艷～服務態度 ：🌟🌟🌟環境：🌟🌟🌟番茄師兄 (深水埗)📍深水埗基隆街255號地舖📞 91650670#foodie#foodiehk#hkig#深水埗美食#拉麵#香港美食#食好西#吃貨#蕃茄師兄

今次分享既係系深水埗叫"番茄師兄"相信鍾意食番茄湯底既人對呢間唔陌生🍅呢間我已經食過5次以上，每次去食都keep倒水準💯🔸🥷🏻滑一滑配日本拉麵 $54美味指數：8.5/10滑一滑用咗新鮮騸牯滑牛同炒滑蛋，牛肉容易咬開，要讚既係個滑蛋真係好滑好食😋湯底唔洗講，次次去食都飲晒個湯先走😂個人鍾意食烏冬多啲，因為掛湯會好過拉麵🔸🥷🏻豚豚圓圓+炒滑蛋配烏冬 $59+$5美味指數：8.5/10豚豚圓圓用咗煎豬頸肉同豬腩肉去做配菜，豬頸肉唔韌，腩肉食落唔會好膩，整體都唔錯，鍾意配烏冬因為掛湯掛得多啲，每啖都有好濃既番茄味🍅🔸🥷🏻牛面頰配沙嗲汁美味指數：6.5/10牛面頰好冧，個人覺得個沙嗲汁同普遍既差唔多，整體中規中舉.🟠環境：7.5/10🟠服務：7.5/10🟠食物：8/10🟠價錢：7.5/10🟠推介指數：7.5/10

臨近大時大節，多了不少飯局，加上天氣轉冷，飯局離不開打邊爐。但總不能餐餐都咁打。同朋友去番茄師兄食晚餐去番茄師兄好多次但寫食評是第一次佢嘅湯底是恰到好處湯有濃郁的茄味，但不是餐湯的羅宋湯口味啖啖真材實料一口湯一口健康我每次都一定飲晒所有湯今次朋友叫了芝see菇牛，我叫了帶子牛郎芝士，菇，同牛肉，真係絕配，無得彈偷食了朋友少少，非常滋味帶子，不過不失，正常發揮去到重頭戲，牛脷啊！！！香，濃，淋，滑煮到啱啱好！不得了未試過嘅朋友喜歡牛脷的你萬勿錯過健康又滿足的一餐

Intro: 諗起食蕃茄濃湯大家一定會諗到番茄師兄，呢到真係長期都好多人排隊等候，而呢到嘅價錢一d都唔貴，仲有好多餸選擇，仲可以加滑蛋/粟米，於是趁平日少人d去幫襯～___________________🍽 秘製豬扒+滑蛋+蕃茄濃湯烏冬+豆漿💰 48+5+6 = 59（平日）⭐️ 8.5/10✍🏻 呢碗蕃茄麵真係好大碗，最後食到好飽✍🏻 豬扒又厚又大塊而店員連骨切開幾塊，入味容易咬開✍🏻 滑蛋真係好出色夠滑，仲有甜甜地嘅感覺✍🏻 蕃茄湯幾濃仲有蕃茄粒，好夾滑蛋嘅甜味✍🏻 估唔到係扁烏冬，彈牙又可以掛到湯___________________🏠 番茄師兄📍 深水埗基隆街255號地舖⭐️ 8.5/10___________________

呢一間位於深水埗，以濃蕃茄湯底為主，配搭不同嘅肉類，海鮮等等配料，令到成碗麵都超級好食。如果係蕃茄迷不妨可以試吓呢一間。佢嘅cp 值幾高吓，價錢方面唔係貴喎，回頭率都幾高。

蕃茄師兄的名字早有聽聞，有朋友一直想試，這次朋友們趁我去太子交收完，就搭多一個站來深水埗這邊晚飯。店內座位不算多，我們剛好能入座而不用等位。蕃茄濃湯麵的配搭選擇多樣化，有5款麵底可選，甚至不欲吃澱粉質的可選生菜底。既然第一次試，就從店家推介的7款中選1款試試吧～～帶子牛郎配烏冬，配料是北海道刺身級帶子及香煎牛脷，牛脷份量充足，帶子就得兩粒。蕃茄師兄的招牌蕃茄湯採用騸牯牛經長時間熬製而成，一嚐蕃茄湯底，不單止有蕃茄香甜味，還帶有淡淡的肉香清甜。烏冬稍為偏稔身一點。牛脷大大片，質感不算好軟稔，但都帶有牛香味，都算過得去～～而帶子是不好吃的！！雖然餐牌介紹是採用北海道刺身級帶子，但帶子未有完全解凍，有一大陣雪味，完全沒有帶子的甜味！有光顧過的朋友說她每次都只會點犇犇有禮，說是穩陣之選。另一位朋友選吃䐁䐁圓圓，也沒聽到她說不好吃呢！和朋友點了飲品，但我點的那樽豆漿，打單打錯成另一款飲品，結帳離開後才發現。我自己沒查單也是有疏忽的！超過70元的一碗烏冬，只得這樣的質素，個人覺得不值呢！「專心一意做好蕃茄湯底」，哪配料呢？

🍅蕃茄師兄是深水埗的人氣🍅蕃茄麵店，已經有三間分店嘅🍅蕃茄師兄果然唔係浪得虛名，主打🍅蕃茄濃湯麵，店中所有牛肉均採用🐮山東騸牯牛，即經過閹割的牛隻，肉味較濃，肉質肥美。鎮店的蕃茄湯底也真材真料，以騸牯牛腩、牛骨、🍅新鮮蕃茄、🧅洋葱和西芹等熬足7小時，不加味精。由於大隻仔唔食牛嘅關係，佢就叫咗🐷豚肉，我就食🐮，整體來講個湯底好夠味道，蕃茄味唔算好重，無蓋過牛肉嘅鮮味，而且價錢大眾化，經濟實惠，真心推薦，支持小店