番茄師兄

營業中

休息中

又係一間本身就好受歡迎嘅舖頭😂 蕃茄師兄呢個名好似已經聽咗好多次🍅 不過小編淨係食過2次 因為老實講 個地理位置其實唔算太吸引 門口就係深水埗唔同嘅菜檔肉檔同埋排檔 有時落雨 或者唔落雨 ☔️ 門口都係有少少濕碌碌嘅感覺😂 不過好食係真心嘅不過最近先知原來佢都有好多間舖頭 應該係近年開嘅 除咗深水埗呢一間舖 原來荔枝角、灣仔同埋元朗都有舖頭 證明有實力先可以逐漸開到幾間分店🤓.🐷滑一滑店舖聲稱用咗新鮮嘅騸牯滑牛🐮 老實講 小編就真係唔係好知同平時啲牛有咩大分別 不過食落又真係滑啲 冇咁嚡颯颯 仲有就係個炒滑蛋 成件事搞到勁有食緊早餐嘅feel😂小編就叫咗米線 朋友叫咗烏冬米線嘅份量比烏冬好似多少少😂😂不過烏冬唔使特別加錢其實都幾正 好多餐廳出前一丁同埋烏冬都係要額外加錢除此之外 仲有得揀 #大光面 🤣朋友係食同一碗麵 佢仲加咗芝士 🧀 不過就係片裝芝士咁😂🤣🤣其實個重點係在於個湯底真係好濃郁 就算你唔食都會見得到 個湯底係超級濃稠 唔係稀嗰隻😂 蕃茄嘅味道好似冇第一次食咁濃郁 🙂‍↔️🙂‍↔️ 但仍然好好食😬 價錢都算係合理.順帶一提 每張枱都有幾包濕紙巾 細細包可以比食客攞 真心好方便好貼

話說之前都一直bookmark左呢間想試，一直都特別鐘情蕃茄湯底類既野，見佢地都主打蕃茄湯底就的起心肝搵個Lunch去試下～星期六14:30去到都要等幾張枱先有位。人流不斷⋯我地叫左碗一貝子配米線同埋犇犇有禮配日式拉麵。碗犇犇有禮$88其實另外點左加配$5炒滑蛋但佢地漏咗單⋯算了～反正有點到豬扒，豬扒不錯的👍🏻但最令我失望係碗一貝子⋯加埋得6隻蜆同埋兩粒帶子🫣$72/碗，但蕃茄湯同米線係確實算係唔錯，蕃茄湯係偏重料杰身d～但總括CP值很低⋯因為價位實在很進取。樽檸檬雪梨露就唔錯👍🏻🍐甜甜地～是次個人體驗係有點小失望，一次足夠了。

邊度講起，個番茄湯底都係無得輸👍仲有個滑滑捋捋金黃色嘅炒蛋，再加埋個滑牛，簡直係完美配搭。限量出品“肩胛牛筋肉香辣番茄沾麵”有創意👍就算係同一食材，加點新玩意，都唔錯，飲食就係咁，除了食材要新鮮外，加點新意=吸引食客，努力🥳

I recently had the opportunity to dine at a restaurant specializing in tomatoes, and it was a unique and flavorful experience. We opted for two sets of dinner, and the highlight was the tomato soup. It was incredibly tasty, with a concentrated flavor and a delightful hint of sweetness. To reduce carb intake, I requested a substitution of noodles with lettuce, which turned out to be a refreshing and healthier alternative. The restaurant's commitment to incorporating tomatoes into each dish was im

#蕃茄師兄 終於去咗食番茄師兄！．豚豚圓圓加炒蛋($59+5）先講吓湯底 係勁濃郁嘅蕃茄湯底 每啖面都勁掛湯 另外因為加咗炒蛋所以mix埋會有少少蛋花 令個湯再好飲左餸方面 豚豚圓圓有豬腩片同豬頸肉 份量都唔少🤭不過可惜嘅係薄切 同埋要讚下佢個炒蛋 真係炒得好滑 同埋加多$5就有咁大份炒蛋 好滿足🥹

我好鍾意蕃茄湯，今次自己試吓呢間蕃茄仔師兄。呢間舖全部麵都係蕃茄湯底，鍾意食蕃茄既朋友仔都唔可以錯過。一貝子$72我好鍾意食海鮮，所以嗌左一貝子，餸有北海道刺身級帶子、新鮮靚蜆，帶子好嫩滑，唔會主動過分熟，啲蜆唔係好多，但啲海鮮就勝在夠新鮮。蕃茄湯底聞落好香，湯底比較杰身，好濃郁，入口有酸酸甜甜蕃茄味熱桂圓紅棗桑寄生茶+$6成日午時加餐只係架$6，鍾意養生嘅朋友都唔可以錯過，而且唔會好甜。📍 番茄師兄地址：深水埗基隆街255號地舖

我冇咩特別喜好鍾意食蕃茄湯底但係我朋友就係一個好鍾意食蕃茄湯底嘅人喺深水埗行完街 問佢附近有啲咩好食佢就帶咗去蕃茄師兄到食 係咁話啲湯底好好味 好正 一試 點知(O_O) 又真係好味喎(*≧ω≦)咁嘅價錢有咁嘅質素 絕對超值(*≧ω≦)好味又高質又平(≧▽≦)滑一滑 $54好濃郁嘅蕃茄湯底 小小酸mei mei 開胃湯底煲足7個鐘 冇落味精 飲完係完全唔口渴！ 一啖飲完又一啖 可以飲晒成碗湯(≧▽≦)牛肉鮮 嫩 彈牙 易咬 唔韌蛋好滑 覺得麵底唔夠多 可能我大食？(｡･ω･｡)奶茶 $18(跟餐)正常操作 唔難飲

《蕃茄湯麵專門店🍅 》1. 犇犇有禮 ($79)面底叫咗日式拉麵，同加左$10加炒滑蛋同芝士。牛嘅味道唔算太重，畢竟重點係蕃茄湯底，咬口唔太韌，份量都偏多。炒滑蛋同芝士好出色，同蕃茄湯底好夾！🌟 評分: 8/102. 豚豚圓圓 ($59)呢碗我哋叫咗上海麵，同加左$10加炒滑蛋同芝士。上海麵比起其他麵嚟講冇咁夾蕃茄湯底，麵條質感偏硬身，不過都好食。豚肉偏薄切，不過油脂充足，好食！🌟 評分: 8/103. 沙嗲牛脷牛脷肉質唔錯，配上沙嗲醬汁好夾！🌟 評分: 8/10整體嚟講價錢偏平民，幾十蚊一碗大大碗麵，自家製嘅蕃茄湯底亦好出色，肉類嘅質素亦頗高，值得一試！🎖️整體評分🎖️❤️ 味道: 8/10🧡 環境: 7/10💛 服務: 7/10💙 性價比: 7/10✨番茄師兄 📍深水埗基隆街255號地舖#hkoverfood_深水埗

環境🌈色彩繽紛，乾淨整齊，一間有良知嘅餐廳。主菜🌈✨芝士蘑菇汁撈通粉配騸牯滑牛 + 雙太陽蛋女仔食份量啱啱好，男仔嘅話可能加多個小食。芝士蘑菇汁唔會太鹹，加埋塊芝士亦都唔會覺得好膩，整個組合看似古怪，但食落去覺得味道配合，幾好食。🥬💛推介指數 8/10✨滑一滑通粉呢個通粉我選擇咗蕃茄湯底，濃濃嘅蕃茄湯，加上真正嘅「滑」蛋，牛肉亦唔會太熟，軟硬度剛剛好，鍾意食滑蛋同飲蕃茄湯嘅你可以試試。🥬💛推介指數 8/10飲品🌈✨桂圓紅棗桑寄生茶女仔比較啱飲，凍熱任君選擇，入邊仲有大大粒嘅桂圓，材料十足，補血養生。🥬💛推介指數 8/10✨豆漿飲落去似係即磨豆漿，新鮮純正，但冇咩特別。🥬💛推介指數 7/10

#搞串個pantry我哋又同大家去試好嘢啦！話說我真係好鐘意💕啲可以自己揀餸再揀麵底嘅舖頭，就好似車仔麵咁。今次去試吓一間以番茄湯底🍅、牛肉聞名嘅餐廳啦！我哋今次叫咗芝See菇牛通粉加炒滑蛋($59)🍜、GG爆脆米線($62)。一聽個名真係唔太知道究竟有啲咩餸係入面🧐。不過除咗嗌呢啲預先set好嘅餐之外，下午菜餐仲可以選擇自選嘅！😜芝See菇牛通粉加炒滑蛋入面有，芝士🧀、蘑菇、騸牯免治牛肉🐮、滑蛋。所謂嘅騸牯牛即係被閹咗嘅公牛，因為少咗雄激素，所以脂肪分佈會比較平均🤩。食落口牛味唔係好重，主要都係湯嘅味道。個炒滑蛋反而比牛肉更出色，非常creamy。通粉配埋番茄湯底、芝士咁食，就有啲似漢堡包嘅味道😕。而GG爆脆米線，入面就有雞扒、炸雞皮卷🍗。炸雞皮卷幾好食，好香口、好脆💥，但係就同碗番茄湯米線唔係咁夾啦。炸雞皮卷似係單獨一個小食咁，唔係咁啱番茄湯嘅味🙂。大家如果鐘意番茄湯、牛肉，都可以嚟試吓，餐廳仲有款犇犇有禮，入面有牛面頰肉、坑腩、崩沙腩，完全滿足鐘意食牛嘅人😍。

這家其實我一直都很想要試試看他的蕃茄湯麵～但遲遲都沒有動力🙈居然我終於有動力去的時候是為了吃雞子🤣(果然我還是比較愛雞子😆)這個雞子漢堡暫時還不是真正推出的單品😬只是期間限定的😆還要留言抽獎才可以吃得到的😆(為了雞子漢堡台南我都可以特地去了～更何況只是留言抽獎😆當然也要試試看啦🤪)反正都去了當然要一次過把四個口味(沙嗲，瑞士汁，芫茜滑蛋(但我不吃芫茜所以去掉了🤣)，酸辣)的雞子料理都試試🤤(雖然我是一個人去🤣超飽)我個人最喜歡瑞士汁口味的😬✌🏻

我超喜歡蕃茄湯的，感覺食落去很開胃，又不會很清，平時食3哥同譚仔我大多數都是叫蕃茄湯的。有一日朋友推薦我黎食蕃茄師兄，深水埗呢間，我真係比較少去深水埗，之前去親都係去買電話卡，如果唔係都唔會去。個日比我fd叫左去，出面已經要排隊，等左15分鐘左右入得去，佢呢到基本上全部都係蕃茄湯，再睇下你想食咩餸再配搭，而我叫左牛肉同蛋，先講下個湯超級濃，比起譚仔3哥個啲濃好多，我好鍾意，我係成碗飲哂，牛肉唔太韌，岩岩好，個蛋超滑，同蕃茄湯食一流

之前去完灣仔分店食牛舌番茄湯麵後，一試難忘，所以今日特登黎回味下😚🍜滑一滑番茄湯上海麵 $54 🌕🌕🌕🌗🌑配料有滑牛同炒滑蛋，滑蛋生熟程度剛好，唔錯👍🏼滑牛比較薄同細塊，唔夠過癮，不過味道都唔錯，唔老亦都唔韌。上海麵好掛湯，啖啖麵都索到番茄湯嘅鮮甜味😍湯底都有粒粒嘅細番茄。不過比起灣仔分店，今次個湯底偏鹹，亦都冇咁濃，但味道都係屬於高水準嘅👍🏼🍜帶子牛郎番茄湯拉麵 $72 🌕🌕🌕🌕🌑帶子面頭見到有微微金黃色，應該有預先煎香👍🏼👍🏼不過味道就一般，而且得兩隻帶子，唔係幾夠侯🥹牛舌就好出色，肉質淋得黎好爽，而且好夾番茄湯😆雖然得幾塊，但每塊都好大，份量好夠👍🏼拉麵相對冇咁掛湯，但個麵幾彈牙😛不過我會鍾意上海麵多啲。總括黎講，個人認為灣仔分店質素較出色，不過今日嘅體驗同食物質素都算係水準之上😝

最近見到蕃茄師兄出咗新嘅小食，就係雞子🤣🤣本身打邊爐就好鍾意食，呢間鋪仲要出四隻口味，有酸辣、沙嗲、威士忌麻香瑞士汁同埋芫荽雞子炒滑蛋。其實全部都想試🥲但係一個人又食唔晒咁多，最後淨係試咗酸辣味。酸酸辣辣好開胃，仲要有埋芫荽😋雞子多汁同脹卜卜會有口爆嘅效果🤣一貝子，蜆份量都算多同埋大大隻、帶子都有兩大粒，不過覺得個湯有啲鹹。檸檬雪梨露，樽底勁多雪梨蓉同檸檬碎，好足料同埋都幾解渴，又唔會太甜。不過希望下次去會有四人枱，今次同朋友三個人去，都係兩張二人枱同埋中間有隔板隔住，變咗坐斜對面嘅人係聽唔到大家講咩😂

-🥢滑一滑-新鮮騸牯滑牛、炒滑蛋、日式拉麵 $54湯底好濃郁，酸酸甜甜咁，好開胃，鍾意蕃茄湯既你一定要黎❗❗❗牛肉是鮮牛肉，份量都唔少，而且又唔會太韌，但個重點都係蕃茄湯🤣滑蛋真係炒得好滑，蕃茄湯加蛋🤤🤤拉麵麵質適中🥰🥢腐皮墨魚蝦條、日式拉麵 $48一樣都係蕃茄湯😍😍墨魚蝦條完全唔粉，同平時打邊爐完全唔同，好彈牙，而且蝦條入面有D墨魚粒，粟米粒可以咬下，好食🤤🤤如果唔想跟麵，可以單點小食🤣🥢墨魚芝士小丸子 $28小丸子細細粒，入面係芝士餡，粟米粒🤤🤤同個腐皮墨魚蝦條差唔多味，所以可以唔洗2個都叫晒🤣🤣🥢檸檬雪梨露 跟餐$18酸酸甜甜咁，但比較淡，冇咩雪梨味🤣🤣🥢豆漿 跟餐$10正正常常，豆漿唔太甜🥰評分：味道：⭐️⭐️⭐️⭐️環境：⭐️⭐️⭐️⭐️整體：⭐️⭐️⭐️⭐️————————————————————————