特登去大角咀搵下野食，經過呢間小店貌似不錯，晚餐價錢平，平均$70就可以食到一碟飯或意粉，其他餐廳因為要等位嘅關係，所以就入咗威尼斯餐廳醫肚😉 晚餐大概十款，但意粉或意大利飯嘅選擇就大部份都係忌廉汁，肉類有西冷，黑毛豬，羊架，所有餐都跟香草蜆肉忌廉湯同熱飲 💥紐西蘭西冷牛扒配胡麻沙律，飯/意粉$118 沙律菜新鮮，非常爽脆，配上胡麻汁剛剛好✨ 牛扒有2塊，2塊牛味淡，而且質素不一，其中一塊比較overcooked, 鞋身😅 意粉用左青椒同洋蔥炒，唔太油但好淡口，建議可以加蒜炒香意粉 💥炭燒雞扒意大利飯$64 好失望，雞扒並不是炭燒的，味道偏甜，而且肉質幾”梅”, 無應有的咬靭度，而且都多小肥膏😩意大利飯都煮到好淋，汁醬係好白嘅忌廉加芝士，食左半碟已經覺得好漏🥺 總括而言，價錢平，但滿足唔到味蕾💥

個人認為The best pizza in town嘅Doughbros終於黎到九龍區啦🤩🤩🤩 仲要係九龍中心點-佐敦！期待左好耐，對於住九龍區嘅我表示好開心😁 雖然大部份嘅Doughbros都係外賣店，但要滿足自己就要長期支持🙌🏻 佐敦地點方便，一出鐵站大概步行1分鐘就見到Doughbros 😉 一路行都聞到少少陣陣pizza香🍕🤤 如果透過OpenRice order 外賣自取仲有九折優惠添💥 🍕Half N’ Half Dougbros真心無一個口味係伏，今日想食Pepperoni Supreme又想食BBQ Chicken，就一於order half n’ half滿足自己啦🤩 pizza大概10至12吋，切了六件，pizza批底是薄薄的，批邊是厚批，咬落好有質感好實在🤓🤓如果追求又薄又脆嘅Pizza呢款未必係你嘅選擇，但鍾意偏淋身的我就好中意了😋 同埋Doughbros賣點用sourdough 作為批底，所以麵包部份會帶少少酸味，食得出真係用Sourdough 🤤 Pepperoni 蕃茄醬味濃，配上十幾片pepperoni同Italian sausage，陣陣咸香味，少少辣，好惹味！而BBQ chicken嘅雞肉絶對唔會烤過濃，雖然是細小的雞粒，但一啲都唔鞋，配上甜甜地嘅BBQ醬和mozzarella ，有拉絲效果添💥💥 Doughbro pizza 嘅精髓係Garlic Herb Dip 同辣椒片😜 Garbic Herb Dip蒜蓉味濃，質感creamy 幼滑，沾上任何一個口味都無懈可擊🤩🤩🤩 Doughbros = The best pizza in town🍕🍕🍕

銅鑼灣鬧市要找一點寧靜確實不易，呢間coffee shop 位於霎西街的角落，環境清幽😊 咖啡店擺設頗有心思，亦擺放了幾棵植物點綴，店內座位大概有8個，有bar枱，有長椅 店外亦有一張長椅，可以揀坐店內或店外☺️ 咖啡選擇種類大概10多款，亦有售賣cheese cake，曲奇！ ☕️Flat White $38 咖啡豆house blend，味道唔係偏酸，口感幼滑，我要大大力讚一讚拉花，好有心思亦不易化泡，圖案好靚😍✨ 整杯咖啡屬正常發揮

由大坑搬黎銅鑼灣Fashion Walk，人氣照舊爆登💥地方比大坑細些少，但裝修仍然保留特色，多了些bar枱位，而食物質素都無下降🙌🏻 🌟大坑薯條 呢個係2nd Draft嘅招牌小食，上枱熱辣辣香噴噴，薯條上灑滿孜然粉，仲有少少辣椒粉，非常香脆可口，帶點辣，忍唔住食完一條友一條😜 🌟啫啫雞翼煲 自家製水牛醬唔係浪得虛名，雞翼漲卜卜，甜辣到適中，加上藍芝士和一些唐芹，帶點鹹香，中和了味道，雞翼外皮也半煎炸得非常香脆，但份量比較少🤣 🌟腐乳卡邦尼 呢個feel菜非常有特色，平時食開嘅卡邦尼可能你會覺得有啲滯口，但呢個卡邦尼加咗腐乳，同平時食法又有啲唔同，腐乳味未至於非常出眾，配上大量火箭菜，整體感覺清新，意粉軟硬度適中😝 🌟咖央多士 呢個咖央多工同平時食開最唔同嘅就係內餡用咗椰子吉士，加上多士上面鋪上椰子碎，椰子味非常突出，再配上雪糕和糖漿，好好食，甜度亦適中😋幾飽都要食！

經過天后見到呢間麵包舖主打麻糬波波，就行入去望吓！除咗麻糬波波，仲有買蛋卷，蛋糕，曲奇等等🙌🏻 賣點自家製😊 望吓啲麻糬波波，見佢個size唔算細，就買咗五個裝嘅紫薯麻糬波波$28💥包裝幾精緻，size大概叉燒餐包咁，搣開個包，雖然幾空心，但都見到有一舊麻糬加紫薯蓉包咗喺入邊，食落都幾煙韌，都有紫薯味，麵包鬆軟，不算太甜，不錯🍠🍠🍠 個人認為如果多啲餡料就更好了，但以呢個價錢而言，性價比算高👍🏻👍🏻

每逢Happy Friday都要食好啲🙌🏻甘岩經過Fashion Walk嘅食街，見到呢間幾有格調嘅韓國菜，就入咗去醫肚lu 😊 呢間韓國菜嘅裝修幾有風格，以深色為主，環境舒適，當日天氣清涼，選了戶外的位置🌟餐廳食物價錢屬中上，午餐都有大概10款選擇，點都會有一款岩你😜 🌟燉牛肋骨 餐廳首先會送上前菜，午餐上菜算快，大概10分鐘就有得食了👍🏻牛肋骨炆得好淋，肉質非常嫩滑，亦充滿牛油的香味，湯底甜甜鹹鹹的，幾清淡，送飯一流！😝牛肋骨份量非常充足，一共有五大件，而且伴有配菜，有蓮藕，蘿蔔，小青椒！呢個set另一個特別之處就係飯，選用了糙米飯，糙米飯煮得軟糯，非常健康🙌🏻🙌🏻🙌🏻 滿足的一頓午餐🤩

好湯好麵出名在於湯底，真材實料😉最近想食得健康啲，就去咗朝聖🤩 餐廳裝修同一般麵店差不多，座位不太闊落，不過環境乾淨！ 湯麵大概有10款選擇，有啲湯麵名字特別，例如黑口黑面，蠔皇豬豬，叉燒鮑等等😜 仲有涼拌，小菜，甜品俾大家揀🤭 👍🏻芝麻醬雞絲粉皮 個人好鍾意食雞絲粉皮，呢度嘅雞絲粉皮好出色，雞絲比一般的大，一啲都唔乾，芝麻醬自家製，香濃的芝麻味，挺杰新的，每一口每一條都沾上芝麻醬🤤🤤🤤 👍🏻蠔皇豬豬 蠔皇豬豬材料豐富，主要有廣島蠔肉，鳳尾蝦，日本黑豚五花腩片，湯底味濃，冇味精，食得出係真材實料，如果喜歡海鮮的你就不能錯過😉 👍🏻叉燒鮑 鮮扣鮑魚為主調，配上日式叉燒，叉燒燒得香口，厚薄適中，選用了扁洋春麵，彈牙好好食😌果然用新鮮食材製造出來的湯底非常濃厚，真材實料，沒有味精，可以飲晒成碗湯🤭

呢間係米芝蓮過江龍的拉麵店🍜每次去都見到少許人龍，今日大概8:30經過，完全唔使排隊，所以就入咗去食了！餐廳衛生程度良好，見到職員會用新布加噴霧去抹枱👍🏻 餐廳裝修比較摩登，大門口有一棵大樹，頗寫意😊 🍜信州味噌沾麵 $148 (期間限定⏰) 看圖見到呢個沾麵有好多配料，有蠔，叉燒，糖心蛋等等😊 擺盤而言係幾好嘅，望落都算大份😌 叉燒薄薄的，但肉質嫩滑，有淡淡的燒香味🙌🏻蠔幾新鮮，不過拉麵就比較淋了，唔夠彈牙，湯底都略嫌少咸💥 整體而言性價比較低。

淘大商場一向都多嘢食，行行吓食街見到呢間充滿台灣色彩嘅餐廳，就突然被台灣菜吸引住，決定去一試😉當晚7:30到達，都有大概十個人排隊，因為人齊先可以入座，我哋大概等咗5分鐘就有位了😌 一入到餐廳就被裝修吸引，餐廳以木為主調，更掛有充滿台灣色彩的掛畫，旗，燈籠等等，彷彿突然置身台灣🤪 我們被安排了一個角落的位置，空間闊落，環境舒適！食物種類都算多樣化，有台灣必食的刀削麵，蛋餅，鹽酥雞，芋圓等等😙 🌟 酥炸花枝丸 $37 花枝丸一共有五粒，五粒都很大🤭花枝丸口感彈牙，香脆可口👍🏻 🌟鹽酥雞 $38 一上枱就聞到陣陣鹽酥味，超級香，雞件份量非常足夠！熱辣辣的鹽酥雞炸粉一啲都唔厚，而且雞肉非常嫩滑，一啲都唔乾🤩 🌟玉米芝士蛋餅 $32 蛋餅有幾款選擇，有點選擇困難症的我最後點了玉米起司蛋餅！個人認為蛋餅屬正常發揮，如果蛋皮可以再煙靭一點，粟米多一點會較好😜 🌟QQ地瓜球 $37 好想大大力稱讚呢個地瓜球🍠 地瓜球有兩隻顏色，如果是紫色的入面就包住黃番薯，如果是黃色的入面就包住紫薯🤩 地瓜球份量十分慷慨，大概有20粒！番薯外層包了一層糯米皮，非常非常煙韌，充滿番薯香，食得出係用真番薯而製成唔係假假的合成未😝 表面鋪滿甘梅粉，酸酸甜甜好好味🤤🤤 🌟懷舊魯肉飯(大）$44 滷肉肥瘦均勻，滷肉汁量多，附上半隻滷蛋和兩片黃蘿蔔，餸飯一流🙌🏻 🌟香酥排骨麵 $50 香酥排骨嘅味道同鹽酥雞差不多，炸粉同樣地一啲都唔厚，不過略嫌排骨肥膏比較多，屬正常發揮！麵底應該是油面，唔會過淋，湯底清淡，完全唔咸😉 呢間餐廳叫9分飽，食完10分飽好抵食💥💥就算唔係經過九龍灣嘅你，都可以專程去試一試，過一個滿足的台灣之夜🤭🤭 下次再回頭就要食刀削麵，甜不辣，芋圓🤤🤤

呢間海南雞飯一直人氣高企，另一間分店喺紅磡長期排隊🫣每日嘅海南雞飯同埋椰子雞湯都係賣完即止，當日三點幾打去餐廳詢問，椰子雞湯已經賣完，注定同椰子雞湯無緣😩但難得去到上環一帶，都想試吓佢嘅海南雞飯😌 餐廳環境四正，尚算乾淨，樓面姐姐服務態度都幾好😜我哋點咗兩碟招牌去骨泰式海南雞飯，一個白飯另一個油飯🌟 🐔招牌去骨泰式海南雞飯 (白飯/ 油飯) $66 因為有點肚餓嘅關係，所以都叫咗多飯，唔使加錢🤭 由於呢間係食泰式海南雞飯，所以醬汁同一般海南雞飯不同，只有一個醬汁，醬汁味道酸酸的，非常開胃🙌🏻雞件大部份都是雞胸位置，出奇地非常嫩滑，都幾juicy，如果大家想食全脾，就要另加$10💥 加埋醬汁送飯，好快就吃光光了😜 好好食！會回頭😝 另外，餐牌上也有2人餐嘅選擇，有半隻雞， 小食，湯和飯，都幾抵食，如果大家想食多啲，不妨考慮一下✨