牛摩 (都會駅)

營業中

休息中

Temperature of Hong Kong has dropped sharply recently. The humid cold seems to persist even though the temperature already rises. To feel warmer, hotpot is always a wonderful idea. This Wagyu More branch is located conveniently in Metro Town in Tiu Keng Leng station. The price of the dinner set ranges from $128 to $508 for adults, depending on time of dining and parts of beef. I chose Level 2 beef shoulder with pork bone soup, $198 per head. To get more food, we took some from the buffet area, a

老公早幾日話，未爬龍舟水，都唔好收埋啲冬天衫住。我當時心諗：吓？呢排好熱喎⋯⋯溫度唔會下降呀嘛？點知，呢一兩日我覺得似變咗秋天咁，涼得黎有少少寒意。😵‍💫所以放工後，好想打吓邊爐，暖吓身。咁啱今日喺將軍澳做完嘢，見到有依間按摩，就忍唔住入咗去嗌咗個Level one嘅餐（但時候發覺其實level one冇乜嘢可以食，做事叫高一個Level的 Level two啦…）我成日以為牛摩係連鎖店，裝修會差唔多，點知，依間舖頭同我屋企樓下食開嗰間好唔同，裝修唔同、食材擺設櫃及氣氛都唔同，仲令我驚喜嘅係竟然有爆谷食！ （仲要係好食嘅嗰種）而且，個雪糕機竟然唔係普通嘅雪芭，竟然係牛奶雪糕！！！正！配料竟然仲有紅豆可以揀，原來唔同分店係可以有咁唔同嘅選擇，搞到我都想試吓其他唔同分店添….

夜晚諗唔到食咩結果去咗shabu shabu, 原本無咩期待諗住吃飽就算，點知比我發現左CP 好高既放題！湯底有骨膠原莞茜湯同昆布鰹魚清湯，兩者湯底都好鮮甜。骨膠原莞茜湯滑口，湯底濃郁，而昆布鰹魚清湯則清爽鮮美。自點任食嘅牛肌腹、雞肉、豚肉同溫泉蛋，質素都非常好！牛肌腹肉質鮮嫩，入口即化，雞肉同豚肉都好 嫩滑，而溫泉蛋都正，蛋黃流心，好滋味！撈埋火鍋醬料仲好食自助區有各式蔬菜同丸類，蔬菜有冬瓜、南瓜、翠玉瓜、芋頭、粟米、冬菇、金針菇、生菜、韭菜等，丸類有年糕福袋、魚腐、蟹籽丸、墨丸、魚蛋、貢丸等，真係好多選擇👍👍甜點方面有北海道牛乳乳酪、朱古力雪糕、泡芙、芝士蛋糕等，個人就吃左3杯乳酪雪糕，回曬本😂😂飲品方面就正正常常有咖啡、茶、汽水、梳打水、沙冰等。依個價錢質素已經好好，食到飽一飽都係200蚊一個人，可以再eat!!👍

呢日約左朋友黎到調景嶺呢間牛摩, 最近天氣凍,打邊粣就最岩, 我地叫左Lv. 3 既阿古豚梅肉, 呢款豚肉食落真係好香豬味, 一D騷味都唔覺得有, 我地叫左鴛鴦湯底, 一邊係蘋果湯, 一邊係壽喜燒, 壽喜燒湯底配肉真係好岩! 佢有QR CODE 落單, 肉類或者一D 熟食類就可以用QR CODE 落單, 出面就係拎野飲都埋菜、丸、麵個d, 估唔到出面仲有爆谷, 另外出面仲可以拎韓國既個一款拉麵~ 夠哂多選擇! 我地每次落左單大約5分鐘肉就會到, 而佢既炸物類就耐少少, 但值得等一等, 因為真係新鮮炸起熱辣辣, 出面既配料流轉量都快, 所以都好新鮮! 爆谷仲要係脆卜卜! 呢度仲有雪糕機任食! 真係令人樂而忘返!

我在調景嶺返工，好不容易找到心水食店來午膳，有菜有肉，加$12又可以任飲任食甜品，雖然甜品種類不多，但質數都算不錯，衛生環境都好好，整體都令我滿意。所以，今日食飯時間即刻去光顧，但去到時約十多人排隊，店内有很多座位，因職員要每叫一枱，先選食物才可入座，但客人在門前慢慢考慮，帶位職員又要帶客人入座，令到入座非常緩慢，我只得一小時食飯時間，等到我可以入座，都冇時間品嚐啦！真不明這間店待客之道，簡直趕客。

今次係第二次試牛摩，真係好鍾意一人邊爐嗰個愜意嘅感覺，舒舒服服咁按自己節奏去食。一如既往地職員服務態度好好 上菜速度快 出面任食區域都唔洗同人爭。我地兩個人食 揀左LV2精選牛肩胛 沙嗲同埋蕃茄湯底 個人認為蕃茄湯底比較吸引 一開始飲幾啖湯先 之後先開始烚牛黎食 個湯底會愈煮愈濃 食到中間唔洗點醬都會夠味至於醬料方面我揀左芝麻醬同埋柚子醋 都幾推薦嘅因為係咁食個湯底嘅味始終會厭 揀啲soft嘅汁可以解膩肉方面推薦牛肌腹同埋牛舌 牛肩胛略嫌唔夠厚身 冇好好吸到個湯底嘅精華 如果你都係嗌蕃茄湯嘅話豚肉係一個幾夾嘅不二之選 至於其他野食我只推青口 留意返佢係逐隻逐隻咁嗌 每次淨係可以嗌兩隻 所以記住每次落單都要嗌甜品方面 泡芺最出色 配埋佢個雪糕非常之夾整體黎講係一個幾好嘅體驗 唔係話會食到嘩一聲但想靜靜雞坐得舒服打個邊爐 住附近可以一試

將軍澳調景嶺的牛摩火鍋店是一家絕對不能錯過的美食目的地。這家火鍋店以其新鮮的牛肉、豐富的海鮮、多樣的丸子、美味的甜品和精心調製的飲品而聞名。無論您是火鍋愛好者還是對美食有著無限追求的人，這裡絕對能夠滿足您的味蕾。首先，讓我們來談談這家火鍋店的牛肉。他們的牛肉新鮮嫩滑，質量上乘。無論是嫩牛肉片還是口感豐潤的牛肉塊，都能讓您品味到牛肉的鮮美。每一口都帶著濃郁的牛肉香氣，絕對是肉食愛好者的天堂。此外，他們的海鮮選擇多樣豐富。新鮮的蝦、蟹、魚和貝類都可以在這裡找到。這些海鮮都保持著原本的鮮味和彈性，給您帶來極大的滿足感。無論是直接享用，還是放入火鍋中煮熟，都能品嚐到海鮮的鮮甜美味。在丸子方面，這家火鍋店也給人留下了極深的印象。他們的丸子種類繁多，口感細膩，入口即化。無論是魚丸、貢丸、或者是貢貝丸，每一款都有其獨特的風味。這些丸子搭配火鍋湯底一同煮熟，能夠充分吸收湯汁的滋味，給您帶來無限的驚喜。如果您對甜品和飲品有著特別的喜好，這家火鍋店也不會讓您失望。他們的甜品選擇多樣，包括水果沙拉、豆腐花和冰淇淋等。這些甜品清新可口，能夠給您的味蕾帶來愉悅的享受。此外，他們的飲品種類繁多，提供各種口味的汽水

我哋2個人食一人一鍋有得揀兩個湯底，然後餐方面我哋揀咗LV4.極尚小牛排。肉類海鮮同熱食可以掃QR code點，而炸物、蔬菜類、甜品、雪糕、飲品同埋配料，就可以喺出邊自己拎～！爆谷係特別好食一定要試！如果覺得唔夠嘅話仲可以單點追加添，但我哋覺得已經足夠啦！…肉類方面，我覺得呢個價錢嚟講真係唔算貴豬牛羊雞都有齊，而且全部肉都係唔會韌嘅～好食，可以放心點，值得一讚，店員上菜嘅速度都非常之快！…蔬菜方面，有整整兩大個雪櫃裝住，而且保鮮程度都非常之足夠。菜嘅種類非常之多，只要你諗得到嘅蔬菜菇類，應該都會有～唔錯！除此之外，入邊仲有一啲瓜果類啊、同埋粉麵類雪住。…飲品方面，除咗傳統嘅汽水之外，仲有唔同嘅梳打水，甜嘅唔甜嘅茶類都有，我覺得選擇都比較多～甚至台式韓式都有。…甜品方面就有啲泡芙啦同一杯杯嘅啫喱布甸等等，每款都細細杯咁，可以一次過試晒全部！而且隔離仲有得自己唧軟雪糕，配料都有好多選擇～

放工後約了友人吃火煱， 選擇了地鐵直達的都會駅牛摩。店舖可由地鐡站不經路面直達商場2樓，極方便。店子面積適中，整潔光亮。 一人一鍋我喜歡。兩人分別叫了昆布鰹魚湯及蟲算花鷄湯作湯底，選了$258 /人， 90 分鐘阿古豚梅肉餐。 阿古豚肉比起其他肉片味道較清，一點騷味也沒有。我喜歡沾上麻醬，友人選蒜茸豉油。店內醬料很多選擇, 有款叫中龍醬，我未見識過，原來 味道是放在吉列豬排上的啡色醬汁。我們又點了牛肩胛和羊肉，相對下，羊肉味甜且較滑，我喜歡。總體來說，肉類的質素真不錯。 試了幾款小食，我喜歡牛摩飯(免治牛肉蓋飯)跟溫泉蛋，熱呼呼啊。友人叫了鷄皮餃子，即點即炸，喜歡吃鷄中翼的他，讚囗不絶。還點了一口芝士和迷你甜薯。除沙律及壽司外，多款小食都是即制而不會預制放涼。 飲料除罐裝飲品外，店子亦提供沙冰、咖啡茶。 甜品有軟雪糕及泡芙。我亦欣賞店子利用美美的小容器來避免浪費食物。我選了蕎麥麫。員工收碟快，整體來說，我和友人都對食物及服務滿意。

今日去咗調景嶺一間叫牛摩嘅日式放題火鍋餐廳，一入去見到餐廳座位都幾寬敞，仲可以有一人一鍋嘅選擇。湯底方面我地揀咗壽喜燒同美顏骨膠原湯。由於我同朋友都係牛魔王，我地揀咗呢個精選牛肩胛套餐。🐮放題套餐仲有得任嗌豚肉、雞腿肉同羊卷肉，迎合哂食肉獸們嘅各種愛好。牛肩押肉係牛從頭延續下來嘅里脊肉中最前面嘅肉。薄切嘅牛肩押都有兩款，一種肉質較厚實，牛味都幾重，另一種則較多油花，口感更軟嫰，個人比較鍾意嘅係後者☺️ 另外牛舌口感軟脆而且幾彈牙，掛汁嘅牛舌更加juicy🤤牛肌腹油脂比較多，食落跟牛五花嘅口感都幾似。配菜方面都有唔少選擇，無論係菇菌類，蔬菜定係瓜果都有好多款（連苦瓜都有😆），所以就算素食朋友都一定覺得滿足！🌶🥕🥬🥦🍄熟食亦有溫泉蛋、壽司等，我點左一個溫泉蛋，好滑而且充滿蛋香！飲品及甜品亦係多款到令人眼花撩亂，無論係沙冰抑或各種嘅罐裝飲品都應有盡有。甜品唔單止款，亦有froyo比大家DIT，就連泡芙都有兩隻味，好食！而我係一眾選擇入面揀左芒果布丁，真係幾好食，custard 好有蛋香而芒果味係清甜嘅，推薦大家都試吓！推薦指數：4.3/5⭐️

平時好少踏足將軍澳，今日咁啱朋友喺度收工，過嚟搵佢食飯天氣勁凍，需要邊爐暖一暖個胃，咁啱黎到唔使等位，梗係要食啦兩個人，嗌咗呢個牛肌腹套餐，朋友係會員，$180都唔使，幾抵食美人膠原啫喱雞白湯底，上枱真係一嚿啫哩喺入邊😂火鍋放題最啱食肉獸，呢個餐可以嗌到牛肉、豚肉、同雞肉，呢三種肉表現都唔錯，尤其推薦豚肉，有肉味都有油香蔬菜方面都有唔少種類，特別要推介白菜仔好好食，攞咗兩轉之後就冇晒🥲飯桶梗係要食飯，有少少肉燥同埋紫菜仲有隻半熟蛋👍飲品種類都多，常見嘅汽水同埋茶飲都有齊，選擇多最後梗係要食雪糕，我最欣賞既topping 係芒果爆珠，畢咗勁多，開心😂😂整體嚟講， $180就有得打個任食邊爐，質素都算唔錯，抵食！

見到門口貼滿和牛嘅招牌，我同朋友都係牛魔王，決定一於過黎試下，座位坐得好寬躺，兩個人都可以安排4人坐位，自助區域食品擺放得好整齊，醬料區種類都好多元化有各樣丸類，有芝士腸，花枝丸，芝士獅子狗，牛丸，魚蛋等，仲有不同菜類，豆腐，蕃茄，可以根據喜好自由選擇，飲品區都有各款汽水，檸檬茶，烏龍茶，旁邊仲有乳酪，泡芙，布甸，旁邊仲有啲壽司，鰻魚壽司，火炙三文魚壽司，三文魚壽司，鯛魚壽司今日叫咗美國SRF和牛$279，套餐仲可以叫美國IBP牛板腱，特選美國牛肩胛，牛舌，羊卷肉，鴨血由於一人一鍋嘅關係，我哋可以揀兩款湯底，分別揀咗麻辣湯和蟲草花雞白湯，麻辣味十足，好香花椒八角的味道，雞湯都非常清甜牛肉方面叫左每樣都叫左一碟先試下，牛肉細嫩，當中油花分佈好平均，當中美國SRF和牛口感極好，入口即化，叫高級小小嘅牛肉，可以食到多重口感，牛肩胛肉油花冇咁重，但牛味比較濃，牛舌都非常爽口仲叫左蟹籽墨魚滑，魷魚仔，海鮮類別都好新鮮，蟹籽墨魚滑好足料，必試，最後大家記得食埋甜品先好走丫

今晚去咗朋友屋企附近商場打邊爐，有段時間冇食任食火鍋，又好想食牛喎，咁咪坐言起行😎我哋揀咗美國IBP牛板腱套餐，有牛有雞又有幾樣海鮮，都夠食㗎啦首先講吓環境，呢間分店上年至開，所以好新淨，燈光充足，而且清潔衛生，員工都好友善helpful講返食物，首先嚟咗碟份量好慷慨嘅牛板腱，之後陸陸續續叫咗雞柳青口魷魚等等。另外出面啲嘢食都refill得好快，所有菜同丸啊腸仔啊等等都好新鮮，而且另外一邊仲有細細碗嘅爆谷同韓國拉麵，性價比好高食牛肉放題，最緊要梗係啲牛肉嘅質素啦，叫咗幾款牛肉味都好濃郁，肥瘦適中，以呢個價錢嚟講都真係好抵食食飽飽之後就係甜品時間啦，最令我驚喜嘅係有得任食北海道牛乳軟雪糕，旁邊仲有其他脆脆點綴，另外一個甜品櫃上面亦都放置咗幾款嘅自家製甜品，滿足晒一眾小朋友第一次嚟牛摩食個體驗好好，除咗環境乾淨企理之外，食物款式都好多樣化，而且質素幾高，值得推薦#放題 #任食 #打邊爐 #優惠 #火鍋 #wagyumore #wagyumoreplus🌟

天氣涼涼地，最岩去打邊爐！成日都見到牛摩嘅分店，今次終於同fd一齊食到😆我地係平日夜晚6:30黎食，唔洗點排，好快就入得！呢間分店都算大間，乾淨！有大枱可以坐，坐落舒服，唔驚無位放食物👍🏻我幾鐘意呢種日式火鍋，夠抵食🤤今次叫左上品牛肌腹自助放題，包括任食上品牛肌腹、豚肉、雞肉、溫泉蛋、牛摩飯、溫泉蛋牛摩飯同埋自助區嘅各種野食野飲，真係超值嘅選擇👍🏻 湯式底都有好多選擇，我地揀左一個係關東風壽喜燒，一個博多美人骨膠原啫喱雞白湯。個雞白湯好得意，湯底夠濃同養生👍🏻一開始叫左幾碟肉，我最鐘意係牛肉！牛肌腹切得岩岩好，脂肪分佈夠均勻！煮熟之後都保持住肉質嘅鮮嫩，夠牛味👍🏻配埋自己調嘅醬汁好好味，食左好多碟🤤 除咗牛肉，仲有豚肉同雞肉都唔錯！豚肉嘅肉質鮮嫩，雞肉切成一條條，方便入口👍🏻牛摩嘅自助放題區好吸引，有唔少選擇😍有菜、丸、菇、豆腐、麵、壽司、甜品同野飲揀！啲菜都新鮮，岩晒想食得健康啲嘅人👍🏻養生嘅我地一開始就淥左好多菜食，無咁易肥🤪我幾鐘意牛摩有好多野飲揀，例如汽水、果汁、茶等等，仲有沙冰機同咖啡機可以斟🥹臨走前食埋個雪糕，大滿足💯

呢日黎到調景嶺呢間牛摩打邊爐! 我真係超中意打邊爐! 我地叫左蘋果湯底! 真係好香蘋果味! 香到煲緊個陣真係散發出陣陣既蘋果味! 佢既牛肉真係好有牛味,同埋都唔係好肥, 食落唔會太漏, 咁就可以食多幾塊, 同埋佢既牛一塊都幾大, 唔會要一次食好多塊先得~ 夠哂有口感!另外佢係用QR CODE 落肉既, 落完唔駛5分鐘就送到, 份量同落單個陣一致, 亦都唔會話第一ROUND 靚肉之後D 肉唔靚咁~ 另外佢出面都有唔少野食可以拎, 仲有爆谷同雞蛋仔! 爆谷係熱同脆~ 仲有好多丸類同菜, 亦都有烏冬、拉麵個D ~ 仲有一D 熟食係可以落單叫~ 落完都好快有, 我都幾中意食佢地既餃子同麥樂雞! 甜品仲有牛乳雪糕,真係好滿足!