牛摩 (都會駅)

營業中

休息中

湯底有七八款，一定搵到一款啱晒心水，除了多款豬牛羊都好好味，更有10多款蔬菜可供選擇，包括夠矜貴的羽衣甘藍。熟食方面也有熟蝦壽司、韓國泡菜、韓式炸雞、枝豆、炸魚丸和魚餅等，相當出色。飲品款式非常多選擇，除了罐裝汽水、特色韓國飲料、綠茶和解茶，又有沙冰和軟雪糕。甜品有泡芙，不同款式的蛋糕和爆谷。簡直超出預期咁豐富。整體性價比很高的一次放題消費。就算叫最基本的放題餐都好夠食，今次一家三個都食得好飽，很滿足，唯獨放題時間只有90分鐘，未能慢慢嘆。

之前新開張嘅時候嚟試過牛小排餐驚為天人，一直想再嚟，今晚想打邊爐又唔算好餓，就揀咗美國牛肩胛餐。連鎖邊爐好多時唔同餐之間肉嘅質素差好遠，要揀到中間價位先叫入得口，但牛摩完全打破咗我嘅既定印象。 特選美國牛肩胛賣相已經好得，油脂分布平均，食落牛味濃，厚度都足夠，完全唔會輕飄飄咁。 今晚encore咗幾次牛，好欣賞質素好穩定，同第一round差唔多咁靚，定價百幾蚊真係抵到爛。放題仲有得揀豬、雞、黃金花枝棗同牛摩飯，以我專攻牛、加一兩碟豬嚟講都好夠食，豬梅肉幾靚，整體嚟講幾欣賞啲肉，似平時AEON買嗰啲咁有肉味。自助區仲有好多款菜、特別嘅丸同響鈴，飲品特別，出面單點都要十幾蚊一罐，完全滿足晒打邊爐嘅慾望，一定會再嚟。

我多次光顧牛摩，並且我非常喜歡他們提供的美食和服務。首先，讓我說說他們的湯底。我通常會點沙嗲湯和壽喜燒湯。沙嗲湯是一種香辣口味，有著濃郁的香料和辣椒風味，每一口都帶來了獨特的辣味享受。壽喜燒湯則是甜甜的湯底，有著豐富的味道和柔軟的口感。這兩種湯底都非常美味，能夠滿足不同口味的食客。接下來是他們的食材選擇。牛摩一人火鍋店提供了各種新鮮的肉類、海鮮和蔬菜選擇。他們的肉類切片均勻薄片，容易煮熟且保持了肉質的鮮嫩。海鮮選擇也很豐富，無論是鮮嫩的蝦子還是鮮甜的蚌肉，都能滿足我對海鮮的渴望。此外，他們的蔬菜新鮮多樣，提供了豐富的營養選擇。我特別喜歡他們的豆腐和餃子，口感嫩滑，給火鍋增添了豐富的層次感。令我印象深刻的是他們的服務。無論是迎接客人還是點菜服務，服務人員總是友善且專業。他們總是及時補充湯底和飲料，確保客人的用餐體驗無懈可擊。此外，他們樂於回答問題，提供建議，使整個用餐過程更加順暢和愉快。最後，價格方面，我認為牛摩一人火鍋店的價格是合理的。考慮到他們提供的食材選擇、湯底品質和服務水準，我認為這是一個物有所值的選擇。總結來說，牛摩一人火鍋店是我非常喜歡的餐廳之一。他們的湯底選擇豐富，食材新鮮

很久也沒有吃過火鍋了！今次由我住調景嶺的朋友帶我那裡地鐵站附近的牛摩吃火鍋。我們選擇了美國安格斯牛頸脊海鮮90分鐘放題套餐，有美國安格斯牛頸脊，特選牛肩胛，IBP牛板腱，黑豚肉，豚肉，雞肉，羊卷肉，青口，魷魚仔，帆立貝，鴨血，溫泉蛋，溫泉蛋牛摩飯，牛摩飯，任君選擇。飲料吧也有很豐富的飲品種類，不同款式的汽水，解膩的烏龍茶，不同口味的冰沙，鮮甜的果汁，應有盡有。旁邊的甜品更是令人目不暇給，有各式各類的蛋糕仔，泡芙，布丁，雪糕等等。旁邊有不少自取的火鍋材料，魚片，生菜，粉絲，蓮藕等等的多不勝數，令我驚喜的是，在這間韓式火鍋裏有壽司提供。我們點了不少肉，肉質是肉眼可見的鮮美，美國安格斯牛頸脊放進鍋裡八九秒便熟透，再放進口裡，非常爽口彈牙，羊卷肉並沒有那種羊騷味，蘸上自己配好的醬汁，羊卷肉的清脆口感加上醬汁的點綴，味蕾達到了極致的享受。帆立貝，青口和魷魚仔嚐起來很鮮，小食也是很不錯，包括炸餃子，炸雞塊口感十分脆口，還有那些味噌青瓜，甜薯口感也十分爽。 希望下次去到調景嶺能再去吃這間。

在調景嶺站搵嘢食，上網睇到見到有呢間餐廳都好似好唔錯，夜晚打邊爐，放題食牛肉先揀湯底，除咗普通嘅蟲草雞湯底之外，我哋仲升級order了另外一個博多美人骨膠原啫喱雞白湯底，呢個真係未試過，一人一個邊爐，自己take care自己😆我哋用手機落單，餐牌有提供Wi-Fi，除左火鍋料，仲有熟食，另外出面自助區就可以自己整醬料、拎甜品-雪糕、整嘢飲、仲有各種蔬菜、丸類，自助區醬汁調味好多選擇。今晚主食牛，食牛肩胛肉，呢盤好靚，肥瘦相間。仲有羊肉&豬肉，都是一片片的羊肉口感食落幾爽，雞肉都有提供，煮熟既雞肉出乎意料咁滑飲品櫃好多野飲選擇，汽水、茶、果汁嗰啲都唔少，仲有芒果&提子沙冰旁邊仲有甜品 - 雪糕、蛋糕、泡芙、啫喱杯、布甸杯、糯米糍……有一點係食完想講呢間餐廳好好，坐位坐得舒服，唔會好迫。同前晚食飯有關，呢個就係無比較就無傷害🤔

呢日返工忙到lunch都冇食 放工好肚餓就搵咗呢間餐廳食返餐豐富嘅晚餐🍴 嚟咗呢間連鎖火鍋放題店食個90分鐘嘅晚市IBP牛板腱放題🥰湯底友人揀咗豬骨濃湯 而我就試吓特別啲嘅博多美人骨膠原啫喱雞白湯🐥 一上鍋嘅時候就要打卡啦 因為啫喱係有一個樣咁㗎 真係好搞笑 🤣肉類牛肉方面有IBP牛板腱 美國特選牛肩肉 牛舌 牛板腱同牛肩肉嘅肉質較瘦 所以幾重肉味🐮 牛舌薄身彈牙 另外仲有豚肉 雞肉 羊卷肉 魷魚仔 帆立貝 特別鍾意魷魚仔 魷魚有咬口 又唔會腥🦑小食而家餐廳做緊韓國祭 所以會有一啲韓國嘅特色小食😝 例如韓式脆脆無骨炸雞 紫菜粉絲卷 韓國傳統牛肉餅 炸雞醬可以喺出面嘅醬料區度攞 鍾意咩口味都可以 另外我仲叫咗炸日式餃子同炸雞塊 都幾香脆㗎👍🏻自助區出面仲可以攞各式各樣嘅前菜 壽司 蔬菜 飲品同甜品 比較特別嘅係有爆谷🍿 等緊個爐滾嘅時候食就啱晒啦 呢個火鍋放題都幾抵食 有好多食物嘅種類 加上係一人一鍋嘅關係 可以食到自己鍾意嘅湯底 真係食到好滿足😙

約朋友食飯，唔知食乜嘢，諗過打邊爐、食壽司、韓式野，咁啱搵到呢間，好似滿足晒咁多個願望打邊爐唔想就住就住，咁就食呢間放題啦，而且一人一鍋，唔需要同朋友夾定要咩湯底啲肉嚟到，質素都唔錯，落單上菜亦好快。蔬菜同嘢飲選擇好多，特別鍾意食油麥菜除咗出去拎嘢食之外，仲有一個app可以嗌啲小食食，例如炸雞薯條等等，好難唔飽㗎店員收碟速度亦都好快，亦好有禮貌。食物選擇多，價錢好合理，整體體驗唔錯，幾推介👍🏻👍🏻👍🏻

一向都好鐘意食牛摩呢間火鍋店🍲最近見佢喺調景嶺開咗新分店 一於去睇下有冇分別.🌟極盛和牛雜錦套餐 （$488/ 2人份）.我地點左午市定量套餐套餐包括日本和牛🐮、SRF 美國和牛、美國牛小排、黑毛豬🐷同埋海鮮拼盤（海蝦🦐、半殼帆立貝、半殼青口、魷魚仔🦑）.牛肉方面日本和牛肉腍得黎又有啲彈牙😋SRF美國和牛同美國牛小排不相伯仲兩款入口都好甘香 濃郁牛肉味 肉質非常優質不過美國牛小排油脂分布更均勻黑毛豬肥瘦比例完美🫡至於帆立貝同青口都鮮甜 魷魚仔唔韌.各式肉丸、腸仔、午餐肉、流心芝士年糕同蔬菜可以喺自助吧自取☺️仲有前菜例如泡菜、螺頭肉、菠蘿唔夠飽仲可以食韓式公仔麵、韓式粉絲、拉麵適逢韓國祭 仲有個牌教整芝士公仔麵🧀🍜淥完個公仔麵再加上碎芝士同泡菜用餘溫溶化芝士碎就食得 超級惹味.飲品有多種罐裝汽水🥤韓式罐裝飲品、支裝茶仲有果汁機、沙冰同咖啡機☕️.甜品有泡芙、芝士蛋糕、朱古力蛋糕、爆谷等等🍰🍿仲有綠茶軟雪糕 可以加入爆珠、紅豆、棉花糖、朱古力醬加埋一齊食🍨.餐廳裝修以日韓為主題🇯🇵🇰🇷全店掛滿韓國旗仲有一個大鳥居⛩️地方闊落坐得好舒服 職員亦都有禮貌

暑假繼續同小朋友去搵食，小朋友一向都係打邊爐粉絲。大時大節，問佢食咩，一定係打邊爐。今試小朋友想試牛摩。其實打邊爐有好多間，間間好似差唔多，不過牛摩勝在湯底正，夠衛生，會再食😋午市一人一爐，我哋食SRF美國肥牛餐，成人$239，小朋友/長者$189，任食90分鐘。我叫左博多美人骨膠原啫喱雞白湯，小朋友永遠都係番茄薯仔湯。一黎到雞白湯好可愛呀😍小朋友即刻話想試😂推介食物有好多，我同小朋友最愛牛舌，薄薄地，快熟又好味。另外羊肉同美國和牛都推介。羊肉味道酥，豐富羊味，油脂分布平均。美國牛肉重牛味，好少打邊爐，任食都可以有呢個質素。另外我欣賞QR code 落單，方便好多，除咗肉類逐碟上，其他食物逐件計。好似小朋友叫蝦，我叫鴨血，真係一碟有一隻蝦同一件鴨血，唔洗浪費。出去攞既食物種類都多，有菜，有麵，有丸。另外想讚一讚衛生程度高，有十幾種醬汁可以調味。成張檯可以好乾淨，好怕啲醬汁周圍都係，呢度無咁既問題，好乾淨!😋Yummy Yummy: 9/10😋

今日同老豆撐枱腳，知道佢鍾意打邊爐又鍾意食牛肉就帶左佢去調景嶺嘅牛摩。呢間火鍋店嘅特式係一人一鍋，自己鍾意咩湯底就揀邊樣唔洗就人嘅口味🤣湯底款式有好多選擇，我鍾意食辣就加$10叫左麻辣鴨血，我諗呢個係台灣祭特式湯底，另一款就係店員推薦嘅博多美人骨膠原啫喱雞白湯，啫喱個樣係牛摩logo好cute, 水滾後會慢慢融化，令湯底更濃郁。呢度係用QR code落單好方便又唔怕漏人手入單，另設自助區，選擇非常多有魚糕，麻吉燒，獅子狗，面類，蔬菜類......今次叫左個安格斯牛頸脊海鮮放題，每款肉類都係薄切，牛頸脊鮮嫩，牛板腱帶有牛味，豚肉肥瘦適中，雞肉好嫩滑，啖啖肉😋；海鮮方面有青口，帶子，魷魚筒，青口勁大隻，淥煮左都仍然好大漲卜卜，魷魚筒好爽口，食左咁多野緊係要留肚食餐廳嘅雪糕啦，雪糕好軟滑帶有綠茶香味最黎，不得不提店舖嘅員工好有禮貌，不時走埋食客旁睇下有冇吉碟收＆加湯，值得一讚👍

久違的日式打邊爐放題🍲一人一鍋好正呀，咁就可以自己揀中意既湯底，唔洗同朋友爭😆餐廳提供6款免費的湯底👇🏻我地就揀左沙嗲沙同蟲草花雞白湯🔸博多豬骨濃湯🔹港式蕃茄薯仔湯🔸港式特濃沙嗲湯🔹昆布鰹魚清湯🔸關東煮壽喜燒🔹蟲草花雞白湯之後就揀左特選美國牛肩胛放題套餐🐮🔸特選美國牛肩胛🔹羊肉卷🔸豚肉🔹雞肉🔸黃金花枝棗🔹牛摩飯牛肉同豚肉都好好味😋我同朋友都各食左兩碟🤭個牛摩飯就好似肉燥飯咁，而個花枝丸都好彈牙好味👍🏻出面都有好多蔬果類、丸類、麵食類及壽司等等任君選擇最後食埋個抹茶軟雪糕，作為一個美麗的結束🍦食到勁飽飽～正正子😙

ShabuShabu店香港有好多間，不過有水準嘅真係唔多。連鎖店黎講，牛摩係我係喺香港食最多次亦係水準最高嘅ShabuShabu店，重點係每一次光顧都無令我失望。最近發現調景嶺開左一間分店，於是今日就又去左幫襯。今次食既係美國安格斯牛頸脊海鮮放題，屬於中間級數。如圖所見，牛肉屬於薄切，安格斯牛頸脊鮮嫩有彈性，牛板腱則帶香濃牛味，各有千秋。唔怕生嘅朋友亦不妨將牛肉淥至半熟直接進食，口感味道更佳。除牛肉要用電話落單之外，其他大部份飲品、配料、沙冰，甜品、醬油都可以喺自助區自取享用。飲品方面，除左，有幾款比較罕有既韓國飲品如雪梨汁、青蘋果汁等等，如果罐裝飲品唔岩你，亦可以係自助區自己斟唔同既果汁飲。配料方面，雖然種類唔算特別多，但可以攞到既配料既質素算唔錯，特別推介麻辣包心丸。可惜既係當日既自助甜品係綠茶雪糕，由於綠茶唔合我口味所以無試到評論唔到，但總括而言係牛摩食到既都屬於非常好，性價比亦超高

今日去調景嶺探朋友，然後順便覓食，在都會駅2樓見到「牛摩」…之前已經網上見過話性價比高，價錢合理，肉質不錯等…於是跟朋友商量後就決定今日lunch 就是它吧😝🤣 湯底有8款選擇，博多美人骨膠原啫喱雞白湯賣相好得意，煮滾後，啫喱馬上溶入湯內，味道濃稠，不錯！ 日本和牛肉質軟嫩、口感多汁但且美國牛小排也不錯，脂肪比例好均勻，肉質軟腍，牛味濃👍黑毛豬都好高質，口感嫩，但不會肥膩！ 海鮮如生蠔、青口、海蝦、扇貝等等，都好夠新鮮！ 其他配菜如丸類菜等也不錯！尤其牛丸，夠多汁！

朋友狂推介將軍澳一間日本自助火鍋食店，於是去了將軍澳調景嶺景嶺路8號都會駅2樓L2-K01A及L2-039號舖～牛摩，港鐵調景嶺站A1出口，步行約4至5分鐘。店內環境寬敞，裝修新朿，牆上卡通壁畫生動可愛，每枱都設有兩個電磁爐，一人一鍋，非常方便衛生。菜譜多以套餐定食為主，亦可追加單點，套餐價格任人客選擇，種類和款式很多。服務員禮貌招待，上菜非常快捷。極盛和牛雜錦套餐$488（二人套餐）先來湯底兩鍋，點了博多豚骨濃湯底和蟲草花雞白湯底。一盤海鮮拼盤內有海蝦兩隻、帆立貝貝兩隻、青口兩隻、帶子兩隻、魷魚桶兩隻，各種海產都非常鮮甜彈牙。一盤和牛共3款，日本和牛、SRF美國和牛、美國牛小排，各款肉質都很淋滑，牛味牛脂極濃，入口鬆化，且份量十足，好食到不能停口。一盤薄切黑毛豬肉，一淥即能入口，肉質非常爽口彈牙，沾上香濃醬汁，更覺惹味可口。還設有多款瓜菜類、丸類、芋絲麵食類、菇菌類、豆腐類等，豐富和新鮮至極，應有盡有，讓客人吃過痛快。小食和甜品也相當齊全，軟雪糕、窩夫、脆脆爆谷等多款精緻甜品和餐前小食有中華沙律、日式螺肉、粟米粒和車厘茄等。飲品繁多，多款罐裝和樽裝飲品、多款果汁機飲品，任君選擇，食過

下午茶時間去食火鍋放題就是我跟朋友的減肥策略🤭最鍾意喺呢個時段，避咗個午餐時間，唔會多人，坐得好舒服。我哋兩個都揀咗安格斯牛頸脊海鮮任食放題～跟個博多美人骨膠原啫喱雞白湯湯底。個骨膠原啫喱好可愛。牛肉，豬肉都可以。我個人最鍾意係羊肉片。我勁鍾意個羊肉片夠臊味，佢哋有個特色辣醬，味道有啲似微辣嘅麻辣醬，用嚟配羊肉片勁有蒙古大汗feel😆個自助醬料吧有成十幾種配料及醬汁，有幾款醬汁配料都冇機會試，暫時推介嘅係特色辣醬。蔬菜瓜果菇類同面類都係自助任食！生菜同油麥菜非常之新鮮好味。麵類都有幾種，甚至有蕎麥麵！老實講最吸引我係佢哋嘅牛奶低脂乳酪，真係好好食! 好香嘅牛奶味，但亦有乳酪嘅健康味道。下次要留肚食多幾杯先得。出奇地佢哋竟然有爆谷！甜度啱啱好仲好脆。另外佢哋有Dry Ginger Ale同埋Ginger Beer! 佢哋竟然有咁特別嘅飲品選擇🤩順帶一提，佢哋男女店員都非常之有禮貌。咁啱呢一個下午茶時段見到有啲家長帶小朋友來做工作體驗，幫手送食材上枱。小朋友有自己嘅廚師帽同牛摩小圍裙，呢個親子活動又真係幾有諗頭幾特別喎🤭