燒鬼 (已結業)

食肉獸的癮起🤣又想食燒肉😁係Cwb搵埋老公食燒肉！燒鬼名幾特別，地點方便，裝修新淨，又寬落！三五知己飯局好地方～我哋揀左$398個隻，有十二個種類任食😁有頂級牛，鹿兒島雞肝肝，黑豚肉，海鮮，壽司，蔬菜，刺身，炸物等…牛肉都有好不同種類，例如： 牛鍵板，封柳門，美國牛翼板，牛小排！而家各款肉都可以選醬油味，味憎味同原味！👍唔夠味仲準備左三種醬汁比你😁壽司方面都有特式野，試左明太子三文魚壽司，味道唔錯，值得一試炸物方面有特色吉列和牛粒雪糕方面支持香港品牌，香港製造，雪糕好滑😁

等一次日式燒肉放題經驗一向覺得放題會中伏的我對呢間「燒鬼」有少少改變想法。平時喺銅鑼灣食a la carte 日式燒肉起碼都要八百至一千不等。今次朋友拉我去試，試咗個六百幾蚊嘅「百鬼夜行」，估唔到都有啲質素。選擇都唔少，其實食唔晒咁多啦。和牛同海鮮都好食，刺身正常，三文魚麵豉湯一流🤣 熟食試咗tempura 同芝士年糕都唔錯，跟住已經太飽了🫢 環境又真係日系鬼怪feel。服務員會介紹下啲食物點燒 (又知其實我唔係咁識燒😂）而家去食a la carte 多數都會限時兩個鐘還枱 🙄呢度就任食兩個鐘，咁樣計法呢間都值得去吓🫡

難得星期一放假，梗係出動食好野既時候。我約左亞姨食個早啲既晚餐，5點幾出到銅鑼灣食燒肉，啲人仲未放工真舒服😁我哋依個任食任飲套餐每人都係3百幾，加多$68仲任飲日本啤酒，亞姨咁鐘意酒精當然任飲 Sapporo La~坐底先送上牛肉小根湯，牛肉軟又香，小根林又甜。再點不同款式既魚生刺身，包括魷魚、八爪魚、馬刀貝、赤貝、三文魚、北寄貝、帶子、甜蝦等等。唔好以為任食質素就會比下去，佢依度既貝類刺身爽口都唔錯架😊放題又點少得天婦羅，佢地即叫即炸，天婦羅蝦外脆內彈，個天婦羅漿又唔會太油膩，炸得唔錯👍🏻依度既牛肉款式好多、 包括美國頂級牛板腱香蔥薄燒、頂級美國牛翼板、頂級美國牛肩胛肉眼、牛小排、牛舌……肉質新鮮，雪花紋靚，係鐵板上燙幾下，翻一翻再燙幾下，即食！就感受到牛肉香、肉質軟。而且部份仲有醬油、仙台或味噌調味俾你揀，真係超多選擇～不同調味吊出牛肉既美味😋依度仲有鹿兒島薩摩赤雞食，我哋點咗雞賢同雞翼。雞賢煙韌、雞翼用左七味粉調味辣得黎好惹味，而且肉嫩🥰五花腩半肥瘦、燒香超好食～海鮮我哋點咗扇貝、青口、墨魚仔，都好新鮮。隻青口好大隻😁小食方面太多都不能盡錄，我點幾個鐘意既分享下，辣味貢菜帶子裙邊

難得今日星期一放假想出銅鑼灣行街，揾個午餐醫好肚先行不過始終近期疫情比較嚴峻所以都唔敢去啲太人流密集嘅地方見到呢度上樓，感覺比起其他快餐店安全。而且見到佢有午市套餐由$7x去到百幾蚊都有豐儉由人而且想食燒肉又得天婦羅同埋刺身丼飯都有得選擇套餐包左一個沙律同埋麵豉湯麵豉湯好足料，海苔同豆腐都唔少沙律仲落咗少少芥末醬吊味，辣辣地幾開胃而我哋一人叫咗一個和牛飯同埋鰻魚飯啲飯真係用珍珠米，圓轆轆食到飽飽今日因為我哋去到時間比較早仲可以安排卡位俾我哋坐唔需要逼夾坐得幾舒服見到呢度夜晚都有晚市放題，下次如果夜晚出開銅鑼灣都可以考慮一下

📍 燒鬼銅鑼灣駱克道459-461號The L. Square9樓 🦔⸒⸒牛海姬套餐燒肉放題 $398位於銅鑼灣地鐵站附近有間樓上環境乾淨企理嘅燒肉放題店😆上星期同朋友去咗食佢哋嘅晚市牛海姬套餐🤍牛海姬套餐多達12種類選擇！有頂級美國牛、海鮮、壽司、鹿兒島薩摩赤雞、日本黑豚、刺身、和牛招牌菜、雞肉、蔬菜、前菜、日式和食、麵飯湯等😮一定有一款啱你口味～ 我哋每款牛肉都叫左啲試🤤 肉質唔錯！小編最愛海鮮👻 墨魚仔係最好食！大大隻又鮮甜😻鍾意食生冷野嘅壽司同埋刺身都有😆 炸物小編就推薦章魚燒同埋蟹棒天婦羅！呢兩款其他放題比較少有 咬落去外脆內軟唔錯💕驚唔夠飽嘅話仲有面可以選擇 不過小編今次就冇叫到🤣 留咗個肚食雪糕🍦佢哋嘅菠蘿汁都好好飲 好重菠蘿味🤤 飲落去甜甜地咁 2小時嘅放題等你慢慢燒😋 包你食到飽😌不過記得拉低啲抽氣嗰個管 咁樣食緊嗰陣就唔會咁多油煙味🤪

✨晚市燒肉放題✨餐廳環境一入去都幾有日式風味裝修用紅色同黑色作為主調坐位比較闊落，亦都有卡位，非常舒適燈光偏暗，氣氛都幾唔錯通風系統做得幾好，燒完都唔會成身味情侶或者朋友聚餐都適合🤍-❣️自選魚生刺生整體魚生刺身非常新鮮雖然選擇唔算太多但係最值得讚嘅就係甜蝦非常新鮮鮮甜爽口除咗魚生仲有好多壽司嘅選擇不過今次就冇叫到壽司❣️和牛煮大根燒烤之前，佢哋會先送上和牛煮大根一送上枱已經聞到好香嘅牛肉味和牛大根煮得非常之入味牛肉亦都唔會好柴❣️燒肉燒肉種類主要係分豬牛雞個人最鍾意嘅係牛板鍵香蔥薄燒另外仲有封門柳，牛肩胛，牛小排，牛胸腹，牛舌豬腩肉亦都非常香燒完唔會有臭嘅豬臊味❣️海鮮選擇雖然唔算多但係勝在都幾新鮮今次淨係叫咗蝦同埋帶子但係兩款海鮮都非常新鮮❣️炸物 酥炸和牛個人唔係特別好煎炸嘢不過又好想試吓和牛粒一咬落去勁多汁牛肉味好重Menu入邊仲有好多天婦羅炸物大家不妨可以試吓

基本上樣樣都唔得，叫咗$398餐，個爐火冇力，啲肉燒得最中間少少位有火，問職員話已經係最大火，側邊燒3-5分鐘都係生肉冇解涷，個餐有幾款牛，食入口係舊擦子膠嘅牛肉，除非你每款分開燒，先知邊係邊款肉，食咗幾舊巳經頂唔順，個爐已經冇再落野燒炸物全部極厚粉，天婦羅蝦真係食到一條，都即刻想放低筷子，絕對冇下次！收398但質素係完全唔值，極少選擇又做唔到質素，感覺餐廳淨係做第一次食嘅客，因為真係食過一次冇第二次，可以話衰過去食漢和，應該話呢間餐廳同漢和比係侮辱咗漢和添呀！

L square 平時都路過見到有好多唔同餐廳，今次見到燒鬼就上左去試下啦！！！今日係平日，同埋咁岩過左office lunch hour，所以都唔多人，luckyMenu都好多野選擇，同埋包salad同三文魚味噌soup我揀左和牛定食，朋友就揀左魚生飯😎店員好快上左個三文魚豆腐湯，同埋沙律，個沙律汁好特別，有wasabi味，好清新同平時既好唔同。同埋個三文魚味噌湯，好足料，好多三文魚同埋豆腐同白蘿蔔，好味！！！之後都好快上左我地個main啦，我個個和牛定食上枱仲好熱辣辣，好香燒肉同埋燒肉汁味和牛飯d配菜都有用薑汁同埋燒汁炒過，好香好入味，同埋配埋個飯同埋d肉食好夾唔膩，和牛都好香肉味又濃味，雖然lunch食和牛有d奢侈，但好有滿足感朋友個刺身飯都好新鮮，完全冇平時個d好似係雪櫃拎出黎凍冰冰咁，食落好新鮮好甜，個魚蓉好香好味，成個飯又都唔話太醋味，同埋好岩夏天食，好清爽，又唔會太膩總結：lunch set價錢好抵仲超飽，男仔大食定女仔share都岩曬，款式仲要好多揀，下次再黎encore試埋其他先

好耐冇食過燒肉放題, 搵到燒鬼去試一試玩法好簡單, 120分鐘 , 三大套餐選擇(details 請睇圖)1) 牛鬼套餐 $298/person (牛+蔬菜+ free drink)2) 牛海姬套餐 $398/person ( 牛鬼套餐+海鮮+刺身）3) 百鬼夜行套餐 $628/person （全包)我哋揀咗最基本嘅牛鬼套餐。主要係食幾款美國牛, 每款都可以選擇原味、味噌或者醬油味道。啲牛就正常發揮啦! 👌🏻(依返價錢嚟講)雞翼同五花腩幾唔錯!😋😋佢另外啲小食都好正 ! (例如泡菜豆腐😋同埋芝士年糕! 芝士年糕直頭好過去居酒屋😂)汽水綠茶任飲, 啤酒都有不過要加少少錢。鋪頭裝修幾有型, 紅黑為主, 坐得幾舒服。我覺得嗰晚啲職員啲服務都好好, 都會主動問我哋要唔要圍裙等等 , 整體成晚餐飯都食得幾開心😋兩個人total連service charge : $700 (星期日晚)

放假最啱就係去食放題😋，搵到一間係銅鑼灣嘅日式燒肉放題，試吓佢地頂級嘅鹿兒島A4和牛🐮。餐廳係9樓，以日本鬼怪做主題嘅餐廳。放題有三個Level 牛鬼、牛海姫以及百鬼夜行。牛鬼主要食美國牛同埋鹿兒島薩摩赤雞，牛海姫就有埋剌身壽司。百鬼夜行當然就係有埋鹿兒島A4和牛喇。QR code落完單之後，店員上菜會逐一介紹牛肉部位，之後就可以隨自己喜歡叫鍾意嘅食物，食足120分鐘。加錢仲可以叫啤酒，不過都係留肚食牛好啲。和牛油花真係好勁，建議燒熟D先食就冇咁溜。上小排肉同牛胸腹都係要一叫再叫嘅部位，如果食次一級就唔好錯過美國頂級牛板腱、日本黑豚腩、薩摩赤雞肉。最好book定位就可以坐佢哋嘅特色卡位打下咭，多少少私人空間。

燒鬼 (銅鑼灣).呢間以任食嘅性質黎講質素好好，雖然野食嘅選擇唔算多，但勝在質素好價錢又唔會太貴. ▪️$398任食套餐▪️.$398入面包刺身，任燒嘅肉類蔬果，主食有我倆都好喜歡嘅蕎麥麵，冷烏冬，炸物，壽司等.先講下刺身，三文魚馬刀貝赤背帶子等等，唯一嘅缺點我覺得係唔係好夠冰凍，不過食落都爽口新鮮！如果鍾意食壽司嘅朋友呀呢度都有，不過通常任食嘅我就唔食壽司啦因為實在太飽🤭.呢到前菜好出色，有齊曬我鍾意食嗰啲前菜，帶子邊，芥末八爪魚，蟹子沙律等等！.肉個方面，牛雞豬佢都有，而且肉類質素都好好，牛舌都好好食，薄身又爽口！.主食方面啱啱有講過佢有蕎麥麵啦，冷烏冬，三文魚湯，全部都好好食！.佢飲品有梳打，蘋果汁，菠蘿汁，汽水等等，甜品方便你就可以自己喺出面拎雪糕！整體而言呢度嘅價錢同佢嘅質素我覺得係成正比，佢價錢唔算係好抵食但係至少食物質素好！.📌 燒鬼 (銅鑼灣)銅鑼灣駱克道459-461號The L. Square9樓.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

星期四嗰日放一天假，諗住落銅鑼灣行下，經過The L.square 樓下，見到有間叫「燒鬼」既燒肉店做緊星期一至五午巿套餐優惠，係買一送一😱😱所以就上左去試下🤩😍😍上到黎真係心心眼左，充滿住日本燒肉店既裝潢，仲有好寬闊既卡位（有幸地我地被安排卡位🥰），午巿套餐由$68-$198，咁當然買一送一必定以高價格個價錢去收費啦！照燒鹿兒島A4和牛定食$198定食有和風沙律🥗同三文魚豆腐味噌湯，味噌湯仲有好多配料😌主食A4和牛並沒有將貨就價，肉厚身而且有成7件，和牛表面燒得焦脆外，肉質依然係嫩😍我絕對推薦比大家！三文魚雜錦魚生丼$118份量十足既魚生丼，除了三文魚外，佢既雜錦係有帶子、八爪魚同甜蝦，材料都新鮮，CP值超高！午巿套裝有優惠價追加小食，不過我地無加，另外可以加$5要汽水/$8 果汁，我地加點左菠蘿汁同蘋果汁❤️我下次應該會黎試燒肉放題，除左環境好舒適度又高之外，見到其他客人點燒肉質素很好👍，我好期待自己黎食放題😘😘*設有加一服務費

看到午餐做推廣買一送一優惠，另收加一服務費，本來介紹了五個朋友一起去吃，到店後我們告訴一位女職員六位，她聽到後沒有理我們便走開，然後我們再找另一位男職員帶位，他帶到我們去一張六人枱，然後把中間的隔板拿走，我和朋友點選了2個$118三文魚雜錦丼飯，另外兩位朋友點選了$68牛肉丼飯，最後兩位朋友點選了$88天婦羅烏冬，女職員為我們落單，然後告訴我們只會收取最貴的四個餐，我就問她可以分單嗎？因為我們每兩個人都是叫一樣的，她只是回答不可以，我朋友就再問另一位男職員，佢話你要咁嘅話都可以嘅，落單後，就再將枱2塊隔板圍起來，讓我們兩個兩個對着坐，唔可以同隔離傾偈，餐廳有需要這樣做嗎？真係不知所謂！之後望到女職員抹其他枱嘅時候，將啲食物殘渣只係掃落地下，衛生情況欠奉。之後送來嘅食物都不停送錯枱，他們把我們的枱隔開後，然後只將所有食物放在第一張枱，再要我們自己傳。女職員收錢的時候，只望向對着牆的收銀機，俾錢嘅時候，佢只係將手伸去後面，面都唔轉過嚟，然後再找了很多毫子給我朋友。就算食物好唔好食都冇用，因為餐廳服務惡劣，老闆應該正視員工服務態度。以後也不會介紹朋友來，完全不推薦任何人再來，簡直是貼錢買難受

朋友聚餐趁有得食一定食任食。依家除左打邊爐、放題、自助餐仲多左好多燒肉放題。朋友揀咗呢間試晚市任食。環境：以日式裝修，設有卡位，每個位有獨立吸煙喉。牆上貼左午市買一送一，如果附近返工都唔錯。數量件計，所以食幾多就叫幾多唔會浪費。坐低店員會有幾款主打肉類，刺身同海鮮。刺身就普通擺盤，最推薦係甜蝦。燒肉（配燒肉汁 海鹽醬 檸檬醋）必食封門牛柳👍🏻好似出面放題少有。牛肉味道偏濃，juicy 同有嗌口。仲有好多鹿兒島內臟，小編就無叫嗌，大家可以試下。海鮮海蝦同帶子最推，全部新鮮無醒味，亦無雪味👍🏻非常好。

༺ 燒鬼 ༻☽‎⋆.•*¨¨¨¨¨¨¨¨¨基本資料¨¨¨¨¨¨¨¨¨*•.⋆☽‎➳ 燒鬼𖠚ᐝ 三文魚雜錦丼飯 ($118)𖠚ᐝ 照燒鹿兒島A4和牛定食($198)⚑ 銅鑼灣駱克道459-461號The L. Square9樓ʀᴇᴠɪsɪᴛ: ♥︎♥︎♥︎♥︎♡☽‎⋆.•*¨¨¨¨¨¨¨¨¨食後感¨¨¨¨¨¨¨¨¨*•.⋆☽餐廳lunch set做緊買一送一嘅優惠，以銅鑼灣來講超級抵食，swipe right for menu! 每個套餐中會跟埋三文魚餐湯同沙律，好抵😆三文魚雜錦丼飯 ($118)半價後$59!! 有成幾款刺身，有三文魚，帶子，八爪魚，甜蝦，三文魚籽！三文魚都幾肥美，三文魚籽嘅份量都好多，可以溝埋啲飯一齊食🥰飯量都好多，大食既人都會夠食！照燒鹿兒島A4和牛定食($198)半價後$99!! 和牛有六塊，三塊肥啲三塊瘦啲🥳和牛唔韌，肉質都唔錯！仲有啲配菜，豆類，菇類咁，啲配菜超好味🤣調味好夠，日式嘅甜甜地咁！用嗰啲醬汁撈飯好食😋好食過佢另外比嘅燒肉汁haha😚