- • 鮨一 @ 荃灣 • - ❣️ 鮨一千層海膽飯 海膽份量大滿足😌 下面仲有我最愛嘅吞拿魚蓉 絕對係鮮味之選🥰 - ❣️ 牛油果軟殼蟹飯卷 牛油果生咗少少🥑不過都可以接受 軟殼蟹好脆🦀整體都算唔錯 - ❣️ 清酒煮蜆 蜆肉大大粒好新鮮❤️ 酒味適中，唔會太濃烈 飲完成個胃都暖哂😌 - ❣️ 燒芝士年糕 煙煙韌韌嘅小食係令人最期待 芝士年糕有少少鹹香🧀 年糕夠晒煙韌🥰 - ❣️ 綠茶蕨餅 不過不失嘅餐後甜點 如果綠茶粉嘅份量少番啲就更加好 - ❣️ 原條池魚刺身 肉質正常，唔會有好重嘅腥味🐟 - ❣️巨峰梳打 | 白桃梳打

喺香港生活壓力真係好大 收工之後可以同朋友坐低飲杯嘢傾吓計 但係又唔想太多人嘅話 呢度會係一個唔錯嘅選擇🥂 - ❣️Margarita Pizza 我本身自己就好鍾意食薄批 呢度嘅薄批又香又脆 配埋簡單嘅蕃茄醬同埋芝士 絕對係雞尾酒嘅好夥伴 - ❣️ 香辣大蝦意大利粉 意粉送上嚟嘅時候已經好香 朋友一食到已經大讚不絕 叫我一定要趁熱食 果然真係非常震驚 大蝦非常爽脆，意粉軟硬適中 醬汁唔會過多，亦做到又香又辣 非常開胃，推薦大家一定要叫 - ❣️炸魚薯條 炸魚有三件，薯條份量亦都唔少 平時最怕炸魚會食到一口油 今次呢個唔會，炸得好乾身 薯條亦都好粗，外脆內軟 放耐左都一樣咁好食 - ❣️ Mojito & Mimosa 雞尾酒就中規中矩 酒味唔算好濃郁 但係基本嘅味道都會有

近年深水埗基隆街同大南街都多咗好多咖啡店 當行入基隆街，周圍都係布行 眼前突然出現間木系裝修嘅餐廳 再行入去就發現呢一間係一間咖啡店 咖啡店入邊嘅裝修好特別 利用咗唔同質地嘅布料作為裝飾 咖啡店的座位之間非常之有空間感 就算坐滿左相信唔會好逼夾 最適合收工落嚟比自己休息吓🤍 - ❣️夢王。卡邦尼意粉 去到咖啡店最鍾意揀嘅其中一樣菜式就係卡邦尼意粉 所以去到呢一間餐廳之前 知道佢哋嘅招牌菜就係卡邦尼 再了解到原來佢哋係用夢王蛋嘅時候已經非常期待 意粉上枱已經非常之香 相比其他餐廳嘅卡邦尼意粉 呢度嘅卡邦尼意粉醬汁睇落鮮色好多 煙肉大大粒份量亦都好足料 味道更加係一流，夠香濃夠邪惡 絕對會為咗呢個意粉再黎呢度 - ❣️ 烤棉花糖巧克力牛角包窩夫 忙完一日啊工作當然要有個豐富嘅甜品 安慰一下自己嘅辛勞 大大粒棉花糖烤得外脆內軟 撘配焦糖香蕉同朱古力雪糕 連埋脆口鬆軟嘅牛角包窩夫 真係瞬間令所有煩惱拋諸腦後 - ❣️昭和布丁 實不相瞞初初係為咗打卡先至揀呢個布丁 點知食落口就發現蛋香濃郁 撘配甘香嘅焦糖汁 實在係大人細路都岩食 - ❣️ Marshmallow Chocolate 可能受溶冰影響，朱古力嘅香濃失色不少 期待下次改為熱飲 ❣️Pineapple Expresso Ginger Ale 菠蘿清香薑汁微微辛辣 配搭咖啡香，既醒神又舒緩情緒

一行入去就好似去咗日本拉麵店嘅感覺 雖然舖頭細細，但係氣氛都幾唔錯 座位唔算多，但係三五知己坐埋一齊食碗麵都OK 情侶或者朋友聚餐都適合🤍 - 今次揀咗一款湯拉麵，一款沾麵 份量黎講女仔一個人未必食得晒 最後都係交俾老公清晒佢 - ❣️海老辛醬背脂煮干拉麵 拉麵一送上嚟，超級濃郁嘅蝦味撲鼻而來 湯底超級濃郁，啱晒重口味人士 拉麵屬於粗嘅嗰種，非常掛湯 配菜有叉燒，溫泉蛋，椰菜，紫菜 叉燒燒得好香，溫泉蛋亦都係半流心 老實講食咗幾啖已經覺得好飽好滿足 - ❣️特製背脂煮干沾麵 個湯送上嚟嘅時候我以為只係得普通湯汁 點知搞兩搞就發現，原來寶物沉歸底 沾麵湯入邊有大量嘅厚切豚肉 仲有非常入味嘅筍片，大愛 面底係屬於更加粗嘅面， 每一啖都係濃濃嘅湯汁 不過湯底偏少少油膩， 建議如果唔想食咁油膩嘅朋友可以食湯拉麵 - ❣️飲品- 靜岡蜜瓜梳打，靜岡綠茶可樂 雖然都只係支裝飲品， 但係見係日本嘢就好想試吓 蜜瓜梳打蜜瓜味唔會好假， 不過少少偏甜啦，攞嚟中和返湯嘅濃味都幾適合 至於綠茶可樂，飲落唔係好覺有綠茶味 不過食飽飲番支都算係幾解膩

餐廳環境安靜，燈光偏暗 座位距離適中舒適，氣氛都幾唔錯 員工服務幾有禮貌，上餐速度都幾好 情侶或者朋友聚餐都適合🤍 - 今次揀咗經典精選二人套餐 分量非常充足，兩個人都係勉強食得晒 有湯，前菜，主菜，甜品，飲品 - ❣️湯-龍蝦濃湯 龍蝦湯味道濃郁，飲得出唔係用粉沖嗰啲 湯入邊仲有龍蝦肉，唔會梅，都幾有彈性 分量一個人啱啱好，唔會飲完食唔到其他嘢 - ❣️前菜-招牌沙律配柚子汁 好足料，溫泉蛋略嫌有啲太熟 沙律入邊有煙三文魚，仲有蝦仁 煙三文魚唔會太鹹，蝦仁亦都好新鮮 整體成個沙律都好Fresh - ❣️前菜-鵝肝多士配土耳其無花果醬 非常驚艷嘅一個前菜 鵝肝一啲都唔孤寒，大大件好滿足 多士非常脆口，配鵝肝食剛好解膩 無花果醬酸酸甜甜，亦都好夾鵝肝 - ❣️主菜-日式溫泉蛋卡邦尼意粉 意粉份量都幾大， 滿滿嘅芝士，配埋溫泉蛋非常之香濃 卡邦尼意粉其中一個精粹就係煙肉 呢款意粉嘅煙肉炸到非常之香脆 有陣陣嘅焦香味道 - ❣️主菜-焗非洲雞 呢款非洲雞食落好有fusion感覺 極之似印尼菜又似泰式菜 醬汁非常之香，有香茅亦有椰漿味 雞肉非常之嫩滑，勁多汁 下面仲有薯條配，一個人一定食唔晒 - ❣️甜品-窩夫餅&卷蛋 窩夫餅就普普通通 但係卷蛋就唔會太甜但係好香 推介大家可以試試佢

餐廳環境一入去都幾有日式風味 坐位好闊落，非常舒適，氣氛都幾唔錯 員工多數都係後生仔女，幾有禮貌🙆🏻‍♀️ 情侶或者朋友聚餐，或者收工想放鬆下都適合🤍 - ❣️三重蜜瓜梳乎厘班戟 一上枱已經覺得好驚喜 好似一舊蜜瓜形狀嘅雲咁樣 絕對係打卡首選 份量唔算太大，兩個人share啱啱好 一切落去空氣感十足 入邊仲有夾心蜜瓜醬同埋生果 識落後有日式蜜瓜味嘅糖嘅感覺 淡淡嘅蜜瓜香，又唔會太假 甜到剛剛好，食晒成個都唔會覺得太多 - ❣️Hoihoi Veggie All Day Breakfast 全素嘅全日早餐唔算好常見 主要係蟹餅同埋漢堡扒用咗素食嘅方式呈現 食落去蟹肉味同埋漢堡扒味都非常似 成個早餐嘅份量都好足夠 就連炒蛋都有黑松露醬 - ❣️Rose Latte/ 芒果沙冰 玫瑰味牛奶咖啡飲落去淡淡的玫瑰清香 唔會比牛奶同埋咖啡味搶走咗 另外芒果沙冰都唔會太甜 最適合夏天嘅下午茶

✨晚市燒肉放題✨ 餐廳環境一入去都幾有日式風味 裝修用紅色同黑色作為主調 坐位比較闊落，亦都有卡位，非常舒適 燈光偏暗，氣氛都幾唔錯 通風系統做得幾好，燒完都唔會成身味 情侶或者朋友聚餐都適合🤍 - ❣️自選魚生刺生 整體魚生刺身非常新鮮 雖然選擇唔算太多 但係最值得讚嘅就係甜蝦 非常新鮮鮮甜爽口 除咗魚生仲有好多壽司嘅選擇 不過今次就冇叫到壽司 ❣️和牛煮大根 燒烤之前，佢哋會先送上和牛煮大根 一送上枱已經聞到好香嘅牛肉味 和牛大根煮得非常之入味 牛肉亦都唔會好柴 ❣️燒肉 燒肉種類主要係分豬牛雞 個人最鍾意嘅係牛板鍵香蔥薄燒 另外仲有封門柳，牛肩胛，牛小排，牛胸腹，牛舌 豬腩肉亦都非常香 燒完唔會有臭嘅豬臊味 ❣️海鮮 選擇雖然唔算多 但係勝在都幾新鮮 今次淨係叫咗蝦同埋帶子 但係兩款海鮮都非常新鮮 ❣️炸物 酥炸和牛 個人唔係特別好煎炸嘢 不過又好想試吓和牛粒 一咬落去勁多汁 牛肉味好重 Menu入邊仲有好多天婦羅炸物 大家不妨可以試吓

- • 鳥山名 @ 荃灣 • - ✨今次番工前去試下午餐✨ 餐廳環境一入去都幾有日式風味 有個大大嘅Bar枱可以睇到師傅嘅手勢 到處都放置左唔同嘅酒類🍶 坐位有室內同室外，非常舒適 燈光偏暗，氣氛都幾唔錯 情侶或者朋友聚餐都適合🤍 - ❣️三文魚腩海赤蝦芥辣章魚飯 整體魚生刺身非常新鮮 三文魚腩魚油夠香🐟 海赤蝦爽口鮮甜無腥味🦐 芥辣章魚無雪櫃味 ❣️吉列黑豚豬扒定食🐖 真係好想推薦大家試食呢個豬扒 肉扒同吉列炸皮完美融合 少少分開都無 非常香脆非常軟熟 亦完全無豬肉腥味 ❣️串燒-燒雞肝 炭香味十足 雞肝唔會太乾 如果中意食內臟嘅可以試下呀

- Fine Dining黎講呢間都幾舒服 拍拖去食飯都幾好氣氛❤️ - ✨Deluxe Dinner Set✨ 晚餐開始之前會有一份香草麵包送上 呢個麵包真係可以做到外脆內軟 好適合配搭意大利黑醋一齊食 ❣️One Glass of Sparkling Wine 一開始會有一杯氣酒 味道偏酸，都幾適合開胃 如果唔飲酒嘅話 可以叫侍應轉杯無酒精飲品 ❣️Amuse Bouche 中文翻譯就係 “給嘴巴的娛樂” 今次啲款小食係吞拿魚多士配水果醬 味道都幾清新仲帶有陣陣嘅鴨油香 ❣️Caesar Salad with Alaska Crab 阿拉斯加蟹腳配凱撒沙律 味道普普通通，但係都幾新鮮 ❣️Lobster Bisque 龍蝦湯非常濃郁 飲得出唔係罐頭湯 而且仲有非常彈牙嘅龍蝦肉 ❣️Entree 三款前菜我都好鍾意 有吞拿魚他他，香煎帶子配魚子醬， 仲有巴馬火腿配蘆筍 ❣️Australian Black Angus Rib Eye Steak 10安士嘅肉眼扒非常多汁 而且牛味非常濃郁 鍾意食肉嘅你一定唔可以錯過 ❣️Baileys Tiramisu 成晚最令我驚喜嘅就係呢一個甜品 從來未試過食一個咁重酒香嘅Tiramisu 真係好想外賣一個返屋企 - ❣️Carbonara 卡邦尼意粉一向都係我最鍾意嘅意粉 今次呢個意粉仲有新鮮嘅大蜆 醬汁好濃郁但係唔會太膩 份量亦都好大適合兩個人一齊食

❣️酸辣青木瓜沙律伴燒美國牛肉 作為開胃菜我覺得都係一個唔錯嘅選擇 青木瓜沙律少少酸但係其實冇乜辣味 燒牛肉肉質非常之嫩 用少少力就可以咬得開晒成塊肉 口味就比較清淡 兩個人一齊食嘅話份量都算係唔錯 - ❣️黑松露蘑菇意大利飯 一上枱就已經有好香嘅黑松露味 成個飯蘑菇好似多個飯咁 真係啖啖都係蘑菇非常滿足 意大利飯煮得好入味 不過如果你食量唔係好大 就建議搵個朋友一齊分享啦 一個人真係食唔晒架 - ❣️三文魚明太子意粉 成餐飯最大嘅驚喜就係呢個意粉 三文魚煎得好香 明太子醬唔會太咸 最特別係個意粉口感非常一流 從來都冇食過可以咁彈牙嘅意粉 我絕對會為咗呢個意粉再去多次呢間餐廳 - ❣️焗龍蝦忌廉酥皮湯 男朋友最鍾意飲龍蝦湯 我最鍾意將酥皮汁龍蝦湯入邊 一個湯滿足晒兩個嘅願望 龍蝦湯好濃郁 中意飲龍蝦湯嘅人一定會好滿足