法國小屋

營業中

休息中

今日經過呢個法國小屋，就比佢餐廳出面嘅氛圍吸引左，有啲閃閃嘅波波燈掛喺出面，好靚！所以就決定今晚happy friday嘅晚餐就食呢間！好好彩我入去嗰陣仲有位，我坐左陣，餐廳就開始滿座了。餐廳入面嘅佈置好溫馨，好有feel一坐低，店員好有禮貌咁介紹餐牌，而佢哋餐牌上面嘅食物、甜品及飲品種類都好多。以下就係我ordered嘅食物:法式龍蝦湯 $48好濃郁嘅龍蝦湯，幾好味。西班牙風乾火腿沙律 $46 有藍莓粒同蕃茄粒，好清新。啲菜好新鮮，加埋西班牙風乾火腿，真係好好味！秘製醉雞翼 $38 呢個醉雞汁好入味，大大隻，好好食Tiramisu 咖啡 $48呢個係我飲過咁多杯tiramisu咖啡黎講，最好飲嘅一杯，佢唔會好甜，上面層cream好creamy，好似食緊tiramisu咁。同埋個啡底都唔錯！明太子蟹肉意粉 $88望落好細兜，但份量其實好多。好多明太子醬同蟹肉，超級滿足焦糖香蕉窩夫 $62 +曲奇雪糕 $10 呢個窩夫真係必食，外脆內軟，唔會太甜，加埋雪糕一齊食，真係超滿足半份即焗蘋果批 $48呢個蘋果批好特別，唔似平時出邊食開嘅口感，佢係用千層酥疊埋一齊，上面放上好多片蘋果，口感鬆脆，

食完飯想食甜品，周圍search吓，見呢度嘅窩夫啲相幾靚。就嚟試吓。舖頭面積好細，就得幾張枱，「招牌咸牛油焦糖窩夫」窩夫餅底整得非常脆，有淡淡嘅焦糖味道，同埋淡淡嘅忌廉。整體唔會太甜。不過就唔係好食到牛油，或者咸牛油嘅味道。不過整體都係好味嘅。「石板街窩夫」呢個窩夫嘅調味係同上面嘅招牌焦糖窩夫係一模一樣，毫無分別。分別只係多咗一個朱古力雪糕，味道都係牛奶公司嗰種。同埋幾塊燒咗嘅棉花糖。燒咗嘅棉花糖嘅質感都唔錯，幾好味。「焦糖脆脆Latte」焦糖脆脆，就算冇浸落咖啡，都有浸燶燶苦苦嘅味道。咖啡偏淡，味道正常。整體嚟講，個窩夫係幾脆幾好味。但係甜品選擇唔多。兩個窩夫一樣味。因為本身係想食甜品，結果係食咗兩個一模一樣味道嘅甜品。如果佢嘅甜品選擇可以多一兩款就好啦。本身餐廳個牌有寫住話有Tiramisu巴斯克芝士蛋糕，本身都想試，但係當日冇貨，冇緣份試到。環境： ★★★☆☆食物： ★★★★☆推介指數： ★★★☆☆

今日同女友慶祝周年紀念，就去呢間我自己book mark左好耐，但又未食過嘅西餐廳。聽過朋友講呢間甜品好出色，而女友又鍾意食甜品，所以唔使諗，係食呢間。呢間餐廳氛圍好溫馨，Menu上面嘅食種類都好多，有多款主食、小食、甜品、沙律、湯品、飲品等。今次叫咗以下食物:- 法式龍蝦湯 $48- 西班牙風乾火腿沙律 $46- 秘製醉雞翼 $38- 明太子蟹肉意粉 $88- Tiramisu coffee $48- 焦糖香蕉窩夫加曲奇雪糕 $62+$10- 半份即焗蘋果批 $48呢度total: $388其實呢個價錢食到咁多野真係好抵食。仲要啲食物係幾高質！龍蝦湯好濃郁，鍾意食重味嘅朋友必試！沙律好新鮮，有我最鍾意嘅藍莓粒同火腿，唔錯！個醉雞係估唔到咁有水準，好入味，有驚喜。意粉就望落細細份，但食落都好多，2個人分都差唔多。落左好多明太子醬，好滿足。Tiramisu咖啡要重點講多少少，佢比到驚喜我，我自己平時出去食飯好少order tiramisu咖啡，因為覺得唔會好飲，同個味一定唔會夠就咁食tiramisu好味。點知，女友叫左呢杯coffee，而我一試，竟然比到我飲到好似食緊tiramisu嘅感

牛油蒜蓉番茜煙肉意粉🍝牛油、蒜蓉、蕃茜依三樣都係好香嘅材料，加埋一齊自然香氣四溢，煙肉都落得好足，就算冇加到太多花巧嘅食材都已經好食，簡簡單單而美味，因為餐廳係半開放式嘅廚房，所以一直都聞到香味，流晒口水😋法國龍蝦湯🥣即焗蘋果批🥧本身想叫雙層芝士蛋糕，但係咁啱依期係榴槤味，唔啱我心水，所以試咗蘋果批，蘋果批有得叫半份啱晒一個人食，即叫即焗酥皮非常酥脆，每一層都係又薄又脆，面頭一片片嘅蘋果帶有肉桂嘅清香，甜度適中，好食！甜品相信係依度嘅主打，後尾發現差不多每枱都有食甜品，尤其係窩夫，下次嚟可以試下🧇依間小店有十幾個位，位置雖然唔近港鐵站，但係今次平日夜晚嚟到都坐滿人，而且外賣訂單都唔少，應該有一定口碑～

當日係公眾假期下午去食大概等咗15分鐘先入坐🤝🏻餐廳坐位不多裝修亦好普通,唯一勝在店員多👣但當日嘅坐位就係靠緊店員的位置,就不斷聽到聲音有點似去咗茶餐廳🍴感覺就真係不太好加上食物質素也很一般,與價錢不成正比真係有點失望😥🔸招牌千層芝士薯片 $48好耐之前見到呢個已經好想試😚但食落就真係好普通完全冇特別🥲只係薯仔切成薄片再加上忌廉同芝士🧀係有層次的但真的一般~🔸日式明太子蟹肉意粉 $98意粉真的不太行😣成個意粉係好多明太子但同意粉完全融合唔到😮‍💨意粉還意粉,明太子還明太子😶而且蟹肉嘅份量真係不多,存在感偏低,呢個價錢真係唔太值🤲🏻🔸招牌咸牛油焦糖窩夫🧇 $58叫上後唔洗3分鐘就上咗擺明就唔係即叫即整,窩夫只有微暖😅窩夫係脆身個隻冇咩口感而且有一點焦糖糖漿同cream👀咸牛油就真係唔太知係邊~🔸Tiramisu 咖啡 +$38真係有一層tiramisu 係咖啡上面☝🏻但tiramisu 冇咩咖啡同酒味💦加上味道係咸的,感覺有點奇怪🤔幸好撈勻後味道正常一點但價錢真係唔太值🫧🔸焦糖脆脆涷牛奶咖啡 +40同平時飲嘅有點不同,咖啡係另上的🙌🏻焦糖脆脆份量不多同好普通~🤤好味度 : 4/10🔙回頭

由元朗西鐵站經YOHO行大約10分鐘 又或者輕鐵大棠路站行5分鐘 穿過大街小巷 就找到這間法國小屋餐廳如其名不是很大 但亮光度高 坐得很舒適 很有法國風味的一間餐廳 唯一缺陷就是在小巷中有點難找！其他一切都很完美！主食揀左明太子蟹肉意粉同西梅汁西班牙黑豚肉飯分別升級咗套餐 可以任揀一杯嘢飲同埋有個細沙律細沙律菜望落去唔係好多 但食落係好夠 小小嘅調味十分開胃飲品揀咗自家製朱古力同埋Tiramisu咖啡飲朱古力最怕係好似飲緊糖水咁 而呢度嘅朱古力好濃好滑絕對唔係得個甜字而Tiramisu咖啡我夠膽話係元朗最好飲手指餅好脆 點少少cream同埋可可粉 將手指餅提升到另一個層次咖啡唔會太酸太苦 就算平時唔鍾意飲咖啡嘅人都可以入到口明太子蟹肉意粉唔使$100 但超級足料 每一口都係充滿明太子同埋忌廉 但係佢一啲都唔油膩 作為配菜嘅木魚同埋蝦 令到成個意粉更加香口西梅汁西班牙黑豚肉飯 望落去冇乜特別但係成個醬汁係同黑豚肉好夾 相信係餐廳特別調製所有配菜都係出乎意料地好食 無論係菇定係西蘭花 冇一樣係會令你失望 好快就食晒成碟飯另外加錢配咗個龍蝦湯熱辣辣咁樣上枱 香味隨住煙不斷咁樣升上嚟聞落去超

今日天陰陰，落住毛毛雨，令人提唔起勁，食甜品就啱哂啦。餐廳位於大街嘅後面，雖然不太起眼，但夠清靜舒服。餐牌有意粉主食，鹹甜窩夫等，都相當吸引。Nutella朱古力窩夫窩夫烤得香脆，淡淡嘅蛋黃香，配上nutella同caramel，好sweet呀!! 半份即焗蘋果批金黃色嘅批底，加上一片片嘅蘋果，外表已經非常吸引了。一口咬下，批底非常酥脆，配上蘋果嘅柔軟，口感一流。批底嘅牛油味突出，加上酸酸甜甜嘅蘋果片，唔油膩之餘，仲有果香，真係食到停唔到口呀!龍蝦湯橙紅色龍蝦湯，香味十足。飲落順滑，如果加點蔬菜，定能增加湯嘅層次感 。雪山與白雲（蝶豆花牛奶）一杯好適合打咭嘅飲品。外觀好靚，一層紫藍色嘅蝶豆花，一層白色牛奶，真係好似雪山與白雲，好有詩意。雖然天氣一般，但可以係恬靜嘅環境下，食到美味甜品，都算係賞心樂事呀。

元朗都有高質素嘅waffles 🧇✨, 法國小屋出名蘋果批係元朗人都知, 估唔到佢哋個waffles 🧇都咁好食仲要勁高質素🫶🏻✨雖然係小店但係估唔到佢哋有外籍廚師添👨🏻‍🍳🌟今次我叫咗辣肉腸長通粉同埋芝士千層薯片, 味道同外國食嘅真係一模一樣好正🫶🏻🫶🏻🫶🏻❤️❤️雖然係小店但係食品質素高服務又好好👍🏻👍🏻👍🏻我諗夜晚坐喺出面更加正因為見佢哋有小燈飾✨佢哋仲有個新鮮水果無糖冇防腐劑嘅水果茶🍹非常貪靚嘅我當然叫咗個🍎蘋果🍋檸檬水果茶啦又有美白功效又有維他命☺️❤️下次會試吓夜晚嚟先打卡影相📸一流, 又夠浪漫😂❤️

主題：遠離市區的法國小屋元朗合益路9-15號紀業樓1號地下驚喜的是附近有個停車場(有機會要等一段小時間)， 行一分鐘就到小屋!店舖細小精緻，環境光亮，氣氛舒服，店內有幾處打咭點😉門外放置2set枱櫈!明太子蟹肉意粉配答得很好，意粉咬入口有彈性 煙煙靭靭牛油雜菌煙三文魚 配 蕎麥窩夫賣相好靚，三文魚牛油雜菌蛋放在窩夫上食入口融為一體，juicy有口感! 伴着新鮮生菜沙律最後一杯冰涼檸檬茶，完滿!

晚上帶毛孩出街食飯，搵到呢間可以坐室外。餐廳提供主菜可以加錢升級換套餐。明太子蟹肉意粉$88，加$40升級套餐包沙律和飲品（$25內飲品），特色是濃郁的明太子醬汁。意粉煮得淋軟，搭配香濃的明太子醬汁，非常惹味。略嫌乾身。西梅汁西班牙黑豚肉飯$118，加$55升級提供沙律和任何飲品。這道菜以西班牙黑豚肉為主要材料，搭配上酸甜的西梅汁，豬排有兩件，配料有蔬菜和菇類。套餐提供的田園沙律。份量適中，帶來健康元素。推薦試試他們的西柚梳打，無糖、清新的西柚氣泡飲品帶來清爽解渴而消滯。注重健康的女仕選了熱檸水，非常配合這種隱世而清靜的餐廳小店。睇相甜品幾吸引，不過今次無食。

法國小屋 精品法國小餐廳🧡今日同朋友去咗一間元朗既法國小餐廳😍店內雖小，但完全感受到店主熱情招待☺️最出名係招牌鹹牛油焦糖窩夫🤩必食！二人套餐 $288 一個價錢已經可以同朋友一齊開心share食 CP值很高😋😋😋 必食嘅係蕃茄尖通粉～～醬汁濃度適中 蕃茄味濃郁，通粉軟硬度適中🥰另外芝士薯片味道真係高質，每一層新鮮嘅薯仔切片再夾雜芝士忌廉😋最後就係個窩夫🧇夠熱，加埋佢用嘅焦糖醬料好夾 完全係提升咗成個甜品嘅質素🥰🥰▪田園沙律水🥗 ▪秘製雞翼4隻🐣▪千層芝士薯片🧀🧀▪辣肉腸蕃茄尖通粉🍝▪招牌咸牛油焦糖窩夫一份🧇▪飲品兩杯☕️🍵食物：🌕🌕🌕🌗🌑環境： 🌕🌕🌕🌗🌑回頭指數 ：🌕🌕🌕🌖🌑📍元朗合益路9-15號紀業樓地下I號舖

趁平日放假🏖️，預先留定室外位，同狗狗🐕嚟歎lunch。午餐選擇多，冇記錯好似有多款素食🌱選。餐牌上的主菜，+$40可變套餐🍽️，包沙律🥗+飲品可減$20，另外亦有set lunch。最後，我選擇主菜變套餐，而餐廳仲額外俾我點咗半鹽味焦糖窩夫🧇。份田園沙律🥗：點俾狗狗。細細碟，蔬菜都新鮮👍🏻，不過沙律菜上係淋咗芝麻醬（以為僲係油醋汁），所以要儘量撥走啲醬先俾到狗狗食。黑松露野菌意粉🍝：賣相、擺盤好靚，幾有心思；忌廉汁非常濃稠；菇的份量ok又新鮮😋；意粉食落好大碟抹茶latte🍵 ：好飲，但未至於念念不忘，屬正常水平鹽味焦糖窩夫🧇：窩夫夠脆，唔係硬、鎅口果種，而係鬆脆👍🏻；窩夫啲格格唧咗cream，上面又淋咗鹽味焦糖醬，所以食唔到蛋味🥚；啲醬都好味，只係邪惡咗少少😈埋單$174，以lunch嚟講少貴，主因係我加配咗好多嘢。如單點set lunch，黑松露野菌意粉🍝+凍檸茶🥤=$98。店員友善、helpful，會問我狗狗有冇需要飲水💧。原本冇得點半份窩夫🧇，但因為我想一次過試埋甜品，所以老闆娘（我估係）俾我額外加配（$24）。環境方面，坐店外的座位幾舒適，唔侷促，因為餐廳位於人流較少的巷仔，感

落住少少雨，係元朗小巷入面見到依間特色小店。💡招牌千層芝士薯片 配沙律 $68將千層麵嘅麵變做薯仔片，薯仔片之間夾住滿滿嘅芝士，再加橄欖油去焗。啱啱焗起，熱辣辣。薯仔無焗到冧pat pat，仲有一片片薯仔嘅口感，加上滿滿嘅芝士，幾滿足。焗盤細細地，旁邊加上新鮮沙律，份量啱啱好，唔會太過油膩。💡 明太子蟹肉意粉 $98份量十足，足料。每一條意粉都掛住明太子醬。明太子辣辣地，再加少少蟹肉味。意粉都幾creamy同香口，唔錯。💡半份即焗蘋果批 $48蘋果批細細份甜而不膩。上面鋪滿一塊塊嘅蘋果，以佢嘅蘋果蓉仍然有蘋果嘅口感。批皮薄身，熱辣辣上枱，切起嚟好酥脆，食完唔覺得滯。特別鍾意佢上面鋪咗層烤過嘅杏仁片，同蘋果甜甜地嘅味好夾。比起其他蘋果批，依款唔係入面包嘅餡料嘅。咁樣一層層上，更食得出蘋果嘅香味。完全唔甜之餘，仲有淡淡嘅肉桂味，幾特別。💡水果茶有好多種水果，有西柚、藍莓、士多啤梨、檸檬、奇亞籽。無加好多嘅甜味，偏純粹嘅水果同茶味。食完主食之後，有杯清清地嘅嘢飲，幾舒服。好飲嘅水果茶，唔好浪費，梗係要食晒啲水果佢🤭😆。💡Cappuccino 都算大杯，正常水準嘅Cappuccino。🍄特別欣

舖頭位置旺中帶靜，店面細細，感覺溫馨。小店菜式選擇種類繁多，我同朋友分別點咗辣肉腸蕃茄尖通粉同埋明太子蟹肉意粉。落單之後餐飲好快就到咗，飲品好大杯，而且個杯嘅形狀係好似一個水壺咁樣，真係好得意！辣肉腸蕃茄尖通粉辣肉腸微辣，而且帶有香料味；尖通粉軟硬適中，加入大量新鮮蕃茄蓉翻炒，每條尖通粉都吸收了蕃茄的精華，酸酸甜甜嘅蕃茄令人食慾大增，唔會好似坊間嘅蕃茄類主食一樣過鹹，蕃茄味濃郁。明太子蟹肉意粉意粉上面有大量木魚碎作點綴，意粉口感爽滑。明太子微微辣，醬汁濃稠，每一條意粉都能夠掛上醬汁，配合埋木魚碎一齊食，口感相當豐富。意粉食到尾聲嘅時候，發現好多蟹肉喺底，就咁食個蟹肉，食得到蟹肉嘅鮮甜，非常足料。本身都想試埋小店嘅招牌窩夫，不過實在太飽啦，唯有留返下次再試啦！

餐廳好的骰，細細間好溫馨。門口有燈串裝飾，如果夜晚係户外位置食飯會好有feel 。餐廳入面淺色tone 裝修、幾個綠色盆栽、木質餐具，食法國餐都冇壓力，好舒服。聖誕節期間有一個限定套餐上邊有嘅嘢食都係主Menu牌冇，黎食嘅時候會有驚喜。另外都有一個法國廚師主理套餐，都好抵食，有前菜嘅湯同埋沙律、主菜之後甜品，仲會包一杯野飲。法式芝士煙肉洋蔥批（7寸）$228酥皮批底好鬆化。洋蔥焗到完全冇辛辣味，佢嘅甜味同埋芝士煙肉好夾。熱辣辣嘅批好有節日氣氛。酥皮杏仁批原來酥皮杏仁批，又叫法國皇帝批。批餡係杏仁醬，而批面用咗杏仁片做裝飾，表層焗左嘅蜜糖面令到呢一個餐畫上完全句號。