法國小屋

營業中

休息中

晚上帶毛孩出街食飯，搵到呢間可以坐室外。餐廳提供主菜可以加錢升級換套餐。明太子蟹肉意粉$88，加$40升級套餐包沙律和飲品（$25內飲品），特色是濃郁的明太子醬汁。意粉煮得淋軟，搭配香濃的明太子醬汁，非常惹味。略嫌乾身。西梅汁西班牙黑豚肉飯$118，加$55升級提供沙律和任何飲品。這道菜以西班牙黑豚肉為主要材料，搭配上酸甜的西梅汁，豬排有兩件，配料有蔬菜和菇類。套餐提供的田園沙律。份量適中，帶來健康元素。推薦試試他們的西柚梳打，無糖、清新的西柚氣泡飲品帶來清爽解渴而消滯。注重健康的女仕選了熱檸水，非常配合這種隱世而清靜的餐廳小店。睇相甜品幾吸引，不過今次無食。

趁平日放假🏖️，預先留定室外位，同狗狗🐕嚟歎lunch。午餐選擇多，冇記錯好似有多款素食🌱選。餐牌上的主菜，+$40可變套餐🍽️，包沙律🥗+飲品可減$20，另外亦有set lunch。最後，我選擇主菜變套餐，而餐廳仲額外俾我點咗半鹽味焦糖窩夫🧇。份田園沙律🥗：點俾狗狗。細細碟，蔬菜都新鮮👍🏻，不過沙律菜上係淋咗芝麻醬（以為僲係油醋汁），所以要儘量撥走啲醬先俾到狗狗食。黑松露野菌意粉🍝：賣相、擺盤好靚，幾有心思；忌廉汁非常濃稠；菇的份量ok又新鮮😋；意粉食落好大碟抹茶latte🍵 ：好飲，但未至於念念不忘，屬正常水平鹽味焦糖窩夫🧇：窩夫夠脆，唔係硬、鎅口果種，而係鬆脆👍🏻；窩夫啲格格唧咗cream，上面又淋咗鹽味焦糖醬，所以食唔到蛋味🥚；啲醬都好味，只係邪惡咗少少😈埋單$174，以lunch嚟講少貴，主因係我加配咗好多嘢。如單點set lunch，黑松露野菌意粉🍝+凍檸茶🥤=$98。店員友善、helpful，會問我狗狗有冇需要飲水💧。原本冇得點半份窩夫🧇，但因為我想一次過試埋甜品，所以老闆娘（我估係）俾我額外加配（$24）。環境方面，坐店外的座位幾舒適，唔侷促，因為餐廳位於人流較少的巷仔，感

落住少少雨，係元朗小巷入面見到依間特色小店。💡招牌千層芝士薯片 配沙律 $68將千層麵嘅麵變做薯仔片，薯仔片之間夾住滿滿嘅芝士，再加橄欖油去焗。啱啱焗起，熱辣辣。薯仔無焗到冧pat pat，仲有一片片薯仔嘅口感，加上滿滿嘅芝士，幾滿足。焗盤細細地，旁邊加上新鮮沙律，份量啱啱好，唔會太過油膩。💡 明太子蟹肉意粉 $98份量十足，足料。每一條意粉都掛住明太子醬。明太子辣辣地，再加少少蟹肉味。意粉都幾creamy同香口，唔錯。💡半份即焗蘋果批 $48蘋果批細細份甜而不膩。上面鋪滿一塊塊嘅蘋果，以佢嘅蘋果蓉仍然有蘋果嘅口感。批皮薄身，熱辣辣上枱，切起嚟好酥脆，食完唔覺得滯。特別鍾意佢上面鋪咗層烤過嘅杏仁片，同蘋果甜甜地嘅味好夾。比起其他蘋果批，依款唔係入面包嘅餡料嘅。咁樣一層層上，更食得出蘋果嘅香味。完全唔甜之餘，仲有淡淡嘅肉桂味，幾特別。💡水果茶有好多種水果，有西柚、藍莓、士多啤梨、檸檬、奇亞籽。無加好多嘅甜味，偏純粹嘅水果同茶味。食完主食之後，有杯清清地嘅嘢飲，幾舒服。好飲嘅水果茶，唔好浪費，梗係要食晒啲水果佢🤭😆。💡Cappuccino 都算大杯，正常水準嘅Cappuccino。🍄特別欣

舖頭位置旺中帶靜，店面細細，感覺溫馨。小店菜式選擇種類繁多，我同朋友分別點咗辣肉腸蕃茄尖通粉同埋明太子蟹肉意粉。落單之後餐飲好快就到咗，飲品好大杯，而且個杯嘅形狀係好似一個水壺咁樣，真係好得意！辣肉腸蕃茄尖通粉辣肉腸微辣，而且帶有香料味；尖通粉軟硬適中，加入大量新鮮蕃茄蓉翻炒，每條尖通粉都吸收了蕃茄的精華，酸酸甜甜嘅蕃茄令人食慾大增，唔會好似坊間嘅蕃茄類主食一樣過鹹，蕃茄味濃郁。明太子蟹肉意粉意粉上面有大量木魚碎作點綴，意粉口感爽滑。明太子微微辣，醬汁濃稠，每一條意粉都能夠掛上醬汁，配合埋木魚碎一齊食，口感相當豐富。意粉食到尾聲嘅時候，發現好多蟹肉喺底，就咁食個蟹肉，食得到蟹肉嘅鮮甜，非常足料。本身都想試埋小店嘅招牌窩夫，不過實在太飽啦，唯有留返下次再試啦！

餐廳好的骰，細細間好溫馨。門口有燈串裝飾，如果夜晚係户外位置食飯會好有feel 。餐廳入面淺色tone 裝修、幾個綠色盆栽、木質餐具，食法國餐都冇壓力，好舒服。聖誕節期間有一個限定套餐上邊有嘅嘢食都係主Menu牌冇，黎食嘅時候會有驚喜。另外都有一個法國廚師主理套餐，都好抵食，有前菜嘅湯同埋沙律、主菜之後甜品，仲會包一杯野飲。法式芝士煙肉洋蔥批（7寸）$228酥皮批底好鬆化。洋蔥焗到完全冇辛辣味，佢嘅甜味同埋芝士煙肉好夾。熱辣辣嘅批好有節日氣氛。酥皮杏仁批原來酥皮杏仁批，又叫法國皇帝批。批餡係杏仁醬，而批面用咗杏仁片做裝飾，表層焗左嘅蜜糖面令到呢一個餐畫上完全句號。

朋友介紹一間神秘溫馨小店，裏面竟然有真正的法國大廚🤩與店員閑談，原來法國廚師在大約10年前已移居香港開餐廳，主要製作廚師的家鄉菜，喺香港少見👍🏻價錢仲要唔貴(無收加一)，性價比很高😭一定要推介俾大家❤️‍🔥今日一行六人可以試到唔同嘅菜式，套餐已包餐湯、沙律、甜品和飲品：1.西梅汁西班牙黑豚飯 $268月份量很多👍🏻豚肉爽口彈牙、秘製西梅汁酸酸甜甜非常開胃😋2.法國油封鴨腿配意大利飯 $348正式的法國鴨腿唔係周圍有得食，鴨腿非常大隻，肉質嫩滑，鹹香味十足！配意大利飯味道食剛剛好👍🏻3.牛肝菌汁酥皮牛柳 $328類似威靈頓牛柳，香脆嘅酥皮包住牛味香濃嘅牛柳做五成熟最好味～一切開好多肉汁，牛味濃、軟嫩多汁🥩4.法式羊架配rosemary汁$268雖然得四支骨但都好大份😍呢個價錢包埋前菜、湯、甜品同飲品，簡直係超值👍🏻👍🏻羊架帶少許臊味，肉嫩多汁，食到停唔到🤭得四枝骨真係唔夠喉～～甜品叫咗杏仁批💛兩層酥皮包住杏仁餡，杏仁嘅香味芬香撲鼻😋香脆可口，暫時未喺其他地方見過呢個甜品，店員話係法國傳統菜～果然一試難忘👍🏻朋友嘅鹹牛油焦糖窩夫同苹果批都話好好食，眼見都幾多人專登嚟食窩夫🧇下次會再黎試😜間鋪

元朗嘅法國風情小店Lunch menu選擇好多款！唔同嘅西式意粉🍝沙律🥗飲品又係好多款🤩明太子蟹肉意粉 $73蟹肉超多 多到食到落底都仲有！意粉軟硬度適中 明太子份量都好平均冇話食完好膩👍🏼龍蝦湯 $32(跟餐)味道好濃🤩入口唔會太水或者太結同外國嘅龍蝦湯都幾似！味道比想像中高質👍🏼荔枝茶 $28好大杯！荔枝味好濃🤩但唔會掩蓋咗茶味入面仲有荔枝肉粒 覺得可以得閒就去飲下呢杯茶🤣抵飲！環境雖小 但都坐得好舒服同埋佢哋都有戶外位想要外國風情啲可以坐外面吹下風🤣

我知店都開咗一段時間，但係一直都未去食。今次出街食飯就去試下。店舖入邊唔算大可以擺到六張二人枱，所以如果想你食嘅話就要book枱先啦。菠菜三文魚千層麵 $118呢個係餐廳新出嘅菜式，連餐牌都未上，新鮮滾熱辣，所以一於嗌你試吓。千層面每一層都有足料嘅三文魚、菠菜同埋蕃茄醬汁。上面仲要加咗一層芝士，金黃香脆。呢個配搭好好味。石板街窩夫 $78 係餐牌度見到呢間有好多唔同口味嘅窩夫，好吸引，所以都嗌咗一個嚟試吓。窩夫一上嚟嘅時候擺盤都已經好吸引同埋好香。上面加咗好豐富嘅cream同埋上邊淋咗滿滿嘅朱古力同埋焦糖醬。個窩夫好鬆軟，陳穎仲有一球朱古力雪糕加埋一齊食，真係好滿足。提拉米蘇咖啡基本咖啡裝飾望落去都好吸引，所以嗌咗試吓。咖啡上面淋咗一層厚厚嘅cream cheese，食落有滿滿嘅空氣感，上面仲要有一條手指餅，再撒上一層可可粉，好有層次。

今日去開元朗，做完野搵下有冇咩好野食，買份下午茶返屋企醫醫肚。搵到一間cafe裝修好令，叫法國小屋，裝修主調粉紅色，好似去左旅行咁！👍🏻👍🏻入到去叫左個餐牌推介既意粉 - 明太子蟹肉意粉＄88， 同埋一個小食，千層薯片。等左一陣好快就拎得啦，搭埋車返到屋企都仲熱，非常之好！👍🏻👍🏻明太子蟹肉意粉勁多醬汁，入面仲撈左好多一絲絲既蟹肉，伴埋勁多既明太子食，非常之滿足，意粉煮到唔會太淋，外賣返屋企食都仲好好味！👍🏻😋👍🏻之於個小食千層薯片，其實係用左好多片薯仔整成，薯仔切到一片片薄片，再撈埋好多煙肉同白汁一齊焗，做小食又得，主食仍夠飽！！！新鮮既菜式同煮法！👍🏻👍🏻😋😋

一直都好想嚟啦，因為朋友成日都介紹呢度嘅窩夫好出名，好好食，所以今次午餐一定要你試吓，估唔到真係一間非常完美，超級好食的Cafe，真係值得推介俾朋友，呢度嘅明太子蟹肉意粉真係非常推介，分量十足，睇得出廚師好有心思擺盤，賣相吸引，而且明太子意粉非常tai ah，明太子醬配埋蟹肉，真係好配襯，同埋好飽肚，嚟到呢度一定要試吓佢哋嘅甜品，招牌窩夫配雪糕，唔會好肥膩，而且口感香口，仲有佢哋嘅焦糖棉花糖，真係好好食，外脆外院，賣相一流，睇到個甜品咁豐富，都已經舔舔脷，服務質素好高，員工有笑容有親切感，有賓至如歸的感覺，對於服務業嚟講真係好重要，真係額外加分，而且呢度嘅意粉仲有卡邦尼意粉都係值得推介，佢哋嘅卡邦尼汁配埋意粉，真係好好食，仲有我推介朱古力曲奇味雪糕，真係好好食呀🤤🤤🤤🤤

以前讀書果陣最中意同fd去法國小屋慶祝生日🤣因為覺得有氣氛，都好多年冇去食，今日經過就入去食個lunch,點知個㕑師真係法國人（對上去已經好多年前，冇留意🤣）✨法國鴨腿黃金薯蓉 $128真係由法國廚師誠意製作，見IG介紹話將油封鴨腿拆肉鋪底，然後將南瓜薯仔磨成蓉，面頭加埋啲焗到脆卜卜嘅法國芝士，另外個碟都有包埋啲沙律開胃 😍咁大個女第一次食鴨腿黃金薯蓉，啲南瓜好細滑香甜，一啖食落去又有鴨腿又有南瓜再加埋法國芝士，成個口感好豐富！呢道餸一定會encore ✨荔枝梳打$38📍法國小屋 (元朗)元朗合益路9-15號紀業樓地下I號舖

住係元朗附近既朋友或者都見過喱間餐廳，舖仔細細但成日都爆哂棚~今日想試下但又唔想等，就決定拎返屋企慢慢食。明太子蟹肉意粉即使係外賣打開份量都唔細，明太子醬汁應該係cream底，有少少卡邦尼醬汁既香濃味道，加上明太子，啖啖包裹住意粉，口感超豐富。辣肉腸尖通粉辣肉腸尖通粉都有意外驚喜，辣肉腸的味道有少少辣同帶有獨得香味，平日成日都會食辣肉腸PIZZA，但原來用佢黎煮意粉一樣好夾，意粉係蕃茄味道為主，加入辣肉腸之後有陣陣咸香辣味，好開胃!招牌咸牛酒焦糖窩夫我最鐘意就係喱個窩夫，窩夫烤得乾身脆卜卜，充滿牛油香味~加上焦糖既甜味食落超夾!!勁好食~估唔到外表咁平凡既窩夫可以咁好食~難怪係喱到既招牌XD 唯一不足就係係拎返屋企途中凍左，返屋企要自行氣炸佢先可以品嘗到佢本來既好味道~

法國小屋 舖頭係正元朗的一條橫巷入面 唔介紹唔提你真係唔會行到過去 , 今日我叫左個卡邦尼意粉, 個汁好好味, 唔太漏, 絕對會再encore!另外梗係要叫番呢間店最出名嘅窩夫, 好香好好味, 仲配上焦糖汁同埋雪糕球 好味都要上黎寫番個食評同大家介紹下

法國小屋門面好溫馨，就入去試下。佢係一間位於元朗嘅特色小店，佢主要係一間有晚市甜品店。但唔好睇小佢，佢既西餐非常有水準。不過最令人驚喜既都係佢嘅waffles，今次重加左雪糕，食完個心情靚仔晒。田園沙律🥗🥗沙律新鮮清爽，蔬菜組合得恰到好處🥦🍅秘製醉雞翼🍗🍗醉雞醬汁酒味濃郁🍶🍶冷盤而上，做前菜最適合不過。芝士焗薯片🧀🧀芝士濃郁香濃，薯片焗得岩岩好，食落唔會太膩。牛油蒜蓉蕃茜煙肉🍝🍝牛油蒜蓉蕃茜煙肉絕對一讚的菜式。蕃茜同煙肉炒香🥓🥓，配上牛油蒜蓉的香味，絕對會讓你食指大動。咸牛油焦糖䈑夫🧇🧇咸牛油焦糖䈑夫絕對係主角。䈑夫鬆軟香甜，焦糖唔會死甜，牛油的鹹香味增添了層次感，配埋雪糕一齊食🍨🍨，真係好有驚喜。

🔯法式芝士洋蔥批～賣相貌不驚人，但係真係好好味😋～切落索索聲，入口充滿洋蔥味，唔油膩，芝士下邊全部都係洋蔥絲，味道有層次感，個批底焗得好酥脆。🔯即焗蘋果批（半份）～賣相令人垂涎欲滴～蘋果片好靚咁排列喺批面，厚薄切得適中，咬落有果膠質感，唔會因為切得太薄，而令到口感偏乾～哩款蘋果批內係冇蘋果肉餡，而係多層鬆脆酥皮，焗得好酥脆🔯法國皇帝批～酥皮配杏仁餡～除咗批面有杏仁之外，餡裏面都有一粒粒嘅杏仁碎～食落唔會太甜🔯雪山與白雪～上層係蝶戀花，個紫色真係好靚，下層係鮮奶～唔捨得攪拌去飲，先飲下邊嘅鮮奶，好有牛奶味。而上層係好輕微嘅蝶戀花味。室外有兩 set 枱，可以攜帶寵物。pet friendly