新味芳 (已結業)

好耐都冇經過太子新味芳， 發覺除咗賣古早蛋糕外，仲加多咗好多新嘢，發覺佢啲曲奇做得唔錯，鬆化得嚟又唔太甜，價錢都適中 ，60元半磅，重可以夾埋唔同款式，我就揀咗咖啡、原味、同埋朱古力，都幾抵嘅！

夜晚約莫7點路經太子地鐵站附近比蛋糕店吸引原本沒打算買蛋糕但見到優惠價$39即刻心動可以買個當早餐是日黑糖、咖啡味$39正常價有好多味口味貪著數買左個黑糖返屋企食個黑糖蛋糕係唔錯 不會太甜 下次經過會買其他味道試下仲有唔同產品可以試下

榴槤蛋糕～30元～地點方便，在地鐵口對正，價錢正常不算平貴，雖然口味好個人嘅，但我覺得味道太甜，有點蓋咗食物味道，口咁就幾好，口感是軟滑的。食到微微榴槤香味的。。。。

今日收工5點45-59分左右襯新年期間買下古法蛋糕同人拜過年🧧🧧順便去探下這間其中一位姐姐幫襯下佢買家庭裝古法蛋糕，店舖有位阿姐服務態度好好👍知我每次幫襯，我請求佢可否切，佢話得可以好靚十二件，因為我多數都係送人食，今次都係買來送人想買多一件家庭裝共2件，怎知今日不見果位紮頭髮笑容滿面嘅姐姐，反而比我遇到一位態度唔好嘅阿姐，特價喎朱古力🍫蛋糕＄39老板叫我哋唔好搞咁多嘢，另一件就可以幫你切件給你，我就話唔需要啦，我只好買要切件果件送人啦😑😑～～仲話特價無印仔，我唔係特價喎，我件係正價，D客都聽到呆咗，之後仲話送多印給我，真係惱囉😡😡😡😡用老板去要挾人，又用D甘差服務語氣同D客講野，我想同你老板講囉，你老板有你這員工態度，遲早D態度嚇走晒啲人，平時你哋甘好生意都係有位豐滿少少嘅阿姐吸引到我去幫襯，太令我失望😮‍💨😮‍💨因為佢留住D客仔～～今次仲要切到甘👎🏻👎🏻👎🏻差，我送人嫁，不是自己食😩😩😩

行經太子地鐵站附近,見到有間專賣蛋糕既鋪頭叫賣話大減價大減價,襯熱鬧埋去睇咩事先!原來而家特價時段一件古早味蛋糕賣$25,一盒2隻味都係同價買2件仲有9折,店員話蛋糕岩岩出爐無耐,仲好新鮮可以試下有芝士,有肉鬆有原味蛋味,仲有抹茶口味食落蛋味香,但唔太甜,賣相四平八穩,同平時食到既清蛋糕差不多唯一賣點係新鮮出爐仲有多款口味選擇我朋友教一個食法,返去用氣炸爐加熱烘成多士食會更加香,味道更濃縮平均消費$30評分7/10台灣古早味蛋糕 太子太子道西157號別樹華軒地下15號舖

平時好少行開呢頭，今日做完運動感到肚仔餓，邊行就聞到一陣陣既蛋糕味，就好自然吸引到我行過去，原來係古早蛋糕店，好香呀...我即刻買左3種味道來試食，每種味道買左半份，抹茶控同伯爵茶控既我當然要試啦，非常濃厚的抹茶味，伯爵茶味都好濃，至於芝士味，一啖咬落去濃厚既芝就爆出來...蛋糕既質感都唔錯，軟綿綿的。店員都好好仲好細心，幫我將芝士味分開用另一個盒裝，因為蛋糕中間有芝士醬會爆出來，會影響另外個2種味道既質量...

古早蛋糕店愈開愈多，我幾乎每星期都會買返個，返屋企一齊同家人分享～尋日經過太子，見到呢間新味芳，有長長既人龍排隊，一問之下，原來大家都等緊特定時間出爐既新鮮古早蛋糕，我都即刻排隊買返兩個返屋企～熱辣辣新鮮出爐既古早蛋糕蛋香十足，真係好吸引。新味芳有五款口味選擇，包括原味、芝士味、肉鬆味、黑糖味同抺茶味。我就買左個大熱既芝士味同肉鬆味。芝士味古早蛋糕濃香芝士夾雜鹹蛋黃，加熱後即有流心拉絲效果，賣相吸引，充滿蛋香，食落鬆軟夠濕潤唔會乾，邪惡得黎好香口!肉鬆味古早蛋糕中間有厚厚一層肉鬆，勁足料，咬落好有口感，蛋糕蛋香味濃郁，加熱後蛋香撲鼻，口感濕潤鬆軟有彈性唔會死甜!

台灣古早味蛋糕近年係香港興起，唔少店舖都爭相仿效，但要食真台灣古早味蛋糕都要睇清楚邊間!!早排係太子見到呢間台灣古早味蛋糕，好多人即刻幫襯試下，但原來呢間完全係扮晒係台灣古早味蛋糕，其實一d都唔似，完完全全係用台灣個名嚟呃大家錢，咁嘅黑心店舖唔值得大家比錢佢賺，香港其實大把真•台灣古早味蛋糕嘅舖頭，各位想食嘅真係要睇清楚先好幫襯，唔係掛個台灣名就真係等於真台灣風味，最慘係食完覺得嘥錢果下唔抵吖嘛。

平時出街見到有古早味蛋糕都會買番件番屋企同屋企人一齊分享，今日經過太子呢間新味芳，聞落一陣陣蛋糕香，於是就停落黎買左一件番去食喇～芝士味 $75幾中意個餡食落好似芝士蛋黃，咸香咸香最岩當下午茶食！蛋糕鬆軟，但略厭蛋糕味唔夠香，偏淡左少少。份量足夠，一份可切8-10件，屋企有成6個人，兩日就清哂。食唔哂放入雪櫃，第二日以凍食形式食，更加似一件甜點，蛋糕會結實左，整體感覺會較有口感。 整體來講，下次會想試下抹茶味。

台式古早味蛋糕近年係香港突圍而出仲愈開愈多，呢間位於太子地鐵站出口新開左冇耐嘅新味芳，地理位置非常優越🙈蛋糕每到出爐時間，由店內飄出濃濃嘅蛋香味撲鼻，所以每到出爐時間都要排下隊先買到架🙈.蛋糕口味有5款選擇，今次我就揀左兩款黎試下先🤤蛋糕體非常聚手厚實。。拎上手就感覺好足料😂◾️芝士蛋黃古早蛋糕 • $75首先蛋香味濃郁不在話下，乾濕度亦控制得非常好👍口感濕潤又鬆軟，配上最原始嘅蛋香加埋係蛋糕中間夾左大量半溶芝士同起沙嘅蛋黃，令人忍唔住想一食再食🤤🤤🤤真係值得一試！◾️肉鬆古早蛋糕 • $75除左中間果層有肉鬆夾層之外，蛋糕面亦有一層成1cm厚嘅肉鬆😳係我暫時見過咁多間古早蛋糕最足料嘅，肉鬆亦加上一啲紫菜碎，口感又豐富左😚唯獨比起芝士蛋黃佢係會乾左少少🙈

每一次經過太子聯合廣場附近都會見到一條長長嘅人龍，喺新味芳買台灣古早味蛋糕，今次的起心肝自己都排埋一份要去試下。😆買咗流心芝士🧀味同埋肉鬆味兩款，首先講個芝士味🧀，一切開中間層芝士真係流咗啲出嚟😍，而且第一啖咬落去蛋🥚味好濃，第二啖食到芝士🧀嘅味道，口感仲好而且芝士🧀味冇冚過蛋糕蛋嘅香味，肉鬆味上面就鋪滿曬厚厚嘅台灣肉鬆，入面中間亦都有夾住一層肉鬆，味道好到不得了。😋總括嚟講古早蛋糕比普通蛋糕冇咁甜同埋蛋味濃d，新鮮出爐熱辣辣食最好味。🤤

🧁古早蛋糕熱潮一發不可收拾😍🤩我都忍唔住趕上呢個熱潮😋經過太子，見到長長人龍，原來係等緊買先出爐的古早蛋糕。 店內有五款口味的古早蛋糕，包括原味（$60）、黑糖味（$60）、抺茶味（$65）、芝士味（$75）、肉鬆味（$75） 新鮮出爐嘅蛋糕，會係客人面前即席平均地分切成一個個，然後進行包裝再入盒，過程衛生乾淨。 店內每日一款蛋糕特價八折優惠，當日特價的是原味蛋糕，折後$48一個，認真抵食🤩 不過一向重口味嘅我就冇買原味，反而試左芝士同抺茶口味。🍰古早蛋糕🍰🧀芝士古早蛋糕（$75） 蛋糕濕潤鬆軟，蛋香味濃，中間的芝士原來還配上鹹蛋黃，味道非常匹配，成個組合非常邪惡。食唔晒就返第二日叮一叮就做到流心拉絲效果，超美味。🍵抺茶古早蛋糕（$65） 蛋糕厚身鬆軟，抺茶口味不會太甜，吃上來有淡淡的抹茶香味，吃出清新的味道，配一杯熱茶就更加好。整體來說，蛋糕口感鬆軟，非常美味，而且份量非常大，建議大家可以同屋企人一齊分享。

最近古早味蛋糕越來越流行，我自己都好鍾意食，見到我屋企附近都開咗一間，於是買啲返屋企試吓啦～～～～呢間店舖好細心，門口會張貼每一日會製作邊幾款蛋糕，而且仲會寫埋預計出爐既時間出嚟，可以根據自己想買嘅口味，預返差唔多出爐嘅時間黎買😁😁咁就實會買到自己想食嘅口味，同埋唔怕錯過咗新鮮出爐嘅時間啦🤣🤣🤣🤣🤣我去到間舖頭嘅時候，見到門口貼咗今日嘅黑糖蛋糕有特價，有八折優惠😍😍😍所以我就買咗一款黑糖味，另外見到芝士味蛋糕，入面嗰層芝士滿到肚流瀉哂咁🤩🤩🤩🤩🤩🤩好鬼吸引！ ！ ！所以就買埋芝士味返去試吓啦～～～～～呢間舖頭嘅全部蛋糕，都會有個大嘅透明蓋蓋住，避免蛋糕受污染，好乾淨💋💋而且包裝盒都好硬淨，我拎住盒蛋糕，去買埋餸，再返屋企，啲蛋糕都無壓扁🤪🤪🤪古早味蛋糕嘅特色，就係蛋糕又鬆軟又有彈性😍😍😍😍😍呢間舖頭嘅蛋糕當然亦都唔例外啦！ Q彈感超強❤️❤️❤️❤️就算用刀切開，件蛋糕亦都唔會扁晒🙌🏾🙌🏾🙌🏾芝士味蛋糕👈🏾👈🏾除左被芝士多到滿瀉既外觀吸引之外😍😍😍仲有佢兩種深淺色唔同既芝士饀🥳🥳🥳🥳🥳淺色既芝士有少少拉絲既感覺☺️☺️☺️少少甜～～～而深色既芝士咬落去有種類似食流心月餅既餡咁😃起沙的😋😋😋咸咸地～令

疫情嚴重，所以選擇將美食帶回家慢慢品嘗👍🏻今日在太子收工，經過見到新味芳，就在太子地鐵🚇B2出口好方便，於是付決定將台灣古早味道蛋糕帶回家🌟芝士味，蛋糕本身好軟熟之外，芝士味濃而且加咗咸蛋黃，所以特別香🌟綠茶味，茶🍵味十足，蛋糕不會太乾太甜

好耐冇去太子，今日要去始創中心，一出地鐵站就聞到陣陣蛋糕味，原來地鐵站隔離開咗間古早蛋糕店，於是決定走既時間買返兩個返屋企食😋店裏面既古早蛋糕係喺店入面焗，非常新鮮！蛋糕味道都唔少，包括原味、黑糖、抹茶、芝士同肉鬆味。每款蛋糕都焗得好挺身，賣相吸引~最後揀咗芝士味古早蛋糕（＄75）同肉鬆古早蛋糕（＄75），店員好好幫我切埋。返到屋企急不及待攞出嚟食，食既時候兩個蛋糕仲暖暖地👍我自己比較鍾意食芝士味，蛋糕咬落去鬆軟得嚟帶濕潤感，仲散發淡淡蛋香。芝士味喺中間嗰層，驚喜既係d芝士有拉絲既效果，而且芝士既鹹香同蛋糕本身既香味好夾！屋企人係肉鬆控，一打開個盒見到面層鋪滿厚厚既肉鬆已經心心眼🤪唔止上層有肉鬆，中層都有唔少，食落口感好豐富！