新味芳 (已結業)

太子又新開了新的古早味蛋糕，這間古早味店位於太子港鐵站出口，十分方便。小店燈光光猛整潔，給人一種乾淨的感覺。這裡的古早味蛋糕暫時共有5款味道，包括原味、抹茶、芝士、肉鬆和黑糖，而這次我們揀選了抹茶和肉鬆味。抹茶味，蛋糕非常厚身鬆軟，有淡淡的抹茶味，抹茶回甘味不算很濃，帶有少少甜，味道不錯。肉鬆古早味蛋糕，蛋糕本身是原味，蛋糕又厚又鬆軟，味道不會很甜。蛋糕面舖上滿滿的肉鬆，咸咸甜甜，十分特別的口感。這裡的蛋糕味道不錯，值得一試。

今日行過太子,一出地門既時間就見到一間新開既古早蛋糕店,仲要比我撞啱新鮮出爐,真係唔買都對唔住自己！即刻衝入去買返底返屋企試試.原味古早蛋糕,啱啱出爐拎出黎果一刻已經聞到陣陣蛋香,見到店員切開既時間蛋糕彈彈下帶住蓬鬆又軟綿既感覺.買到返去雖然蛋糕塔左少少但仍然堅挺脹卜卜.入口濕潤鬆軟,富蛋香味又唔會好甜.黑糖古早蛋糕同樣帶綿綿既口感,入口唔會乾,蛋糕氣孔細密帶鬆綿空氣感又唔會食落成陣風咁.黑糖味香濃帶黑焦香味,同蛋味互相平衡.

古早味蛋糕開到成行成市， 而家甚至擁有一間在左近 ，如果撞正啱啱出爐，聞到蛋糕香味， 嗜甜嘅我點都會買返一條兩條番屋企， 做早餐做下午茶都好。新味坊 正正係正太子地鐵站 聯合廣場出口， 都未上到去地面已經聞到香味，而且味道選擇都幾多綠茶味、黑糖味、 流心芝士味又或者 肉鬆 味都應有盡有 ， 咁方便就腳咪買返一條半條囉。原味簡單的雞蛋和麵粉香味， 是簡單的味道。 蛋香味濃， 而蛋糕本身質地軟綿有彈性，咬落鬆軟無香精味，食得安心。另外仲叫咗條 黑糖味， 食落軟身帶有少少濕潤感， 而且仲比原味滲出淡淡的黑糖香氣， 有種q彈軟熟嘅口感，不錯。

蛋糕味道的選擇還可以，再看最重要的價錢，又不貴啊🤣🤣🤣所以就順便買兩件回家，跟家人明天早餐一起分享😎😎就眼前所看，有幾種味道，有原味，肉鬆，抹茶，芝士及黑糖~😈😈最終，我選了芝士味及黑糖😋😋本身是芝士迷，所以對芝士味蛋糕特別私心加分🤣🤣不過，吃起來反而是咸蛋黃味🤣🤣而且香又濃，錯有錯著，用作早餐或下午茶真的一流👍🏻👍🏻而且蛋糕還大大件，感覺上很抵買🤣🤣🤣黑糖味就清清地甜甜的，很香黑糖味👌🏻

今日放工經過太子地鐵站，見到新開左間古早蛋糕！ 佢分辨有原味$ 60、黑糖味$60、茉🍵茶味$65 同芝士🧀味$75！佢哋啲蛋糕係勁鬆軟丫 ，我買咗芝士味同黑糖味 ！😝😝😝原來好大舊架🙈🙈芝士味 ～ 蛋糕中間夾左層芝士醬，我仲食到好似🈶️d咸蛋黃嘅味道，佢口感好 rich！黑糖味 ～ 甜到剛剛好，甜已不漏，好香嘅黑糖味，小朋友都可以食少少😋😋😋重點係我買果陣啲古早蛋糕仲係暖笠笠架！下次一定要試埋另外果兩種味道

#新味芳 (太子)最近古早味蛋糕大熱，屋企人都買左幾個返黎。幾十蚊咁大個，可以多人share，又或者分開幾餐食。都幾抵食。分別買左芝士古早味同綠茶古早味。芝士味最多人買，蛋糕與蛋糕之間有層溶左既芝士，除咗芝士之外原來仲夾住左鹹蛋黃碎，有驚喜。蛋糕濕潤中間嘅芝士鹹蛋黃甜甜鹹鹹，餡料整體感覺似奶黃。綠茶古早味蛋糕，相對起芝士味冇咁濃味，清清地，香精感都比較重。質感鬆軟得黎有實在感，唔似食空氣。兩者相比，大家都覺得芝士味好食啲。

《出街記得帶口罩》之太子古早味蛋糕😇前排經過太子，發現地鐵站出口隔離新開左間古早味蛋糕店，見到蛋糕熱辣辣新鮮出爐，一於試一試🤓🤓店員好細心介紹五款口味，包括：原味、芝士、抹茶、黑糖、肉鬆，價錢由$60-$75不等～最後揀左抹茶同原味比屋企人試一試～抹茶：抹茶味幾香，甜度適中，味道不錯原味：雞味香濃，口感濕潤而鬆軟就算放左兩日雪櫃，口感依然不錯，但建議店員提供的牛油紙再大張少少，蓋過面那保濕效果會更好啦

一出地鐵站就見到黎間新開既鋪頭，大大件既古早味蛋糕有5個口味，分別係原味、黑糖、抹茶、芝士同肉鬆芝士味蛋糕 $60(美味指數: 😋😋😋😋😋)身為芝士愛好者點會唔試下芝士古早味蛋榚，蛋糕好厚身鬆軟，芝士加埋蛋黃制成既芝士醬鹹鹹香香，流心既芝士醬汁多到爆晒出黎黑糖味蛋糕 $75(美味指數: 😋😋😋😋)食完芝士味再食黑糖味就有d單調既感覺，不過黑糖味太甜，蛋糕仲好濕潤好有蛋香味😋整體食物質素：4 / 5💰性價比：4 / 5👍推薦指數：4 / 5

呢排好似開多左好多古早味蛋糕舖，一直都未有機會試下，咁岩前2日同屋企人出太子整野，順便行下花園街，俾我見到台灣古早蛋糕舖＜新味芳＞，緊係去一探究竟喇。佢地呢間＜新味芳＞只有5種味道既古早蛋糕，分別係原味、黑糖味、抹茶味、芝士味同埋肉鬆味古早蛋糕。今日黎到就暫時得頭4種味道，肉鬆味就未有。我就叫左個黑糖味同芝士味古早蛋糕。其實本來想要原味同黑糖味既古早蛋糕，係冇諗住叫芝士味架，話晒自己都未試過咩古早蛋糕。但係睇到個芝士味蛋糕中間層芝士好似滿瀉咁，真係超級吸引，一問之下，原來芝士味係加左鹹蛋黃，所以正確黎講佢應該係鹹蛋黃芝士味。聽到都覺得吸引，最後返屋企食既時侯真係拉住絲咁食，唔會話芝士好溜，加埋鹹蛋黃鹹香味，超好食。推介👍

今日上溜冰堂前，經過太子見到間新開嘅台式古早味蛋糕，家姐同細妹都話聞到好香蛋糕味，廿四孝嘅我唯有就範，見依家咁hit我地又未試過，所以就買左兩個唔同味試試。見到個餐牌有5隻味，不過今日12:30去到就只有原味、芝士味、黑糖味。佢哋兩姊妹揀左原味同芝士味，一打開個盒就話要即刻試晒！食後感: 原味- 好香蛋味、好鬆軟，而芝士味 - 就多左中間一層芝士醬，仲可以拉到絲😙可能佢加左蛋黃响入面，家姐話好似月餅咁😂 唔好睇個蛋糕好大件，我地四個人tea time竟然可以清左一整個！

近排古早味蛋糕掀起一股潮流，正正方方大大個，成個枕頭一樣，好吸引，所以都多舖頭做古早蛋糕，今日經過太子呢一間新開嘅舖頭，試試水準如何。店舖蛋糕選擇唔多，但已經有我想食嘅口味，開放式設計喺外面都可以見到師傅喺度切蛋糕，同埋會見到新鮮蛋糕出爐，好正😍最後揀咗原味$60，同埋芝士味$75原味蛋香好出，而且好鬆軟，亦唔會太甜，好味；而芝士更加有更驚喜！夾心芝士配埋鹹蛋黃，好邪惡，擺入微波爐叮一叮或者焗一焗，芝士就會溶，口感更好，而且芝士味更香，個人比較推薦芝士口味蛋糕。 總括嚟講，蛋糕嘅味道都唔錯，而且價錢合理，希望遲啲推出更加多口味，咁就更好啦。

最近興起一股台灣古早味蛋糕熱潮，前幾日經過太子地鐵站旁的新味芳，也來湊一下熱鬧。其實古早味意指讓人懷念的古老味道，做法簡單，實而不華，這間提供總共五款口味選擇。古早味蛋糕每天在店內新鮮自家製，踫到剛剛出爐時，傳來陣陣烘焙香氣。紙盒包裝夠穩固，即使長途跋涉返回家中，內裡的蛋糕都沒有走樣變型。今次就選了黑糖味和抹茶味各一。黑糖味古早蛋糕 $60古早味蛋糕外型平凡，反璞歸真，賣相雖然不算IG-able，但就讓焦點重回味道本身。蛋糕質感較綿密實身，吃起來略帶濕潤，蛋香糕身隱約滲出微焦黑糖味。抹茶味古早蛋糕 $65長方型的古早味蛋糕size 頗巨型，賣相挺身不凹陷，表面亦沒有裂紋。綿軟富彈性的蛋糕散發抹茶的微瀝回甘，茶香濃郁而清幽，甜度亦相對較低。

今日經過太子見到新開了一檔古早蛋糕，到太子站對出，買了兩件返去同屋企人分享。蛋糕有五款味道，本來想要肉鬆及芝士，但排到前去最後一件肉鬆剛好賣了，而店員說今日唔會再出，唯有選擇原味。原味蛋糕新鮮熱辣，蛋糕軟綿鬆化，還有陣陣蛋香，而且味道亦都唔算甜，食完都唔會膩。芝士味則在原味的基礎上加上芝士，中間的芝士咸香配上香甜的蛋糕別有一番風味。尤其係新鮮焗起返去食，半溶的芝士更香更好味。下次希望可以試到肉鬆味啦！

近排多咗好多呢啲古早味蛋糕店，而家太子又新開咗一間啦，行過就聞到好香噴噴呀~ 一於試吓佢先! 咁岩去到淨返好少，原來就快焗起新一件蛋糕啦! 咁我地緊係選擇等新鮮蛋糕啦 🤗 好好彩芝士味 📍$75蛋糕中間夾咗一層芝士，仲要因為岩岩出爐，可以做到拉絲效果架喎。食落好驚喜，原來唔只芝士架，仲有鹹蛋黃係入面， 鹹鹹地甜甜地都幾夾原味 📍$60好鬆軟，好香噴噴，睇住佢係個爐到熱辣辣咁攞出嚟，超大份，切落去個陣郁下郁下，真係幾治癒

愛上台灣古早味蛋糕，今日去太子行街，一出地鐵站B2出口，就見到新味坊台灣古早味蛋糕店，鮮橙色嘅門面好搶眼👀佢有原味，芝士，黑糖，肉鬆及綠茶5款口味， 我就選擇咗原味同肉鬆味。囡囡超鍾意食肉鬆蛋糕，因為佢本身就好鍾意肉鬆，所以食唔停口。我覺得蛋糕嘅口感，同以前食嘅古早味蛋糕有少少唔同，質地綿密，有點濕潤感，係我好鍾意嘅口感。加上惹味嘅肉鬆，正😋原味蛋糕則味道樸實，是雞蛋與麵粉的原始味道，簡單嘅食物最難做得好👍，不會太甜，好適合我的口味。