大圍區食野一向都唔係平，行過見到呢間三文治連熱飲28蚊，係大圍區都算平啦，咁就入左去叫外賣，然後收錢果陣，阿姐就收多3蚊，即刻問佢點解，佢就話外賣係咁，一律係要加收3蚊，三文治外賣都要加收3蚊係咪痴左線？唔係公仔麵果d wo，唔使用碗架wo，仲有你又唔寫明係門口餐牌度，到比錢先至知！！如果你明碼實價寫住，我都幫襯就係心甘情願，依家你咁就好似打劫咁樣，呢間可以正式black list，納入搶錢店了！！！

台灣古早味蛋糕近年係香港興起，唔少店舖都爭相仿效，但要食真台灣古早味蛋糕都要睇清楚邊間!! 早排係太子見到呢間台灣古早味蛋糕，好多人即刻幫襯試下，但原來呢間完全係扮晒係台灣古早味蛋糕，其實一d都唔似，完完全全係用台灣個名嚟呃大家錢，咁嘅黑心店舖唔值得大家比錢佢賺，香港其實大把真•台灣古早味蛋糕嘅舖頭，各位想食嘅真係要睇清楚先好幫襯，唔係掛個台灣名就真係等於真台灣風味，最慘係食完覺得嘥錢果下唔抵吖嘛。

呢度已經好多人寫過食物方面, 大致上同大家差唔多, 記住唔好食豬手就得勒。

今日主要講d阿姐的服務態度, 超差, 無禮貌又臭串, 係度呼喝客人!!! 我來食野唔係受氣!!! 我喝返佢佢就眼定定呆左, 你喝得我我唔喝得你呀？

仲有記住如果想要飯or意粉要出聲講, 因為唔講d阿姐係會比餐包你 (餐包or飯or意粉 是但揀1樣), 我地係生客根本唔知, 阿姐串串貢會話你唔出聲就比包你架啦~~ 你明知我地係生客, 出聲問句使死呀.....

總之一句到尾, 你忍受到都可以去, 唔想一肚氣就咪去喇!!! 再唔係就野野都喝返佢、語氣重d對佢地,佢地就會態度好返些少, 我地都係咁佢地先好少少....d阿姐擺明就欺善怕惡!!!

第1次黎食, 見係稻香集團, 應該有保證,點知...

d菜名唔記得,請見諒...
1. 冬陰公汁既蝦--d 蝦係霉既(個waiter仲話呢個菜d蝦係咁架...)
2. 炸魚--係腥既..可能就係唔新鮮先至攞黎炸
3. 賽螃蟹--有魚骨..點解用魚切粒呢..用帶子咪無事law..

其他菜都係好普通, ma ma 地...

仲有我個fd著裙,比虱咬