今晚媽媽偷懶一下，唔想玩煮飯仔，突然之間話想食pizza，於是就叫pizza hut 外賣。 久違了千島醬的味道，我哋叫咗一個千島醬芝心邊pizza ，芝心邊軟林林，有口感，唔似平時食開個啲好硬 ，媽媽非常之喜歡 再加叫左芝士海鮮焗飯，芝士味濃郁又多汁配飯一流，如果海鮮可以多返少少就非常好啦 辣味雞翼八隻，雞翼係我哋每次必叫嘅嘢食， 因為媽媽非常之鍾意食雞翼，雖然有少少辣，但媽媽都好喜歡食，非常之好味 兩個人食三樣嘢，夠晒滿足呀...飽飽飽

又係辛苦返完通宵更啦，梗係要慰勞一下自己啦，今次拉埋同事一齊去上另外一間懷舊嘅酒家，就係鳳城酒家啦！ 我哋兩個人叫咗七樣嘢食，都唔算等得太耐，好快就一次過上晒啲野食，又可以同一時間試晒咁多樣野點心..... 我地邊食邊傾偈，原來發覺我哋叫嘅點心，大部份嘅都有蝦，有鮮蝦菜苗餃，布拉腸粉，百花釀西蘭花，上素蒸粉果，鳳爪，三色炸件（春卷，明蝦角，腐皮卷），仲有一樣就係懷舊嘅鳳城水餃.... 總括嚟講樣樣都唔錯下次可以再拉埋同事一齊去試埋其他懷舊食品

返完夜收工肚仔餓，心血來潮約埋同事一齊去飲個早茶，諗咗一陣就選擇左呢間舊式嘅茶樓，之前因為疫情關係所以關咗門，而家開返就好想去試一試，茶樓分開兩層，所以都容易可以搵到位。 呢度嘅特色係推車仔運送點心，非常之有特色，即刻叫即刻食，我哋分別叫咗叉燒腸，豬潤燒賣，柴魚花生粥，灌湯餃，豬肚，牛媽根， 煎三色糕...我哋兩個人叫咗八樣嘢食，因為太肚餓啦，掛住食都唔記得影相，味道非常之好，果然係懷舊茶樓，可以值得一去試。下次再去食其他點心....

今日係我同男朋友仔認識紀念日，我哋去咗新城市廣場行街，行完街我話想食西餐据扒，行完新城市廣場行咗一個圈，就揀咗呢間西餐廳慶祝，餐廳環境舒適又寬躺，感覺不錯，就選擇入去食。 我哋揀咗二人套餐， 前菜叫左一個沙律，一個蘑菇湯，蘑菇湯裏面每一啖都有粒粒嘅蘑菇口感 澳洲M5和牛肉眼扒，我地叫左五成熟，和牛肉質鬆軟又汁，我就鍾意點紅酒蘑菇醬 ，法式芥末籽醬我就覺得麻麻地，而我男朋友就鍾意用少少鹽調味，就已經覺得好好味 香煎鵝肝野菌意大利燴飯，鵝肝煎得啱啱好，入口即溶而且香味濃郁，配埋意大利飯口感一流 最後甜品係乳酪，有少少意外驚喜，平時出街食飯嘅甜品好少係乳酪 雖然晚餐有限時間75分鐘，但上菜時間都好快，唔駛等好耐，所以75分鐘到足夠食晒

平時好少行開呢頭，今日做完運動感到肚仔餓，邊行就聞到一陣陣既蛋糕味，就好自然吸引到我行過去，原來係古早蛋糕店，好香呀...我即刻買左3種味道來試食，每種味道買左半份，抹茶控同伯爵茶控既我當然要試啦，非常濃厚的抹茶味，伯爵茶味都好濃，至於芝士味，一啖咬落去濃厚既芝就爆出來...蛋糕既質感都唔錯，軟綿綿的。店員都好好仲好細心，幫我將芝士味分開用另一個盒裝，因為蛋糕中間有芝士醬會爆出來，會影響另外個2種味道既質量...