御品·千之味 (深水埗) (已結業)

今日同朋友喺深水埗嗰邊做完嘢，搞掂之後就去咗食一間禁堂食之前就想食嘅嘅日本菜，好多人推介因為佢哋嘅價錢非常親民，而且食物質素好有水準，聽聞佢哋好出名食三文魚同埋海膽！我哋叫咗一個壽司盤25件、油甘魚刺身、特大赤蝦刺身、辣味三文魚軍艦、海膽花之卷、辣味三文魚卷、海膽三文魚卷❤️🤤壽司盤就有三文魚腩壽司、辣味三文魚、三文魚粒、火炙黑椒三文魚、火炙三文魚和花之卷。因為朋友之前食過三文魚覺得好好食非常肥美和鮮甜，我哋今次專登叫一個壽司盤主要都係三文魚為主的。佢哋除咗三文魚壽司盤，仲有好多其他嘅選擇👍🏻我哋除咗壽司之外佢哋嘅刺身亦都好有驚喜，油甘魚刺身特大赤蝦刺身都係大大件而且都非常鮮甜🤭👍🏻我哋仲食左有辣味嘅三文魚，辣味三文魚軍艦嘅三文魚嘅味道亦都食得出👍🏻佢哋嘅海膽亦都好多人推介，我哋都叫咗兩個海膽黎試吓，佢哋海膽嘅份量亦都好多，食落口亦都好鮮甜！佢哋有好多唔同嘅壽司拼盤都非常適合開party叫外賣返屋企食，成班人一齊share就啱晒！

解禁防疫措施，屋企終於可以招呼好朋友啦，我地幾個都超愛食壽司，特別係三文魚。🤭今次試試呢間千之味，見佢幾多分店，應該唔錯。放工去買埋返屋企，去到即場叫到拎15分鐘左右，都ok ar，唔算等得太耐。我叫左個全三文魚盛盒 $288，有25件。三文魚腩辣味三文魚三文魚粒火炙黑椒三文魚火炙三文魚花之戀三文魚好新鮮好有光澤，又有唔同款式唔同口味，好正呀😋。見到啲外賣丼，最平五十幾蚊就有，平時放工都可以買個做晚餐。

今日去咗深水埗買新game，之後夜晚就同朋友去咗食一間好多人推介嘅日本菜，價錢親民但係食物質素有水準，我哋今日就食咗好多海膽和三文魚🤤🤤不論係刺身還是手卷都係高水準！我哋叫咗一個壽司盤25件、油甘魚刺身、特大赤蝦刺身、辣味三文魚軍艦、海膽花之卷、辣味三文魚卷、海膽三文魚卷❤️🤤壽司盤就有五件三文魚腩壽司、四件辣味三文魚、四件三文魚粒、四件火炙黑椒三文魚、四件火炙三文魚和花之卷四件。佢哋店舖嘅三文魚都非常出名，而且每件食落都好鮮甜和肥美。油甘魚刺身和特大赤蝦刺身亦都好厚肉和大件，而且都非常鮮甜🤭👍🏻食完先貼之後我哋就再食其他辣味嘅三文魚，令到味道嘅對比更加大👍🏻除咗三文魚佢哋嘅海膽亦都好多人推介，佢哋嘅海膽亦都非常鮮甜，而且份量亦都好十足。

千之味應該對好多人黎講都唔陌生，好多地方都有分店，而且又有提供外賣服務，啱曬同朋友聚餐食🥰價錢好親民，宜家仲有午餐同晚餐既外賣自取套餐👍另外佢地有四款$30既學生餐，只要係著校服或者出示學生証就可以享用，好抵食！ 1️⃣三文魚冷麵（$30） 學生餐全日都有，超抵～呢個價錢邊度搵，仲配埋野飲😳三文魚切粒，配上青瓜絲、蟹柳絲、蟹籽。冷麵份量好多，佢地將胡麻醬另外裝起，可以自己落～我就落曬咁濟🙈好正😋  好味：6.7/10 環境：6.8/10 性價比：9.5/10  御品·千之味 Oi-Shi-Sushi  📍地址：深水埗荔枝角道390C號利聯益大廈地舖 📌有八間分店，另外七間係觀塘、大埔、大圍、荔枝角、長沙灣、元朗、屯門  #深水埗美食 #深水埗黃店 #千之味 #吃貨人生 #食好西 #黃店 #黃色經濟圈 #三文魚冷麵 #御品千之味 #hkfoodie #hkfoodstagram #hkeat #hkfoodblog #yellowfood #yelloweconomy #hkig #hkfoodlover #salmon #tuna #yellowshop #香港美食 #foodstagra

早2日去深水埗做完嘢，街外太多人所以都係買返屋企。午餐無食嘅關係，買多咗少少😂。每次必買嘅係火炙丼。入面有火炙三文魚、火炙左口魚、赤蝦、玉子。火炙三文魚同左口魚都燒到啱啱好，焦香中帶啲油脂味，仲入口即溶。赤蝦鮮甜，蝦頭仲好多膏。呢個飯仲配有飲品添。另外追加咗青瓜卷、火炙三文魚壽司同埋蟹子沙律。係呢啲咁熱嘅天氣食沙律特別開胃，脆卜卜嘅蟹子加上爽脆嘅青瓜絲同蟹柳絲。美中不足就係青瓜卷爆得有啲唔係好實，食完呢餐真係捧住個肚。

三文魚控🤟🏻🤟🏻一次過滿足晒咁多個願望，呢個壽司盛盒有齊三文魚腩、辣味三文魚、三文魚粒、火炙三文魚、火炙黑椒三文魚、花之卷。三文魚新鮮，肥美。自己就私心推介火炙三文魚，入口即溶。加上輕輕燒焦表面，可以中和油膩感。叫得三文魚控又點會咁簡單，另外再追加多個雙色三文魚丼，份量都唔少。平時多數都去出名個幾間壽司店，其實呢到一樣有驚喜。質素中上，加上價錢合理。原來仲有得送外賣添，下次三文魚癮起又多個選擇嚕。

いただきます壽司永遠都係My Favourite 。今次又係千之味 🍣～價錢親民，食物質素又有水準。原來深水埗都有分店，就係西九龍中心斜對面。早幾日行完街就買外賣返去醫肚。本身想叫三文魚腩刺身，可惜已經賣晒。退而求其次，揀咗三文魚刺身 。($98 10 件)雖然唔係腩位，但都好肥美鮮甜。淨食刺身有少少漏，所以再嗌咗啲壽司。呢到嘅款式都幾多。最後嗌咗海膽、赤蝦、赤貝、海膽花之卷等。全部都係水準之作。特別係海膽壽司，鮮甜而creamy ，後悔無叫多2件添。

呢排都多人講呢間店，刺身大大件又厚切。海膽就要撞手神，我食3舊，有1舊喺無乜甜味，但呢個喺通病嚟，可能要喺當地食新鮮先會每一舊都喺甜。價錢就貴小小，但整體質素唔錯。

之前食過千之味外賣好抵食，今次就試了壽司都沒有失望 見到有不少貴價壽司的御品壽司拼盤有15件$258，整體都比心目中好食 三文魚，油甘魚，劍魚腩這3款都幾厚身，而魚脂不少，食到幾甘甜 市面的蝦比較細隻，但這裡的甜蝦和赤蝦都幾大隻而且好新鮮鮮甜，啖啖蝦肉 吞拿魚肉質都軟熟有濃濃吞拿魚香。海膽食到有新鮮感鮮甜。帶子幾厚身，口感不錯 墨魚和左口魚都正常不錯。仲有4款軍艦壽司，紫菜都新鮮，每款的材料：魚子，吞拿魚蓉，龍蝦沙律，辣味三文魚材料都滿滿，好味道 加洲反卷有4件同8件，我哋就選了4件$38，都有不少材料同蟹籽，每人2件岩岩好 這裡的壽司飯做得不錯，不會好大舊同不硬身，食到新鮮飯感 付款時仲會問我會去邊，之後就給了一個冰墊我，真心幾窩心不錯。這店仲有得送貨，下次同家人聚會都可以再叫過

無左晚市堂食，梗係支持下良心小店的外賣，千之味壽司已經開左好多間分店，總有間係左近咁😂我地都去左買外賣壽司，係返餐廳同區，只要滿$300就可以外賣送上門，好易就fulfill到，真係外賣首選！我地4人叫左個「千之味壽司盛盒F」，有赤身壽司, 左口魚壽司, 墨魚壽司, 赤貝壽司, 油甘魚壽司, 三文魚吞拿魚蓉反卷，左口魚同油甘魚最出色，好甘香，油脂味重而不膩，三文魚吞拿魚蓉反卷既吞拿魚蓉都好香同鮮味！赤貝就麻麻地，有少少腥～另外仲點咗「火炙盛盒 A」，全部都係火炙😍😍每樣5件，有火炙芝士三文魚壽司, 火炙三文魚腩壽司, 火炙芝士熟蝦壽司, 火炙芝士鰻魚壽司, 火炙左口魚壽司 ！火炙左口魚比純左口魚又香同面層微微燒過，更帶出油脂香！

講起外送壽司🍣，應該唔少人都試過「千之味」。試過之前外賣唔錯，心思思想去佢嘅門店試吓堂食🥢。揀咗一日週末12點幾去到，啱啱開門未有食客，同J生一人一份壽司餐唔使爭————————————————👅10件壽司餐（晚市/假日 $103）👉🏻三文魚：正常，加啲甜豉油先吊起鮮味👉🏻白身魚：較淡味，肉質爽硬👉🏻油甘魚：無赤肉部分，油脂含量適中👉🏻赤蝦：幾大隻，肉身唔夠晶瑩透亮，味道尚可👉🏻吞拿魚：鐵血味重 👉🏻蟹子，索索性，主要都係食口感👉🏻熟蝦：肉質紮實但蝦味淡薄👉🏻玉子：表面孔洞多，蛋味薄弱👉🏻鰻魚：輕輕火炙過，魚邊位有啲油香👉🏻醋飯味道甜甜地，飲品雪櫃自取，堂食可選麵豉湯———————————————— 🚩總結：好似之前外賣好味啲😋———————————————— 🌟注意：星期六日及公眾假期全日已晚市價計算————————————————📍 御品·千之味地址：深水埗荔枝角道390C號利聯益大廈地舖.🗺地區：#bem深水埗📥分類：#bem日本菜💰人均消費：#bem_101至200蚊

今次同姊妹覓食，大家都非常熱衷吃壽司、卷物，為了滿足好友的慾望，於是來到「御品.千之味」，外賣回家中享受一頓豐富的美食。店裡充滿日本風情，入面寛敞，設計環境舒適，感覺很潔淨，很多顧客前來捧埸，所以我和姊妹過來覓食。餐單上設有菜式，美食當前無法抵擋，放縱一下自己，吃得滿足一點。美味的菜色，我們都很鐘意，價錢都很相宜。我選了幾款壽司、卷物，包括有鰻魚忌廉芝士卷八件、吉列炸蝦卷八件、加州反卷八件，外賣回家慢慢食。鰻魚忌廉芝士卷八件鰻魚忌廉芝士卷賣相吸引開胃，大件好足料，鮮味撲出來，厚度適中，肉質肥美，鮮嫰爽滑，肉身通透，口感細膩，師傅用心製作，食落口感豐富，滋味無比。吉列炸蝦卷八件吉列炸蝦卷單單看樣子已經令人唾涎，軟硬度適中，肉質鮮嫰，彈牙豐盈，齒頰留香，值得推介。加州反卷八件加州反卷肉質很爽滑，不會過淋，保持彈性，口感煙靱，香氣四溢，味道可口，多吃都不妨，滿載的味道清新，幾好食。

好想念仲有得堂食的時刻🥲壽司 top3之選點可以冇千之味！堂食外賣都試過 外賣都保持到水準٩(ˊᗜˋ*)و堂食就試左兩個性價比高既餐～🍣 壽司餐10件加錢可追加雙色刺身沙律同螺肉！每件壽司都鮮味十足 壽司飯又唔會話太酸太實～份量亦都啱啱好(˶‾᷄ ⁻̫ ‾᷅˵)如果個日比較肚餓 加多個卷物都會飽到上心口(´∇｀)🍣 自選迷你魚生飯餐 一個餐除左有碗迷你魚生飯仲包左刺身 同5件壽司 仲可以加追加沙律小食等一次過滿足3個願望！勁豐富(˶‾᷄ ⁻̫ ‾᷅˵)而且份量多 火炙壽司亦燒得好好食火炙左口魚係必食！入口即溶 oi shi~👅味道：4/5💰性價比：3.5/5👀回頭率：5/5 (表示之前每個禮拜都食一次🤤)

大件夾抵食嘅高質壽司🍣聽過千之味呢個名好耐，今次終於試到😍千之味盛盒B叫盛盒完全岩曬啲有選擇困難嘅人入面有三文魚、甜蝦、北寄貝、蟹子八爪魚、加州反卷共25件魚生全部都勁厚切好新鮮😇個人最中意三文魚🍣食到啖啖油脂味吉列炸蝦卷邪惡必食！面頭加左好多蛋黃醬😍😍😇咬落去有脆卜卜嘅炸蝦🍤好正啊.📌 御品·千之味 (深水埗) (#深水埗)#深水埗美食 荔枝角道390C號利聯益大廈地舖-#hkig #hkigfood #hkfoodblogger #hkfoodie #食好西 #香港美食 #香港 #相機食先 #hkiger #852 #hkfoodlover #hkfood #hkfoodstagram #hkfoodporn #米線 #홍콩맛집 #香港打卡 #alldaybreakfasthk

咁耐都冇得去日本，唯有食啲日本嘢平復下呢個抑鬱嘅心情呀。咁啱而家又冇咗糖食夜晚，所以就決定叫外賣啦今次嚟到深水埗呢一間分店，係有位錯嘅，不過都係叫外賣返屋企。咁我就叫咗幾樣唔同嘅嘢包括加州飯卷，三文魚海瞻卷，三文魚吞拿魚卷，軟殼蟹飯卷，同埋火炙左口魚壽司兩件嘅😆佢係即叫即整，返到去就算過咗半個鐘都好新鮮🤪我最鍾意食就係火炙左口魚壽司，有啲後悔帶咗兩件，應該嗌多啲，因為要同屋企人爭嚟食。屋企人就話都鍾意食炸蝦卷，因為都熱熱地，同埋係脆卜卜嘅😙下次試吓佢嘅井飯，好似都幾好食咁