係元朗鳳攸南街呢邊 本身已經有好多美食～有潮洲打冷 亦有人氣cafe (〃﹃〃) 而今次經過見到好韓風街邊風格嘅韓國菜就試試佢！ 🦀 招牌醬油蟹拼盤配麻油紫菜飯 $298 入到去想試嘅燒鰻魚售罄 唯有試另一招牌醬油蟹拼盤～ 除咗醬油蟹 仲有醬油蝦係入邊(ง ˆ̑ ‵̮ˆ̑)ว゛ 鹹鹹地 配返附送嘅紫菜飯食就剛剛好 發現原來仲有預訂優惠 - 只要電話預訂就可以用優惠價$198試到(˶‾᷄ ⁻̫ ‾᷅˵) 但只限平日或者禮拜五六日7點前 想試嘅朋友可以留意下～ 🍗 招牌炸雞 - 蜜糖芥末 (半份) $88 炸雞粉漿唔算厚 肉質都好juicy 唔會太乾 半份份量都唔少( ᐛ ) 🍙 金槍魚飯卷 $108 飯卷大大嚿 餡料都好多好飽滿 一啖都咬唔曬！ 食完油膩嘢 食返飯卷就即刻fresh返(⩌⩊⩌) 🍯 招牌原粒蜂巢米酒 (2人份) $98 每杯有大大粒蜂巢～可以咬一啖 再飲啖米酒 即刻令到米酒帶點蜂蜜味 更易入口 當日假日午餐時間去 都唔需要等位～ 食物選擇仲有燒肉 湯飯 炸物等小食 難得元朗有的韓國菜( ᐛ ) 🌟另有大角咀分店🌟 ▫️ 📍新沙洞大排檔 (好順景大廈1座) (元朗) 元朗鳳攸南街3號好順景大廈1座地下3號舖 📍新沙洞大排檔 (大政街) (大角咀) 大角咀大政街10號地舖

究竟食完係Goodday Badday定 Mamaday呢⁉️ 呢間成日都聽我推介～但就未試過佢 只係去過隔離Mamaday 不過可惜將會結業 所以要轉戰呢間試試！ 啲菜式名依舊咁鬼馬🤣 有salad pizza pasta等等～ 飲品都好有特色 令人唔知揀邊款好！ 🍕 點解個個都叫軟殼蟹比薩 $145 點解個個都叫 無理由見到唔叫 Pizza係薄批底 上面仲有大大隻軟殼蟹 配埋千島醬 甜甜地 幾特別 🌮 三文魚牛油果莎莎 $88 三文魚粒撈埋牛油果同生洋蔥 凍凍地 再配埋脆口薄片 做前菜都幾開胃 牛油果份量都多 所以都較為飽肚- ·̫ - 🥗 蜜汁豬頸肉配沙律 $136 好多塊豬頸肉薄片 食落甜甜地 沙律旁邊仲有個胡麻醬冷烏冬 食完呢個沙律實好滿足(⩌⩊⩌) 🦑 魷魚圈 $69 份量都幾多 雖然炸粉較厚 但炸得香脆 ☕️ 豆腐豆腐豆腐咖啡 $56 咁多豆腐？！入面就有豆腐雪糕 底層都有豆腐增加口感 消暑飲品之一！ 🥤 夏日熱辣辣降溫椰子沙冰 $56 另一杯消暑飲品一定係要叫返杯沙冰！上面仲要有一球波子汽水雪糕 沙冰都好香濃椰子味 當一個甜品食又得(˶‾᷄ ⁻̫ ‾᷅˵) 總結！無論菜式名定餐廳裝修 都玩味十足 尤其飲品嘅配搭都特別 環境都好大好闊落 坐得舒適 適合朋友聚會！ ▫️ 📍GoodDay BadDay MamaDay (尖沙咀) 尖沙咀加連威老道27-27A號嘉榮大廈地舖及1樓

呢一間成日經過已經好想試( ˊᵕˋ ) 每次都見到要排隊 或者要book位先得～ 今次一早係附近 難得見到冇人就入去食個lunch! Lunch set menu有咖哩 湯粉 鹵水豬手等唔同嘅選擇 而價錢都唔算貴～ 仲有得優惠價加配不同泰式小食！ 令到客人有個好豐富好滿足嘅lunch🤰🏻 🥩 黃咖哩牛腩配白飯 $78 一上枱 覺得呢到嘅飯量真係不吝嗇 成座山咁高(ㆆ.ㆆ ) 黃咖哩唔會太辣太鹹 較為偏甜～ 而牛腩大大嚿！肉質都好淋 餸飯真係啱曬～ 🐖 泰式燒豬頸肉飯 $78 通常燒豬頸肉 我認為最關鍵佢嗰汁！ 呢到係鹹得嚟有少少辣 仲有少少芫茜 個人嚟講幾鍾意～ 豬頸肉都燒得好香口 又唔會乾到好似豬肉乾咁！ 🥗 泰式柚子沙律 跟餐+$42 本身以為係一堆菜加柚子粒 點知呢到係一堆柚子肉仲要大大嚿ԅ(¯﹃¯ԅ)十分驚喜！ 食完啲肉 食呢個沙律fresh下就啱曬～ 🦐 泰式蝦餅（兩件） 跟餐+$32 好足料～蝦肉彈牙 即炸蝦餅都好香脆 ☕️ 泰式咖啡 & 泰式奶茶 本身飲呢啲泰式飲品好怕甜～ 好彩呢到糖係呢加(´･_･`) 食飽飯再飲埋杯泰式飲品 就好完滿 總結！環境坐得舒服 仲要裝修有心思幾靚～ Lunch set都好抵食！份量超多🤰🏻 係附近嘅朋友返工 或者行完街之後可以一戰(๑◔‿◔๑)

係日本返到嚟之後 就一直想再食omaksae～ 今次就搵到係銅鑼灣鬧市入面 好多人推介 性價比高嘅日本餐廳試試佢！ 🍣 Lunch Set 11貫＋手巻き $498 𓂃 𓈒𓏸𑁍 前菜 🔻汁煮和牛 🔻沙律 和牛肉質好冧 再食啲沙律做前菜 上面有啲酸酸甜甜嘅醬 幾開胃(๑¯﹃¯๑) 𓂃 𓈒𓏸𑁍 壽司 🔻深海池魚 魚生上面加咗柚子皮 食落幾fresh嘅配搭～ 🔻帆立貝 大大塊嘅帆立貝 好厚肉！好鮮甜！ 🔻真鯛 鯛魚上面放咗炒香咗嘅烏魚子 🔻墨魚配海膽 本身以為海膽會放係表面 點知原來係將蒸熟嘅紫海膽放係墨魚下面 隱藏咗🤣 墨魚嘅爽口配合鮮甜嘅海膽 幾有趣嘅配搭～ 🔻鰤魚 每次見到都會必點嘅魚！新鮮鮮味十足 仲有入口即融嘅油脂感 令人想再encore！ 🔻螢光魷魚 呢段時期好似係當造的螢光魷魚(⩌⩊⩌) 🔻赤海膽 絕對係我No. 1之選！ 見住師傅係面前大大羹放係飯上 一啲都唔吝嗇 食落都非常新鮮鮮甜 🔻醬油燒白子 第一次食白子…搽咗醬油係面 食落唔會話好腥 一咬就外脆內嫩嘅感覺！ 🔻燒幼年拖羅 呢個幾特別 非一般拖羅 因為佢係幼年嘅拖羅 燒完嘅拖羅 油份出曬嚟 🔻慢煮鮟康魚肝 呢個絕對會係呢餐Top 3之一(⊃´ ³ `)⊃♡ 魚肝份量勁多 每一件都入口即融 充滿魚油嘅香味 配飯食就中和返油膩感～ 食完即刻覺得膽固醇爆燈 但都一定要食曬佢！ 🔻吞拿魚手卷 去到差不多尾聲 就食有一件手卷 手卷入面仲包住紫蘇葉 食埋就幫壽司嘅部分劃上句號～ 🔻玉子 𓂃 𓈒𓏸𑁍 熱食 🔻赤麵豉湯 🔻茶碗蒸 兩樣都好足料！尤其茶碗蒸仲有大大隻蝦係入面 麵豉湯都有唔少蜆肉 真係由前菜滿足到尾🤣 𓂃 𓈒𓏸𑁍 甜品 🔻青檸Sorbet 食埋就真係幫呢餐劃上完美句號～ 酸酸甜甜嘅青檸 可以中和曬剛才嘅油膩感 消一消濟～ 總結！估唔到鬧市入面 都有間環境舒服得嚟 性價比十足嘅Omaksae 食到勁滿足咁捧住肚走🤰🏻 Lunch set都可以揀11或者14貫omaksae之外 仲有啲定食可以選擇～ 餐廳仲好貼心咁寫明 可以將兩件壽司轉熱食 啱一啲唔想食咁多壽司飯嘅客人！ ▫️ 📍螢雪 (銅鑼灣) 銅鑼灣渣甸街66號亨環7樓

幾年前食完之後 一直對佢磨菇飯念念不忘～ 今次再去長洲 一於再去食個快餐( ᎔˘꒳˘᎔) 🍗 原味烤雞套餐 $60 [蘑菇飯 +$5] 烤雞有陣檸檬香 味道唔會太鹹 比以前更好食！ 雞肉咬入去都好juicy唔會太乾～ 再加錢將薯條轉做細嘅蘑菇飯 完返自己心願！ 依舊好creamy又好多菇～好重忌廉好正( ᐛ ) 🍟 Shake Shake薯條 $30 已經冇食shake shake一段時間～ 見到呢到有 就即刻試試佢 有燒烤同咖哩味粉 最後揀燒烤味～ 建議唔好一次過落曬啲粉 今次一次過落曬之後覺得鹹咗啲( ꈨຶ ˙̫̮ ꈨຶ ) 叫埋杯啤酒就fit！ 🥗 精選沙律 $32 食咁多肉要叫返嗰菜balance返🤣 🥤 檸檬薑特飲 $28 好少飲汽水 又撞正嗰排天氣凍 叫返杯熱嘅檸檬薑特飲 酸酸地又辣辣地 暖胃啱曬🤪 總結！烤雞juicy唔鞋口 蘑菇飯依舊係咁creamy好食～ 去到長洲又想食炸雞嘅話 去試吓就啱了ദ്ദി(៸៸›ᴗ‹៸៸ )

長洲而家越嚟越多小店cafe～ 好適合係呢個小島慢活hea hea 而今次都係再訪呢間鹿角蕨主題嘅cafe *ˊᵕˋ)੭ ☕️ Iced Candied Lemon Coffee $68 之前每次嚟都係飲Cococold brew 今次試試新嘢～ 揀咗一杯用上自家製的蜜漬檸檬 配合埋SOE豆沖的咖啡 個人覺得幾fresh的感覺～ 本身好驚會唔會好甜 點知飲落酸酸甜甜 又唔會蓋過咖啡香 配pastry類嘅話應該好正😛 🍵 Iced Matcha Latte $65 真係見住店員即沖抹茶再倒入鮮奶入面(〃﹃〃) 飲落好香濃抹茶味 唔飲咖啡嘅人可以考慮！ 🍮 Coconut Panna Cotta $40 一段時間冇嚟 而家多咗好多甜品 好可惜冇得試tiramisu ಥ_ಥ 所以叫咗新出每日限定10個的椰子奶凍！ 食落好滑 好香椰子味 feel到好足料 落到好足椰子水去整～ 有牛奶味又唔會太甜 下次都會想再戰！ 因為新出關係所以menu未有 可以先查詢店員( ˊᵕˋ ) 🍪 S’mores Cookie - Hojicha $30 軟曲奇有幾款～今次揀咗hojicha 曲奇中間有棉花糖 咬落會為曲奇增添煙韌感 幾得意(˶‾᷄ ⁻̫ ‾᷅˵)而且本身曲奇唔算好甜 所以棉花糖會帶返少少甜味～ 🍨 Affogato - Expresso $60 雪糕份量超多！覺得比平時食嘅有雙倍份量(≖ᴗ≖๑) 配埋濃濃咖啡味嘅expresso 勁滿足🤰🏻 總結！呢到有唔少特色咖啡 個人覺得Cococold brew同Coconut Panna Cotta 椰味出色 再去嘅話會再食呢個coconut系列 店內仲有咖啡drip bag可購買～ 同埋有免費寵物零食 pet friendly!

一直覺得聯和墟係最多隱世小店嘅地方！ 除咗有雞脾包 豬手麵 腸粉等等 今次就去咗間朋友推介嘅椰汁特飲店！ 店舖即使係平日下午嘅時間 都有唔少附近放工放學嘅街坊落嚟排隊買～ 朋友話唔想等嘅話 可以wts落單同預留配料！ 店內椰汁係用原個新鮮椰子鮮榨 即叫即制 絕無添加任何罐頭椰漿❗️ 如果嫌純飲椰汁好單調 可以加唔同配料變一杯大特飲( ¯ᵕ¯ )♡ 配料除咗平時常見嘅珍珠 雞蛋布丁 愛玉 仙草等等 仲有各式各樣唔同味道嘅爆珠同布丁 又或者好似有選擇困難症嘅我咁 直接叫老闆幫手調製 只要你講有咩要求就得ฅ๑̅‪꒳๑̅) 話就話揀1至2款 但老闆有求必應 盡量滿足客人要求 充滿人情味！ 🥥 鮮榨椰汁特飲 $29 飲落偏淡 靠配料帶出返啲甜味同口感 不過唔會似其他舖 一飲就係罐頭椰漿嘅死甜( ⩌⤚⩌) 配料份量都 非 常 多 ！ 當下午茶咁食就非常滿足 好過飲其他廢水～🤣 比起味道 呢到會令我再訪嘅 絕對係老闆對客人嘅態度 真誠 咁有人情味嘅小店都越嚟越小～ 絕對明白點解有唔少街坊會去買！ 如果去開 不妨可以支持一下！ 希望下次試到朋友推介嘅小丸子(ㅠ-ㅠ) 👅味道：2.5/5 💰性價比：4/5 👀回頭率：3.5/5

行到近科學館附近 有間專飲手工啤的良心店💛 有20款手工啤選擇之外 仲有不同小食/肉類正餐 可以佐酒之餘又唔驚餓(¯֊¯) 多年之前已經嚟過一次 今次同朋友happy hour就再訪～ 🍺 Lillian’s Lychee $72 當面主要係用lychee, green Tea, moscato 飲落係偏甜 係水果嘅甜 唔係死甜嗰種 配小食飲係非常夾～啱曬怕苦嘅我('꒳' ) 因為用moscato(my favourite!) 所以偏甜少少 同飲完冇啤酒咁多氣 超鍾意呢杯( ¯ᵕ¯ )♡ 🍺 Fruli Strawberry $64 呢杯就係用fruit Beer with premium strawberry🍓 本身好怕莓味嘅嘢 因為通常係藥水味 不過呢杯飲落竟然冇！真係好香士多啤梨味 仲少少酸酸地 都係易入口嘅選擇～ 🐟 酒漿炸魚薯條 $128 炸魚驚艷到！酒漿真係做到好香酒味 又唔會太厚 炸得夠香脆 魚肉又好大舊～ 薯條可加錢升級蕃薯條/黑松露薯條～ 今次試咗黑松露薯條 多咗個醬汁可以點～ 而薯條係幼薯 份量都唔少 好啱佐酒🤪 🐥 Tipsy雞翼 $88 雞翼肉質嫩滑 唔會太乾身 食落少少辣 配埋藍芝士腐乳醬 又鹹又辣好惹味！ 🦑 香脆炸魷魚 $88 呢到炸物小食真係出色！ 炸魷魚粉漿又係唔會太厚 剛剛好 放涼咗都仲係脆卜卜 又唔會食落係油淋淋 總結！呢到手工啤出色 可因個人喜好選擇唔同味 又唔會好重酒精味 食物份量質素都good 冇嚟一排但都冇退步 依然高質ദ്ദി˶ｰ̀֊ｰ́ ) 如果鍾意飲手工啤嘅酒鬼們可以嚟試吓～ 見到舖頭仲做緊promotion～happy hour嚟飲返兩杯就啱曬！ 👅味道：4/5 💰性價比：3.5/5 👀回頭率：4/5 ▫️ 📍Tipsy Tap (尖沙咀) 尖沙咀柯士甸路5號地舖

灣仔cafe在觀塘重開了✧٩(ˊωˋ*)و✧ 前身係灣仔的Cafe Relay 因為近返工地方 所以以前都會去飲杯咖啡食個Tea 所以結業時有點失落少咗個地方 近日知道觀塘重開 就襯假期去試！ 沿住開源道 好易就會搵到地方‪(՞ .ˬ.՞)"‬ 入到去 雖然唔係話好大 但環境舒服 而餐牌主食就有幾款意粉同窩夫揀 選擇唔係話好多 不過都好好食(⁎⁍̴̛ᴗ⁍̴̛⁎) 仲有雞蛋布甸 Tiramisu等甜品 而飲品有咖啡 茶 同無咖啡因嘅飲品 🍝 蒜片白酒汁鮮蜆扁意粉 $78 蜆肉份量好多 仲要粒粒蜆肉都大隻得嚟食落冇沙 扁意粉口感咬落煙韌彈牙 個人鍾意呢種口感('꒳' ) 整體食落唔會好乾 鹹鹹地 幾好食 意粉份量都剛剛好 ☕️ Iced Creamy Red $40 係得到有機及公平貿易認證 無咖啡因 富含抗氧化劑嘅茶～ 會打咗層泡係面 所以叫creamy 啱曬夏天想飲茶fresh但又唔飲得咖啡因嘅人(¯֊¯) 雖然係weekend 但都唔係好多人 食物飲品都高質～ 感受到店員製作時嘅用心 係一間值得支持嘅小店‎|•'-'•)و 👅味道：4/5 💰性價比：4/5 👀回頭率：4/5

呢間之前就食過lunch set～ 性價比高之餘 飲品拉花打卡都好吸睛 今次就嚟試一試dinner set！ 🥣是日精選湯品：磨菇湯 & 海鮮湯 磨菇湯 偏杰身～飲落勁濃菇味！清清地好夠fresh！ 海鮮湯 入面有蝦肉蜆肉海鮮等配料 飲落較濃味偏鹹(´･_･`) 🍽️ 前菜：香煎北海道帶子刺身 & 香煎法國鵝肝 帶子刺身煎得剛剛好 唔會過老！ 配埋紅酒莓香泡沫再加少少薄荷油 幾夾～ 🥩 主菜：招牌慢煮加拿大保濕豬鞍斧頭扒 & 勃根地燉和牛牛面頻 豬扒大大塊又夠厚 肉質唔鞋口 不過味道偏鹹咗少少 配埋自家制xo醬 又幾香幾特別～ 至於和牛面頰好腍又重牛味 份量又係好多 仲有意式玉米糕 第一次食 食落口感有啲似煎薯餅🤔外脆內軟 🍰 甜品：朱古力忌廉卷蛋&泡芙 賣相好精緻～roll cake仔幾好食 唔會太甜 ☕️ 招牌貓頭鷹玫瑰溶岩特調朱古力 店員會係面前倒入更多朱古力直至滿瀉為止！ 有得調整甜度 要咗最少甜 飲落好香濃朱古力味 ☕️ 3D Latte art 由店員決定當天款式～ Base可以揀matcha/chocolate 一上枱就不自覺地讚嘆🤣 果然如店員所講 一定會滿意🤪 真係整得好靚好得意 Dinner set主菜除咗肉類 仲有意粉 意大利飯等選擇 食物賣相都好igable feel到係心機之作～ 雖然店舖唔大 但都唔會話坐得好逼 環境幾舒服 店員服務都好好 又勁有禮貌👍🏻 之前去過餐廳慶祝生日 仲有得寫生日碟！ ▫️ 📍Sleepless (銅鑼灣) 銅鑼灣希雲街22-24號地舖