御品·千之味 (深水埗) (已結業)

咁耐都冇得去日本，唯有食啲日本嘢平復下呢個抑鬱嘅心情呀。咁啱而家又冇咗糖食夜晚，所以就決定叫外賣啦今次嚟到深水埗呢一間分店，係有位錯嘅，不過都係叫外賣返屋企。咁我就叫咗幾樣唔同嘅嘢包括加州飯卷，三文魚海瞻卷，三文魚吞拿魚卷，軟殼蟹飯卷，同埋火炙左口魚壽司兩件嘅😆佢係即叫即整，返到去就算過咗半個鐘都好新鮮🤪我最鍾意食就係火炙左口魚壽司，有啲後悔帶咗兩件，應該嗌多啲，因為要同屋企人爭嚟食。屋企人就話都鍾意食炸蝦卷，因為都熱熱地，同埋係脆卜卜嘅😙下次試吓佢嘅井飯，好似都幾好食咁