御品·千之味 (深水埗) (已結業)

早2日去深水埗做完嘢，街外太多人所以都係買返屋企。午餐無食嘅關係，買多咗少少😂。每次必買嘅係火炙丼。入面有火炙三文魚、火炙左口魚、赤蝦、玉子。火炙三文魚同左口魚都燒到啱啱好，焦香中帶啲油脂味，仲入口即溶。赤蝦鮮甜，蝦頭仲好多膏。呢個飯仲配有飲品添。另外追加咗青瓜卷、火炙三文魚壽司同埋蟹子沙律。係呢啲咁熱嘅天氣食沙律特別開胃，脆卜卜嘅蟹子加上爽脆嘅青瓜絲同蟹柳絲。美中不足就係青瓜卷爆得有啲唔係好實，食完呢餐真係捧住個肚。