彩福皇宴 (京瑞廣場1期)

營業中

休息中

繼年初二既早茶，最近幾個星期六／日我同家人都有黎飲茶，覺得服務大有改善，想留言讚賞：- 電話留位服務員李小姐及胡小姐有小心重複訂位內容，態度非常好- 服務員有主動收抬枱上食完的碟同籠見到服務大有改善，希望可以持續！平日飲茶最愛推介：- 燒賣 （燒賣界的天花板，必食）- 海鮮炒鴛鴦米 （有鑊氣，唔油，好好食）- 燒雞 （真脆皮燒雞，皮薄唔多肥膏，比之前的質量提升好多）最近見到有個手剪乳豬的優惠推廣，服務員話得3月13日晚有，個餐好抵食好吸引，不過咁啱果晚唔得閒黎唔到試，希望之後個優惠可以再做，再約班朋友黎食過🤤

平時我哋一般都會星期日嚟呢間飲茶，因為附近真係冇咩選擇，食物質素ok，不過平時啲服務都係非常之差，成到成枱嘢都冇人執枱。 每次有服務需要叫人幫手，啲阿姐都係當睇你唔到，而且平時訂枱，個知客成日都 mark漏，搞到明明有打電話去訂，去到就話你冇訂枱，呢種情況已經發生過最少兩次。今日大年初二，我哋一家9點嚟飲茶，諗住開開心心飲過新年茶，點知畀呢度啲服務員嚇親。我哋非常明白農曆新年飲茶，如果你個服務係好，派利是真係冇所謂，今朝一早目測有10個服務員，但成個場約十幾張枱有客， 因為啲服務員根本冇嘢做 ，竟然成班10幾個人咁過嚟逗利是，之後有一個新嘅客入到嚟，十幾個服務員 又衝上去嗰張枱恭喜發財逗利是，呢一個場景真係好失禮，可能酒樓冇諗過大年初二9點都咁少客，啲服務員又唔黎斟茶，現場竟然冇一個管理人去控制呢個場面，我私底下聽到啲客議論呢件事，其實作為服務性行業，真係有返自己嘅操守，咁大個品牌都咁丟架。

大年初一嚟到石門彩福飲茶,我唔明點解要開過年音樂嘈到不得知了,人已經好多嘈雜聲音,全場已經好嘈,侍應講嘢聽唔到,自己同台講嘢都聽唔到,唔明點解一定要開咁大聲音樂呢？叫佢關細啲,轉枱都冇用,全間酒樓全部都係喇叭,嘈到不得之了,簡直係精神虐待,噪音污染

行過無數次廣場，終於落腳到彩福。洗一洗，坐定定，就準備好要享受下廣東滋味喇！首先，原隻鮑魚燒賣皇，真係正！鮑魚咬落去勁彈牙，燒賣肉味咁濃，啖啖肉汁四溢，真係得意爆燈！跟住上嘅龍皇野菌腸。感覺個腸粉皮滑溜溜，仲包住雜菌同龍躉春卷，雜菌味夠香，只係春卷皮稍嫌軟咗點，缺咗個脆。食完點心，迷你蝦頭油海皇炒鴛鴦米就即刻登場！新鮮海鮮加埋炒得爽口嘅米粉與粉絲，芒🤤，返晒味，齋食都唔覺悶，乾蒜嘅香氣令人後添前湊！整體來講，呢度食物質素相當不俗，啱晒同家人朋友一齊享用。🥢🍲🍤味道好，場地又寬敞，彩福，睇來要多來幾次!

週末天，閒來無事，攞咗鏟同屋企人去了這飯店飲茶。坦白講，這兒嘅茶點充滿咗驚喜。首先，嗰叉燒腸，真係得意㗎！ 😋 外皮腍得黎又唔會太膩，叉燒肉味道剛剛好，幾正！食落去真係口感滑溜，回味無窮。跟住，馬拉糕就有少少令人無語 —— 開始我以為"唔錯呀"，咬落去好似有啲overcooked，硬啲，食落去有點噶力😅。不過，轉戰食鳳爪，又平衡返啲。雖然咸咗一細丁，但腍到極點，鳳爪腍到哂骨，掂！最後，山竹牛肉同燒賣就真係係今次食怏怏嗰兩樣突圍出來嘅甜頭了啦。山竹係牛肉裏頭帶嚟拍手叫好嘅爽脆口感，仲有埋嗰喼汁，簡直係媲美過山車嘅味覺刺激👍。而燒賣，食落去蝦仁得意彈牙，冇遮掩嘅鮮味，絕對一於正路！哎吔，真係話多了都白搭，總之呢啲點心令我回味無窮，下次仲會再嚟嫁！記住啊，來這家酒家少少準備，等埋單有時要耐心小小。轉眼，屋企人叫我埋單，啊，終於可以攞埋啡嘴，開心行啦！😁🥢🍵

在12月16日中午发生，因為当日中午完本订了四席 解穢酒，主人家在火葬場 做咗全部事情之後上車，打電話到酒樓 ，打電話通知咗酒樓同員工我哋會在半個鐘頭後到， 跟住對方話準備，但係搞笑嘅事情開始發生 ，個知客小姐話我哋呢訂咗枱都冇用因為遲到，所以將我哋嘅枱賣出去給客人， 我哋捉捉企喺門口攬住先人相片，你說如何情況出現，最好笑的 是，我們全部人在门口等了4O分鈡有此親人叫不用吃，但是因為有订金原因，再次问知客得来结果都是一句， 你們遲到所以要等， 要登幾耐先至可以有位畀我哋入因為啲老人家同小朋友已經好不耐煩， 她说答不到，最后家人开始直入大堂找高層，将情況给他知，誰不知和门口几位冇知識豬頭一樣， 因為知道所以要等， 搞到我幾個親戚叶打嗌殺先至有機張胎畀我哋啲客人食咁你話係咪令到先人都難堪？

石門三間酒樓都試過，呢間竹覺得最好食。XO醬腸粉味道野味，超正。鹹水角又熱又脆，咬落去煙韌，又係必點。蝦餃燒賣不過不失，個人都鍾意。福建炒飯樣唔錯，但係略嫌多汁，味道唔夠，反而有啲失色。

阿媽生日🎂我就搵咗依間酒樓請佢食晚飯☺️呢間酒樓啲位好闊落🙂侍應嘅服務態度都好好👍秋冬海鮮孖寶推介 $618有上湯焗西澳洲龍蝦伊麵 加 晚爐脆皮燒鵝王～上湯焗西澳洲龍蝦伊麵龍蝦新鮮👍肉質鮮嫩 🥰咬落去爆曬汁🤩好食過其他酒樓 👍伊麵算係中上級數～明爐脆皮燒鵝王燒鵝皮脆😋肉質嫩滑有口感🤭味道亦都唔錯🫰～清蒸沙巴龍躉斑條魚非常新鮮可口😚唔多骨 😘調味亦都做得好好 😋唔會太鹹 👍有機會經過石門一定再嚟食🤓

自從石門開了這酒樓，沙田友多個選擇！它多數是我和朋友敍餐地方，因近石門站方便✌🏻它主打傳統點心，味道0 K既，好過沙田區其他酒樓，設有早鳥及下午茶優惠，今次更有驚喜，竟然食到鵪鶉蛋燒賣舊式點心😍😋，不過這𥚃服務員服務態度就一定有進步空間！希望它繼續加油進步，留住食客個❤️💃

飲下午茶~點心還可以，只是選擇不多(如有牛柏葉, 節瓜甫, 黃金糕更好). 芝麻卷及椒鹽白飯魚值得點贊👍🏻. 價錢中上，不算平. 問題都是人手不足,根本沒有太多服務~難怪食物比附近酒樓好,但生意比其他差~都是性價比原因.🤔

價錢貴但點心味道一般，只有個炸魷魚鬚好少少，其他真係一般唔值呢個價錢下午茶都30幾蚊個普通鳳爪。下午茶，我係2點半入坐，第2轉點心3點先叫，3:15分伙記就催埋單催人走，但我地點心都未到點埋單點走呀😩老婆去厕所，一入去又係催你快話要清潔，個亞姐索性將厕所大門鎖左唔准出入，要等全部厕格所有人出晒嚟，全部人一次過走，咩服務態度呀又係個清潔姐話要快，我地快去完厕所但要等唔准走，仲態度超惡即係我幫襯係錯，幫襯仲要去厕所就更錯嗎😡總括而言，應該可見將來都唔會再幫襯。

10點53分入座，但唔比QR CODE 你落單，11點後轉午巿立刻比Code，有心搶錢，問職員就話係電腦問題，怪不得看着彩福為什麼會越來越少人幫襯，原來是貪心的後果，各位飲早茶的朋友要小心喇，我以後不會再去了

話說同行有小朋友，所以比較早食飯，我哋5:45左右到達，場內亦都有幾台食客，成間酒樓竟然可以燈都未開曬，有幾個阿姐行行企企，要我哋行到去前面講幾多位，先帶我哋坐。小朋友需要BB凳，呀姐拎咗黎擺響一邊就行開咗其實唔想做可以唔好做，無謂要啲客人受氣。

作為香港嘅消費者，應該係去支持本地經濟， 搞好香港夜繽紛 。但好不幸，今次消費就有不愉快嘅經驗。 星期六飲早茶 ，我並不知道石門彩福皇宴喺繁忙時間係限時 進食，但都唔緊要，好好解釋就ok的。但係喺同佢哋部長 溝談過程中，感覺到佢哋態度非常之差。賴去解釋，淨係用一啲 ：你唔鍾意就唔好嚟幫襯嘅態度去回應。fine， 我對石門彩福皇宴 的服務無話可說，就由 消費者自己去評論好了。

一個月冇去，加哂價，大約增加一要50蚊一個點心，天價！overprice!手機點餐，冇服務可言，想幫2歲小朋友拎一張bb chair，職員就話，佢咁大唔洗bb chair，疊椅就可以。跟本唔想去拎，問左3個職員先拎比你，有2個都完全唔理你...咁既價咁既服務冇下次。blacklist!