坤記腸粉

營業中

休息中

行去租單車時，見到有坤記腸粉，就已經計劃踩完去食。去到時，漸見人龍。阿姐唔係爽手type，每次拎腸粉，都要客人再三確認腸粉數目，夠均真。要左四條腸粉加燒賣。上碟後，阿姐話兩個人，兩支竹韱就得，要支持環保選擇左自己加醬。腸粉係夠滑既，都夠軟，夠熱。同行朋友表示食開canteen 既腸粉再食佢，簡直係天堂同地獄嘅分別。而辣醬亦夠辣。燒賣就正常啦。魚味一般，亦偏林，唔係彈牙嗰種。臨走時，見到呢個強記腸粉，原來腸粉唔係自己做，係攞貨，再整熱。睇嚟佢地要加返個credit to 強記！

經過大圍，就諗起上次朋友帶我地去坤記食腸粉，所以今日經過附近又去買。本來擔心今日年初六吾知開工未。點知排長龍，要排差不多十分鐘先買到。之前食高魚蛋同燒賣都一般，所以排左咁耐，都係買買二十蚊有十條腸粉。我地買左並吾係坐低堂食，而係外賣揸車去獅子亭食。山頂上景緻開揚，再加上今日風和日麗，腸粉即刻升價十陪到二百蚊啦！😜😜😜打開包腸粉，有D失望，首先汁吾夠，有好多都白曬曬，腸粉有D厚，又吾夠滑。😒

呢碗皮蛋瘦肉粥成碗就係得呢一粒皮蛋咁大把！肉絲又得雞碎咁多！料又無，成碗粥就得個咸字！食完係咁飲水，到而家仲口渴緊（已經兩個鐘）！可以煮到個粥咁難食真係好難，咁都俾你做到，好野！

平時一直覺得坤記好早就關門，但琴日4點幾經過竟然仲有條長龍排緊隊，就跟住排luu...講記坤記應該都好多沙田/大團人知呢間出名嘅腸粉，之前都食過幾次，腸粉係滑嘅！但有啲失望係琴日再食，啲腸粉變左好散，一舊舊，無左以前好滑個種感覺🥴個sauce都仲係出色嘅，但個質地都好重要！！！同場嘅燒賣都一般，麻麻地反而生菜魚肉湯有啲驚喜，幾入味，同咁岩凍凍地食熱野就暖啲！另外叫左個炒面，$12好大碟都抵食嘅～

本約了朋友在同區另一間餐廳食lunch點知間餐廳仲未開 朋友太肚餓 只好先在附件食D野頂頂肚已經係下午12:30坤記腸粉都大排長龍 招牌腸粉 $10 @4條魚蓉燒賣 $8 @6粒招牌腸粉係幾滑 但因為都薄所以好易散開醬汁唔死咸 再撈醬食係唔錯的 另外再飲左個豆漿 但完全唔似豆漿無豆味 反而似腐竹糖水的味 淡如無味 完全唔ok 堂食夠快同埋真係幾地道的相信平時係街邊食都係咁上下質素街坊街里平時食開都算唔錯 不過如果特登入黎食就唔好喇

晚上約左朋友飯聚，晚飯前同老公拍拖，步行到大圍搵食!老公要跑馬拉松，所以要啲有澱粉質的食物，決定食坤記腸粉!之前每次經過都俾長龍嚇親，今日都唔例外，不過今日有時間就排下隊!人多到無位坐諗住企係度食!不過條龍好長，排排下都有位坐了!今日食左腸粉、燒賣同碗仔翅!排隊時有位小姐同我講呢間啲腸粉豉油出名提我叫多豉，但係一試，有點失望，老實說味道咸道同家中生抽無任何分別，有時係小食店食的豉油都似用糖另外煮過，但呢間，可能煮左都係一般!而腸粉同燒賣口感同其他店差不多!不過碗仔翅就幾好食!但整體來講，唔值得排長隊而且有點貴，可一不可再!今日食左$38!

病咗想搵吓粥食，原來依間小店除咗賣腸粉碗仔翅，佢仲有埋白粥，皮蛋瘦肉粥。新年期間佢鋪頭好多人幫襯，值得一讚係佢哋服務態度好好，比起好多連鎖店更有人情味👍🏻雖然份量唔算好大，但有種好懷舊風味諗返起以前住村嗰時篤魚蛋豬皮。

經過大圍，就諗起上次朋友帶我地去坤記食腸粉，所以今日經過附近又去買。本來擔心今日年初六吾知開工未。點知排長龍，要排差不多十分鐘先買到。之前食過魚蛋同燒賣都一般，所以排左咁耐，都係只買二十蚊10條腸粉。我地買左並吾係坐低堂食，而係外賣揸車去獅子亭食。山頂上景緻開揚，再加上今日風和日麗，腸粉即刻升價十倍到二百蚊啦！😜😜😜​​​打開包腸粉，有D失望，首先汁吾夠，有好多都白曬曬，腸粉有D厚，又吾夠滑。😒 同上次差好遠。靚景都補吾返。

平靚正😍不過係勁多人🧐想坐喺度食就難啲買咗會方便啲呢度都只係$19🤓值得一試👍👍#坤記腸粉 #大圍 #eatwithyuenkei #hkfoodie #foodie #food #foodlover #foodporn #foodblogger #youtuber #youtube #hongkong #hk #wheelchairvseatinginhk #wheelchairfriendly #共融 #無障礙 #相機食先

以前係街坊曾經食過嗰時覺得冇乜特別今次因為實在太肚餓，搵啲嘢頂肚，算啦就食腸粉，見到有生菜魚肉，都試吓啦點知有驚喜，腸粉同深水埗合益泰一樣咁滑、咁薄，當然要多麻醬，適量嘅豉油，炒香嘅芝麻， 再加一點點甜醬，就冇得頂估唔到生菜魚肉都好食，魚肉打得出色，冇 腥味，有咬口，又係要多胡椒粉同麻油，熱到辣嘴咁先最好食

今天途經大圍積福街的坤記腸粉，看見店內顧客並不是太多，於是便決定入內吃一個此店出名的腸粉。坤記面積很小，但售賣的食物淋淋種種，有各式其式的小食，繼有咖喱魚蛋、魚肉燒賣 和懷舊砵仔糕等等。 此外，還可作主食的皮蛋瘦肉粥、家鄕炒米粉、豉油皇炒麵和生菜魚肉湯等等。因已吃過午飯，我今天只好吃一碟十元四條的腸粉。蒸熱了的白滑腸粉是放了在鋪了一張紙的碟上，絕對有懷舊路邊feel。碟上還淋了油、豉油、花生醬和甜醬。面上還灑有美味的芝麻。趁熱吃下混了醬的腸粉，美味無窮，味道多層次。這街坊小店門面並不討好，但腸粉郤確實滑溜而又便宜。

係大圍買親腸粉都一定係坤記買，因為夠平之餘，佢仲有好多其他小食，有豬皮魚蛋燒賣生菜魚肉等等，係一條小街既舖頭仔，每一次去到都要排隊，可想而知佢係有幾多人幫襯吧！黎大圍絕對要去！

市區人第一次入大圍緊係要搵下食🤤經過見到呢間有名腸粉二話不說入咗去！嗌咗$10 四條腸粉，加$8 六粒燒賣一食Um，腸粉唔熱！！！我好怕食野係唔熱，即刻無咗最香既味道無乜味，亦唔滑醬亦都稀到無乜味，特別花生醬🤷🏻‍♀️食唔出味深水埗合益泰同紅磡林記贏到無影以上兩間我經開必食👍🏻👍🏻👍🏻坤記連普通店既腸粉都未必比得上反而燒賣有魚肉味又不錯！👍🏻服務不過不失環境都幾污糟，枱面同椅都痴粒粒一句講哂名過其實😟無下次

首先，我未見過腸粉可以禁細條，大佬我買腸粉唔係狗仔粉醬又少又乾，真係你食埋我果份以前都唔係咁，依家趕客咁款，又貴又難食，真係唔好試唔該廿幾蚊食碟垃圾，你都好意思賣比客，好心啦有無良心嫁

以前坤記真係好好食，老闆又好人，宜家醬汁又溝勁多水，浠到不得之了！做生意又唔老實！金輝D腸粉和醬汁好食好多！個案1.) 話說我買咗4條腸粉、2粒粉果、1串燒賣、2粒牛肉球。第一由於醬汁溝咗勁多水，叫阿姐加多少少醬汁，佢唔出聲黑曬面咁加咗半匙，之後佢用竹纖拮穿咗個袋，我叫佢加多個膠袋，因為穿咗，阿姐竟然話要多個膠袋就要加五毫！仲同我講話係政府要求嘅！我話：「我唔同你嘈了，一係你就同我換咗個膠袋佢！一係你就比多個膠袋我！一係我就唔買了！」阿姐聽到之後，黑口黑面掉個膠袋喺旁邊話：「要整就自己整！」個案2.) 家人最近去買腸粉時，每次都會買10蚊4條腸粉+2粒粉果，阿姐3次都詐詐帝話整多咗腸粉呀！要多2條啦！總結：我和家人以後都唔會再幫襯！！