坤記腸粉

營業中

休息中

坤記腸粉第一代我覺得係最好味！轉過幾次手，一次比一次失水準，最近轉呢手，調味只係一味多油，連豉油都無味。燒賣蒸得過哂龍，太林。我住係佢附近，地方越整越污糟，越食越失望。

呢間係大圍街邊既小店, 成日會行過, 有一次經過想食腸粉,終於去試左朋友以前係大圍讀書, 話日日一放學呢度都好多學生排隊買腸粉,燒賣,魚蛋咁岩果日冇乜人, 坐低食左腸粉, 燒賣, 牛肉球, 豆漿價錢合理, 唔怪得咁多學生放學都會去買腸粉真係好滑, 難怪打正旗號叫坤記腸粉配埋麻醬甜醬食真係十級惹味其他野食都熱辣辣 好有細個街邊篤小食既味道老闆娘亦都好識做生意, 每次買野都會問要唔要埋呢樣果樣每次都忍唔住要埋食到飽曬都係三四十蚊 好滿足!!!!!!!

今日好想食地道小食，去咗大圍行左一陣，見到坤記腸粉，聽就聽得多佢哋嘅腸粉出名，但住大圍甘耐就未試過，今日點都要去！😛點左腸粉$12（6條），豬皮$8一份，咖哩魚旦$8（7粒）真係超平！佢嘅腸粉真係好滑，魚旦又彈牙，豬皮又入味，甘嘅價錢真係良心價，又抵食👍👍👍👍雖然係地道舖頭仔，老闆同老闆娘都有禮貌好落力甘賣佢哋嘅美食，抵贊其實而家幫襯D小店仲好過D大舖頭，仲有人情味！又抵食，又飽肚，下次一定再幫襯！

有日行過見到排哂長龍，即刻忍唔住望下咩事，淨係見到有老有幼有靚仔靚女坐係街邊食住腸粉，比呢個景象吸引住小店舖位好細，但賣好多香港傳統美食，碗仔翅，生菜魚肉，鹹既砵仔糕（百年難得一見）...... 見到有好多自助醬料喺枱面，如果你怕污糟就未必岩你心郁郁就叫左少少野食，費事食太飽食唔落晚飯腸粉 （$12/6條）大腸 （$10）好味道整體黎講食懷舊味道，腸粉幾滑，醬料足，大腸唔臭處理得好好，不過又未到好驚歎既味道，不過勝在夠港味，平民美食 得閒經過可以幫襯下呢間老店呢！

收工肚餓！又未齊腳開餐食份腸粉頂住先.假期成日都排長龍，原來收工時間有咁多人.腸粉$10/4 $12/6 咖喱魚蛋 $8/7腸粉比多$2有多2條，梗係要$12/6條啦！咖喱魚蛋比左原味魚蛋.可能就收檔掛！腸粉唔係熱辣辣，微微溫可能就收檔！魚蛋係7記嗰款，唔係細細粒硬繃繃，食落有啲似魚腐！口感是較淋！腸粉雖然唔夠熱，但都好好食，好滑好Q!叉腸粉嗰下都彈來彈去，好Q彈！醬汁都比好多！可以收檔時間好都食物都賣晒！食物溫度比較！

一直熱愛腸粉既我，聽聞大圍有間老字號既腸粉店，梗係要去試下啦，門口間局各方面都係懷舊 ，價錢都好抵 $10/4條 or $12/6條腸粉好親民價.其實魚旦燒賣都係正常價錢$10/6笠.最特別係醬汁 有種特別油香味.其他店食唔到.但醬汁倒得太少....除左麻醬.其他醬都可以自己倒

食過坤記嘅腸粉, 真係返唔到轉頭。一啲都唔誇張, 坤記嘅腸粉出名超滑, 加埋混醬, 絕對會令你心思思, 難得嘅係咁多年都keep到。不過除咗腸粉, 坤記仲有好多"小食", 炒麵, 炒米粉, 粉果, 豬皮, 蘿蔔, 魚蛋等等, 食吓食吓, 真係小食變正餐。唯胃容量有限, 只叫了腸粉, 燒賣和魚肉翅。魚肉燒賣大大粒, 啖啖肉, 絕不欺場。魚肉碗仔翅, 用料十足, 魚肉肉厚彈牙, 加醋吃一口翅, 頓時感覺滿足。坤記腸粉 (6條) $12魚肉燒賣 (6粒) $8魚肉翅 $20

黎到大圍 👦🏽表示要食好出名既小食店做早餐頂肚 就黎到坤記😋 鋪仔細細 食物選擇有成10樣咁多 全部都係經典嘅港式小食 我地叫左燒賣$8/7粒 咖喱魚蛋$8/7粒同 $10/4條腸粉 燒賣未算煙韌有魚味但吾係食麵粉 魚蛋彈牙 可能因為同腸粉醬撈埋一齊 吾係好食到咖喱味 腸粉好薄又滑 吾掛得個個都食 仲排曬隊🤓

早上就要到大圍火車站附近買點東西，天氣冷了，想來一點熱早餐，想起坤記腸粉。大圍住久了，說起腸粉，若然問是無人不曉則太過，但相信問十個人，三四個會知道。多年前曾光顧，但地點所限，我很少來的，說實話，其實沒有很驚喜的。相信來到，大部分人都是這樣配，我則一般不落辣醬，多芝麻，多麻醬。但店員說好，芝麻麻醬是沒有多的。老實說，的確只是一般水準，腸粉交貨，有點米香，來貨可以。但天氣凍，流量太快，放進熱櫃的時間唔夠，唔夠熱就會唔夠滑。然後麻醬有滋潤腸粉用途，所以就一般。從前會掃點豬油或麻油打底，現在都沒有了。甜醬豉油一般貨色。十元四條。魚肉燒賣自然也是交貨，就是粉粉燒賣，還好沒有蒸太久，八元六粒，算有良心了。整體而言，尋常味道，大概大部分腸粉小食都差不多，醬料腸粉都交貨，會有什麼分別？家住樓上來光顧可以，有心前往的話可免。

吃過咁多間腸粉，始終都係最鐘意大圍坤記。腸粉比一般的較細條，吃起來特別柔滑，麻醬都係特別好味，油份夠，比較稀，所以要多落少少先夠，不足之處就係無得自己落芝麻，其實放幾支係檯面等客人自己落會好好多，因為姐姐真係比較收緊，次次話多芝麻都係個少少，而且佢會不停推銷其他食品。🙄個人覺得除了腸粉，其他食物都真係好好好一般，所以我只會鐘情佢嘅腸粉。

不嬲都係個麻醬L，其實都食過坤記好幾次。次次想落多啲麻醬都勁唔情願，今次最差。1.  買完即刻見到大曱甴，但都明白佢哋位置係咁，無辦法2. 佢哋唔會比客自己加醬，落麻醬既時候隻湯殼fing兩下先落，隻殼得返勁少醬3. 食到一半我覺得唔夠，要求再落，個阿姐一手搶碟腸粉走，用支竹籤係咁撩啲腸粉，然後話「咁多麻醬仲唔夠？！」，如是者佢又fing兩下先落4. 我話你覺得夠唔代表我夠，要求落第四次5. 而且佢哋啲魚蛋勁腍，都幾難食大家可以睇下圖片，到底佢啲醬幾稀（其實四次我都仲係覺得未夠），平時我食其他腸粉店，嗌一次多醬就夠

無乜幾何到大圍😝朋友帶路搵食😎招牌腸粉😎$12/6條真係幾滑😇不過麻醬俾得唔多🙄但食落真係唔錯😋金牌碗仔翅😋$18味道唔錯，幾足料😛真係幾好食👍不過無粉絲響𥚃面🙄無左翅既感覺，有啲失色🙈自製鮮豆漿😏$6/杯普普通通，味道偏甜😬

由細到大，呢家店都一直係到。中學時lunch就成日過黎食炒麵腸粉，又平又好食，直到今時今日，當所有野都不停加價，呢間店都仲係保持到，無乜點加，又平又抵食！不過呢到環境就有改善左，換左枱，椅子，但位就差唔多，始終位置有限。我一般都係外賣拎走。街坊生意，要多d支持！

喺大圍住咗十幾年，幫襯過坤記唔少次。食物雖然不是特別好吃，環境亦很平民化，但勝在選擇多，價錢平，停車亦方便，所以常常幫襯。但最近呢兩年，成日買到啲腸粉都係凍嘅，真的令人失望！其實剪腸粉嗰阿姐，一攞起啲腸粉就應該知道客人冇可能會接受腸粉嘅溫度，但佢真係睬你都傻，照剪可也！ 今日又再食了一次坤記特色”凍” 嘅豬腸粉，相信以後唔會再幫襯了！其實坤記生意幾好，價錢又實惠，只要用心將食物做好，淨係做街坊生意都夠做。香港個人經營小店越來越少，我也希望不要有天全部變成大集團連鎖店！

今天和堂妹約好去探公公，公公住係大圍近火車站，等左一陣見到堂妹行過來，她一見我就說知不知道附近有間坤記腸粉好好食，我當然知啦！我咁仲意食嘢。佢叫我帶她去吃，但是我不太肚餓，所以只有陪她佢吃，去到見到很多人正在排隊中，嗯！每次都是很多人的，我只有座在椅上等她買腸粉，她買回來時見到只有咖哩魚旦$8、燒買$8、白蘿蔔$6。覺得奇怪就問她你不是吃腸粉咩，她說:見到前面的人買魚旦和燒買好似好好味，所以就買來試下，反正你吃過腸粉就不如一齊試下這三款得唔得，我多數吃腸粉，記憶中好像是未吃過直得試下。好啦～就試一試，魚旦都爽口但咖哩味就欠奉，沒有咖哩椰香和辣味，蘿蔔都煮得夠腍無苦味，如果吃慣重口味道既人就唔太適合，燒買都幾好食，總之一句話，都是腸粉合我味道多些，因腸粉落齊所有醬料必食，我都是叫堂妹下次再來吃腸粉，不要再跟人買啦！😛😛